ކުރީގެ ޓޫރިޒަމް މިނިސްޓަރު އަލީ ވަހީދު. -- ފޮޓޯ: ދަ އެޑިޝަން
04 އޮކްޓޯބަރ 2021 - 10:56
21 comments
ދައުވާ ލިބޭ މީހަކު ރާއްޖެ އިން ބޭރުގައި ހުރެގެން، ކްރިމިނަލް ކޯޓުގައި އޮންލައިންކޮށް ޝަރީއަތް ކުރިއަށް ނުގެންދަން ސުޕްރީމް ކޯޓުން މިއަދު އަމުރުކޮށްފި އެވެ.
އެ ކޯޓުން މިގޮތަށް ނިންމީ ޖިންސީ ގޯނާގެ ދައުވާތަކެއް އުފުލާފައިވާ ކުރީގެ ޓޫރިޒަމް މިނިސްޓަރު އަލީ ވަހީދު ރާއްޖެ އިން ބޭރުގައި ހުންނަަވައިގެން ޝަރީއަތުގައި ބައިވެރިވެވޭ ގޮތަށް ކްރިމިނަލް ކޯޓުން ނިންމި ނިންމުން ދައުލަތުން އިސްތިއުނާފު ކުރުމުން މިއަދު ނެރުނު އަމުރެއްގަ އެވެ.
އެ އަމުރުގައި ވަނީ އަލީ ވަހީދުގެ މައްސަލައިގައި ވެސް އަދި ކްރިމިނަލް ކޯޓުން ބަލާ އެއްވެސް މައްސަލައެއްގައި ވެސް ދައުވާ ލިބޭ ފަރާތް ރާއްޖޭގެ ސަރަހައްދުން ބޭރުގައި ވަނިކޮށް، ޝަރީއަތް އޯޑިއޯ/ވީޑިއޯކޮށް ކުރިއަށް ނުގެންދިއުމަށް އަންގާ ކަމަށެވެ.
މި މައްސަލައިގެ އަޑުއެހުމުގައި ބައިވެރިވާން އަލީ ވަހީދަށް ޗިޓު ފޮނުވުމުން ހާޒިރުވެފައި ނުވާތީ މީގެ ކުރިން ސުޕްރީމް ކޯޓުން ވަނީ އޭނާ އެ ކޯޓުގެ ހުރުމަތް ކެނޑީ ކަމަށް ބަލައި ދެ މަހާއި 12 ދުވަހަށް ޖަލަށް ލާން ހުކުމް ކޮށްފަ އެވެ.
މި މައްސަލަ ބެއްލެވި ބެންޗުގައި ތިއްބެވީ، ފަނޑިޔާރު ހުސްނުއްސުއޫދު، ފަނޑިޔާރު އަލީ ރަޝީދު އަދި ފަނޑިޔާރު ޑރ. މުހައްމަދު އިބްރާހިމެވެ.
ކްރިމިނަލް ކޯޓުގެ ހުކުމާ ގުޅިގެން އަލީ ވަހީދު ރާއްޖެ އަށް ގެނައުމުގެ މަސައްކަތް ފުލުހުން އަންނަނީ ކުރަމުންނެވެ. އޭނާގެ އޯޑިނަރީ ޕާސްޕޯޓު ހިފަހައްޓަން ފުލުހުން އަލުން އެދުމުން ޕާސްޕޯޓު ނުހިފަހައްޓަން ކްރިމިނަލް ކޯޓުން ނިންމި ނިންމުން ހައި ކޯޓުގައި ދައުލަތުން ވަނީ އިސްތިއުނާފުކޮށްފަ އެވެ.
ކްރިމިނަލް ކޯޓުން ހުއްދަ ދިނުމުން މިދިޔަ ފެބްރުއަރީ މަހު ރާއްޖެ އިން ބޭރަށް ވަަޑައިގެންނެވި ގޮތަށް އަލީ ވަހީދު އެނބުރި ރާއްޖެ ވަޑައެއް ނުގަންނަވަ އެވެ. މިހާރު ދައުލަތުން ބުނަނީ އޭނާ އަކީ ފިލައިގެން އުޅޭ މީހެއް ކަމަށެވެ.
އަލީ ވަހީދު އިނގިރޭސި ވިލާތުގައި ހުންނެވި ނަމަވެސް އޭނާގެ ޝަރީއަތުގެ އަޑުއެހުންތަކެއް މީގެ ކުރިން ކްރިމިނަލް ކޯޓުން އޮންލައިންކޮށް ބާއްވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޛަމް
04 October 2021
އަދީބަކީ އަޅުގަނޑު އެޅުވި ފަންޏެއް. މިހެން ބުނެލީމަ ކިޔާ ބަޔަކު ކިޔާފަ ހިތަށްވާ އެއްޗެއްވާނެ. ނަތީޖާ ފެންނާނެ.
