މިއަދު ނޫސްވެރިންނާ ބައްދަލުކުރައްވައި މޭޔަރު ޑރ މުހައްމަދު މުއިއްޒު ވާހަކަ ދައްކަވަނީ. ޕާކިން ސްލޮޓުތައް ގަރާޖުގެ ގޮތުގަ ދޫކުރަން ނިންމާފައިވާ ކަމަށް މުއިއްޒު ވިދާޅުވި --- ފޮޓޯ: އަހުމަދު އަވްޝަން/މިހާރު
16 އޯގަސްޓް 2021 - 15:57
20 comments
މާލެ ސިޓީ ކައުންސިލުން ވެހިކަލްތަކަށް ކުއްޔަށް ދޫކުރާ ޕާކިން ސްލޮޓުތައް ގަރާޖުގެ ގޮތުގައި ރަޖިސްޓްރީކޮށްގެން ބޭނުންކުރެވޭ ގޮތް ހަދަން ނިންމައިފި އެވެ.
މާލޭގެ މޭޔަރު ޑރ. މުހައްމަދު މުއިއްޒު މިއަދު ނޫސްވެރިންނާ ބައްދަލުކުރައްވައި ވިދާޅުވީ މިހާރު ހުސްކޮށް ހުރި ސްލޮޓްތަކާއި އަލަށް ހަދާ ސްލޮޓްތައް ވެހިކަލްތަކަށް ދޫކުރަން ކައުންސިލުން ނިންމާފައިވާ ކަމަށާއި ކައުންސިލާ އެކު އެއްބަސްވުމެއް ހަދައި ޕާކިން ސްލޮޓް ގަރާޖެއްގެ ގޮތުގައި ރަޖިސްޓްރީ ކުރެވޭނެ ކަމަށެވެ.
ކައުންސިލުން ދޫކުރާ ޕާކިން ސްލޮޓުތައް ގަރާޖުގެ ގޮތުގައި ކުއްޔަށް ދޫކުރާނީ 25،000ރ. ދެއްކުމަށް ފަހު މަހަކު 1،500ރ. ދައްކާ ގޮތަށެވެ.
މުއިއްޒު ވިދާޅުވި ގޮތުގައި ގަރާޖު ހުރި ގޭބިސީތަކުން އަގު ބޮޑުކޮށް ކުއްޔަށް ދޫކުރާ ސްލޮޓްތަކަކީ ދާއިމީ ސްލޮޓްތަކެއް ނޫން ކަމަށެވެ. އެ ގަރާޖުތައް ގިނަ ފަހަރަށް ބޭނުންކުރެވެނީ އެހެން ބޭނުންތަކަށް ކަމަށެވެ. ނަމަވެސް ސިޓީ ކައުންސިލުން ދޫކުރާ ސްލޮޓްތައް ދާއިމީ ވާނެ ކަމަށާއި އަބަދުވެސް އެ ސްލޮޓްތައް އޮންނާނެ ކަމަށް ވިދާޅުވި އެވެ.
ކައުންސިލުން ކުރަންޖެހޭ މަސައްކަތްތައް ކުރުމަށްޓަކައި ސްލޮޓްތައް ބަދަލުކުރަން ޖެހުނަސް، ކައުންސިލާ އެކު އެއްބަސްވުން ހަދާފައިވާ ނަމަ ސްލޮޓްތައް ނުގެއްލޭނެ ކަމުގެ ޔަގީންކަން ވެސް މުއިއްޒު ދެއްވި އެވެ.
"އެއީ މުސްތަގުބަލުގައި ހަދާ ޕާކިން އިމާރާތަކުން ކަމުގައި ވިޔަސް ނޫނީ އެހެން ގޮތަކުން ވިޔަސް ލޮކޭޝަން ބަދަލުކުރަން ވިއްޔާ އެކަން ކޮށްދޭނަން،" މުއިއްޒު ވިދާޅުވި އެވެ.
ސިޓީ ކައުންސިލުން ބުނީ ގަރާޖް ސްޕޭސްތަކުގެ ގޮތުގައި ބޭނުންކުރަން ނިންމާފައިވާނީ އެކި ޕާކިން ޒޯން ތަކާއި 20 ފޫޓު ފުޅާ މަގުތަކުންނާއި އަމީނީމަގުގެ ދެކުނަށް ހުރި، ޖާގަ ތަނަވަސް ތަންތަން ކަމަށެވެ.
