13 ސެޕްޓެމްބަރ 2021 - 11:40
20 comments
ރާއްޖޭގައި ހިއުމަން ޓްރެފިކިންގެ މައްސަލަތައް މިހާރު ނުހިނގާ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގައި ވާހަކަ ދައްކަވަމުން ފައްޔާޒް ވިދާޅުވީ ރާއްޖޭގައި އިންސާނީ ވަގުފާރީގެ މައްސަލަ ބޮޑަށް އޮތީ ބަންގްލަދޭޝް އިން ގެންނަ މީހުންނާ ގުޅިފައި ކަމަށާއި މީގެ ކުރިން އެ މައްސަލަ އޮތީ ނިޒާމުގެ ތެރެއިން ޖާގަ ދެވި އެއްކޮށް ދޫކޮށްލާފައި ކަމަށެވެ.
އޭގެ ނާޖާއިޒް މަންފާ އެތައް ބަޔަކު ނަގަމުން ދާއިރު އެ ވިޔަފާރި މައިގަނޑު ގޮތެއްގައި ކުރަނީ ބަންގްލަދޭޝް މީހުންނާ ގުޅިގެން ކަމަށް ފައްޔާޒް ވިދާޅުވި އެވެ. ނަމަވެސް އޭގެ ތެރޭގައި ދިވެހިންނާއި ސަރުކާރާއި ކަމާ ބެހޭ މުއައްސަސާތަކުގައި މަސައްކަތް ކުރާ ފަރާތްތައް ވެސް ބައިވެރިވާ ކަމަށް ފައްޔާޒް ވިދާޅުވި އެވެ.
ނަމަވެސް މިއަދު އެކަމެއް ރާއްޖޭގައި ނުހިނގާ ކަމަށާއި އެކަން ނުހިނގާ ސަބަބަކީ މީގެ ކުރިން އަހަރަކު 20،000 އަށް ވުރެ ގިނަ ބިދޭސީން ގެންނަން ޕާމިޓް ދޫކޮށްފައިވީ ނަމަވެސް މި ސަރުކާރު އެކަން ވަރަށް ބޮޑަށް ކޮންޓްރޯލް ކުރުމުން ކަމަށް ފައްޔާޒް ވިދާޅުވި އެވެ. އެގޮތުން މި ސަރުކާރު އައި ފަހުން 2020 ގައި 89 މީހުން އަދި 2021 ގައި 24 މީހުން ގެންނަން ހުއްދަ ދޫކޮށްފައިވާ ކަމަށް ވެސް ފައްޔާޒް ވިދާޅުވި އެވެ.
"އެހެންވެ އެކަމެއް މިހާރަކު، އިންސާނީ ވަގުފާރި ވެރިކަމެއް މިހާރަކު ރާއްޖެއަކު ނެތް، އެހެން ނަމަވެސް ރަނގަޅު ކުރަން ޖެހޭ ކަންކަން އެބަހުރި. މީހުން ގެންގުޅޭ ގޮތާއި ކަންކަން އެކަން [ހައްލުކުރަން] މި ދަނީ މަސައްކަތް ކުރަމުން،" ފައްޔާޒް ވިދާޅުވި އެވެ.
ހިއުމަން ޓްރެފިކިިންއާ ގުޅޭ އެމެރިކާގެ ރިޕޯޓްތަކުން ދައްކާ ގޮތުގައި 2017 އިން ފެށިގެން 2020 އާ ހަމައަށް ރާއްޖޭގެ ހިއުމަން ޓްރެފިކިން ހާލަތު ވަރަށް ބޮޑަށް ގޯސްވެފަ އެވެ. އެހެންވެ އެމެރިކާއިން ރާއްޖެ އަށް އެހީ ދިނުން ހުއްޓާލަން ޖެހިދާނެ ކަމުގެ އިންޒާރު ވަނީ ދީފަ އެވެ.
ފައްޔާޒް ވިދާޅުވީ ހިއުމަން ޓްރެފިކިންއަކީ މައްސަލައެއް ގޮތުގައި ބަލައިގަތީ މި ސަރުކާރުން ކަމަށާއި އެގޮތުން އެންޓި ޓްރެފިކިން ކޮމިޓީއެއް އުފައްދައި އާ އެކްޝަން ޕްލޭނެއް ތައާރަފް ކޮށްފައިވާ ކަމަށެވެ. އަދި ޓްރެފިކިން ގާނޫނަށް ބަދަލު ގެނެސް އެމެރިކާގެ ފިޔަވަޅު އެޅުމާ ހަމައިގައި އޮތް ދަރަޖައިން ރާއްޖެ ސަލާމަތް ކޮށްފައިވާ ކަމަށް ފައްޔާޒް ވިދާޅުވި އެވެ.
މީގެ އިތުރުން ޑިފެންސް މިނިސްޓްރީގެ ދަށުން ޑިރެކްޓާ އޮފް ހިއުމަން ޓްރެފިކިން މަގާމެއް އުފައްދައި، ޓްރެފިކިން އާ ގުޅުން ހުރި ވިކްޓަމްތައް ބެހެއްޓޭނެ ތަނެއް ގުޅިފަޅުގައި ގާއިމްކޮށްފައިވާ ކަމަށް ފައްޔާޒް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިކުނޑި
13 September 2021
ޓްރެފިކް ނުކުރަނީ ބޯޑަރ ހުރަސްކޮށް! ހަފޮޅުން އެތެރޭގައިވެސް ރަނގަޅު ފެންވަރަކަށް ކުރެވޭ! އަދި ކަރަޕްޝަނާއި އެއާއި އެއްވެ ބޮޑަށް ހިނގަނީ ކަރަޕްޝަން!!
