ޕްލެޔާ ޕްރޮފައިލް: މަވީން ހަމިލްޓަން - ލަންކާ

ގައުމުން ބޭރުގައި ކުޅޭ ލަންކާ ނަސްލުގެ ދެ ކުޅުންތެރިން މި ފަހަރުގެ ސާފަށް ނެގި ޓީމުގައި ހިމެނެ އެވެ. މި ދެ ކުޅުންތެރިންނަކީ ވެސް އިނގިރޭސިވިލާތުގައި ކުޅެމުން އަންނަ ދެ ކުޅުންތެރިންނެވެ. އިނގިރޭސި ވިލާތުގެ ހަތްވަނަ ޑިވިޝަނުގައި ކުޅޭ 32 އަހަރުގެ މަވީން ހަމިލްޓަން އަކީ އިސްކޮޅުން ދިގު، ހަށިގަނޑުން ބިޔަ މިޑްފީލްޑަރެކެވެ.

ދެން ހިމެނެނީ އިނގިރޭސި ޗެމްޕިއަންޝިޕްގައި ކުޅޭ ކިއުޕީއާރުގެ ރިޒާވް ޓީމަށް ކުޅެމުން އަންނަ 19 އަހަރުގެ ވިންގާ ޑިލޯން ޑި ސިލްވާ އެވެ. މިދިޔަ ޖޫން މަހު ލަންކާ އިން ލެބަނަން އާއި ދެކުނު ކޮރެއާއާ ދެކޮޅަށް ކުޅުނު ފީފާ ވޯލްޑް ކަޕް ކޮލިފައިން ދެ މެޗުގައި ވެސް ޑިލޯން ވަނީ މޮޅު ކުޅުމެއް ދައްކައިފަ އެވެ.

ލަންކާ ގައުމީ ޓީމުގެ ކީޕަރު ސުޖަން ޕެރޭރާއަކީ ދިވެހިންނަށް ފަރިތަ ނަމެކެވެ. މިދިޔަ ސީޒަންގެ ކުރިން އޭނާ ވަނީ ފަސް ސީޒަނުގައި ކްލަބް އީގަލްސްގެ ގޯލު ބަލަހައްޓައިފަ އެވެ. އަދި ފުރަތަމަ ސީޒަނުގައި ވެސް ރާއްޖޭގެ ލީގުގެ އެންމެ މޮޅު ކުޅުންތެރިޔާގެ މަގާމް އޭނާ ހޯދި އެވެ. އެ ފަހަރު ލީގުގެ މޮޅު ކުޅުންތެރިޔާ އަދި ޓޮޕް ސްކޯރާ އަށް ފޫއަޅުވާނުލެވުނީވެސް ހަމައެކަނި ސުޖަން ބެލެހެއްޓި އީގަސްގެ ގޯލެވެ.

ސުޖަންގެ އިތުރުން މިދިޔަ ސީޒަނުގައި ޓީސީ ސްޕޯޓްސް ކުލަބުގެ ފަހަތަށް ކުޅުނު ޔޯގެންދްރަން ޑަކްސަން ޕުސްލަސް އަކީ ލަންކާގެ ދިފާއީ ފާރުގެ އެއް ތަނބެވެ. ޓީސީގައި އޭނާ ވަނީ ފުރުސަތުގެ ބޭނުން ހިފައި، ރަނގަޅު ކުޅުމެއް ދައްކައިފަ އެވެ.