ވިޔަފާރި / ހޯރަފުށި އެއާޕޯޓު

ހޯރަފުށީ އެއާޕޯޓުގެ ރަންވޭއަށް ވެލި އަރައި ދަތުރުތައް ކެންސަލްކޮށްފި

ވެލި އެެރީ ރޭ ފަތިހު ޖެހުނު ކޮޅިގަނޑެއްގައި. މި އަހަރު ކުރީކޮޅު ވެސް ރަންވޭއަށް ރާޅު އަރައި ގެއްލުންވެގެން ދަތުރުތައް ހުއްޓާލަން ޖެހުނު

މޫސުން ގޯސްވެ ހޯރަފުށީ އެއާޕޯޓުގެ ރަންވޭއަށް ވެލި އަރާފައި.-- ފޮޓޯ: މިހާރު

އިދުހާމް ނައީމް، މިހާރު

25 ޖުލައި 2021 - 12:47

46 comments

މި އަހަރުގެ ކުރީކޮޅު އާދަޔާ ހިލާފަށް މޫސުން ގޯސްވުމުގެ ސަބަބުން ރާޅާ އެކު ގަލާއި ވެލި އަރައި ދަތުރުތައް ހުއްޓާލަން ޖެހުނު ހޯރަފުށީ އެއާޕޯޓަށް ރޭ ފަތިހު ގަދަ ވަޔާ އެކު އަނެއްކާވެސް ވެލި އެރުމުގެ ސަބަބުން މިއަދު ދަތުރުތައް ކެންސަލްކޮށްފި އެވެ.

މޯލްޑިވިއަންގެ ފްލައިޓުން މާލެ އިން ހޯރަފުއްޓަށް މިއަދު ތާވަލުކޮށްފައިވާ ދަތުރުތައް ކެންސަލްކޮށް މާދަމާ އަށް ތާވަލް ކޮށްފައިވާކަން "މިހާރު" އަށް ވަނީ ކަށަވަރުވެފަ އެވެ.

ނަމަވެސް ރީޖަނަލް އެއާޕޯޓްސްގެ މެނޭޖިން ޑިރެކްޓަރު މުހައްމަދު ރިޒްވީ ވިދާޅުވީ ދަތުރުތައް ކެންސަލްކުރީ ނޫން ކަމަށާއި ރަންވޭ އަށް ވެލި އެޅުމުން ދަތުރުތައް "ޑިލޭވީ" ކަމަށެވެ.

މޫސުން ގޯސްވެ ހޯރަފުށީ އެއާޕޯޓުގެ ރަންވޭއަށް ވެލި އަރާފައި.-- ފޮޓޯ: މިހާރު

ރިޒްވީ ވިދާޅުވީ މިހާރު ރަންވޭ ސާފުކޮށްފައިވާ ކަމަށެވެ.

މިއަދުގެ ހެނދުގެ ފްލައިޓުން މާލޭން ހޯރަފުއްޓަށް ދަތުރުކުރަން އޮތް މީހަކު ބުނި ގޮތުގައި، ދަތުރުތައް ކެންސަލްކުރިކަން އެންގީ ހެނދުނު އެއާޕޯޓަށް ގޮސް ޗެކިން ވެސް ނިންމި ފަހުންނެވެ. އޭނާ ބުނީ، އަލުން ދަތުރުކުރާނެ ވަގުތެއް އަންގާނެ ކަމަށް ބުންޏަސް ރަސްމީކޮށް އަދިވެސް އެއްވެސް އެއްޗެއް ނާންގާ ކަމަށެވެ.

"އެއާޕޯޓަށް ގުޅުމުން މާދަމާ ހެނދުނު 7:30 އަށް ދަތުރު ރީޝެޑިއުލް ކޮށްފައިވާ ކަމަށް ބުނި. އެކަމަކު މޯލްޑިވިއަންއަކުން އަދިވެސް ވަކި ގޮތަކަށް ނާންގާ،" އޭނާ ބުންޏެވެ.

