ވިނަރެސް ޕްލެޓްތަކެއް. ފްލެޓްތަކަށް ކުރިމަތިލުން ވަނީ ފަސްކޮށްފައި -- ފޮޓޯ: މިހާރު
06 ނޮވެމްބަރ 2023 - 06:29
23 comments
ވިނަރެސް ފްލެޓަށް އިއްޔެ ހުޅުވާލުމުން، ޕޯޓަލަށް ވަނުމަށް ދިމާވި މައްސަލަތަކާ ހެދި، އެ މައްސަލަ ހައްލު ކުރެވެންދެން އިތުރަށް އެޕޯޓަލް މެދުވެރިކޮށް ވިނަރެސް ފްލެޓަށް އެދުމުގެ ފުރުސަތު މަޑު ޖައްސާލައިފި އެވެ.
އާބަންކޯއިން ރޭ ދަންވަރު ނެރުނު ބަޔާނުގައި ބުނީ އިއްޔެ އެ ކުންފުނީގެ އޮންލައިން ޕޯޓަލް މެދުވެރިކޮށް ފްލެޓަށް އެދި ހުށަހެޅުމުގެ ފުރުސަތު ހުޅުވާލި ނަމަވެސް، ފޯމު ހުށަހަޅަން ހުޅުވާލި ވަގުތު އެ ޕޯޓަލަށް ގިނަ ޓެކްނިކަލް މައްސަލަތަކެއް ދިމާވި ކަމަށެވެ. އެ މައްސަލަތަކާ ހެދި ޕޯޓަލަށް ނުވަދެވުމުގެ ޝަކުވާތައް ގިނަ އަދަދަކަށް ލިބުނު ކަމަށް ބުންޏެވެ.
އެހާ ގިނަ ޝަކުވާތައް ލިބިފައިވާތީ، އެކަން އިތުރަށް ބަލަން ޖެހޭ ކަންކަން ފާހަގަކުރެވިފައިވާތީ އެޕާޓްމެންޓްތައް ގަތުމަށް އޮންލައިންކޮށް ޕޯޓަލް މެދުވެރިކޮށް ފޯމު ހުށަހެޅުމުގެ މަރުހަލާ މަޑުޖައްސާލާފައިވާ ކަމަށް އެ ކޯޕަރޭޝަނުން ބުންޏެވެ.
އިއްޔެ ވިނަރެސް ޕޯޓަލަށް ވަތް ބައެއް މީހުންނަށް ޑޮކިއުމެންޓްތައް އަޕްލޯޑު ކުރަން 20-30 މިނެޓު ނެގި އިރު ބައެއް މީހުންނަށް ނުވަދެވި އެތައް އިރެއް ވެސް ވި އެވެ. އަދި ބައެއް ފަރާތްތަކަށް ފޯމު ފުރުމަށް ފަހު ސަބްމިޓް ނުކުރެވި ދިގުލައިގެން ދިޔަ އެވެ.
ވިނަރެސް ފްލެޓްތައް. އިއްޔެ 10:00 ގައި ހުޅުވާލުމުން ގިނަ ބަޔަކަށް ޕޯޓަލަށް ވަނުމަށް ދަތިތައް ކުރިމަތިވި -- ފޮޓޯ: މިހާރު
އާބަންކޯއިން ބުނީ، ޕޯޓަލްގެ ޓެކްނިކަލް މައްސަލަތައް ހައްލު ކުރުމަށްފަހު ވިނަރެސް މަޝްރޫއުއިން އެޕާޓްމެންޓް ގަތުމުގެ ފުރުސަތު ހުޅުވާލާނެ ތާރީހެއް އަލުން އިއުލާނު ކުރާނެ ކަމަށެވެ. އެކަމާ ގުޅޭ އިތުރު މައުލޫމާތު އާބަންކޯގެ ހޮޓްލައިން 1516 އަށް ގުޅައިގެން އިތުރަށް ހޯދޭނެ އެވެ.
