ދިރާގުން އަންނަ އަހަރު ނިމުމުގެ ކުރިން މުޅި ރާއްޖެ އަށް 4ޖީގެ ހިދުމަތް ދެނީ

4ޖީގެ ހިދުމަތް މުޅި ރާއްޖެ އަށް ފުޅާކުރުމާ ގުޅޭ ގޮތުން ދިރާގުގެ ސީއީއޯ އިސްމާއިލް ރަޝީދު (ވ-2) އާއި އެ ކުންފުނީގެ އިސް އޮފިޝަލުން މިއަދު ވާހަކަދައްކަވަނީ.-- ފޮޓޯ: ދިރާގު

އަލީ ނާފިޒް، މިހާރު

06 ޑިސެމްބަރ 2016 - 18:31

15 comments

އަންނަ އަހަރު ނިމުމުގެ ކުރިން މުޅި ރާއްޖެ އަށް 4ޖީގެ ހިދުމަތް ފުޅާކުރުމަށް ދިރާގުން ބޮޑު މަޝްރޫއެއް ފަށައިފި އެވެ.

އާބާދީގެ 60 ޕަސެންޓަށް 4ޖީގެ ހިދުމަތް މިހާރު ވެސް ދެމުން އަންނަ ދިރާގުން މިއަދު ނެރުނު ބަޔާނެއްގައި ބުނި ގޮތުގައި، 4ޖީގެ ހިދުމަތް މުޅި ރާއްޖެ އަށް ފޯރުކޮށްދިނުމަށް ބޭނުންވާ ވަސީލަތްތައް ހޯދުމަށް ދިރާގުން ވަނީ މި ދާއިރާގެ ތަޖުރިބާކާރު ދެ ކުންފުންޏަކާ އެކު އެއްބަސްވުމަކަށް އައިސްފަ އެވެ. އެކަމަކު، އެ ކުންފުނިތަކުގެ ނަމެއް ދިރާގުން އަދި ހާމައެއް ނުކުރެ އެވެ.

ދިރާގުން ބުނީ މި މަޝްރޫއު އަންނަ އަހަރުގެ ނިޔަލަށް ނިންމޭނެ ކަމަށެވެ. އެއިރުން، ރަށްރަށުގައި ވެސް ހޯމް ބްރޯޑްބޭންޑުގެ ހިދުމަތް މިހާރަށް ވުރެ އެތައް ގުނައެއް ހަލުވިވެ، ފުރިހަމަވެގެން ދާނެ ކަމަށް އެ ކުންފުނިން ބުންޏެވެ.

"އާބާދީގެ ގޮތުން ކިތަންމެ މީސްކޮޅު ކުޑަ ރަށެއް ނަމަވެސް މާލެ އެކޭ އެއްފަދައިން އެންމެ ފުރިހަމަ ހިދުމަތެއް ފޯރުކޮށްދިނުމަކީ އަޅުގަނޑުމެންގެ އަމާޒެއް. ދިވެހިރާއްޖެ އަކީ ޖަޒީރާ ގައުމެއް ނަމަވެސް މީހުން ދިރިއުޅޭ ހުރިހާ ރަށްތަކާއި ސިނާއީ މަސައްކަތް ކުރާ ރަށްރަށާއި ރިސޯޓުތަކާ އަދިވެސް އިންޓަނެޓުގެ ހިދުމަތް ބޭނުންވާ ސަރަހައްދުތަކަށް ދިރާގުގެ އެންމެ ފުރިހަމަ ހިދުމަތް ފޯރުކޮށްދިނުމަކީ އަޅުގަނޑުމެންގެ ވަރަށް ބޮޑު މަގުސަދެއް،" ދިރާގުގެ ސީއީއޯ އިސްމާއިލް ރަޝީދު ވިދާޅުވި އެވެ.

މިދިޔަ އަހަރު ރާއްޖެ އަށް 4ޖީގެ ހިދުމަތް ތައާރަފް ކުރުމަށް ފަހު، ރަށަރަށަށް މި ހިދުމަތް ފުޅާކުރުމުގެ މަޝްރޫއުގެ ދަށުން މިހާރު ވަނީ ހއ. ދިއްދޫ، އައްޑޫ، ފުވައްމުލައް، ގއ. ވިލިނގިލި، ގދ ތިނަދޫ، ޅ. ނައިފަރު، ޅ.ހިންނަވަރު، ރ. ދުވާފަރު، ލ. މަތިމަރަދޫ، ލ. ތުނޑި، ނ. ވެލިދޫ، ދ. ކުޑަހުވަދޫ އަދި ހދ. ކުޅުދުއްފުށީގައި ދިރާގުން ވަނީ 4ޖީގެ ހިދުމަތް ދޭން ފަށައިފަ އެވެ. އެއާ އެކު، ރާއްޖޭގެ އާބާދީގެ 60 ޕަސެންޓަށް 4ޖީގެ ހިދުމަތް ވަނީ ދީފަ އެވެ. އެހެންވެ، ދިރާގަކީ ރާއްޖޭގެ އެންމެ ބޮޑު 4ޖީ ނެޓްވޯކެވެ.