އޮނަރަބްލް އަފީފު ދީދީ
13 September 2021
ހިއުމަންސްޓްރެފިކް ނެތްކަމުގައިވިޔަސް "އަނިޔާވެރިކޮށް އިންސާނުންގެ ވަގު ވިޔަފާރި" މިތާގައި ނެތްކަމަކަށް ނުބުނެވޭނެ. # މިކަން ހުއްޓުވޭނީ އީޔޫގެ ޤައުމުތަކާއި، ސްވިޓްޒަލެންޑް، އެމަރިކާ، ކެނަޑާ، ޗައިނާ، ޖެޕާން، ސިންގަޕޯރ، ކޮރެއާ، ސައުދީ، ޤަޓަރ، ކުވެއިތު، ޔޫއޭއީ، ސައުތުއެފްރިކާ، އޮސްޓްރޭލިއާ، ނިއުޒީލަންޑް، ރަޝިޔާ، އަދި އަވައްޓެރި އިންޑިޔާ އާއި ސްރީލަންކާގެ އޯލްޑިނެރީ ޕާސްޕޯޓް ހޮލްޑަރުންނަށް މެނުވީ އެޑްވާންސް ވީސާ ނެތި ރާއްޖެނާދެވޭގޮތަށް ހަދައިގެން.
ދާދާ
14 September 2021
ޔޫރަޕު މީހުންނަކީވެސް ތިބުނާހާ ސަހަލު ބައެއްނޫން....
ޖާބެ
13 September 2021
ވައްކަމެއްވެސް ނެތް ޙިޔާނާތެއްވެސް ނެތް މިތިބީ ސުވަރުގޭގަ މިހާރު ދިވެހި ރައްޔިތުން ހެއްހެއް ފައްޔާޒް ދޯ .... 6 ޕަސެންޓް 5 ޕަސެޓް
ނާމްދި ކާނޫ
13 September 2021
ހިއުމަން ޓުރެފިކިންތް ނެތްކަން އިންގޭ ޒިކުރާ މިސްކިތުން ގޮސް މާވެޔޮ މަގާހަމަޔަށް ބަލާލީމާ! މިނިސްޓަރު ތިޔަކަހަލަ ވާހަކަ ދައްކަވަން ލަދުނުގަންނަވަންތޯ؟
ކޮވެލި
13 September 2021
އާ ނޮއޮންނާނެ އެއްނުން. އެކަން ކުރަނީ އިމިގްރޭޝަން، އިކޮނޮމިކް މިނިސްޓްރީ އަދި ބަންގާޅު އެމްބަސީ ގުޅިގެން ވިއްޔާ
މަވާ
13 September 2021
ނޭގޭ މައުލޫމާތުގެ ވާހަކަ ދައްކައިގެން ނާގާބިލް ކަންދައްކައި ދީފި.
ފާއި
13 September 2021
ތިހެން ވެއްޖެއްޔާ މިޤައުމުގައި ވައްކަމާއި މަސްތުވާތަކެތީގެ ވަބާ އެބައޮތްތޯ
އަހަ
13 September 2021
މި ގައުމުގައި ހިއުމަށްޓުރެފިކިން މައްސަލައަކީ އެތެރޭގައި ތިބެގެން މިހާރު ވެސް އޭރުވެސް ދަޢުލަތުގެ އިސްމަގާމުތަކުގައި ތިބިމީހުން ބައިވެރި ވެގެން ކުރާ ފައިދާ ބޮޑު ވިޔަފާރިއެކެވެ.ދުނިޔޭގެ ގައުމުތަކުގައި ފާޅުގައި މަގުމަތީގައި ފިހާރަތަކާއި މަސައްކަތް ކުރާ ސައިޓްތަކުގައި ވިސާނެތި ބިދޭސީނަށް މަސައްކަތެއް ނުކުރެވޭނެއެވެ.އެކަމަކު މިގައުމުގައި ވިސާނެތަސް ހުރިހާ މަސައްކަތެއްގައި އުޅެވޭނެއެވެ. ގާނޫނު އަސާސީއާއި ގާނޫނު އަދި ގަވާއިދު ތަކުގެ ބޭނުމަކީ ކޮބައިތޯ ؟
ކަމީލާ
13 September 2021
އަސްލުވެސް ދޯ! ކަރަޕްޝަން އެއްވެސް ނެތް! ސިޔާސީ މީހުން ގުޅިގެން ޖިންސީ ފުރައްސާރަ ކުރުމާއި ބަނގުރާ އަދި ޑްރަގްވެސް ޒުވާނުން ނުބޮއެ! ދެން އޯކޭތޯ ފަޔާ؟
އޭނާބުނީ
13 September 2021
އަބޫޖަހުލު ބުނީ އޭނާ މިހުރީ ހަންގު ދީނުގައޭ އިސްލާމް ވާކަށް ބޭނުމެއްނޫނޭ ! ޢެއީ ތެދެއްކަމަށް ގަބޫލުކުރީ އޭނާގެ އެކުވެރި އަބޫލަހަބުއެވެ. ތިއަހަބަރުވާނީވެސް އެހެންތާދޯ؟