އިއްޔެ އާބަންކޯއިން ވިނަރެސް ޕްލެޓް ގަތުމަށް ހުޅުވާލީ 10:00 ހާ އިރު އެވެ. އެކަމަކު ބައި ގަނޑިއިތު ނުވަނީ ފްލެޓްތައް ވަނީ ގަނެ ހުސްވެފަ އެވެ. މިއަދު ހުޅުވާލުމަށް ރާވަފައިވަނީ އިއްޔެ ހުށަހެޅި ފޯމުތަކުގެ ތެރެއިން ޑޮކިއުމަންޓްތައް ހަމަނުވެގެން ކެންސިލްވި ފްލެޓްތަކަށެވެ.
ވިނަރެސް އަކީ 13 ބުރީގެ 10 ޓަވަރު ހިމެނޭ ގޮތަށް ތިން ކޮޓަރީގެ 1،344 ފްލެޓް ހިމެނޭ ހައުސިން މަޝްރޫއެކެވެ. އޭގެ ތެރެއިން އިއްޔެ ހުޅުވާލީ 120 ވަރަކަށް ޕްލެޓަށެވެ. އަދި މިވަގުތު ޕްރޮސެސިންގައި 1063 ފްލެޓެއް އޮތް އިރު ބުކް ކޮށްފައިވަނީ 281 ފްލެޓެވެ. އަދި އިތުރު އެއްވެސް ފްލެޓެއް ޕޯޓަލުން އިތުރަށް ހުރި ކަމަށް ނުދައްކަ އެވެ.
ވިނަރެސް ފްލެޓް ދޫކުރަނީ އެއްކޮށް ފައިސާ ދައްކައިގެން ނާއި ލީޒް ޓު ރެންޓްގެ ދަށުން ދެ އުސޫލަކުންނެވެ. އެގޮތުން ދިގު މުއްދަތަށް ކުލި 20 އަހަރަށާއި 25 އަހަރަށް ވެސް ބަހާލައިގެން ދެއްކޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދޮރު ވެރިޔާ
07 November 2023
އާރބަންކޯ މީ ދެއުޅިޔެއް ނުވާ ވެރިންތަކެއް ލައިގެން އުޅޭ ތަނަކީތަ؟ ހާދަހާ ދޯދިޔާ ކޮށޭ ކަންތައްތައް ރޭވިފައި އޮންނަނީ. ޚިދުމަތެއް ހޯދަންދިޔަޔަސް އެއް ސުވާލެއް ކުރާނެ ތިން ހަތަރު މުވައްޒަފުން. އަނެއްކަ އެއް މައްސަލައަށް އެ އެންމެންގެ ޖަވާބުވެސް ތަފާތު ވާނެ. ދެން ހަމައިން ނައްޓާ މީހަކުވެއްޖީޔާ ކުރުދޮށިން ދީފާ ދޯ ނުކުމެގެން ދާނީ. އަނެއްކަ މައްސަލަތަކުގެ ޙައްލުހޯދުން އެއީ ވަރަށް އުނދަގުލުން ނޫނީ ނުވާ ކަމެއް. ސަހަރޯ ހީވާނެ ބައެއްފަހަރު
ޢަލަި
06 November 2023
