މާލެ ސަރަހައްދު ގުޅާލުމަށް 6.7 ކިލޯމީޓަރުގެ ބްރިޖެއް އަޅާނެ. މި މަޝްރޫއަކީ 500 މިލިއަން ޑޮލަރު (7.7 ބިލިއަން ރުފިޔާ).
ވިލިމާލެ ބްރިޖް އެއްބަސްވުމުގައި ސޮއި ކުރެއްވުމަށްފަހު ޕްލޭނިން މިނިސްޓްރީގެ ޕާމަނަންޓް ސެކްޓްރީ ޒީނިޔާ އަހުމަދު ހަމީދު (ވ) އާއި އެފްކޮން އިންފްރާސްޓްރަކްޗާގެ ޑިރެކްޓަރު އާރު އަންތަ ކުމާރު އެއްބަސްވުން ބަދަލުކުރައްވަނީ-- ފޮޓޯ: ޕްލޭނިން މިނިސްޓްރީ
26 އޯގަސްޓް 2021 - 12:27
57 comments
މާލެ އާއި ވިލިމާލެ އަދި ތިލަފުށި ގުޅުވާލާ ބްރިޖުގެ މަސައްކަތް ފެށުމަށް އިންޑިއާގެ އެފްކޮންސް އިންފްރާސްޓްރަކްޗާ ކުންފުންޏާ އެކު އެއްބަސްވުމެއްގައި މިއަދު ސޮއިކޮށްފި އެވެ.
ހޮޓެލް ޖެންގައި ބޭއްވި ރަސްމިއްޔާތުގައި މި އެއްބަސްވުމުގައި ޕްލޭނިން މިނިސްޓްރީގެ ފަރާތުން ސޮއި ކުރެއްވީ އެ މިނިސްޓްރީގެ ޕާމަނަންޓް ސެކްރެޓަރީ ޒީނިޔާ އަހުމަދު ހަމީދެވެ. އަދި އެފްކޮން އިންފްރާސްޓްރަކްޗާގެ ފަރާތުން ސޮއި ކުރެއްވީ އެ ކުންފުނީގެ ޑިރެކްޓަރު އާރު އަންތަ ކުމާރެވެ.
މި ރަސްމިއްޔާތުގައި ފިނޭންސް މިނިސްޓަރު އިބްރާހިމް އަމީރާއި އިކޮނޮމިކް މިނިސްތަރު ފައްޔާޒު އިސްމާއިލާއި ޕްލޭނިން މިނިސްޓަރު މުހަންމަދު އަސްލަމާއި ޓްރާންސްޕޯޓް މިނިސްޓަރު އައިޝަތު ނަހުލާ އަދި އިންޑިއާއިން ރާއްޖެ އަށް ކަނޑައަޅުއްވާފައި ހުންނަވާ ސަފީރު ސަންޖޭ ސުދީރު ބައިވެރިވެވަޑައިގެންނެވި އެވެ.
ދިވެހި ސަރުކާރާއި އެފްކޮން އިންފްރާސްޓްރަކްޗާއާ ދެމެދު ވި އެއްބަސްވުމުގެ ދަށުން ގްރޭޓާ މާލެ ސަރަހައްދު ގުޅާލުމަށް 6.7 ކިލޯމީޓަރުގެ ބްރިޖެއް އަޅާނެ އެވެ. މި މަޝްރޫއަކީ 500 މިލިއަން ޑޮލަރު (7.7 ބިލިއަން ރުފިޔާ)ގެ މަޝްރޫއެކެވެ.
މި މަޝްރޫއަށް ބޭނުންވާ މާލީ އެހީ ހަމަޖައްސާފައި ވަނީ އިންޑިއާގެ ހިލޭ އެހީގެ ދަށުންނާއި އެ ގައުމުގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުންންނެވެ. އެގޮތުން، ލައިން އޮފް ކްރެޑިޓްގެ ދަށުން 400 މިލިއަން ޑޮލަރު ހޭދަ ކުރާއިރު އިންޑިއާ ސަރުކާރުން ހިލޭ އެހީގެ ގޮތުގައި 100 މިލިއަން ޑޮލަރު ދޭނެ އެވެ.
ރާއްޖޭގައި ހުންނަވާ އިންޑިއާގެ ސަފީރު ސަންޖޭ ސުދީރު، މިއަދުގެ ރަސްމިއްޔާތުގައި ވާހަކަ ދައްކަވަނީ.---ފޮޓޯ: އަހުމަދު އަވްޝަން/މިހާރު
އިންޑިއާއިން ރާއްޖެ އަށް ކަނޑައަޅުއްވާފައި ހުންނަވާ ސަފީރު ސަންޖޭ ސުދީރު ވިދާޅުވީ އެންމެ ފުރަތަމަ ލައިން އޮފް ކްރެޑިޓް ދޭން އެއްބަސްވި އިރު ބްރިޖުގެ މަޝްރޫއު ނުހިމެނޭ ކަމަށެވެ. ނަމަވެސް ޕްރޮޖެކްޓުގެ މުހިންމު ކަމަށް ބަލައި އެ މަޝްރޫއު ހިމެނީ ކަމަށް އޭނާ ވިދާޅުވި އެވެ.
