ވިޔަފާރި / ދައުލަތުގެ ބަޖެޓު 2026

ބަޖެޓް 2026: ބިން ހިއްކުމާއި އިމާރާތްކުރުމަށް 3.8 ބިލިއަން ރުފިޔާ

ފާތިމަތު ޝަނާ މުހައްމަދު، މިހާރު

31 އޮކްޓޯބަރ 2025 - 13:31

އަންނަ އަހަރަށް ލަފާކުރާ ބަޖެޓުގެ ކެޕިޓަލް ހަރަދުގެ ތެރެއިން ބިން ހިއްކުމާއި އިމާރާތް ކުރުމަށް 3.8 ބިލިއަން ރުފިޔާގެ ބަޖެޓެއް ކަނޑައަޅައިފި އެވެ.

ރައްޔިތުންގެ މަޖިލީހަށް ހުށަހެޅި އަންނަ އަހަރުގެ ބަޖެޓުގެ ހިސާބުތައް ދައްކާ ގޮތުން ޕްރޮޖެކްޓްތަކާއި އުމްރާނީ ތަރައްގީގެ މަޝްރޫއުތައް ހިންގުމަށް ވަނީ 9.3 ބިލިއަން ރުފިޔާ ކަނޑައަޅައިފަ އެވެ. އެއީ ޖުމްލަ ބަޖެޓުގެ 14 ޕަސެންޓެވެ. އަންނަ އަހަރަށް ލަފާކޮށްފައިވަނީ 64.3 ބިލިއަން ރުފިޔާގެ ބަޖެޓެކެވެ.

ބިން ހިއްކުމާއި އިމާރާތް ކުރުމުގެ ތެރެއިން އެންމެ ބޮޑު ހޭދައެއް ކުރަނީ އާންމު ބޭނުންތަކަށް އަޅާ އިމާރަތްތަކަށެވެ. އެފަދަ މަޝްރޫއުތަކަށް 2.3 ބިލިއަން ރުފިޔާ ހޭދަކުރެ އެވެ. މީހުން ދިރިއުޅެން އަޅާ އިމާރާތްތަކަށް 1.3 ބިލިއަން ރުފިޔާ ހޭދަ ކުރެ އެވެ. އެ ބަޖެޓުން ދެން ހޭދަކުރަނީ ބިން ހިއްކައި ބިން ގަތުމަށެވެ. އެފަދަ މަޝްރޫއުތަކަށް 277 މިލިއަން ރުފިޔާ ކަނޑައަޅާފައިވެ އެވެ.

ކެޕިޓަލް ހަރަދުގެ ތެރެއިން ޕީއެސްއައިޕީ މަޝްރޫއުތަކުގެ ވަކި ވަކި ތަފްސީލުތަކެއް މިއަހަރުގެ ބަޖެޓުގައި ވެސް ނެތެވެ. ހަމައެކަނި ހާމަކޮށްފައިވަނީ މަޝްރޫއުތަކަށް ކުރާ ހޭދަތަކަށް ޖުމްލަކޮށް ހިނގާނެ ހަރަދުތަކެވެ.

ބިން ހިއްކުމާއި އިމާރާތް ކުރުމުގެ އިތުރުން އިންފްރާސްޓްރަކްޗާ މަޝްރޫއުތަކަށް 4.3 ބިލިއަން ރުފިޔާ ކަނޑައަޅާފައިވެ އެވެ. އިންސްފްރާސްޓްރަކްޗާ މަޝްރޫއުތަކުގެ އެންމެ ބޮޑު ހޭދައެއް ކުރަނީ މަގު ހެދުމާއި ބްރިޖް އެޅުމަށެވެ. އެފަދަ މަޝްރޫއުތަކަށް 1.3 ބިލިއަން ރުފިޔާ ހިމަނާފައިވެ އެވެ.

ކެޕިޓަލް ހަރަދުގެ ތެރޭގައި އަހަރުގެ ކޮންޓިންޖެންސީ ނުވަތަ ކުއްލި ހާލަތްތަކާއި ހާއްސަ ހާލަތްތަކުގައި ބޭނުން ކުރަން ބަޖެޓުގައި ކަނޑައަޅާފައިވާ އަދަދު ވެސް ހިމަނާފައިވެ އެވެ. އާންމު ގޮތެއްގައި ބަޖެޓުގެ ކޮންޓިންޖެސީ އަދަދު ހިމަނަނީ އާންމު ހަރަދުތަކުގެ ބޭރުންނެވެ. އެކަމަކު އަންނަ އަހަރަށް ލަފާކުރާ ބަޖެޓުގައި އެ ހަރަދު ވެސް ހިމަނާފައިވަނީ ކެޕިޓަލް ހަރަދުގެ ތެރޭގަ އެވެ. އަންނަ އަހަރުގެ ބަޖެޓުގައި ކޮންޓިންޖެންސީ ބަޖެޓުގެ ގޮތުގައި 400 މިލިއަން ރުފިޔާ ހިމަނާފައިވެ އެވެ.