ސިޓީ ކައުންސިލުން މި އުސޫލަށް އަމަލުކުރަން ފެށުމާ އެކު މާލޭގެ މަގުތަކަށް ދިމާވެފައިވާ ޕާކިން މައްސަލަތަކަށް ހައްލެއް ލިބި ގަރާޖު ނެތް ވެހިކަލްތައް މަދުވާނެ ކަމަށް ކައުންސިލުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުއިޒް
17 August 2021
މަގުމަތިން ޕާކިންވިއްކިގެން ނުވާނެ އަތުގައި ފައިސާކޮޅެއްހުރިމީހުންނަށް މޮޅުގޮތް ތިހަދަނީ މިހާރުވެސް ތިވިއްކާ ތަންތަނުގައި ގިނައީ ވިޔަފާރިވެރިންގެ ކާރު ޓެކްސީ ބޮޑު އަގުދީގެން ޕާކުކުރާނެވަރުގެ އާމްދަނީއެއް ލިބޭތޯ ދައުލަތުން ބުނާއަގެއްގައި ދުއްވާއިރު ތިންލައްކައެއްހާ ރުފިޔާޚަރަދުކޮށް ގަންނަކާރު ބާވާއިރުވެސް ކާރެއްގަނެވޭވަރުނުވޭ ދައުލަތަށް 0ޑިއުޓީ ދައްކައި ބޯޑުވެސްގަނެ ސަރުކާރުންދޭ އެއްވެސް ލުޔެއް ނެތް
ގަމާރު
17 August 2021
ކޮންގައުމެއްގައިތޯ ޓެކްސީ އަގުހެވީ މިތާކައިރި ލަންކާ އިންޑިޔާގައިވެސް ޕަބްލިކް ޓުރާންސްޕޯޓް ބަސްތަކުގައި 3ރުޕީސް ބާކުރޮޅިޔެއްގައި ކިތަންމެކައިރިޔަށް ވެސް 50 ރުޕީސް އަދި ކާރެއްގައި އެއަށްވުރެ އަގުބޮޑު މިތަނުގައި ދިހަފޫޓްގެ ކޮޓަރިޔެއް 12000ރ ދިނަސްއޯކޭ އަދި ދައުލަތުން ކުންފުނިހަދައި ފެނާއި ކަރަންޓުން އެތައްސަތޭކަމިލިޔަން ސާފްފައިދާ ނަގާއިރު އެވާހަކަނުދައްކައި ނިކަމެތިޓެކްސީ ދުއްވާމީހާގެ ވާހަކަތިގޮވަނީ
މަޒް
17 August 2021
އޮޅުވާލައިގެން މުއިއްޒު ލާރިނަގަން ޖަހާ މަޅިއެއްތީ.. ސްލޮޓްތައް ހުރި ތަންތަން އެހެން ބޭނުމެއް ކުރަންށޭ ކިޔާފައި ދެން ދައްކާނީ ކޮންމެވެސް އެހެން ރަށަކުން ސްލޮޓެއް ބޭނުންކުރާށޭ ކިޔާފައި
ދޮގު މުއިޒު
16 August 2021
މިއަދުގެ ސަރުކާރުން ޕާކުކުރަން ފަސޭހަ ގޮތަށް ޕާކީން ޒޯންތަށް ހަދައިދޭތީ ހަޖަމު ނުވެގެން ކުރަން އުޅޭކަމެއްމީ. މީގެ ސަބަބުން މަގުތަށް ބުލޮކުވާނީ، މިސަރުކާރުން ވަރަށް ރަގަޅަށް ޕާކިންގެ މައްސަލަތައް ހައްލުކުރަމުން ދަނިކޮށް ފަނިކޮށްލަން މުއިޒު އެ އުޅެނީ
ާބާބާ
16 August 2021
ތިޔަ މަހު ކުލި ބޮޑެއް ނޫންތަ؟25000 ރުފިޔާ އިތުރަށް ނަގައިގެން. ބޮޑުވަރުތީ. ފެލަނީ ހަމަ.
