ވިލާ ކޮލެޖުގެ ޔޫވީގެ ޕްރޮގްރާމްތައް 600 އަށް ވުރެ ގިނަ ދަރިވަރުން ފުރިހަމަކޮށްފި

ވިލާ ކޮލެޖުގައި ހިންގާ އިނގިރޭސިވިލާތުގެ ޔުނިވާސިޓީ އޮފް ދަ ވެސްޓު އޮފް އިންގްލެންޑުގެ ޕްރޮގްރާމެއް ނިންމި ދަރިވަރަކަށް އެ ކޮލެޖުގެ ރެކްޓާ ޑރ. އަންވަރު ރޭ ސެޓްފިކެޓް ދެއްވަނީ.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

22 އޮކްޓޯބަރ 2021 - 07:47

5 comments

ވިލާ ކޮލެޖުގައި ހިންގާ އިނގިރޭސި ވިލާތުގެ ޔުނިވާސިޓީ އޮފް ދަ ވެސްޓު އޮފް އިންގްލެންޑު (ޔޫވީ) ގެ ދަސްވެނިވުން ރޭ ފަށައިފި އެވެ. އެ ރަސްމިއްޔާތުތައް ގެންދަން ނިންމާފައިވަނީ މިރެއާ ހަމައަށް، ތިން ދަންފަޅިއަކަށް ބަހާލައިގެންނެވެ.

ޔޫވީގެ ޑިގްރީ އަދި މާސްޓާސްގެ ތަފާތު 16 ޕްރޮގްރާމަކުން 687 ދަރިވަރުން ދަސްވެނިވާނެ އެވެ. އެއީ މިދިޔަ އަހަރާއި މި އަހަރު ކޯސްތައް ނިންމި ދަރިވަރުންނެވެ.

ވިލާ ކޮލެޖުގައި ބޭއްވި ރަސްމިއްޔާތުގައި ވައިސް ޗާންސެލަރު ޑރ. އަލީ ނަޖީބު ވިދާޅުވީ، މި ފަހަރު ދަސްވެނިވާ ދަރިވަރުންގެ ތެރެއިން 68 ޕަސެންޓަކީ އަންހެނުން ކަމަށެވެ. އެ އަދަދު، އަންޑަ ގްރެޖުއޭޓު ޕްރޮގްރާމްތަކުގައި ހުރީ 72 ޕަސެންޓުގަ އެވެ. އެއީ ވަރަށް ބޮޑު ކާމިޔާބީއެއް ކަމަށް އޭނާ ވިދާޅުވި އެވެ.

ވިލާ ކޮލެޖުގައި ހިންގާ އިނގިރޭސިވިލާތުގެ ޔުނިވާސިޓީ އޮފް ދަ ވެސްޓު އޮފް އިންގްލެންޑުގެ ދަސްވެނިވުން ފެށުމުގެ ރަސްމިއްޔާތުގައި އެ ކޮލެޖުގެ ރެކްޓާ ޑރ. އަންވަރު ވާހަކަދައްކަވަނީ.-- ފޮޓޯ: ފަޔާޒު މޫސާ/ މިހާރު

"މިއީ އަންހެނުންނަށް މަތީ ތައުލީމު ފޯރުކޮށްދިނުމުގައި ވަރަށް ބޮޑު ކާމިޔާބީއެއް،" ޑރ. ނަޖީބު ވިދާޅުވި އެވެ.

އޭނާ ވިދާޅުވީ އެކައުންޓިން އެންޑް ފައިނޭންސް ދާއިރާއިން 151 ދަރިވަރަކު އަދި ނާސިން އެންޑް ޕަބްލިކް ހެލްތުން 191 ދަރިވަރަކު ދަސްވެނިވާނެ ކަމަށެވެ. އެ ދަރިވަރުންނަކީ ސްކިލްސް ޑިވެލޮޕް ކުރަން ކުރާ މަސައްކަތަށް ބޮޑު އެހީއަކަށް ވާނެ ކަން ޑރ. ނަޖީބު ފާހަގަކުރެއްވި އެވެ.