އޮފީސް ހިންގުމަށް ބޭނުންވާ ހަރުމުދާ ގަތުމަށް ކުރާ ހޭދައިގެ ގޮތުގައި ވެސް 780 މިލިއަން ރުފިޔާ ކެޕިޓަލް ހަރަދުގެ ބަޖެޓުން ހޭދަކުރަން ހިމަނާފައިވެ އެވެ.

އަންނަ އަހަރަށް ލަފާކުރާ ބަޖެޓުގައި ކެޕިޓަލް ހަރަދުގެ ތެރޭގައި ކޮންޓިންޖެންސީ ބަޖެޓާއި އޮފީސް ހިންގުމަށް ބޭނުންވާ ހަރުމުދާ ގަތުމަށް ކަނޑައަޅާފައިވާ އަދަދު ނުހިމަނާ މަޝްރޫއުތަކަށް އެކަނި ކަނޑައަޅާފައިވަނީ 8.1 ބިލިއަން ރުފިޔާ އެވެ. އެހެންވެ، ތަރައްގީގެ މަޝްރޫއުތަކަށް އަންނަ އަހަރުގެ ބަޖެޓުން ހޭދަކުރަނީ ޖުމްލަ ބަޖެޓުގެ 13 ޕަސެންޓެވެ.

ބިން ހިއްކުން ދައުލަތުގެ ބަޖެޓު 2026

15 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިސްޓަރ ވާން

01 November 2025

ނިކަން ބުނެދީ ބަލަ މިހިނގާ 2025 ވަނައަހަރު 56 ބިލިއަން ޙަރަދުކުރިގޮތް ޕްރޮޖެކްޓް ނަން ކިޔާފަ. ނުބުނެވޭނެ. 56 ބިލއަނަށް ކުރި ޚަރަދު އޮށްބާލަން މިފަހަރު ޕްރޮޖެކްޓްގެ ނަން ކިޔާ ގެން މި ގޭމް މިޖައްސަނީ........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރަނގު

01 November 2025

މިދިޔަ އަހަރުގެ ބަޖެޓަކީ ބޯހިޔާވަހި ކަމުގެ ބަޖެޓޭ ކިޔާ، އަދި ކުރެވުނު ކަމެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލި

31 October 2025

ވެރިކަމަށް އައީ އިބޫ ސާލިޙު ސަރުކާރުގެ ފްލެޓް ސްކީމްތަކަށް ކުރިމަތި ލި އެންމެނަށް ފްލެޓް ދޭނަމޭ ކިޔައި ވަޢުދު ވެގެން. ވެރިކަމަށް 2 އަހަރު ވެ ނިމިގެންދިޔައިރު އެންމެ ގާ ކޮޅެއް ވެސް ނުބެހެއްޓޭ. ތިންވަނަ އަހަރުގެ ބަޖެޓަކުން ވެސް އެއްވެސް އުއްމީދެއް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންްޓްރޯ

31 October 2025

އިމާރާތް ކުރުމުގެ ދާއިރާ މާލެ ސަރަހައްދުގައި އެބަޖެހޭ ކޮޕީ ޕޭސްޓް ނުކޮށް ކްރިއޭޓިވް އުސޫލުން އިނޮވޭޓިވް ބައިވާރކް މިއުސޫލުން 3 ކިލޯ މީޓަރު ދިގު 5 ކިލޯ މީޓަރު ފުޅާ މިނުގެ ފުޓް ޕްރިންޓް ހިމެނޭ ޕްލޮޓެއްގައި 1 ހެކްޓަރުގެ ފްލޯރ ސްޕޭސް އެއީ ވަކިން ވިއްކާ ފްލޯރ ސްޕޭސް ކަމަށް ހަދާ 150 ބުރީގެ އިމާރާތެއް ކުރަން އެފަދަ އިމާރާތެއްގައި ލިފްޓް ފީންނެއް ވެސް ހުންނާނެއޭ އެމްއީޕީ ލައިންސް ތަކަށް ކޮންކްރީޓް ސްލެބް ނުތޮރުފާ ގޮތަށޭ ހަދަން ޖެހޭނީ މިވިޔާފާރި