ތީއިންސާފުތަ ދައުލަތުން ބޯހިޔާވަހިކަން ތަނަވަސް ކޮށްދެން ނަސީބު ނަންބަރެއްހެން ވިނަރެސްއާ ފުލެޓާ ގޮއްޗާބެހުން. ކުރިންއައި މީހަކަށް ، އަޑުގަދަ މީހަކަށް ބަހާ ހުސްކޮއްލާ އުސޫލުން ބަހާ ހުސްކޮށްލަނީ، ތިޔައްވުރެ ރަނގަޅަށް ތިކަން ކުރެވޭ ގޮތެއްގެ ވިސްނުން އެކަންކުރާ މީހުންގެ ސިކުޑިތަކަށް މެދުވެރި ކުރައްވާދޭވެ. ޢާމީން
ޕޯޓަލް ނޮޓް އޯކޭ
06 November 2023
ކޯ-އެޕްލިކަންޓުގެ އެޓޭޗްމަންޓް އަޕްލޯޑުކުރާ ޕޭޖު ލޯޑުވާންވެސް ނެގި 7 ވަރަކަށް މިނިޓް. އެހާ އުނދަގުލުން ގޮސް ޔުނިޓް ސެލެކްޝަންއާ ހިސާބަށް ދިޔައީމަ ޑްރޮޕްޑައުން ވޯކެއް ނުކުރި. ޕޯޓަލް އޯކޭ އެއް ނޫން. 123 ޔުނިޓް އަލުން އިއުލާން ނުކޮށްފިނަމަ އެ އަރައިގަނެވުނީ ވަރަށް ގިނަ ބައެއްގެ ހައްޤަކަށް. 2/2
ނެކްސްޓް
06 November 2023
ދެން ހުޅުވާލިޔަސް ހަމަ ވާނީ މިހެން އެތައް ހާސް ބަޔަކު އެއްފަހަރާ ވަނީމަ. ޢެހެނެކޭ ކިޔާފަ ފޯމް ލެވުނު މީހުންގެ ހައްގަކަށް އަރަގަނެގެން އެބާތިލް ކުރުމަކީ އިންސާފެއްތަ؟
ޜަސާދު
06 November 2023
ޢަހަރުން ވެސް ހަމަ ތިހާލުން ފޮރްމު ލީ. މަގޭ ކޯ އެޕްލިކަންޓެ ނެއި. ގެރެންޓާ އެއް ވެސް ބޭނުމެއް ނުވޭ. އެހެންވެ އަވަހައް ލެވުނީ. ޢެގޮތުން ދެން ފަހަރަކު ވެސް އަހަރެން ކަހަލަ މީހުނައް އަވަހައް ފޮރްމު ލެވޭނެ. ލިޔަން ޖެހޭ އެއްޗެހި އަދި ޢެޓޭޗް ކުރްން ޖެހޭ އެއްޗެހި މަދު ޥީމަ އެއި. ޢަހަރުން ގެ ހައްގު ތައް ކޮބާ؟ ޢަހަރުން ބުނަން ވީތަ ދެން ވެރިންގެ އާއިލާ މީހުނައް ނުލިބުނީމަ ޢަހަރުން ފޯރްމު ކެންސަލު ކުރީއޭ؟ ޙަމަޖެހޭ ވާހަކަ އެއް ދައްކަބަލަ.
އަހަންމަދާ
06 November 2023
ތިކަހަލަ ތަންތަން އަޅަންވީ ޑިމާންޑް ދާ ވަރަށް އޭރުން ތިކަން ހައްލުވީ. 200،000 އެޕާޓްމަންޓް މި ސަރަހައްދު ގަ އަޅާލެވުނީމަ މި ވަގުތަށް ވާނެ.
