ކުޅިވަރު / ސާފް ޗެމްޕިއަންޝިޕް 2021

ސާފް ޗެމްޕިއަންޝިޕްގެ ޓިކެޓް މާދަމާ ވިއްކަން ފަށަނީ، ވެކްސިން ކާޑު ބޭނުންވާނެ

ފީފާ ވޯލްޑް ކަޕް ކޮލިފައިންގައި ގުއާމާ ދެކޮޅަށް ގަލޮޅު ދަނޑުގައި ކުޅުނު މެޗުގައި ރާއްޖޭގެ ޓީމުން ޖެހި ގޯލަކާ އެކު ސަޕޯޓަރުން އުފާފާޅު ކުރަނީ. -- ފައިލް ފޮޓޯ: ނިޝާން އަލީ/ މިހާރު

މުހައްމަދު ޒަޔާން ޒާހިރު، މިހާރު

28 ސެޕްޓެމްބަރ 2021 - 13:28

15 comments

އަންނަ ހުކުރު ދުވަހު މާލޭގައި ފަށާ އުރީދޫ ސާފް ޗެމްޕިއަންޝިޕުގެ ޓިކެޓް މާދަމާ ވިއްކަން ފަށާނެ ކަމަށާއި، ޓިކެޓް ނަގާއިރު ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާކަން އަންގައިދޭ ވެކްސިން ކާޑު ބޭނުންވާނެ ކަމަށް އެފްއޭއެމުން މިއަދު ބުނެފި އެވެ.

ގަލޮޅު ރަސްމީ ދަނޑުގައި މާދަމާ ހެނދުނު 10 ޖަހާއިރު ޓިކެޓް ވިއްކަން ފަށާއިރު، މާދަމާ ލިބެން ހުންނާނީ މުބާރާތް ހުޅުވާ ދުވަހު ކުޅޭ ދެ މެޗުގެ ޓިކެޓެވެ. އެ ދުވަހު ހަވީރު ލަންކާ އާއި ބަންގްލަދޭޝް ބައްދަލުކުރާ މެޗުން މުބާރާތް ފަށާއިރު، ރޭގަނޑު ކުޅޭނީ ރާއްޖެ އާއި ނޭޕާލް އެވެ.

ކޮންމެ މެޗެއްގެ ޓިކެޓް ވެސް ވިއްކަން ހަމަޖެހިފައި ވަނީ މެޗު އޮންނަ ދުވަހުގެ ކުރިންނެވެ. ރާއްޖެ ކުޅޭ މެޗުތަކުގެ ޓިކެޓް ވިއްކާނީ ގަލޮޅު ގަނޑުގެ އޮލިމްޕަސް ކުރިމައްޗަށް ހުންނަ ޓިކެޓް ކައުންޓަރުންނެވެ. ރާއްޖެ ކުޅޭ ދެވަނަ މެޗުގައި ބަންގްލަދޭޝްއާ ދެކޮޅަށް އޮކްޓޯބަރު 7 ވަނަ ދުވަހު ނުކުންނައިރު އެ މެޗުގެ ޓިކެޓް ވިއްކާނީ އޮކްޓޯބަރު 5 ވަނަ ދުވަހާއި 6 ވަނަ ދުވަހު އެވެ. އޮކްޓޯބަރު މަހުގެ 10 ވަނަ ދުވަހު ސްރީ ލަންކާއާާ ދެކޮޅަށް ނުކުންނަ މެޗުގެ ޓިކެޓް އޮކްޓޯބަރު 8 އަދި 9 ވަނަ ދުވަހު ވިއްކާއިރު، ލީގު ބުރުގެ ފަހު މެޗުގައި އޮކްޓޯބަރު 13 ވަނަ ދުވަހު އިންޑިއާއާ ދެކޮޅަށް ކުޅޭ މެޗުގެ ޓިކެޓް ވިއްކަން ހަމަޖެހިފައި ވަނީ އޮކްޓޯބަރު 11 އަދި 12 ވަނަ ދުވަހު އެވެ.

ސާފް ޗެމްޕިއަންޝިޕުގެ މެޗުތަކަށް ގޮނޑިބަރިން 100ރ. އަށް ޓިކެޓް ވިއްކަން ހަމަޖެހިފައިވާ އިރު ސިޑިބަރީގެ ޓިކެޓްގެ އަގަކީ 75ރ. އެވެ.

ޓިކެޓް ވިއްކަން ހަމަޖެހިފައި ވަނީ ކޮވިޑް ވެކްސިންގެ ދެ ޑޯޒް ފުރިހަމަ ކޮށްފައިވާ ފަރާތްތަކަށެވެ. ވެކްސިން ކާޑު އޮތް ފަރާތްތަކަށް ޓިކެޓް ވިއްކަން ހަމަޖެހިފައި ވާއިރު، ދަނޑަށް ވަންނަ އިރު ވެސް ވެކްސިން ކާޑު ބޭނުންވާނެ އެވެ. އަދި މާސްކް އެޅުމަށް އެފްއޭއެމުން އިލްތިމާސް ކުރެ އެވެ.

ފަސް ޓީމާ އެކު ބާއްވާ މި އަހަރުގެ ސާފް ޗެމްޕިއަންޝިޕް ފައިނަލަށް ދާނީ ލީގު ބުރުގެ ކުޅުން ނިމި އެންމެ ގިނަ ޕޮއިންޓް ހޯދާ ދެ ޓީމެވެ. ފައިނަލް މެޗް އޮންނާނީ އޮކްޓޯބަރު 16 ވަނަ ދުވަހުގެ ރެ އެވެ.