ވިލާގެ ޕްރޮގްރާމްތައް ނިންމި ދަރިވަރުންގެ ދަސްވެނިވުން މިދިޔަ މަހު ވަނީ ބާއްވައިފަ އެވެ. އެ ބުރު 1،459 ދަރިވަރުން ދަސްވެނިވިއިރު، ޔޫވީގެ ޕްރޮގްރާމްތަކާއެކު މި އަހަރު 2،146 ދަރިވަރުން ވަނީ ޑިގްރީ އާއި މާސްޓާސްގެ ޕްރޮގްރާމްތަކުން ދަސްވެނިވެފަ އެވެ.

ވިލާ ކޮލެޖުގައި ހިންގާ އިނގިރޭސިވިލާތުގެ ޔުނިވާސިޓީ އޮފް ދަ ވެސްޓު އޮފް އިންގްލެންޑުގެ ޕްރޮގްރާމްތައް ނިންމި ދަރިވަރުންގެ ދަސްވެނިވުމުގެ ރަސްމިއްޔާތުގައި ރޭ ބައިވެރިވި ދަރިވަރުންތަކެއް.-- ފޮޓޯ: ފަޔާޒު މޫސާ/ މިހާރު

އެ ކޮލެޖުގެ ރެކްޓަރު ޑރ. އަހުމަދު އަންވަރު ވިދާޅުވިގޮތުގަިއ، ޔޫވީގެ ސަބަބުން ވިލާގެ ގަދަރު ވަނީ އުފުލިފަ އެވެ. ކޮވިޑުގެ ހާލަތުގައި ގޮންޖެހުންތަކާއެކު ކިޔެވުން ފުރިހަމަ ކުރުމަކީ ކުރިއަށް އޮތް ތަނުގައި މަސައްކަތުގައި އަދި ދިރިއުޅުމުގައި ދިމާވެދާނެ ގޮންޖެހުންތައް ހުރަސް ކުރެވޭނެ ކަން އަންގައިދޭ ކަމެއް ކަމަށް އޭނާ ވިދާޅުވި އެވެ.

ޑރ. އަންވަރު ވިދާޅުވީ އަންނަމުންދާ ބަދަލުތަކާއި ހާލަތަށް ބަލައި ރާއްޖެ އަށް އެންމެ ފައިދާ ހުރި ގޮތަކަށް ޕްރޮގްރާމްތައް މުރާޖައާ ކުރަމުން އަންނަ ކަމަށެވެ. އަދި އެ ކޮލެޖުގައި ކިޔަވައިދިނުމާ އެއްވަރަށް އިސްކަންދޭ ކަމަކީ، އޭނާ ވިދާޅުވި ގޮތުގައި، ދަރިވަރުންގެ ކިބައިގައި ރީތި އަހުލާގު އަށަގަންނައި ދިނުމެވެ.

ވިލާ ކޮލެޖުގައި ހިންގާ އިނގިރޭސިވިލާތުގެ ޔުނިވާސިޓީ އޮފް ދަ ވެސްޓު އޮފް އިންގްލެންޑުގެ ޕްރޮގްރާމްތައް ނިންމި ދަރިވަރުންނަށް ސެޓްފިކެޓު ދިނުމަށް ރޭ ބޭއްވި ދަސްވެނިވުމުގެ ހަފުލާގައި އެ ކޮލެޖުގެ އިސްވެރިން ބައިވެރިވެވަޑައިގަންނަވަނީ.-- ފޮޓޯ: ފަޔާޒު މޫސާ/ މިހާރު

ޔޫވީގެ ވައިސް ޗާންސެލަރު ޕްރޮފެސާ ސްޓީވް ވެސްޓު ވިދާޅުވީ، ފާއިތުވި ދުވަސްތައް ކިތަންމެ ދަތިކޮށް ދިޔަ ނަމަވެސް އެ ދަރިވަރުންގެ ކިޔެވުން ފުރިހަމަކޮށް، ނަތީޖާ ހާސިލު ކޮށްފައިވާ ކަމަށެވެ. އެއީ ފާހަގަކުރަންޖެހޭ ދުވަހެއް ކަމަށް، ވީޑިއޯ މެދުވެރިކޮށް ދެއްވި މެސެޖުގައި ސްޓީވް ވިދާޅުވި އެވެ.

