ޕައިލެޓުންގެ ޝަކުވާތައް އެއްސެވުމަށް ރައީސް މިއަދު ޕައިލެޓުންނާ ބައްދަލު ކުރައްވާ ގޮތަށް ވަނީ ހަމަޖެހިފައި
ޕައިލެޓުން މަތިންދާ ބޯޓުން ފައިބަނީ. މޯލްޑިވިއަންގެ ޕައިލެޓުންގެ އެންމެ ބޮޑު ކަންބޮޑުވުމަކީ ކޮވިޑާ ގުޅިގެން ކުޑަކުރި މުސާރައަށް ބަދަލެއް ނުގެނައުން--ފައިލް ފޮޓޯ
12 ސެޕްޓެމްބަރ 2021 - 11:43
31 comments
މޯލްޑިވިއަންގެ ޕައިލެޓުންގެ މުސާރަ އަންނަ ޖެނުއަރީން ފެށިގެން ކުރިން ހުރި ވަރަށް ބޮޑު ކޮށްދޭނެ ކަމުގެ ޔަގީންކަން އައިލެންޑް އޭވިއޭޝަނުން ދީފައިވާ ކަމަށާއި އެހެންވެ އިޖުތިޖާޖު ހުއްޓާލައިފައިވާ ކަމަށް އެ ކުންފުނީގެ ބައެއް ޕައިލެޓުން ބުނެފި އެވެ. ކޮވިޑާ ގުޅިގެން ކުޑަކުރި މުސާރަ އިއާދަކޮށްނުދީގެން ޕައިލެޓުން ކުރިން ވަނީ މިއަދު ދަތުރުނުކުރަން ނިންމައިފަ އެވެ.
ޕައިލެޓަކު ބުނި ގޮތުގައި އައިލެންޑެ އޭވިއޭޝަންގެ މެނެޖިން ޑިރެކްޓަރު މުހަންމަދު މިހާދު ރޭ ވަނީ ޕައިލެޓުންނާ އަނެއްކާ ވެސް ބައްދަލު ކުރައްވައި އަންނަ މަހުން ފެށިގެން މުސާރަ 80 ޕަސެންޓަށް ބަދަލު ކުރުމަށާއި ޖެނުއަރީން ފެށިގެން ހަމަ މުސާރަ އަށް އިއާދަކޮށްދޭން އެއްބަސްވެ ވަޑައިގެންފަ އެވެ.
ޕައިލެޓުން ވަނީ އެމްޑީގެ ނިންމެވުން ލިޔުމުން ދެއްވަން ވެސް އެދިފަ އެވެ. އަދި މިއަދު 4:00 ޖެހުމާ ހަމައަށް އެކަން ބަލާނެ ކަމަށް "މިހާރު" އާ ވާހަކަދެއްކި ފައިލެޓަކު ބުންޏެވެ. އޭނާ ބުނީ ޕައިލެޓުންގެ ޝަކުވާތަކަށް އަނގަބަހުން ހައްލެއް ލިބުނު ނަމަވެސް، ކުރަން ނިންމާފައިވާ އިހްތިޖާޖު ދެން ކުރިއަށް ގެންދާނެ ގޮތެއް، ރައީސް އިބްރާހިމް މުހަންމަދު ސޯލިހާ އެކު މިއަދު ބާއްވާ ބައްދަލުވުމަށް ފަހު ނިންމާނެ ކަމަށެވެ.
ކޮވިޑްގެ ހާލަތާ ގުޅިގެން މޯލްޑިވިއަންގެ ޕައިލެޓުންގެ މުސާރަތައް 40 ޕަސެންޓަށް ކުޑަކުރި އެވެ. ޕައިލެޓުން ބުނަނީ މި ވަގުތު ދަތުރުތައް އިތުރުވުމުން ކުރީގެ މުސާރަ ދިނުމުގައި އެ ކުންފުންޏަށް ދަތިތަކެއް ކުރިމަތިވާނެ ކަމަށް ގަބޫލުނުކުރާ ކަމަށެވެ.
ރައީސް ޕައިލެޓުންނާ ބައްދަލުކުރައްވަނީ
ރައީސް އިބްރާހިމް މުހައްމަދު ސޯލިހާ ޕައިލެޓުން މިއަދު ބައްދަލުކުރައްވާނެ ކަން ރައީސް އޮފީހުން ވަނީ ޔަގީންކޮށްދީފަ އެވެ.
"މިހާރު" އާ ވާހަކަދެއްކި ޕައިލެޓަކު ވެސް ބުނީ މިއަދު 12 ޖަހާއިރު ރައީސާ ޕައިލެޓުން ބައްދަލުކުރަން ނިންމާފައިވާ ކަމަށެވެ. މި ބައްދަލުވުމަކީ ރައީސްގެ އެދިވަޑައިގަތުމަކަށް ބާއްވާ ބައްދަލުވުމެކެވެ. އޭނާ ބުނީ، ޕައިލެޓުންގެ ހުރި ކަންބޮޑުވުންތަކަށް މި ބައްދަލުވުމުގެ ތެރެއިން ވެސް ހައްލު ހޯދަން އިތުރަށް ފަސޭހަވާނެ ކަމަށް އުންމީދު ކުރާ ކަމަށެވެ.