މި ދުވަސްވަރު މާލޭން ރަށްރަށަށް ދަތުރުކުރެވެނީ ކޮވިޑް ވެކްސިން ފުރިހަމަކޮށް އަދި ދަތުރަށް ފަށާއިރު 72 ގަޑިއިރު ނުވާ ޕީސީއާރް ޓެސްޓެއް އޮވެގެން ކަމަށް ވާއިރު، މިއަދު ދަތުރުކުރަން ތިބި ބައެއް މީހުންގެ ޕީއީއާރް ޓެސްޓުގެ ވަގުތު ވެސް ހަމަވެ އެކަމުގެ ޝަކުވާ ވެސް ވަނީ ބޮޑުވެފަ އެވެ.

Hoarafushee runway mihaaru heevanee moodhehhen!

The most trusted news source in the Maldives

Mihaaru

ހޯރަފުށީ ފަޅު ހިއްކައިގެން އެއާޕޯޓް ހަދާފައިވާ ތަނުގައި ރުއްގަސް ވަރަށް މަދެވެ. އަދި ރަންވޭ ސަރަހައްދުގައި ވިނަ ވެސް ނެތުމުން ރަންވޭމައްޗަށް ވަރަށް ފަސޭހައިން ވެލި އަރަ އެވެ.

ރަންވޭ އަށް ވެލި އެރީ ރޭ ފަތިހު ރާއްޖޭގެ އުތުރަށް ޖެހުނު ކޮޅިގަނޑުގަ އެވެ. އެއީ ހުޅަނގު މޫސުމުގެ އާދައިގެ ކޮޅިގަނޑެކެވެ.

މި އަހަރުގެ ކުރީކޮޅު ރާއްޖެ އަށް ކުރި ވިއްސާރައިގައި ވެސް ހޯރަފުށީ އެއާޕޯޓުގެ ރަންވޭ އަށް ރާޅާ އެކު ވެލި އަރައި އެއާޕޯޓަށް ގެއްލުންވުމުން އެތައް ދުވަހަކަށް ދަތުރުތައް މެދުކަނޑާލަން ޖެހުނެވެ. އެމްޓީސީސީން ތިންލައްކައެއްހާ ރުފިޔާ ހަރަދުކޮށްގެން ކުރި މަރާމާތަށް ފަހު އަލުން ދަތުރުތައް ފެށީ މިދިޔަ މަހުގެ ތެރޭގަ އެވެ.

މި ސަރުކާރުން ހެދި ފުރަތަމަ އެއާޕޯޓު ނޮވެމްބަރު 19، 2020 ގައި ރައީސް އިބްރާހިމް މުހައްމަދު ސޯލިހު ރަސްމީކޮށް ހުޅުއްވައި ދެއްވާފައިވާއިރު އެ ތަނަށް 198 މިލިއަން ރުފިޔާ ހަރަދު ކޮށްފައި ވެ އެވެ. އެމްޓީސީސީއާ ހަވާލު ކޮށްގެން ހެދި ހޯރަފުށީ އެއާޕޯޓުގައި 1،200 މީޓަރުގެ ރަންވޭއަކާއި 8،635 އަކަމީޓަރުގެ އޭޕްރަންއަކާއި ޓެކްސީވޭއެއް ވަނީ ތަރައްގީކޮށްފަ އެވެ. އަދި ޓާމިނަލް ކުރިމަތީގެ މަގުތައް ތަރައްގީ ކުރުމާއި 9،473 އަކަމީޓަރުގެ ޕާކިން އޭރިއާއަކާއި 1،718 އަކަމީޓަރުގެ ފަޔާ އެކްސެސް މަގެއްގެ އިތުރުން 720 މީޓަރުގެ އެއާޕޯޓް ސެކިއުރިޓީ އަދި ބީޗް ފެންސެއް ވަނީ ހަދައިފަ އެވެ.