މަސައްކަތުގެ މާހައުލަށް ޔަގީންކަމާއެކު ނުކުތުމަށް ވަޒީފާ ދޭ ފަރާތްތަކުން ބޭނުންވާ ހުނަރުތައް އެ ދަރިވަރުންގެ ކިބައިގައި ހުރި ކަމަށް ވިދާޅުވެ، ސްޓީވް ވަނީ އެ ކިޔެވި އެއްޗެއްގެ ބޭނުން ހިފުމަށް އެދިވަޑައިގެންފަ އެވެ.

ވިލާ ކޮލެޖް ވިލާ ކޮލެޖް ގްރެޖުއޭޝަން މަތީ ތައުލީމު

5 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖަރުމަނު

22 October 2021

ބަލަ، ތައުލީމު ހާސިލުކުރާ މިންވަރާ މަތީ ވަޒީފާ ހޯދާ އަންހެނުން ގިނަވުމުން އަންހެނުން ގޯސްކުރަނީ. އަމިއްލައަށް އެހިސާބަށް ދެވޭތޯ ބަލާބަލަ. މިހާރު ކިޔަވާ ގިނަ އަންހެނުންނާ ފިރިހެނުންނަކީ ވެސް ވަޒީފާ އަދާކުރަމުން، ލޯނު ނަގައިގެން ކިޔަވާ މީހުން. ތިބާއަށްވެސް އެގޮތް އެބައޮތް. ތިމާގެ އަންހެން ކޮއްކޮ، ދައްތަ ނުވަތަ ދަރިފުޅު ރަނގަޅު ތައުލީމެެއް އުުނގެނުނީމަ އުފަލެއްނު ވާންވީ. ޙަސަދަ ނައްތާލައިގެން ދޯ ކަމެއް ވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންބަރޫ

22 October 2021

ފައިސާ ހަދާ މެޝިނެއް. ފެންވަރު ނެތް 'ޔޫކޭ' ޑިގްރީތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހަމަ

22 October 2021

ބައްލަވާ ތަފާސް ހިސާބު، ދެހާސް ދިހަޔެއްގެ އަހަރުތަކުން ފެށިގެން. ގިނަ ވާނީ އަންހެން ކުދިން ޔުނިވަރސިޓީތަކުން ކިޔަވާ. އަބަދު އިވޭނީ އަންހެނުންގެ ހައްގުގެ ވާހަކަ. ޖެންޑަރުން އެބަ ބަކަންޖެހޭ ފިރިހެން ކުދިންނަށް އެވަނީ ކިހިނެއްކަން. ދެން ގިނަވާނެތާ ސިވިލް ސަރވިސްގަ އަންހެނުން. އެވަރުން ނުވެގެން މަތީ ތައުލީމު ހާސިލުކުރާ މަދު ފިރިހެނުންނަށް ލިބޭ މަތީ މަގާމުތައްވެސް ޖަހައިނުގަނެވިގެން އުޅޭނީ އެވެރިން. ފިރިހެނުންގެ ވާހަކަޔެއް ނުދައްކާނެ. އަބަދު އަންހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުމު

22 October 2021

ރާއްޖޭގެ ފިރިހެނުންގެ 2 ޖީލުގެ މިވަނީ މަސްތުގެ ވަބާގައި ޖެހިފައި. ފިރިހެނުންނަށް ވަނީ ކިހިނެއްތޯ ބަލަން މާދުރަށް ބަލާކަށް ނުޖެހޭނެ، ކަންމަތިތައް ބަލާލާ. ޕްރައިމަރީގައި ގާތްގަނޑަކަށް 2 ޖިންސުގެ ޢަދަދު އެއްވަރަކަށް އުޅޭއިރު މަތީ ތަޢުލީމާ ހިސާބަށް ފިރިހެނުން ނުދާ އެންމެ ބޮޑު ސަބަބަކީ މިއީ. އާއިލާ ތަކަށް ބަލާލަބަލަ، އާއިލީ ޒިންމާ އުފުލާ ލާރި ހޯދަނީ ވެސް ވަރަށް ގިނަ އާއިލާތަކުގައި އަންހެންނުން، އެއީ ވެސް މައިގަނޑު ގޮތެއްގައި މިސަބަބާހެދި.