ވިއެޓްނާމްގެ ގޫޔެން ތީ ތަޔެޓް ޓްރަން އަތުން ބޯޅަ ހޯދަން ރާއްޖޭގެ ސާލިޔާ މަސައްކަތް ކުރަނީ. -- ފޮޓޯ: އޭއެފްސީ
23 ސެޕްޓެމްބަރ 2021 - 22:18
20 comments
ދުޝަމްބޭ (ސެޕްޓެމްބަރު 23) - އަންނަ އަހަރު އިންޑިއާގައި ބާއްވާ އޭއެފްސީ ވިމެންސް އޭޝިއަން ކަޕަށް ކޮލިފައިވާން ތަޖިކިސްތާނުގައި މިހާރު ކުރިޔަށްދާ ގުރޫޕް ބީގެ ފުރަތަމަ މެޗުގައި ވިއެޓްނާމް އަތުން 16- 0 އިން ރާއްޖެ މިރޭ ބަލިވެއްޖެ އެވެ.
އެފްއޭއެމްގެ ޓެކްނިކަލް ޑިރެކްޓާ އަހްމަދު ޝަރީފް (ޑުންގާ) ގެ އިރުޝާދުގެ ދަށުން ނުކުތް ރާއްޖޭގެ ޓީމުން މިރޭގެ މެޗަށް ނެރުނީ ނިސްބަތުން ޒުވާން ޓީމެކެވެ. ކުރިޔަށް ކުޅޭ 16 އަހަރުގެ ރާނިޔާ އިބްރާހީމް ވެސް ވަނީ މިރޭގެ މެޗުގެ ފުރަތަމަ އެގާރައިގައި ހިމަނައިފަ އެވެ. ރާނިޔާ ވަނީ ރާއްޖޭން މިދިޔަ މަހު ޔޫއޭއީގައި ކުޅުނު ރަހުމަތްތެރިކަމުގެ ފުރަތަމަ މެޗުގައި ރާއްޖޭން ކާމިޔާބުކުރި ހަމައެކަނި ގޯލު ޖަހައިފަ އެވެ.
ދުނިޔޭގެ ރޭންކިންގެ 32 ވަނައިގައި އޮތް ވިއެޓްނާމުން ވަނީ ފުރަތަމަ ހާފުގައި ރާއްޖޭގެ ކޮޅަށް ފަސް ލަނޑު ޖަހައިފަ އެވެ. އަދި ދެވަނަ ހާފުގައި ޖެހި 11 ގޯލާ އެކު އެޓީމުން މެޗު ކާމިޔާބުކުރީ 16-0 ގެ ނަތީޖާއަކުންނެވެ. މެޗުގެ މޮޅު ކުޅުންތެރިޔަކަށް ހޮވުނީ ބަދަލު ކުޅުންތެރިއެއްގެ ގޮތުގައި ކުޅެން އެރި ވިއެޓްނާމްގެ ހާއި ޔެން އެވެ. އޭނާ ވަނީ މެޗުގައި ހަ ގޯލު ޖަހައިފަ އެވެ.
މިއީ ވިއެޓްނާމްގެ އަންހެން ގައުމީ ޓީމު މެޗަކުން މޮޅުވި އެންމެ ތަފާތު ބޮޑު ނަތީޖާ އެވެ. މީގެ ކުރިން އެޓީމު އެންމެ ތަފާތު ބޮޑު ނަތީޖާއެއް ހޯދީ ރާއްޖެ، އިންޑޮނޭޝިއާ އަދި ސިންގަޕޫރު 14-0 އިން ބަލިކޮށްގެންނެވެ.
ރާއްޖޭން އެންމެ ތަފާތު ބޮޑުކޮށް ބަލިވީ ގައުމީ ޓީމު ކުޅުނު ފުރަތަމަ މެޗުގައި މިޔަންމާ އަތުން 17-0 އިންނެވެ.
ވިއެޓްނާމާ ދެކޮޅަށް ނުކުތް ރާއްޖޭގެ ފުރަތަމަ 11:
އާމިނަތު ލީޒާ (ގޯލްކީޕަރު / ކެޕްޓަން)، ފާތިމަތު ސައިނާ، ފާތިމަތު އަފްޒާ، ފާތިމަތު ތީބާ، ޝަހުލާ ތައުފީގު، ފާތިމަތު ސާލިޔާ، ހައްވާ ހަނީފާ، މަރިޔަމް ނޫރާ، މަރިޔަމް ރިފާ، ރާނިޔާ އިބްރާހީމް، ފަރަހް އަހުމަދު.