ޑޭޝް ބޯޓުތަކުގެ ޕައިލެޓުންގެ އިތުރުން ސީ ޕްލޭން ޕައިލެޓުންގެ މެދުގައި ވެސް ވަރަށް ބޮޑެތި ހިތްހަމަނުޖެހުންތަކެއް އެބައޮތެވެ. މި މައްސަލަގަނޑުގެ ތެރެއިން ސީޕްލޭން ދުއްވި ހަތް ޕައިލެޓުން ވަނީ މިދިޔަ ހަފްތާގައި އިސްތިއުފާދީފަ އެވެ.
އައިލެންޑް އޭވިއޭޝަންގެ އެމްޑީ، މިހާދު ވަނީ ޕައިލެޓުންގެ ހުރި ކަންބޮޑުވުންތަކަށް އެޑްރެސްކޮށް، ކުރީގެ މުސާރަ ރުޖޫއަކޮށްދިނުމަށް މަސައްކަތް ކުރައްވާނެ ކަމަށް ވިދާޅުވެފަ އެވެ. އޭނާ ވިދާޅުވީ، މުސާރަ ބޮޑުކޮށްދިނުން ލަސްވީ ކޮވިޑްގެ އުނދަގޫތަކާ ހެދި ކަމަށެވެ.
ކޮވިޑްގެ ހާލަތުގައި އެންމެ ބޮޑު ގެއްލުމަކާ ކުރިމަތިވީ އެއާލައިން އިންޑަސްޓްރީއަށެވެ. ދުނިޔޭގެ އެއާލައިން އިންޑަސްޓްރީ އަށް ލިބޭ ގެއްލުންތަކުން އަރައިގަތުމަށް ގާތްގަނޑަކަށް 200 ބިލިއަން ޑޮލަރު ބޭނުންވާ ކަމަށް އިންޓަނޭޝަނަލް އެއާ ޓްރާންސްޕޯޓް އެސޯސިއޭޝަން އިން ބުނެފައިވެ އެވެ. އެ އެސޯސިއޭޝަނުން 290 އެއާލައިން ރިޕްރެޒެންޓް ކުރާ އިރު އެއާލައިންތަކުގެ ގާތްގަނޑަކަށް 113 ބިލިއަން ޑޮލަރުގެ އާމްދަނީ މަދުވާނެ ކަމަށް އަންދާޒާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސިް
18 September 2021
ޕައިލެޓުންގެ ހިސާބު ދިމާނުވޭ ...2019 ގަ އައި ފަތުރުވެރިންގެ ތިންބައިކުޅަ އެއްބައި އަދި މިއަހަރު އައި އިރު ކުންފުނީގެ އާމްދަނީ ކުރީގައި ހުރި ހިސާބަށް ދާނީ ކިހިނެއް ؟ އަދި ކުންފުނީގެ ބޭރުގެ ދަތުރުތައް ކުޑަކޮށްފައި އޮތީވެސް
ސްޓާފް
13 September 2021
މޯލްޑިވިއަންގެ ކަމެއް ރަނގަޅު ކޮއްލެވެނީ ސަރުކާރާ ހަނގުރާމަ ކޮއްގެން. މިއީތޯ ސްޓާފުންނަށް ހައްގު މިންވަރަކީ. 80% މުސާރަ ދެނީ. އެކަމަކު އަހަރުމެން ކުރަނީ 100% މަސައްކަތް. ދެޭހާ އަތްވެއްގަ ވާރޭގަ މިތާކުދިން ބޯތުތައް ކައިރި އުޅެނީ ނުކައި ނުބޮއެ، އިތުރު ވަގުތު އޮފް ދުވަހުވެސް ނިކުންނުވަނީ ވަޒީފާ ބިރުދައްކާފަ.