ސާފް ޗެމްޕިއަންޝިޕް ގައުމީ ފުޓްބޯޅަ ޓީމް އެފްއޭއެމް

15 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕީސީއާރު

29 September 2021

ބަލަ މަގޭ ނަތީޖާ ބޭނުންވާވާހަކަ ނުބުނޭތަ ބައްސާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައްޓީ ދޫނި.

29 September 2021

އަހާ މިބުނީނު ނުދާނަމޭ. ނުވަންނާ ނަމޭ. ސަތޭކަ ކީއްކުރަން ހިލޭ ޓިކެޓް ދިން ކަމުގައިވިޔަސް ކަލޭމެން ކުޅޭ ތަން ބަލާކަށް ނުދާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަފޯޓަރ

29 September 2021

ފިކަފް ދަތުރެއް ހުޅުމާލޭ ފޭސް 2 އަށް 200ރ ކުރާތީ ބަޔަކު މޭކަރަނި. 100ރ އަށް ޓިކެޓްވިންކުން އޯކޭ ދޯ. މިވާހަކަ ވެސް ލިޔެލަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

29 September 2021

އަހަރަމެން 500ރ އަށް ޓިކެޓް ގަނެގެން ގަލޮޅު ދަނޑަށް މެޗުބަލަށް ވަތް ދުވަސް މާޒީވެ ހިގަންޖެ. ދިވެހި ފުޓްބޯޅަމަތިން ފޫހިވީ މިހާރު ގެ އެފްއޭއެމް ވެރިންނާއި ވާދަވެރި ކުލަބުތަކުން ނިއުރޭޑިޔަންޓާއި މެދު ކަންތައް ކުރި ބޭއިންސާފް ގޮތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފީއާރުސީ

29 September 2021

ޓިކެޓް ހާދަ އަގުބޮނޑޭ. ނޫޅެން ބަލާކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެން!

29 September 2021

( ޓިކެޓް ނަގާއިރު ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާކަން އަންގައިދޭ ވެކްސިން ކާޑު ބޭނުންވާނެ ކަމަށް އެފްއޭއެމުން މިއަދު ބުނެފި އެވެ. ) ލިޔެފަ އޮއްތަންފެނިއްޖެ އަމަލީސިފަ ނާންނާނެ ކަމުގެ ޔަގީނޭ %100 ބުނިކަމުގަވިޔަސް ،،،،!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރާ

28 September 2021

ސޮރީ އަޅުގަކަށް ދެވޭނެ ގޮތެއްނެތް. ހިސާބު ހަދާލިއިރު، ދައްކަންޖެހޭ ބިލްތަކާ، ދަރަނި ފައިސާއާއި، ކުދިންގެ ޓިއުޝަނާއި، ކުއްޔާ އެހެނިހެން އެއްޗަށް ކަނޑާލާފަ، 100 ރުފިޔާ ތިކަމަށް ހޭދަކޮށްފިއްޔާ 5 ދުވަހުގެ ހެނދުނުގެ ސައިގެއްލުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯޖު

28 September 2021

އަހަރުމެން މިއުޅެނީ ބަނޑުފުރާ ކާން ނުކެރިގެން އެވަރަށް ލާރިނެތީމާ ދެން ތިބުނާ މެޗެއް ބަލަން ދަނޑުފުރާލަދޭށޭ ކިއާ އާދެސް ކުރިއަސް ކިހިނެއް 100 ރުފިއާއަށް ތިތަނަށް ވަންނާނީ. އެހެނެއްނުން 50 ނަމަ ވަދެލީމުސް ރޭގަނޑު ބަނޑަށް ކުޅެއްޖަހައިގެން ހުންނަންވެސް! އެފް އޭ އެމް ގެ ބޭފުޅުންނަށް 100 ރުފިޔާއަކީ މާބޮޑުއެއްޗެއް ކަމަށް ނުވިޔަސް އަހަރުންނަށް އެއީ ރަންގަޑެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކުންޖު

28 September 2021

ދަނޑަށް ވަންނަން ބޭނުން، އެކަމަކު ބައްސާމު ބުނެބަލަ ކޮންގެރެންޓީއެއްއޮތީ ތިމީހުން ނުރައްކާކަމަށް ބުނެބުނިހުރި ސިޑިބަރިތަކެއް މިހާރު ކުއްލިއަކަށް ރައްކާތެރި ސިޑިބަރިއަކަށް ބަދަލުވާން! އޮޅުވާލުމަކީވެސް އޮންނަކަމެއް އެކަމަކު އެއްދުވަހު ފުރާނައަށް ނުރައްކާވި އެއްޗެއް ކިހިނެއް އަނެއްދުވަހު ކުއްލިއަކަށް އޯކޭތަނަކަށްވީ. ސިޑިބަރީގެ ފިޓްނަސްޓެސްޓް ހެދިއިރު ނެގެޓިވް ރިޕޯޓެއްދޭ ކޮންމެ ބަޠަކު ބަދަލުކުރަމުންގޮސް ޕޮޒިޓިވް ރިޕޯޓެއް ލިބުނީމަ ހުއްޓާލީތަ!