ކޮވިޑަށް ފަހު ފުރަތަމަ ފަހަރަށް ހަރަމްފުޅު ފުރާލައިފި

މިއަދު ފަތިސް ނަމާދަށް އަލްމަސްޖިދުލް ހަރަމް ފުރާލައިފައި.

އިފްރާޒް އަލީ، މިހާރު

29 އޮކްޓޯބަރ 2021 - 15:11

ކޮވިޑް-19 އިން ރަައްކާތެރިވުމުގެ ގޮތުން ސައުދީ އަރަބިއްޔާގައި އެޅި ގިނަ ފިޔަވަޅުތަކަށް ލުއިދިން ފަހުން ފުރަތަމަ ފަހަރަށް މައްކާގައި ހުންނަ އަލްމަސްޖިދުލް ހަރާމްގައި ގިނަ ބަޔަކު ޖަމާއަތުގައި މިއަދު ނަމާދުކޮށްފި އެވެ.

ސޯޝަލް މީޑިއާގައި ދައުރުވާ ފޮޓޯތަކުން ފެންނަ ގޮތުގައި މިއަދުގެ ފަތިސް ނަމާދަށް ހަރަމްފުޅު ވަނީ އެއްކޮށް ފުރާލައިފަ އެވެ. މިއީ ކޮވިޑްގެ ފަހުން މި މަންޒަރު ފެނުނު ފުރަތަމަ ފަހަރެވެ.

The Masjid al Haram,, #Makkah was quite crowded during Fajr prayer. Beautiful scenes ❤❤ pic.twitter.com/NOQwPku5wr
— فردوس خان (@Firdous19492759) October 29, 2021

މީގެ ހަފުތާއެއް ކުރިން ސައުދީ ސަރުކާރުން ވަނީ މައްކާ އާއި މަދީނާގެ ހަރަމްފުޅުގައި އިޖުތިމާއީ ގައިދުރުކަން ނުބަހައްޓާ ނަމާދުކުރަން ހުއްދަ ދީފަ އެވެ. އަދި އާއްމު ހާލަތުގައި ވެސް އެތަންތަނަށް މީހުން ވަންނަ ވަރަށް ވަނުމުގެ ހުއްދަ ވެސް ދިނެވެ. އެއީ ކޮވިޑުން ދިފާއުވުމަށް ވެކްސިން ޖަހާފައިވާ މީހުންނަށް ދިން ލުއިތަކެކެވެ.

ވެކްސިން ޖަހާފައިވާ މީހުންނަށް ސައުދީން ދިން ލުއިތަކުގެ ތެރޭގައި އިޖުތިމާއީ ގާއިދުކުރަން ބަހައްޓަން ނުޖެހުމާއި މާސްކް ނާޅައި ގެއިންް ބޭރުގައި އުޅުން ހުއްދަވުން ވެސް ހިމެނެ އެވެ.

Tge Masjid al Haram,, #Makkah was quite crowded during Fajr prayer. Beautiful scenes ❤❤ pic.twitter.com/nBB8Weg6BI
— Afsar Mahmud (@AfsarMahmud17) October 29, 2021

ކޮވިޑް ފެތުރެން ފެށުމާ އެކު މިދިޔަ އަހަރު ސައުދީ ސަރުކާރުން ވަނީ މައްކާގައި ހުންނަ އަލްމަސްޖިދުލް ހަރާމް އާއި މަދީނާގައި ހުންނަ އަލްމަސްޖިދުއް ނަބަވީ އަށް އެއް ވަގުތެއްގައި ވަދެވޭ މީހުންގެ އަދަދު މަދުކޮށްފަ އެވެ. އަދި އެ ދެ މިސްކިތުގައި ގައިދުރުކޮށްގެން ނަމާދުކުރާ ގޮތަށް ވެސް ހަމަޖެއްސި އެވެ.