ރާއްޖޭގެ ޕޫލް ބިލިއާޑް އެސޯސިއޭޝަން (އެމްޕީބީއޭ) ގެ ރައީސް ނުވަތަ ޗެއާޕަސަންގެ މަގާމު، އަނެއްކާވެސް އަހްމަދު ނާސިފް ދީދީ (ޑީޑީ) އަނެއްކާ ވެސް ދިފާއު ކުރައްވައިފި އެވެ.
ވެމްކޯގެ ޗެއާމަންކަން ވެސް ކުރައްވާ ޑީޑީ، އެ މަގާމަށް އިންތިހާބު ކުރީ ތިންވަނަ ދައުރަކަށެވެ.
މި ފަހަރުގެ އިންތިހާބަކީ ބިލިއާޑް އާއިލާގެ ބޮޑު ތަރުހީބެއް ލިބިގެންދިޔަ އިންތިހާބެކެވެ. އެގޮތުން ވޯޓުލުމުގެ ހައްގު ލިބިފައިވާ 128 ފަރުދީ މެންބަރުންގެ ތެރެއިން 115 މީހުން ވޯޓުލާފައިވާއި ވެއެވެ.
އިންތިހާބުގައި ޗެއާޕާސަންގެ މަގާމަށް ޑީޑީއާ ވާދަކުރެއްވީ އިސްމާއިލް ރަޒީން އެވެ. އެމްބީއޭގެ އޮފިޝަލް ވިދާޅުވީ ޑީޑީ މަގާމު ދިފާއު ކުރެއްވީ 90 ޕަސަންޓަށް ވުރެ ގިނަ ވޯޓާ އެކު ކަމަށެވެ.
ވައިސް ޗެއާޕަސަންގެ މަގާމަށް ހަސަން ޝަފްރާޒް އަދި އަހްމަދު ޒިޔާއު ސައީދާ ވާދަކޮށް ކުރި ހޯއްދެވީ އަހްމަދު މާހިދެވެ. ހަޒާންދާރުގެ މަގާމަށް ނަވާޒް ތައުފީގާ ވާދަކޮށް އިންތިހާބުވީ ފާތިމަތު ރައުފާ މުހައްމަދު ހާފިޒް އެވެ.
އެސޯސިއޭޝަންގެ އާ އެކްސްކޯގެ އަންހެން މެންބަރަކަށް ފާތިމަތު އަރަފާ އާމިރުއާ ވާދަކޮށް ކާމިޔާބު ކުރީ ފަގީހާ އިބްރާހިމެވެ. އަދި ފިރިހެން ދެ މެންބަރުންގެ ގޮތުގައި ހޮވިފައިވަނީ އަލީ ޝާވިން އާއި ޔޫސުފް ޒުބައިރު އެވެ.