މީގެ އިތުރުން، ދިރާގުން އަންނަނީ މީހުން ދިރިއުޅޭ ހުރިހާ ރަށެއްގައި 3ޖީގެ ހިދުމަތް ވެސް ދެމުންނެވެ. އަދި ބްރޯޑްބޭންޑް އިންޓަނެޓުގެ ހިދުމަތް ފުޅާކުރުމަށް ދިރާގުން ވަނީ ރާއްޖޭގެ އުތުރުން ދެކުނަށް އެންމެ ޒަމާނީ ފައިބަ އޮޕްޓިކް ސަބްމެރިން ކޭބަލް ސިސްޓަމެއް ވެސް ގާއިމްކޮށްފަ އެވެ.

އިންޓަނެޓް ދިރާގު ދިރާގު އިންޓަނެޓް

15 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

4ޖީ

08 December 2016

ދިރާގު އަދި އުރީދޫއިން ރަނގަޅަށް ޚިދުމަތް ފޯރުކޮށް ނުދެވިދާއިރުވެސް ބަރާބަރަށް ފައިސާކެނޑޭ. މީގެ ކުރިން އިންޓަނެޓް އެންމެ އެކަށީގެންވާ ގޮތެއްގައި ރަނގަޅު ސްޕީޑެއްގައި ލިބެމުންއައީ އުރީދޫއިން ކަން ފާހަގަކުރަން. ނަމެވެސް މިހާރު ވަކި ރަނގަޅީ މިވެނިތަނެކޭ ބުނެވޭކަށްނެތް. ނެޓުގެ ޚިދުމަތް ވަރަށް ކަޑަ. ކަސްޓަމަރ ކެއަރ އަށް ގުޅާލީމަ ގޯސްވަނީ އަޅުގަނޑުމެން ގެންގުޅޭ ފޯނުތަށް. ދެން އެހެންވީމަ ބުނާނެ އެއްޗެއް ނޭނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރިޔަމް އަޒީމާ

07 December 2016

ދިރާގަށް އިތުބާރު ކުރަނީ ޕްރޮޖެކްޓުތަކުގަ. ކަން ކަން ޑެލިވަރ ކުރުމުގަ ހަމަ ދެވަނައެއް ނެއް ކުންފުންޏެއް. ކަމެއް ކުރާނެ ވާހަކަ ބުނުމުން ކުރާނެ ކަމުގެ ޔަޤީންކަން އޮވޭ. 3ޖީ ވަނީ މުޅި ރާއްޖެއަށް ދީފަ، ތަފާތު އެހީތައްވެސް ރާއްޖެ ހުރިހާ ހިސާބަކަށް ދަނީ ފޯރުކޮށްދެމުން، އަޅުގަނޑު ހުންނަނީ ނަިއފަރު ޓީޗަރަކަށް. ހީނުކުރަން މިރަށަށް 4ޖީ ލިބިދާނެ ކަމަކަށް. އެކަމަކު މިކުޑަ ކުޑަ ނަިއފަރަށްވެސް ދީފި. އުންމީދުކުރަން ވަރަށް އަވަހަށް ހިދުމަތް ދޫކުރާނެ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަބީ

07 December 2016

ދިރާގެއް ކަމަކު ރަނގަޅަށް ކަމެއް ކުރީމަ ދެން ވާނެތާ ބަލައިގަންނަން. މުޅިންވެސް ހަޅޭއް މިލަވަނީ ކަންކަން ކުރާލެއް އުރީދޫއަށް ވުރެން ލަސްވެގެން. މިހާރު އަނެއްކާ މިއޮތީ ދިރާގުން ވަރަށް މުހިއްމު ހިދުމަތެއް އުރީދޫ ފަހަތައް ޖައްސާލާފަ ކޮށްފަ. އެހެންވީމަ ވަރަށް ފުރިހަމައޭ ބުނަން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާލާ

07 December 2016

ނޯ އިންޓަރރެސްޓް. އުރީދޫ ރާއްޖެއަށް އައި ދުވަހު ދިރާގަށް ޓާޓާ ކިޔައިފިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭޑޯ ކާމިލު/ ގއ. ވިލިނގިލި