ރޯނު އެދުރޭ
06 November 2023
އާއްމުކޮށް ދަންވަރު މީހުން ނިދީމަ ތިކަހަލަ ކަންކަމާ ވިސްނަންވާނީ
ޜަސާދު
06 November 2023
ސްވެކް ސިނަމާ އިން ޓިކެޓް ނަގާ އިރު ވެސް 3 މިނެޓް ތެރޭ ވިކޭ. ޥެބްސައިޓު ގަ މައްސަލަ އެއް ނެތް. ބޮޑެތި ކުންފުނި ތަކެއް އެޕަލް އަދި އެމަޒޮން ވެސް ދަނީ މި ވަރުން ހަމަ ޑިމާންޑު ބޮޑު ވީމަ. ޅިިބުނު މީހުނައް ބާތިލު ކޮއްގެން ނުވާނެ
ފަސާދަ
06 November 2023
މި ގައުމުގައި މި އޮތް ނިޒާމުގައި ރައްޔިތުންގެ މަޖިލީހުގައި މެންބަރުން ތިބޭހައި ދުވަހަކު މި ގައުމުން ކޮރަޕްޝަނާއި ފަސާދައާއި މުންކަރާތްތައް ނިމުމަކަށް ނާންނާނެ. އޭގެ ނަތީޖާ ވަށައިގެން ހުރިހާ ދިމާއަކުން ފެންނަމުން މިދަނީ. އަދި ކުރިޔަށް މިއޮތް އިންތިޚާބު ގާތްވަމުން އަންނަ ވަރަކަށް ގައުމުގައި ކޮރަޕްޝަނާއި ފަސާދަ ދާނީ އިތުރުވަމުން. މިހާރު އޮތް ގޮތް ނޫން ގޮތަކަށް މަޖިލީހުގެ ބާރުތައް ހަނިކޮށްގެން ނޫނީ ސަލާމަތެއް ނެތް.
ބްރޯޒޯ
06 November 2023
ބޭނުން ކުރަންވީ ބްރޯޒޯ އާ ވޯރކް އެރައުންޑްސް ތަށް އިއުލާން ކޮށްބަލަ.
ޕޯޓަލް އޯކޭ
06 November 2023
މިފަހަރު އެޗްޑީސީ އިން ހީކުރި ގޮތާއި ހިލާފަށް ތައްޔާރުވެފައިކަން ވަރަށް ބޮޑަށް ފާހަގަވި، މައްސަލަ ދިމާވީ 10:00 އަށް އެންމެން އެއްވަގުތަކު އީ-ފާސް މެދުވެރިކޮށް ލޮގިން ވާން އުޅުމުން ޖެހުނު މައްސަލަ. އަހަރެން 2 ދުވަސް ކުރިން ހުރިހާ ލިޔުމެއް ހަމަކޮށް، 09:45 އިން ފެށިގެން އިނީ ތި ޕޯޓަލް އަށް ވަދެ، 2-3 ފަހަރު ކްރޭޝްވި ނަމަ ވެސް 38:00 މިނެޓުން ސަބްމިޓް ކުރެވުނު، އަދި ރަނގަޅު ޔުނިޓެއް ވެސް ލިބުނު. ވެބްސައިޓް އޯކޭ، އިއްޔެގެ ފޯމް ކެންސަލްކޮށްގެން ނުވާނެ
ޕޯޓަލް ނޮޓް އޯކޭ
06 November 2023
އަހަރެންވެސް 1 ދުވަސް ކުރިން ހުރިހާ އެއްޗެއް ހަމަކޮށްގެން 9:40 ނުވަނީސް ޕޯޓަލްއަށް ވަދެ އިނީ، އީފާސް އޯޓީޕީ މައްސަލަ ޖެހޭނެކަން އެނގޭތީ. އެކަމަކު 10 ޖެހީމަ ފުރަތަމަވެސް ޕޯޓަލް ކްރޭޝް ވީ. ޕޭޖު ލޯޑު ވީ އެތައް ފަހަރަކު ރިފްރެޝް ކޮށްގެން. އެވެސް އެރޯ ތަކަކާ އެކީގަ. އެ ޕޭޖް ފުރާފަ ދެން އޮތް ޕޭޖު ލޯޑުވީ އެހާ އުނދަގުލުން. ދިހަ ވަރަކަށް ފަހަރު ޖެހުނު މުޅި އެތި އަލުން ފަށަން. 1/2
ޢަލިއަކްބަރު
06 November 2023
މަވެސް އިނީ ހަމަ ތިހެން، ތަނެއް ލިބުނު
ނަދުމް
06 November 2023
ޑައުންޕޭމަންޓް ކުލި ކުޑަރޭ!