މެޗަށް ފަހު ވިއެޓްނާމް ފުޓްބޯޅަ ފެޑެރޭޝަންގެ ޗެއާމަން ލޭ ޚަން ހާއި ވަނީ އެ ގައުމުގެ ފެޑެރޭޝަންގެ އެގްޒެކެޓިވް ޓީމުގެ ސްޓެންޑިން ބޯޑާއެކު ޓީމަށް މަރުހަބާ ކިޔައި، 300 މިލިއަން ވިއެޓްނަމީސް ޑޮންގް (13،200 ޔޫއެސް ޑޮލަރު / 203،500 ދިވެހި ރުފިޔާ) ޓީމަށް ހަދިޔާ ކޮށްފަ އެވެ.
އޭޝިއަން ކަޕަށް ކޮލިފައިވާނީ ކޮންމެ ގުރޫޕަކުން ވެސް އެއްވަނައަށް ދާ ޓީމެކެވެ. ތިން ޓީމު ހިމެނޭ ގުރޫޕް ބީގައި ރާއްޖެ ކުޅޭ ފަހު މެޗުގައި އަންނަ އާދިއްތަ ދުވަހުގެ ހަވީރު 6 ޖަހާއިރު ނުކުންނާނީ ތަޖިކިސްތާނާ ދެކޮޅަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތާޒަން
27 September 2021
ޢެފްއޭއެމްގެލޯގޯއެއްނޫންޖާޒީގަޖަހަންވީގައުމީދިދަ
ގޯޕާލް
25 September 2021
ދިވެހިނއ ވާނީ ދިވެހިންނަށް. އެހެން މީހުނަށް ހަޖޫ ނުޖަހަންޏާ ދިވެއްސަކަށްވެސް ނުވާނެ. ޜާއްޖޭގައި އަންހެން ފުޓްބޯޅައެއް އަދިނެތް. އެތެރޭގެ މުބާރާތްތަކެއް ނެތް. ކުޑަކުދިންނަށް ޓްރެއިން ކުރެވިފައެއްނެތް. ފުރަތަމަ ވީ ކުޅުންތެރިންތަކެއް އުފައްދަން. އިންޓަރ ސްކޫލް މުބާރާތްތައް ބާއްވަން. އެތެރޭގެ ލީގްތަކެއް ބާއްވަން. މި ކުދިން ކުރި ހިއްވަރަށް ސާބަސް. އެނބުރި އައުމުން ދެން އެކުދިންނާ ފޮށޭނީކީއެއްނޫން.
އިދުރީހުބެ
25 September 2021
އެބުނާހެން ކުޅިވަރު ކުރިއަރުވަން ހެދިފައިހުން ފެސިލިޓީސްތައް އަދި ފުރުސަތުވެސް މިދެވެނީ ބޭބެ ދައްތަ ކޮށްކޮ ކާފަ މާފަޔަށް. އިސްވެރިންނަށް މިތިބެނީ ކޮންމެވެސް އަމިއްލަ ކަމެއްނުވެގެން އޮތްދާހިއްލާފަތިބޭމީހުން. އެހެންވީމާ ވާނެވަރު މިފެންނަނީ. ބަލިވުމަކީވެސް ތަމުރީނެއް އެކަމަކު މިދެން ތަންފުކެއްބޮޑުވަރު. ބޭކާރު ހަރަދު ނުކޮށް އެކަށޭނެ ފެންވަރަކަށް ތަމުރީނު ހޯދުން ބުއްދިވެރި. ފުޓުބޯޅަ ގޯލްތައް ވޮލީމެޗެއްގެ ޕޮއިންޓުތަކަކަށް ބަދަލުވީމަ އެއީ ލަދުަކަމެއް.