މާލެ އާއި ވިލިމާލެ އާ ދެމެދު އަޅާ ބްރިޖުގެ ކޮމްޕޯނަންޓްގެ މަސައްކަތް ދެ އަހަރު ދުވަހުގެ ތެރޭގައި ނިންމާލެވޭނެ ކަމަށް ވަނީ ލަފާކޮށްފަ އެވެ. މި މަސައްކަތް ކުރިއަށް ގެންދިއުމަށް ދާއިރާގެ ތަޖުރިބާކާރުންނާއި ދާއިރާގެ އެންމެ ކުރިއަރާފައިވާ ކޮންސަލްޓެންޓުންނާއި ޑިޒައިނަރުންނާ މަޝްވަރާކޮށްފައިވާ ކަމަށް އެފްކޮން ކުންފުނިން ބުނެ އެވެ.
ވިލިމާލެ ބްރިޖް އެއްބަސްވުމުގައި ސޮއިކުރުމަށް މިއަދު ބޭއްވި ރަސްމިއްޔާތުގެ ތެރެއިން.---ފޮޓޯ: އަހުމަދު އަވްޝަން/މިހާރު
އެފްކޮން ކުންފުންޏަކީ ކޮންސްޓްރަކްޝަން ދާއިރާގައި 62 އަހަރުގެ ތަޖުރިބާ ލިބިފައިވާ، ދުނިޔޭގައި ވެސް ފާހަގަ ކޮށްލެވޭ ކުންފުންޏެކެވެ. އެގޮތުން، މެރިން އަދި ބަނދަރު ފެސިލިޓީތަކާ ގުޅޭ މަސައްކަތްތަކުގައި ދުނިޔެ އިން ހަތް ވަނަ އަދި ބްރިޖުގެ މަސައްކަތްތައް ކުރިއަށް ގެންދިއުމުގައި 13 ވަނައިގަ އެ ކުންފުނި ހިމެނެ އެވެ. އައްޑޫގެ މަގުތައް ޒަމާނީ ފެންވަރަކަށް ހެދުމާއި ބިން ހިއްކުމުގެ މަޝްރޫއު ވެސް ހަވާލުކުރީ ވެސް އެ ކުންފުންޏާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެއްކުރެވޭނެއޭ
27 August 2021
ސަރުކާރުގެ ޕްލޭންސް ތައް ކުރަހަންވީ ވަރަށް ދުރަށް ރާވައިގެން ރާއްޖޭގެ ހުރިހާ ރައްޔިތުންނަށް މާލެ އަތޮޅުން ގޯތި ދީ އަދި އެންމެނަށް ވިޔަފާރި ކުރުމަށް ޓަކައި ވެސް ބިން ދޭ ގޮތަށޭ މިކަން ކުރުމަށް ޓަކައި މާލޭގެ އުތުރު ހުޅަނގު ބިތުގެ ބްރިޖް ދަމާލަންވީ ތިލަފުށި އުތުރުން ފެށިގެން ގޮސް ގާފަރާއި ޖެހެން ދެން ދެން ތިލަފުށި ބިތުގައި ހުރިއްޔާ ހުރިހާ ފަޅު ތައް ހިއްކާ ބްރިޖްގެ ތަނބު ތައް އެފަޅު ތަކަށް ޖަހަމުން ދިއުމުން ނަތީޖާ އަކީ މާލެ އަތޮޅު ބްރިޖް އިން
ޔަމީ
27 August 2021
ބަޖާޖް ޑާބްރަ އާމްލާ އޮއިލް ފެންވަރުގެ ތުރީޑީ ކުރެހުން ހަދައިގެން މިކަހަލަ ބިޔަ މަޝްރޫއެއް ނުހިންގޭނެ. ދެން ތި މަސައްކަތް ނުކުރެވި ލަސް ވަމުން ދާނީ 10 އަހަރުވަންދެން. އޭރުން އެއޮތީ ރާއްޖޭގެ ތަރައްގީ އަނެއްކާވެސް ކެޕްއަޅުވައި ހުއްޓުވިފަ. މިއީ މިވެރިންގެ އަސްލު ބޭނުމަކީ.