ހޯރަފުށީ އެއާޕޯޓު ހަދަން ސަރުކަރާއެކު ވި އެއްބަސްވުމުގެ މުއްދަތު އަދި ހަމަނުވާތީ އެ އެއާޕޯޓުގެ މަރާމާތުގެ މަސައްކަތްތައް އަދި ކުރާނީ އެމްޓީސީސީންނެވެ.

ސަރަހައްދީ އެއާޕޯޓްތައް ހޯރަފުށި އެއާޕޯޓު މޫސުން ހއ. ހޯރަފުށި މުހައްމަދު ރިޒްވީ، އެމްޑީ/ރީޖަނަލް އެއާޕޯޓްސް

46 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޯޑޫ

26 July 2021

މާފަރު އެއާރފޯޓަށް ވެސް ވެލާއަރާ ފަސްއަޅާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު33

26 July 2021

ހޯރަފުށީ ސަލީމުގެ ކުންފުނިން ސަރވޭކޮށް އަޅާފަ އޮތް އެއަރޕޯޓު. ކިހާ ތާހިރު. މި މީހުން މަޖިލިސް ތެރޭގަ ތިބެގެން މި ކުރަނީ މިކަންތައް. ތިމާ މެންގެ ޖީބު ފުރާލެވޭތޯ މި ބަލަނީ. ރައްޔިތުންނަށް ލިބޭ އެތި ތިޔަ ފެންނަނީ. އެއަރޕޯޓެއް ވެއްޖިއްޔާ ރާޅު ނުވަތަ ވެލި ނުވަތަ ވެލާ އަރާފަ. ސާބަހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލީ

26 July 2021

މެމްބަރުގެ ކުންފުނިންނޯ އީޕީއޭ ހެދީ. ކިހާ ތާހިރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްޕަޅިންދޯ

25 July 2021

މީ ރާއްޖޭގައި ހަދާ ކޮޕީ ޕޭސްޓް އީއައިއޭ ގެ ސަބަބުން ދިވެހި އިގްތިސާދަށް ވާ ގެއްލުން ފަޅު ތައް ހިއްކައިގެން އެއާރޕޯރޓް ހަދަން ޖެހޭ ގޮތް ވެސް ހުރެއޭ އެގޮތަކީ މޫދުގެ ލޮނުގަނޑަށް ވުރެން 6 މީޓަރު އުސްމިނަށޭ ރަންވޭ ހަދަން ޖެހޭނީ އެގޮތަށް ނަަހަދާ އަމާބުނީތީ ފަރަށްދާ އުސޫލުން ރައީސް އިބޫގެ ވެރިކަމުގައި ހެދި ކައްޕަޅި އެއާރޕޯރޓް މިއޮތީ ރަންވޭ އޮޅާލާފައޭ މެކުނު ފުމުނަސް ގާހަކަ އަށް ނުފުމެވޭނެއޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްލެ33

26 July 2021

ތިޔަ އީ މެންބަރުގެ ކުންފުނިން ހެދި އެއްޗެއްނު. މުދު ތެރޭންވެސް އީއައިއޭ އެއް ހަދަން ވީ. އޭރުން އަނެއްކާވެސް ފައިސާ ކޮޅެއް ލިބޭނެ އެއްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހްސަން

25 July 2021

ތިޔަ އެއާރޕޯޓްގެ ތިވޭނުން ދުވަހަކު މިންޖުނުވާނެ ތިޔަކަންކަން ކަމުނުދާނެކަމަށް ރީޖަނަލް އެއާރޕޯޓްގެ ކުރީގެ ވެރީން ހިންހަމަނުޖެހުން ފާޅުކުރުމުން ސިޔާސީ ކުރީ އެކަންތަށް އަލުންހިއްކަިގެން ތިޔަށްވުރެން ދެގުނަފުޅާކޮށް އަދި އެއްމީޓަރ އުސްކޮށްގެން ނޫންގޮތަކަށް ނުވާނެ ހައްލެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިސްބޮންގޮންގު

