ނޭޕާލްގެ ކޯޗް އަބްދުﷲ އަލް މުތައުރީ، އިންޑިއާގެ ކޯޗް ސްޓިމަކް، ލަންކާގެ ކޯޗް އާމިރު އަލަގިޗް --- ފޮޓޯ: މިހާރު
04 އޮކްޓޯބަރ 2021 - 11:21
10 comments
ފުރަތަމަ ދުވަހުގެ މެޗުން އެންމެ ފަހުގެ ޗެމްޕިއަން ދިވެހިރާއްޖެ ނޭޕާލް އަތުން ބަލިވުމުން ގިނަ ބަޔަކަށް ލިބުނީ ހައިރާން ކަމެވެ. އެކަމަކު ވާދަވެރި ޓީމުތަކުގެ ކޯޗުން ވަނީ ރާއްޖޭގެ ގޭމަށް ތައުރީފްކޮށްފަ އެވެ.
އިންޑިއާގެ ކޯޗް އީގޯ ސްޓިމަކް ބުނީ، މުބާރާތުގެ ފައިނަލުގެ ކުރިން ކޮންމެ ޓީމަކަށް އޮތް ހަތަރު މެޗުގައި ކޮންމެ ގޮތެއް ވެސް ވެދާނެ ކަމަށެވެ. އޭގެ މިސާލެއްގެ ގޮތުގައި އޭނާ ދެއްކީ ރާއްޖެ އެވެ.
"އަހަރެން ބެލިން އެ މެޗު. އެހާ ވަރަށް ކުޅެފައި ވެސް އެ މީހުން ބަލިވީ، މިހާރު އެ ޓީމު އެ އޮތީ އުނދަގޫ ހާލަތަކަށް ވެއްޓިފައި،" ސްޓިމަކް ބުންޏެވެ.
ރާއްޖެ އާއި ނޭޕާލް މެޗުގައި ރާއްޖޭގެ އިބްރާހިމް މަހްދީ (ވ) އަތުން ބޯޅަ ހޯދަން ނޭޕާލްގެ ކުޅުންތެރިޔަކު މަސައްކަތް ކުރަނީ -- ފޮޓޯ: ނީޝާން އަލީ/މިހާރު
އިންޑިއާ އާއި ރާއްޖެ ކުޅޭ މެޗު އޮތީ ރައުންޑް ރޮބިން ބުރުގެ އެންމެ ފަހުގެ މެޗުގެ ގޮތުގަ އެވެ. ސްޓިމަކް، ސާފް ޗެމްޕިއަންޝިޕާ މެދު ދެކެނީ އޭޝިއަން ކަޕް ކޮލިފިކޭޝަނަށް އޭނާގެ ޓީމަށް ރަނގަޅު ވޯމްއަޕެއްގެ ގޮތުގަ އެވެ.
ލަންކާގެ ކޯޗް އާމިރު އަލަގިޗް ބުނީ، މޮޅަށް ކުޅުނަސް ނަތީޖާ ކޮންމެ ގޮތަކަށް ވެސް ހިނގައިދާނެ ކަމުގެ ހެއްކަކީ ރާއްޖޭގެ މެޗު ކަމަށެވެ.
"ރާއްޖެ މުޅި ގޭމް ކޮންޓްރޯލް ކުރި. ރާއްޖެއިން 300 ޕަސެންޓަށް ހަމަލާތައް އުފެއްދިި،" ރާއްޖޭގެ ނިއު ރޭޑިއަންޓްގައި ވެސް ކުރިން މަސައްކަތް ކުރި އަލަގިޗް ބުންޏެވެ. "އެކަމަކު އެންމެ އެޓޭކް އަކުން ނޭޕާލް މެޗުން މޮޅުވީ. މިއީ ފުޓްބޯޅައިގައި ވާނެ ގޮތް."
ރާއްޖެ އާއި ނޭޕާލް ކުޅުނު މެޗުގައި ރާއްޖޭގެ އަލީ ފާސިރު ސެންޓޭ(ވ) ބޯޅަ ހިފައިގެން ދާން މަސައްކަތް ކުރަނީ --- ފޮޓޯ: ނިޝާން އަލީ/މިހާރު
ރާއްޖެއާ ދެކޮޅަށް ކުޅުނު ނޭޕާލްގެ ކޯޗް، އަބްދުﷲ އަލް މުތައިރީ މުޅި ގޭމް ކޮންޓްރޯލް ކުރީ ރާއްޖޭގެ އެންމެ އިސް ފޯވަޑް އަލީ އަޝްފާގް ބަނދެލައިގެންނެވެ. އޭނާ ބުނީ އަޝްފާގް ކުޅުނު މެޗުތަކުގެ ވީޑީއޯ އޭނާ ބެލި ކަމަށެވެ.