ހިންދު
27 August 2021
ބްރިޖް ޕްލެޓްފޯމް ހަދައިގެން އަހަރުން މިތިބީ އަރާ ތިޔަތަން ނިމޭތޯ
އެހެންތޭ
27 August 2021
ބްރިޖް އަޅަން އަގު ހަދާ ސޮއި ކުރި އިރު އެއްވެސް ކޮންސެޕްޓެއް ވެސް ނެތް ސައިޓް ސާރވޭ އެއް ނަހަދާ ދެން ކިހިނެއްތޭ ތިޔާ ބްރިޖް އަޅަން އަގަކަށް އެއްބަސްވެ ސޮއި ކުރީ ތިޔާއީ ބޮޑެތި އޮޅުވާލުމާއި މަކަރާއި ހީލަތޭ އިނގޭތޭ..
ނުވާނެއޭ
27 August 2021
ތިޔާ ބްރިޖް އަޅަން މިސަރުކާރުން ހަވާލުކުރި އިންޑިއާ ކުންފުނިން ހަދާ ބްރިޖް ހަދާތާ 15 އަހަރު ވެއްޖެ ފިގު މިނަކީ 30 މީޓަރު އަދި ވެސް ނުނިމޭ ދެން މިފަދަ ކުންފުންނަކަށް ކިހިނެއްތޭ ޑީޕް ބްލޫސީގައި ބްރިޖް އަޅާނީ ނުވާނެ އެކަމެއް ތިޔާ ބްރިޖެއް ނޭޅޭނެއޭ ތިޔާ ކުންފުންނަކަށް ސަރުކާރަށް ވެސް އަދި އިންޑިއާ ކުންފުންނަށް ވެސް ނޭނގޭ ކިތައް ތަނބު ކަން ސެކްޝަން 1 ގައި އިންނާނީ މިވަރުގެ ބަޔަކަށް ދެން ކިހިނެއްތޭ ތިޔާ ބްރިޖް އެޅޭނީ
ޔަގީނޭ
26 August 2021
ދެން ފެންނާނީވތިޔާ ބްރިޖް އެއީ ގައުމީ ސަލާމަތަށް ނުރައްކަލެއް ކަމަށް ބުނެ އެއްވަސްވުން ސިއްރު ކުރާ ތަނޭ ތިޔާ ބްރިޖެއް ނުއެއް ނިމޭނެއޭ އެއީ ޔަގީން ކަމެކޭ..
ޝަފީރު
26 August 2021
ކިތައް ދުވަހުން ނިންމާނެކަމަށްްbުނާ އެއްބަސްވުމެއްބާ. ޢެވެސް ސިއްރު އެއްޗެއްބާ
ގުދުގުދާބެއްޔާ
26 August 2021
މަމެން މާލޭ މީހުންގެ ދުރުވިސްނުމުގެ ސިޔާސަތުގެ ދަށުން މިސަރަހައްދު ތަރައްޤީކޮއް މީހުންގެނެސް އާބާދީ ބޮޑުކުރަން މަމެން އަބަދުވެސް މަޅި މިޖަހަނީ! ދެން ގުނބޯ ހައްދާފައި ރަށްރަށުގެ މީހުން ގެނެސް މިސަހަރައްދަށް އެޅީމައި މަމެންނަށް ހާދަ ފައިސާއެކޭ މިލިބެނީ! އެސިޔާސަތުގެ ދަށުން މަމެންގެ ޔާމީނު 25 ބުރީގެ ޓަވަރ ހުޅުމާލޭގައި އަޅާފައި މީހުން މިސަރަހައްދައް މިގެންނަނީ! ގަމާރުން އެތިބީ އަތްފޫދަންދެން ބާރަށް އަތްޖަހާލަޖަހާލާ!
1828
27 August 2021
މާލޭ ސަރަޙަދަށް މީހުން ޖަމާވާނޭ ގޮތަށް ސިޔާސަތުތަށް ރާވާ ހިންގީ ޔާމީން އެކަންޏެއް ނޫން. އެއީ މާ ކުރިން ރާވާ، ޕްލޭންކުރެވި އެކިއެކި ވެރިކަމުގައި ތަންފީޒް ކުރެވެމުން އައި މާސްޓަރޕްލޭނެއް. އެކަމަކުގައި އެއްވެސް ސިޔާސީ ޕާޓީއެއް އިސްތިންނާ ވެގެން ނުވޭ.
ބުރިޖު
26 August 2021
ކިތައް އަހަރުން ނިންމާ ތަނެއްބާ ތީ؟..
ނެތީމޭނެތީމޭ
26 August 2021
ތިޔާ ބްރިޖް ނިމޭނީ 2050 ވަނަ އަހަރު އެއިރުން މިއަދު ތިޔާ ސޮއި ކުރި އެއްވަސްވުމަށް ބަދަލު ގެނެސްގެން އޮންނާނީ ތާނގީ ތަކުން ހަދާފައިވާ ބްރިޖެއް ކަމަށް ނުވާނަމަ ރަނގަޅޭ މަމެން ބުނަން ނެތީމޭ...