25 July 2021

ކޮންމެ ދެރަށް ދޭތެރޭގަވެސް އެއާޕޯޓު އަޅަން ގަދައަށްޖައްސާ އަދި ރައްޔިތުންގެ ބޮލުގަ ބޮޑެތި ލޯނުއަޅުވާފަ ތިކަހަލަ ފެންވަރު ދަަށް ތަންތަން އަވަސް އަރުވާލާފަ ވޯޓަކާ ދިމާކޮށް ހުޅުވޭތޯ ބަލާ! ކުރަފި ސިނކުޑީގެ އަހުލުވެރިން ބާރަށް ކުރިއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލަމަތިން

25 July 2021

މޯލްޑިވިއަން އަކީތީ ކަސްޓަމަރުންނަށް އެއްވެސް ހިދުމަތެއްދޭތަނެއް ނޫން ޓިކެޓް ވިއްކެނިކޮށް އެމީހުންގެ ޒިންމާ އެނިމުނީ ދެން މޯލްޑިވިއަނުން ބޭނުންވީމަ ފްލައިޓްތައް ޑިލޭކޮށް ފްލައިޓް ކެންސަލްކޮށް ބޭނުން ކަމެއް ބޭނުންގޮތަކަށް ކުރާނެ ކަސްޓަމަށް ވެދާނެ ގެއްލުމަކަށް ވެދާނެ އުނދަގުލަށް އެއްވެސް ބެލުމެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްކުވެސް.

26 July 2021

ހިގާބަލަ ޓޮޕިކަށް ހުޅުވާލަން ކުލަބު ހައުސްގައި. އޭރުން ޤާނޫނީ ލަފާވެސް ހިލޭ ލިބިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

25 July 2021

ގަދަބަސް ބުނެ ބޭނުން ގޮތަކަށް ކަންތައް ކުރެވިދާނެކަން ދައްކަން ކުރާ ކަންތަކުން ތަކުލީފެއް ނޫނީ ނުލިބޭނެ. ކޮބާ މިއަދު ދަތުރު ކުރަން ޕްލޭން ކުރި މީހުންނަށް ލިބުނު ގެއްލުން. އިޚްލާޞްތެރި ކަމާއި އެކު ކަންތައް ކުރުމަކީ އެކަމުގެ ފައިދާ އެތައް ބަޔަކަށް ލިބިގެން ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑޭ

25 July 2021

އިހަވަންދޫ ބިންހިންކުމަށް ވުރެ ރަގަޅުވާނެ ހުވަހަންދޫއަށް އިހަވަންދޫ މީހުން ބަދަލު ކުރިޔަސް. ބޭކާރު ކަމެއް ބިންހިންކުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 July 2021

ޤައުމީ އެއަރލައިން މޯލްޑވިއަންއޮތީ ބަޤުރޫޓްވެ އޮޕަރޭޝަންހުއްޓި ފްލައިޓްތައް ގުރައުންޑް ކުރާންޖެހިދާނެފަދަ ހާލަތެއްގައި. # ސިޔާސީގޮތުން ސަރުކާރުތެރޭގައިތިބި ވަކިބައެއްގެ މަސްލަހަތަށްޓަކާ 2000 މީހުންވެސް ހަމަނުވާ ކުދިކުދި އާބާދީތަކަށް އަމާޒުކޮށް އެތައްމިލިޔަން ރުފިޔާގެ އެއަރޕޯޓް ހެދުމުގެ ބަދަލުގައި މޯލްޑިވިއަން އިދަޖެހުމުގެ ކުރިން ކުންފުނީގެ ބޯޑާއި މެނޭޖްމަންޓް ބަދަލުކޮށް ކުންފުނީގެހިންގުން ހަރުދަނާކުރަން ސަރުކާރުން އިސްކަންދެއްވަންވީ ނޫންތޯ.