ތޯތޯ
04 October 2021
ރޯޔަލް ސަފާރީ ރޭޕްކޭސް ނުބަލާ ފްރޭމް ކޭސްއެއް ފަހަތުން މިދުވަނީ ދައުލަތް ބޭޒާރުވެދާނެތީ
ސުވާލު
04 October 2021
ސަފާރީ ރޭޕްކޭސް ނުބެލިގެބް މިއުޅެނީ ކީއްވެގެންތޯ ؟
ސިލެކްޓިވް ޖަސްޓިސް
04 October 2021
ކޮބާހޭ ރޯޔަލް ސަފާރީ ރޭޕްކޭސް ؟ އެކަން އޮއްބާލަށް ކުރެވެން ހުރި ހުރިހާކަމެއް އެބަ ކުރޭ!
ބާޗި
04 October 2021
2 އޮކްޓޯބަރުގައި ޝަމީމު އެބައިން މީގެއްގެ ކޮމެންޓްއަކަށް ޖަވާބުދީ ބުނެފައި ސުޕްރީމް ކޯޓަށްއެވެސް މީހެއްގެ ނުފޫޒް ނުފޯރުވޭނެއޭ. އިންސާފުގާއިމްކޮށްދޭނަމޭ އެކަމުގެ ހެޔޮފާލުފެނެއޭ.އެހެންވީމާ ޝަމީމަށް މާކުރިން އިނގޭ ސުޕްރީމްކޯޓުން މިއަމުރު ނެރޭނެކަން އަދި ދެއްކުންތެރިމީހަކަށް ވީމަ ކެތްތެރިކަމެއްނެތި އެވާހަކަބުނެވުނީ އޭނާގެ ނުފޫޒް އެކަނު އެކޯޓަށް ފޯރުވޭތީ.
ޗާބީ
04 October 2021
ރިވެތި ގޮތަކަށް ބުނެލީ ތިމަން ނޫން އެހެން މީހެއްގެ ނުފޫޒެއް ނުފޯރުވޭނެއޭ! ތިމަން ބޭނުން ގޮތަކަށޭ ކަންކަން ހިނގާނީ
ގައުމީޓީމުގަ އުޅޭ ތެޅޭތެޅޭ
04 October 2021
މިހާރު ތެޅޭތެޅޭ އެހުރީ ގައުމީ ކަމެއްގަ އޭނަ ހައްޔަރު ކޮއްފިނަމަ ޓީމަށް އޭގެ ގެއްލުންވާނެ .
ގުލްޒާރު
04 October 2021
ބެއްޔާ ހުރިތަނަކުން އުފުރާލައިގެންގެނޭ.
ޓުވީޓް ރިޕްލައި
04 October 2021
އިހަކަށް ދުވަހަކު ސަމީމު ޓުވިޓާރ ގައި ލިޔެފައި އިތް އިންސާފު ގާއިމްކުރެވޭނެއޭ ކެތްތެރިވާށޭ އެއީ އުނދަގޫކަމެއްކަމުގައި ވިޔަސް، އަދި މިސާލްއެއްގެ ގޮތުން ބުނީ މިހާރު އޮތް ސުޕްރީމްކޯޓަށް މީހުންގެ ނުފޫޒް ނުފޯރުވޭކަމަށް. އެހެނަސް މިއަދު މިއޮތީ ހަމަ އެކޯޓުން ވަކިއަމުރެއްނެރިފައި. ފަހަރުގައި އެބުނީ ސުޕްރީމް ކޯޓަށް ސަމީމުނޫން އެހެން މީހުނަށް ނުފޫޒްނުފޯރިވޭނެކަމަށް ވެދާނެ
ނަތާ
04 October 2021
ކްރިމިނަލް ކޯޓާއި ހައިކޯޓުގައި ސަމީމު ބޭނުންހާގޮތެއް ނުހެދޭ އެކަމު އޭނާ ބޭނުން ހުރިހާ ނިންމުމެއް ސުޕްރީމް ކޯޓުންކޮށްދޭ. ނުފޫޒް ފޯރުވުމުގައި އަބަދުވެސް މި އުޅުއްވަނީ އެމް.އެމް.ޕީ.އާރް.ސީގެ ދިފާއީ ވަކީލް
ޑެސްޕަރޭޓް
04 October 2021
ދައުލަތުން މި މައްސަލަ ކުރިއަށް ނުގެންދަން ކުރެވެން އޮތް ކޮންމެކަމެއް ކުރާނެ.