07 December 2016

ދިރާޤުން ދޭ 4ޖީ ޚިދުމަތް ލިބެނީ ހަމައެކަނި މަގުމަށްޗައް ނުކުތުމުން، ގޭތެރެއަށް ވަނީމަ އޮޓެމެޓިކުން 2ޖީ ޢަށް!! ފުރަތަމަ މިކަން ރަގަޅުކޮށްދޭތޯ އާދޭހާކު ދަންނަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމީޒު34

07 December 2016

ވަރަށް އުފާކޮށްފިން. ދިރާގުން މިހާރު އަހަރުމެން ރާއްޖެތެރޭ މީހުން ވެސް ބަލައިގަނެ އެންމެެ ފަހުގެ ހިދުމަތްތައް އަހަރުމެންނަށް ވެސް ފޯރުކޮށްދޭތީ! ޝުކުރިއްޔާއޭ ދެން ބުނަން ޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯކަރު

07 December 2016

ހެހެހެ ދިރާޤުން ތިބުނާ 4ޖީ ތައާރަފް ނުކޮށް ފުރަތަމަ މިހާރު ދެމުންދާ ޚިދުމަތް ރަގަޅުކުރެވޭތޯ އުޅުން ކިހިނެއްތޯ! މިހާރުވެސް 4ޖީ ދޫކުރާ ގިނަރަށްތަކުގައި ގިނަފަހަރަށް 3ޖީވެސް ނުލިބިގެން އުޅެންޖެހެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޕީއެމް ކިއްލާ

07 December 2016

އާނ އޭރުންތާ އީ ވޯޓިން ފަސޭހައިން ބޭއްވޭނީ. ހެހެހެ ވަރަށް ބޮޑަށް ގުޅިގެން ގުޅިގެން ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

07 December 2016

3ޖީ އަކަސް 4ޖީ އަކަސް ކަލޭމެންނަށް ހެޔޮދޯ އެއްޗެއް ދޫކުރެވެއްޖިއްޔާ. މިހާރުވެސް މިރަށަށް ދޫކޮށްފަ ހުންނަ ރޭންޖް ގަނޑުން ރަށުތެރެއަށް ލިބެނީ 1 ފިތް 2 ފިތް ވަރު. މީތަ ރޭންޖް ދޫކުރާގޮތަކީ. އެންޓަނާ ބުޑަށް ދިޔައިމާ ރޭންޖް ކިރިޔާވެސް ފުލުވަނީ. ދެން ސްޕީޑްގެ ވާހަކަ ހެޔޮވާނީ ނުދެއްކިއްޔާ. 2ޖީ އެކޭ ނެތް އެއްވެސް ތަފާތެއް. އެކަމް މިއޮތީ 3ޖީ ދޫކޮށްފަޔޯ. ކުރަންގަށް ހެވޯ ފޮނުޖަހަންޏާ. އެހެން ބުނެފަ ދިރާގުން މިއޮންނަނީދޯ. މިހިރީ 3ޖީ ދޫކޮށްފަވިއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯލްރައިޓް

06 December 2016

ދިރާގުން އަންނަ އަހަރު މުޅި ރާއްޖެ އަށް 4 ޖީ ދޭނަމަ މަމެން 2018 ނިމެންވާއިރު ރާއްޖެ އަށް ހުންނާނީ 100 ޖީ ލާ ނިންމާފައެވެ. މަމެން ޕިންކީން މިރާއްޖޭގައި މިވެރިކަން ކުރާ ފަސް އަހަރަކީ ރާއްޖޭގައި ދުރުގައި ތިބި ކުދިން ތައް ޓެކްނޮލޮޖީގެ އެހީގައި ގެޓް ޓުގެދަރ ކޮށްލާނެ ވެރިކަމެވެ. މިކަން ކުރެވޭނީ ހަމަ އެކަނި ޕިންކީންގެ ވެރިކަމުގައެވެ. މިކަން ރަންރީނދޫ ކުދިންގެ ވެރިކަމުގައި އެމެންނަށް ކުރަން އުޅުނަސް ނުވެސް އިނގޭނެ އޭ ކުރަން އެހެން މަމެން ބުނަން ނެތީމެވެ. ހިއަރ އައި އޭމް އޮން ދަ ސްޓޭޖް ޕްލޭއިން ގިޓަރ ޓު ގެޓް އަ ފީލިންގް އޮފް ފޯރޖީ. ނައުވެއަރ އާރ ޔޫ ޓު އެންޖޯއި ފޯރ ޖީ. ޔޫ އާރ ސޯފާރ އަވޭ ފްރޮމް މީ. އޯލް ރައިޓް..