އެދުރުބޭ
13 September 2021
އައިސްތު އަލީ! އަދިވެސް ޓީޗަރުންގެ މުސާރަ ބޮޑެއްނުކުރޭ! އޯޓީވެސް ނުދޭ، މިއީތޯ ގައުމުބިނާކުރުވާގޮތް ތިބޭފުޅުން
އޮނަރަބްލް އަފީފު ދީދީ
12 September 2021
ކެޕްޓަނުންނާއި ކުރޫސެޑްގެ ޙަރަދު ކުޑަކުރުމަށްޜަކާ މާލެއިން ޑޮމެސްޓިކް ހަބުތަކަށް Airbus A-321 ޑައިރެކްޓް ދަތުރުކޮށްގެން. އަދި އުތުރާއި ދެކުނުގެ ހަބުގެ ގޮތުގައި ހަނިމާދުއާއި ގޭން އެއަރޕޯޓް ކަޑައަޅާ މޯލްޑިވިއަން ޑޭޝް ބޯޓްތައް މި ދެ އެއަރޕޯޓްގައި ބޭސްޑ ކުރާންޖެހޭ. # އޭރުން އުތުރުގެ އެހެން އެއަރޕޯޓްތަކަށް ދަތުރު ކުރާނީ ހަނިމާދޫއިން އަދި ހަމަ އެގޮތަށް ގޭން ދެކުނުގެ އެއަރޕޯޓްތައް ގުޅުވާލަދޭނެ. ކުންފުންޏަށް ފައިދާވާނީ މިފަދަ ބަދަލުތަކުން އިގޭތޯ.
13 މިލިއަން
12 September 2021
މިހާ ހަޑިކޮށް އުޅުނީމާ، ޕްއިލެޓުން ދައްކަންޖެހޭ 13 މިލިއަން އަނބުރާ އެމީހުން އަތުން ހޯދުމަށް ބޯޑަށާއި މެނޭޖްމެންޓަށް ގޮވާލަން، ޕްއިލެޓުންގެ ވާހަކަ އެކަނި އަޑު އަހައިގެން ގައުމީ އެއާލައިން ސަލާމުގެ އައްސޭރިޔަށް ވާސިލެއް ނުވެވޭނެ
އޮނަރަބްލް އަފީފު ދީދީ
12 September 2021
ރާއްޖެއަކީ IATA އަދި އައިކާއޯ މެންބަރަކަށްވާތީ އެފަރާތުގެ ޤަވާއިދާއި އުސޫލުތަކުގައި ސިވިލްއެވިއޭޝަން ހިފަހައްޓާންޖެހޭނެ. # މިގޮތުން ވައިގެމަގުން ދަތުރުކުރާމީހުނަށްދޭންޖެހޭ "ހިމާޔަތާއި ރައްކާތެރިކަމާއި ޙައްޤުތަށް" ރާއްޖޭގެ ސަރަޙައްދުގައިލިބޭކަން ކަށަވަރުކޮށްދޭންވާނެ. # މިދެންނެވި ޖަމީއްޔާތަކާއި ރާއްޖޭގެ ކޮންޓްރެކްޓް ޤާނޫނުބުނާގޮތުން އެއަރލައިން ޓިކެޓަކީ "އެއްބަސްވުމެއް" އެކަމަކު މޯލްޑިވިއަނުން ޓިކެޓްގަތުމަށްފަހު ހަދަނީ އެމީހުން ހަދާނެއެއްޗެއް.
ކޮރަލް
12 September 2021
މިަހަބަރު ތައް ކިޔާ އިރުވެސް ޕައިލެޓުން އަސްލު މުސާ ރަ އެއް ނޭނގުނެވެ. އޮތީ ބޮޑު ކުރާ ވާހަކަ އާ ކުޑަ ކުރި ވާހަކަ އެވެ.
މުސާރަ100000
12 September 2021
އެއްލައްކަ މިހާރުވެސް ލިބޭ، އެވަރުވެސް މަދުވެގެން އުޅެނީ
ނިރު
12 September 2021
މިވެރިކަމުގަ ކަންކަން ކުރެވޭނީ ގަދަބާރުން އެކަން ފެނިގެން މިދިޔައީ
ފޫހި
12 September 2021
ރާއްޖޭގައި ވަރަށް ދެރަކޮށްވާކަމެއް. ޓެކްނިކަލް މީހުންނަށްވުރެ މިތަންތަން ހިންގަން ތިބޭ މީހުންނަށް މުސާރަބޮޑުވާނެ. ޑޮކްޓަރުންނަށްވުރެ ވަލީދާ މެންގެ މުސާރަވެސް ބޮޑު. އެއީ ސިޔާސީ މީހުންވީމަޔޯ. މީތި ކަނޑައެޅޭ. ޑޮކްޓަރުންނަކީ މުޅި އުމުރުގައި ވެސް ކިޔަވަންޖެހޭ ބައެއް.
އަސަރޭ
12 September 2021
ޑިމާންޑްކޮށް އިހުތިޖާޖުކޮށްގެން މުސާރަ ހަމަަކަށް އެޅުވޭ ދާއިރާއެއް އޮތަސް ކުރިއެރުމެއްނެތި ދެކޮޅުނުޖެހޭ ކުޑަކުޑަ މުސާރައެއްގައި ޝަކުވާއެއްކުރެވެންނެެތި ބުރަ މަސައްކަތްކުރާ އެތައް މުވައްޒަފުންނެއް އުޅެމުންދާކަމަށްވުމީ ހިތާމަހުރި ލަދުވެތިކަމެކެވެ.