ޕޮއް
24 September 2021
ކޮންމެ 5 މިނެޓްއަކުން ގޯލްއެއް ވަރަށް ފުރިހަމައަށް ޓީމް ނެގިފައި ތިހުރީ، ތިއަށްވުރެ ރަގަނޅުވާނެ ދަރިންނާއި ފިރިންގެ ހިދުމަތުގައި ގޭގައި ތިއްބަސް
ނަރުދަމާ
25 September 2021
ކޮއްކޯ ތިޔާހެން ނުބުނޭ! ތަންކޮޅެއް ކުރިން އަރަބި ކޮންމެވެސް ގައުމަކާއި އެކީ ކުޅެގެން ރާއްޖޭގެ ގައުމީ ފިރިހެން ޓީމްކޮޅަށް 17 ލަނޑުޖެހި ހަނދާނެއްވެސް އެބަވޭ!
ސަލީމް
24 September 2021
އެސޯސިއޭޝަންތަކުގެ ހުންނަ ފެސިލިޓިީސް ތައް މިހުންނަނީ އެތަނުގައި ތިބޭ މީހުންގެ ބޭބެ ކޮއްކޮ ފަހަރި ޅިޔަނު ރައްޓެހިން ވިޔަފާރި ކުރަން އެކަޑަމީތަކުގެ ނަމުގައި ދީފައި. ބަލިވި ސަބަބު ދެނެގަތުމުގެ އެއްވެސް އެނެލިސިސް އެއް ހެދުމެއް ނޯވޭ. މި ޙާލަތުން އަރައިގަނެވޭނީ އެސޯސިއޭޝަން ތަކުގެ ވިސްނުން ބަދަލުވެގެން. ގައުމީ ވިސްނުން ގެނެސްގެން. 4 5 އަހަރު ޓެލެންޓެޑް ކުދިން ހޮވައިގެން 10 އަހަރުގެ ޕްލޭނަކާ އެކު އެކުދިންނަށް ރަގަޅު ޓްރެއިނިންގ ދީގެން.
ރަދީފްއޮފިޝިއަލް
24 September 2021
ރާޓީވީގެ ޔޫރޯ ކަވަރޭޖް ބެލި މީހުންނަށް ފޭކް ޑުންގާގެ އަސްލު ފެންވަރު ވަޒަންކުރެވިފަ ހުންނާނެ.ވ.ވެދުން
ރަދީފްއޮފިޝިއަލް
24 September 2021
ޑުންގާ ޔޯ.ލޮލް.ނަމުން މަމޮޅު.ކަމުން ރޯނުއެދުރެއް.ހެހެހެހެ
ރަދީފްއޮފިޝިއަލް
24 September 2021
ހެހެހެހެހެހެހެހެހެހެހެ.މީތި ސަޅި.އަދި ހިތްވަރުކޮށްލާތި.ކާމިޔާބްލިބޭނެ.
ޟާނު
24 September 2021
ތިކަންކުރަން ލާރި އެބަހުރި 16 ލަނޑު ޖަހާއިރުވެސް ރެފްރީންނަށްދޭނެ ލާރިނެތީ ޑުންގާ ޕަޕެޓަށްވާނީ ތިވަރު ވަޔަށް އުޅޭމީހުން ލައިގެން ކޮންކުރިެރުމެއްލިބޭނީ
އެޑްމުންޑޯ
24 September 2021
ޜާއްޖޭގެކުޅިވަރުގެ ހާލަތު ރަގަޅު ނުވަނީ މާލެއަށް ހުރިހާކަމެެއް ބަރޯސާވެފައި އޮންނާތީ ، ރާއްޖެތެރޭގެ ކުޅިވަރު ތަރައްގީ ނުކޮއް ލާހިކެއްނޫން ރަގަޅުނަތީޖާ އެއްނެރެން ، ރައްރަށުގެ ދަނޑުތަކާއި ކޯޓްތައް ތަރައްގީކޮއްގެން ކޯޗުން ތިބެގެން ޓްރައިނިންޕްރޮގްރާމް ހިންގަންވީ ، އޭރުން ހުނަރުވެރި ކުޅުންތެރިން އުފެދި ގައުމީޓީމުގައި ހިމެނި ނަތީޖާ ފެންނާނީ . މިސާލަކަށް އިންޑިޔާގެ އެތްލީޓުންނާއި ކްރިކެޓް ޓީމަށް ބަލާ ، އެކިސަރަހައްދުތަކުން ފްރޭނިގެން ނަގާފަ ހުންނަނީ