ރާއްޖޭގެ ކްރިކެޓް ޓީމް ގަތަރާ ދެކޮޅަށް ކުޅުނު މެޗުގެ ތެރެއިން. -- ފޮޓޯ: ސީބީއެން
27 އޮކްޓޯބަރ 2021 - 15:37
7 comments
ދޯހާގައި ކުރިޔަށްދާ އައިސީސީ ޓީ20 ކްރިކެޓް ވޯލްޑް ކަޕް އޭޝިއަން ކޮލިފައިންގައި ރާއްޖެ ކުޅުނު ތިން ވަނަ މެޗުން ވެސް ބަލި ވެއްޖެ އެވެ.
ކޮލިފައިންގެ ފުރަތަމަ ދެ މެޗުގައި ރާއްޖޭގެ ޓީމު ވަނީ ސައުދީ އަރަބިއްޔާ އަދި ގަތަރާ ވާދަކޮށް ބަލިވެފަ އެވެ. މިއަދު ރާއްޖޭގެ ގައުމީ ކްރިކެޓް ޓީމް ބަހްރޭނާ ދެކޮޅަށް ކުޅުނު މެޗުގައި، ބަހްރޭން ކުރިހޯދީ ހަތް ވިކެޓުންނެވެ.
ބަހްރޭނަށް ޓޮސް ދިމާވުމުން ފުރަތަމަ ކުޅެން އެރީ ރާއްޖޭންނެވެ. ރާއްޖޭން 20 އޯވަރު ތެރޭގައި ނުވަ ކުޅުންތެރިން ނުބައި ވެގެން ހެދުނީ 88 ލަނޑެވެ. ރާއްޖޭން އެންމެ ރަނގަޅަށް ކުޅުނީ ޒުވާން އޯލްރައުންޑާ އާދަމް ނާސިފް އުމަރެވެ. އޭނާ ވަނީ 22 ބޯޅައިން 31 ލަނޑު ހަދައިފަ އެވެ. އޭނާ އަންނަނީ މި ކޮލިފައިންގައި އުންމީދީ ކުޅުމެއް ދައްކަމުންނެވެ.
ޖަވާބުގައި ކުޅެން އަރައި ބަހްރޭނުން ވަނީ ހަތް އޯވަރުން ތިން ކުޅުންތެރިން ނުބައިވެގެން 93 ލަނޑު ހަދައިފަ އެވެ. މި އިނިންގްސް ގައި އިބްރާހިމް ހަސަން ދެ ވިކެޓް ނެގިއިރު އިބްރާހިމް ނަޝާތު ވަނީ އެއް ވިކެޓް ނަގައިފަ އެވެ.
ކޮލިފައިންގެ ފަހު މެޗުގައި މާދަމާ ހެނދުނި 11 ޖަހާއިރު ރާއްޖޭން ނުކުންނާނީ ކުވޭތާ ދެކޮޅަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖެކް
28 October 2021
ތިޔައީ ރައްޓެހިން ގޮވައިގެން ޗުއްޓީ ދަތުރު ހަދާލަން ކުރާކަމެއް! ކޮންމެ ފަހަރަކުވެސް އެކަން ހާސިލުވެއެއްނު! ސީރިއަސްނަމަ ރާއްޖޭގެ ހުރިހާ ހިސާބެއްގައި ތި ކުޅިވަރު ތައާރަފްކޮށް ޓެލެންޓެޑް ކުދިން ހޮވާނެ!
ޚުޅުންތެރި އެއް
27 October 2021
ތީ ހަމައެނި ރައްޓެހިން ލައިގެން ޓީމު ހެދީމަ ވާގޮތް.ފުރުސަތު ނުދޭތި އެހެން ބަޔަކަށް. ޢިސްކޯ ށީޓު ބެޅިމަ ފެނޭ ޓުވަރިސްޓުން ވެސް.ވެރައް ސަލާމޭ.
ޑެބީ
27 October 2021
20 އޯވަރުން 9 ކުޅުންތެރިން ނުބައިވެގެން ހެދުނީ 88 ލަނޑު. ބަހްރެއިން އިން 7 އޯވަރުން 3 ކުޅުންތެރިން ނުބައިވެގެން 93 ލަނޑު. އެއްޗެއް ބުނާނެ ކަމެއް ނެތް. ގައުމަށް އައިމަ މަރުހަބާ ކިޔަން ގައުމުގެ ރައީސް ގޮސް ކޮންމެ ކުޅުންތެރިޔަކަށް މިލިއަނެއްދޭން ފެނޭ.
ޑައިރީ123
27 October 2021
ޢަސްލުވެސް އެންމެ 7 އޯވަރު. ކިރިކެޓް އެއީ ކޯޗެއްކަންވެސް ނޭންގޭ ބަޔަކާއެކީ.
އޭބަލިވީ
27 October 2021
ދިވެހިންނަކީ ބަލި ބައެއް ހުރިހާ ކަމެއްގަވެސް.
ކަލީމް
27 October 2021
މިއީ ޤައުމީޓީމު ހަދައިގެން ކުޅެންކަމުދާ ކުޅިވަރެއްނޫން... އެއްވެސް ފޯރިއެއް ނެތް ވަނދު ކުޅިވަރެއް.. ކުރިކެޓަށް ހަރަދުކުރާ ފައިސާ ފުޓުބޯޅަ، ވޮީ ނުވަތަ ބާސްކެޓަށް ހަރަދުކިރީޔާ ފައިދާ މާރަނގަޅުވާނެ
ފަގުޑި
27 October 2021
ބަލިވެ ބަލިވެ އެކުދިންކޮޅުވެސް މިހާރު ތިބޭނީ ބަލިވެފަ. ދެން ރާއްޖެއަންނަން އުޅޭ...