"އަޝްފާގަކީ ބޯޅަ ހޯދަން ކޮންމެވެސް ވަރަކަށް ފަހަތަށް ޖެހިލާ ކުޅުންތެރިޔެއް. އެކަން ދެނެގަނެގެން އަހަރެމެން އޭނާ އަށް ލިބޭ ފުރުސަތުތައް ބަންދުކުރީ،" މުތައުރީ ބުންޏެވެ.
މިރޭ، ނޭޕާލް ނުކުންނާނީ ލަންކާއާ ދެކޮޅަށެވެ. މުތައުރީ ބުނީ ރާއްޖެ އަތުން ވީ މޮޅު އޭނާ ހަނދާން ނައްތާލާފައިވާ ކަމަށެވެ. އެ މެޗުން މޮޅުވިޔަސް މިހާރު ހޯދޭނެ އެއްވެސް ފައިދާއެއް ނެތް ކަމަށް މުތައުރީ ބުންޏެވެ. އޭނާ ސިފަކުރީ މިރޭ ލަންކާއާ ދެކޮޅަށް ކުޅޭ މެޗަކީ މުބާރާތުގައި ނޭޕާލްގެ ފުރަތަމަ މެޗުގެ ގޮތުގަ އެވެ.
މިއަދު ހަވީރު ކުޅޭ މެޗުގައި ނުކުންނާނީ ބަންގްލަދޭޝް އާއި އިންޑިއާ އެވެ. މިރޭ ކުޅޭ މެޗުގައި ނުކުންނާނީ ނޭޕާލް އާއި ލަންކާ އެވެ. ރާއްޖެ ދެން ކުޅެން ޖެހޭ މެޗު އޮންނާނީ އަންނަ ބުރާސްފަތި ދުވަހުގެ ރޭ ބަންގްލަދޭޝް އާ ދެކޮޅަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮބްމާލީގެ ދަރިފުޅު ސުޒޭނުމާލި
04 October 2021
އަހަރުމެން އެދެނީ ގައުމީޓީމް މޮޅަށް ކުޅެ ބަންގުލާދޭޝް އަތުން ބޮޑުތަފާތަކުން މޮޅުވާން
ފޮނިފޮނިޓައްޕު ކުމާރު
04 October 2021
ބޭރުން އަންނަ ކޯޗުން ބުނާނެ ދެންދެން ވޯލްޑްކަޕް ކުޅެވޭފެންވަރުގާ ގައުމުއޮތީ. މިހެން ދިވެހިން ޅޮސްއުނދޯއްޔަށް އަރުވާބަހައްޓާ ގައުމުފެލާލާފާ އެމީހުން އެނައްޓާލަނީ. ދެން އަވައްޓެރިގަމެއްކޯޗެއް މިގައުމާދެކޮޅަށް ކުޅޭން އައިއްސިއްޔާ އަބަދު ދައްކާނީ ދިވެހިން މޮޅުވާހަކަށް. ގޯނި ފުލަށްލާބަހައްޓާފާ އެމީހުން ރަށަށްއެދަނީ ވިހިތިރީސްލަނޑުގެ ގޯއްޏެއް ހިފައިގެން............ އުމުރުހުސްވާއިރުވެސް ދިވެހިންމިތިބެނީ އަވާމެންދުރު ބަލަބަލާ.