ސިކުނޑި
16 August 2021
އޭރުންނޯ؟ ޕާކިންއަށް އެދެވެނީ ވެހިކަލެއް އޮވެގެން! އަނެއްކާ ވެހިކަލްއެއް ރަޖިސްޓްރީ ކުރަންވެސް ޕާރކިންއެއް؟
ވިޔަފާރު
16 August 2021
ތިޔަ ސްލޮޓްތަކުން ވިޔަފާރު ނުކުރާނެބާ؟
ވަގު ގަރާޖު
16 August 2021
ވަގު ގަރާޖުތަކުގައި ވެހިކަލްތައް ޖައްސަން ސިޓީދީފަ ތިބި މީހުންނަށް ވަނީ ކޮންކަމެއްތޯ؟
ހައްލުވާނެއޭ
16 August 2021
މާލޭގައި މުސްތަގްބަލް ގައި ޕާރކް ކުރުމަށް ޓަކައި ހަދާ ބިލްޑިންގްސް ތައް އެބަޖެހޭ 150 ބުރިއަށް ނަގަން އެގޮތުން ބަލާއިރު ގަލޮޅު ދަނޑު އަދި މާފަންނު ސްޓޭޑިއަމް މިކަމަށް ނަގާ އަދި އެ ދެ ތަން ހުޅުމާލޭ ދޭއްގެ އިރުން އޮތް ބޮޑު ފަޅު ހިއްކާ އެތަނަށް ބަދަލު ކުރަންވީއޭ އެއިރުން ތިއިން ކޮންމެ އިމާރާތެއްގައި 1500 ކާރު އަދި 50 ހާސް ސައިކަލް ޕާރކް ކުރެވޭނެއޭ އަދި ސަލްޓަން ޕާރކް ވެސް 2500 ބުރިއަށް ނަގަންވީއޭ ޕާރކިންގް ފްލޯރސް ތައް ހަދަން އެއިރުން މިކަން
ހަސަނު
16 August 2021
ދާއިމީކޮށް ދޫކުރާ ގަރާޖަކަށް -/25000ރ މާކުޑަ. މަދުވެގެން -/75000ރ ނަގަންޖެހޭނެ. އަދި މަހަކު -/2500ރ ދައްކާ ގޮތަށް ރަނގަނޅު. މާލޭގައި ކާރުގައި އުޅެނީ މުއްސަސިން. މާލެއަކީ މުޅި ދުނިޔޭންވެސް އެންމެ އަގުބޮޑުކޮށް އެއްގަމު ދަތުރުފަތުރުގެ ހިދުމަތްދޭ ގައުމު. ކުޑަ ޕިކަޕް ދަތުރެއް -/50ރ އަށް ކާރު ދަތުރެއް -/25ރ ހެދީ ޕެޓްރޯލް ލީޓރެއް 19/80ރ އަށް މައްޗަށް ދިއުމުން ހަޅުތާޅުކޮށްގެން. އެކަމަކުޕެޓްރޯލް ލީޓރެއް -/5ރ އަށް ތިރިވި އިރުވެސް ދަތުރުތަކުގެ އަގު ހުވެއްނުވޭ. އެހެންވީމާ ޕަބްލިކް ޓްނރާންސްޕޯޓަށް ބޭނުުން ކުރާ އުޅަދުތަކަށް މަދުވެގެން -/250000ރ ނަގަންޖެހޭނެ. އަދި މަހަކު -/2500ރ ދައްކާ ގޮތަށް.
ސަރުދާރުު
17 August 2021
ބޭފުޅާއަށް އަދި ތި ގިނަ ގައުމުތަކަށް ދަތުރު ނުކުރެވެނީ.
ދޮހޮއްކޮބެެ
17 August 2021
އިންޑިޔާ ތަންތަނުގަވެސް ނިސްބަތުން އަގުބޮޑު ޓެކްސީގެ . ރާއްޖޭގައި ޓެކްސީތަކުގެކޮންޑިޝަން މާ ރަނގަޅު، އިންޑިޔާ ލަންކާގައި އޭސީ ޓެކްސީ އެރުމަކީ ވަރަށް ނާދިރު ކަމެއް