ރެޑްބޮކްސް ޕެކޭޖްތައް ފަސޭހަކަމާ އެކު އަތަށް!

ރާއްޖޭގައި ފުޅާދާއިރާއެއްގައި ކުރިއާ އަދި ޑެލިވަރީ ހިދުމަތްދޭ ރެޑްބޮކްސް އިން މާލޭގައި ސެލްފް ސާވިސް ކިއޮސްކްގެ ހިދުމަތްދޭ އާ އައުޓްލެޓެއް ހުޅުވައިފި އެވެ.

މި އައުޓްލެޓަކީ ކަސްޓަމަރުންނަށް ފަސޭހަކަމާ އެކު އަމިއްލައަށް ޕާރުސަލް ނެގުމުގެ ހިދުމަތް ފޯރުކޮށްދޭ ތަނެކެވެ. ރެޑްބޮކްސް އިން ބުނި ގޮތުގައި އެއީ ކަސްޓަމަރުންގެ ޝަކުވާތައް އަޑުއަހައި، އަވަސް ހައްލެއް ހޯދައިދިނުމުގެ ގޮތުން ހުޅުވި އައުޓްލެޓެކެވެ.

ލޮނުޒިޔާރަތް މަގުގައި ހުޅުވި އެ އައުޓްލެޓްގައި ގާއިމްކޮށްފައިވާ ސެލްފް ސާވިސް ކިއޮސްކްތައް މެދުވެރޮކޮށް ކަސްޓަމަރުންނަށް، ހަމައެކަނި ޓްރެކިން ނަންބަރު ބޭނުންކޮށްގެން މަދު ސިކުންތުކޮޅެއްގެ ތެރޭގައި ޕާރުސަލް ނެގޭނެ އެވެ. އިތުރު ލިޔެކިޔުމެއްގެ ބޭނުންނެތި، ކިއު ނަންބަރެއް ނަގަން ނުޖެހި އަމިއްލަ ޕާރުސަލް ފަސޭހަކަމާ އެކު ނެގޭ ގޮތަށް ހަމަޖައްސާފައިވާ އެ ކިއޮސްކަކީ ގިނަ ބައެއްގެ ވަގުތު ސަލާމަތްވުމާއި ބޮޑު ލުއިފަސޭހަކަމެއް ލިބޭނެ ހިދުމަތެއްގެ ގޮތުގައި ރެޑްބޮކްސްއިން ސިފަކުރެ އެވެ.

އޮންލައިން ޝޮޕިން އިތުރުވަމުން އަންނަ އިރު ކަސްޓަމަރުންނާއި ވިޔަފާރިތަކަށް ފަސޭހަ ގޮތެއްގައި ޕާރުސަލް ނެގޭނެ ނިޒާމެއް ގާއިމުކުރުމަކީ މުހިންމު ކަމެއްކަމަށް ރެޑްބޮކްސްއިން ބުންޏެވެ. އަދި ކުރިއަށް އޮތްތަނުގައި މާލެ އަދި ހުޅުމާލޭގައި އިތުރު ކިއޮސްކްތައް ހުޅުވާނެ ކަމަށް ވެސް ބުންޏެވެ.

ރެޑްބޮކްސްގެ ސެލްފް ސާވިސް ކިއޮސްކްތަކަކީ، އެ ކުންފުނިން ޒަމާނީ ޓެކްނޮލޮޖީއަށް އިންވެސްޓްކޮށް، ކަސްޓަމަރުންގެ ތަޖުރިބާ އިތުރަށް ރަނގަޅުކުރުމަށް ކުރަމުން އަންނަ މަސައްކަތުގެ ނަތީޖާކަމަށް އެ ކުންފުނިން ބުންޏެވެ.

ރެޑްބޮކްސްއަކީ ރާއްޖެއަށް އާންމުކޮށް ޝިޕް ނުކުރާ އީ-ކޮމާސް ޕްލެޓްފޯމްތަކުން މުދާ ގަތުމާއި ގެނައުމުގެ ހިދުމަތް ފޯރުކޮށްދޭ ކުރިއާ ކުންފުންޏެކެވެ. މި ހިދުމަތް ފޯރުކޮށްދެނީ ޝޮޕްމީ.އެމްވީ މެދުވެރިކޮށެވެ. ރާއްޖޭގެ ކޮންމެ ހިސާބަކަށް ވެސް އަގުހެޔޮކޮށް އަދި ފަސޭހަކަމާ އެކު ޕާސަލް ޑެލިވަރީ ކޮށްދިނުމުގެ ހިދުމަތް ރެޑްބޮކްސް.އެމްވީ މެދުވެރިކޮށް ފޯރުކޮށްދެ އެވެ.