ސަނޭ
04 October 2021
ގައުމު މިހާލަތުގާ އޮއްވާ މިހާރު ތިކުރަނީކީ ކުޑަވަރެއްގެ ޚަރަދެއްނޫން. ސިވިލް ސާވަންޓް ގެ މުސާރަ ބޮޑުނުކޮއްދީ ހަމަ ބޭކާރު ޙަރަދު ތިޔަ ކުރަނީ ލޮލް
ފުންއަސަރު
04 October 2021
ރާއްޖޭގެ ގޭމް ވަރުގަދައޭ ކިޔާ އެމީހުން ހައްދާފަ ބައިތިއްބާފަ ފަހުވަގުތު ތަށިހިފައިގެން ބޭރަށްދޭ. ހުންނާނީ ރަނގަޅަށް. ރާއްޖޭޓީމު ދެރަވާދުވަހު ދެރައޭ ބުންޏަސް އެވާނީ ގޯހަކަށް. ފެންވަރެއްނެތީމަ ފެންވަރެއްނެތޭ ބުނުން އެއީކީ ގޯހެއްނޫން. ދިވެހި ފުޓުބޯޅައަށް ދިވެހި ދައުލަތުން ޚަރަދުކުރާވަރު އެނގޭމީހަކު މިހާރު ރޯންޖެހޭނެ. ގައުމު މިހާލަތުގާ އޮއްވާ މިހާރު ތިކުރަނީކީ ކުޑަވަރެއްގެ ޚަރަދެއްނޫން. ކާމިޔާބެއް ނުލިބޭތާ ކާމިޔާބު ހޯދާކަށް ގިނަކުޅުންތެރީންވެސް ނޫޅެ
ވަކުންޖު
04 October 2021
ދިވެހިންގެ ކުޅުން ކަމަކުނުދޭ. ޚާއްސަކޮށް ދަނގަޑޭ އާންމުކޮށް މޮޅަށް ކުޅެނީ ސައިޑަކުން ފްރީރޯލެއްދީނީމަ. އެކަމަކު 36 އަހަރުގައި އޭނަ ފޯޥަޑްލައިން ލީޑްކުރަން އެންމެ ކުރިއަށްލީމަ ބޯޅައާއެކު ދުވާނެ ސްޕޭސްއެއް ނުލިބޭ ނުވިތާކަށް ސްޕޭސް ހޯދާވަގުތު ބޯޅައެއްނުދެވޭ. ސުޒޭނުއަށް އެތަން ނުފެނޭބާ، ދަނގަޑޭ ބަދަލްކުރަން ބޭނުންނުވާނަމަ ކީއްވެ ދެވަނަހާފު އެކަހަލަ އެޗޭންޖް ނުގެނައި. ހޯމްގަކުޅޭއިރު ރަގަޅު އެޓޭކެ ނުރޭވުނުތާ މޮޅުވާން ފޯރީގައި ކުޅޭތަނެއްވެސް ނުފެނުނު.
އައްޔަ ނަސެެ
04 October 2021
ދަނގަޑޭ އެކަނި ކުޅުނީ އަޅެ
ބުރުގާ
04 October 2021
ރާއްޖޭގެ ގޭމް ވަރުގަދަވާނެ އެއްނު. އެއޮތީވިއްޔަ މިއޮއް ކުޑަކުޑަ ގައުމުގަ ފުޓުސަލް ދަނޑުއަޅާލާފަ އޮތްވަރު.
ބާބާ
04 October 2021
އެދުވަހުގެ މެޗުގައި ރާއްޖެ ކުޅުންތެރިންގެ ޕާފޯމެންސް އެއްގޮތަކަށްވެސް ރަގަޅެއްނުން. މެދުތެރެއްއެއްނެތް. ފަހަތުން ބޯޅަ ކުރިއަށް. ފަހަތުން ބޯޅަ ކުރިއަށް.. ދަނގަޑޭ އެއްޗެއް ހަދާލާނެ ކަމަށް ހީކޮށް. އެކަމަކު ދަނގަޑޭ ހުރީ ފޯމަކުން. ލިބޭ ކޮންމެ ބޯޅައެއް މިސްޕާއަކާއެކު ނުވަތަ ފައިގަ ޖެހިފައި ގެއްލެނީ. އެގޮތުގައި މުޅިމެޗް..ޕްލޭން ބީއެއްނެން. ހަންޕް އެކަނީ ކުޅުނީ ދެންތިބި މީހުން ދަނޑުގައި ތިއްބަސް މެޗްތެރެއަކުނުންތިބީ...
ޑިސްއޮނަރަބަލް ޑީޑީ
04 October 2021
ކޯޗުންމިކުރާކަމަކީ ދިވެހިން ފޮނިކުރުވާފާ ދަނޑުމަތިން ބައްދަލުވީމާ އެމީހުން ހަފުސްކޮށްލަނީ. މިކަން ހަރުކަށިޢިބާރާތުން ކުއްވެރިކުރަން.
ނަގިއްޔާ
04 October 2021
މިދެރަކަމަކީ. ރާއްޖެ މީހުން ހައްދާއިރުވެސް އަހަރުމެން މިތިބެނީ ގިރުއައުނު ކޮޅައްޖަހައިގެން ހެވެފައި ތެދެއްކަމަށް ހީކޮށް. ހޭލަ ބަލަ އެމީހުން އެކުޅެނީ މައިންޑް ގޭމްސް!، އަހަރުމެން ހިތުން އެއީތެދެއްކަމަށް ހީކޮށް ހެދިފައި ފޮނިވެފަ ހަމަ ސޭމް ޓެކްޓިކްސްގައި ސޭމް ޖޭމް ޖައްސާތޯ ބަލަން ކިއާއެއްޗެއް އެއީ.! އޭރުން އަހަރުމެން ޕްރިޑެކްޓަބަލްވީމަ ކުޅެން ފަސޭހަވާނެއެއްނުން. ހެޔޮނުވާނެ އޮޅިގެންވެސް އެމީހުން ކިއާއެއްޗަކަށް މާބޮޑު ސަމާލުކަމެއްނުދެއްޗޭ!