ގަތަރާ ވާދަކޮށް 98 ލަނޑުން ރާއްޖޭގެ ކްރިކެޓް ޓީމް ބަލިވެއްޖެ

މުހައްމަދު ޒަޔާން ޒާހިރު، މިހާރު

25 އޮކްޓޯބަރ 2021 - 12:16

ގަތަރުގައި ކުރިޔަށްދާ އިންޓަނޭޝަނަލް ކްރިކެޓް ކައުންސިލް (އައިސީސީ) ޓީ20 ކްރިކެޓް ވޯލްޑް ކަޕް އޭޝިއަން ކޮލިފައިންގައި ގަތަރާ ދެކޮޅަށް ކުޅުނު މެޗުގައި 98 ލަނޑުން ރާއްޖޭގެ ގައުމީ ކްރިކެޓް ޓީމު ބަލި ވެއްޖެ އެވެ.

އިއްޔެ ކުޅުނު މެޗުގައި ރާއްޖެއަށް ޓޮސް ދިމާވުމުން ފުރަތަމަ ނިންމީ ހޮވާށެވެ. މި އިނިންގްސް ގައި 20 އޯވަރުން ހަ ކުޅުންތެރިން ނުބައިވެގެން ގަތަރުން ވަނީ 154 ލަނޑު ހަދައިފަ އެވެ. ގަތަރުން ފުރަތަމަ ކުޅެން އެރި ދެ ކުޅުންތެރިން ވަރަށް ކުރީކޮޅު ނުބައިކޮށްލެވުނަސް އެއަށް ފަހު ކުޅެން އެރި ވިކެޓް ކީޕަރު މުހައްމަދު ރިޒްލާން ވަނީ 46 ބޯޅައިން 62 ލަނޑު ހަދައިފަ އެވެ. މިއީ ޓީ20 އިންޓަނޭޝަނަލް މެޗެއްގައި ރިޒްލާން ހެދި ފުރަތަމަ ހާފް ޗެންޗަރީ އެވެ. އޭނާ ވަނީ ތިން ބޯޅަ ހަޔަކަށް ޖަހައި، ހަ ބޯޅަ ހަތަރަކަށް ޖަހައިފަ އެވެ.

މި އިނިންގްސް ގައި ރާއްޖޭގެ އާދަމް ނާސިފް އުމަރު ތިން ވިކެޓް ނެގިއިރު ކެޕްޓަން މުހައްމަދު ރިޒާން ވަނީ ދެ ވިކެޓް ނަގައިފަ އެވެ. އަދި އިބްރާހިމް ރިޒާން ވެސް ވަނީ ވިކެޓެއް ނަގައިފަ އެވެ.

ޖަވާބުގައި ރާއްޖޭން ކުޅެން އަރައި، 18.5 އޯވަރު ތެރޭ ހުރިހާ ކުޅުންތެރިން ނުބައި ވެގެން ހެދުނީ 56 ލަނޑެވެ. ރާއްޖޭން އެންމެ ރަނގަޅަށް ކުޅުނީ 28 ބޯޅައިން 18 ލަނޑު ހެދި އަހުމަދު ހަސަނެވެ.

ކޮލިފައިން ގައި ރާއްޖެ ވާދަކުރާ ތިންވަނަ މެޗުގައި އަންނަ ބުދަ ދުވަހުގެ ހެނދުނު 11 ޖަހާއިރު ބައްދަލުކުރާނީ ބަހްރޭނާ ދެކޮޅަށެވެ. ބަހްރޭން ވަނީ އިއްޔެ ކުޅުނު ގުރޫޕްގެ ދެވަނަ މެޗުގައި ކުވޭތާ ވާދަކޮށް ހަ ވިކެޓުން ބަލިވެފަ އެވެ.

ގަތަރު ގައުމީ ކްރިކެޓް ޓީމް ކްރިކެޓް ބޯޑް އޮފް މޯލްޑިވްސް

8 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޭސަންސް

27 October 2021

ކޮންއިރަކުންބާ ކްރިކެޓްގައި ލަނޑުން ބަލިވާން ފެށީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާނު

26 October 2021

ކުރިކެޓަކީ ތިހެންކުލޭވޭނެ އެއްޗެއްނޫން އަދިވެސް މީހުނަށް ނުވަދެވޭގޮތަށް ބޮޑު ޕިޗެއްހަދާފަ ބާއވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެބީ

25 October 2021

ނުހޭން ހުއްޓަސް ހެވޭނެ މިކަހަލަ ހަބަރު އިވެންޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު00

26 October 2021

ކޮބާ މީގަ ހެވޭ ކަމަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅު ހަސަންބެ

25 October 2021

ނޫންކަމެއް ނެތީޔޭ ހަމަ. ބަޔަކު ތަނެއްގަ ދެ ނާށި ތަޅާލިޔަސް ބެރެއް ކޮށްޓާލިޔަސް އެކަމަކަށް ބޯ އެބަ ބާނަޔޭ. ކޮޔާމެންނޭ ދެން އަވަހަށް އާދޭ ލަގެޖްތައް ފުލް ކޮށްލައިގެން.