އޭޝިއާގެ ގައުމުތަކާއި ހަމައަށް ދުނިޔޭގެ ފެންވަރުގެ 'ބްރިޓިޝް އެޑިއުކޭޝަން' ފޯރުކޮށްދޭ، މެލޭޝިއާގައި ހުންނަ އެޕްސަމް ކޮލެޖަކީ 170 އަހަރަށް ވުރެ ދިގު ތައުލީމީ ތާރީހަކާ އެކު ބައިނަލްއަގުވާމީ ތައުލީމީ މާހައުލެއް ފޯރުކޮށްދޭ ތަނެކެވެ.
މެލޭޝިއާގައި 2014 ގައި ހުޅުވި މި ކޮލެޖަކީ އިނގިރޭސިވިލާތުގައި ހުންނަ އެޕްސޯމް ކޮލެޖުގެ 'ސިސްޓާ' ސްކޫލެކެވެ. މި ތަނަކީ މެލޭޝިއާގެ ކުއަލަލަމްޕޫރު އިންޓަނޭޝަނަލުން ގާތްގަނޑަކަށް 15 މިނެޓްގެ ދުރުމިން ހުންނަ 50 އޭކަރުގެ ބޮޑު ކެމްޕަހެއް ހުންނަ ސްކޫލެކެވެ.
އެޕްސަމް އަކީ ބްރިޓިޝް ކަރިކިއުލަމްއަށް ކިޔަވައިދޭ ތަނެކެވެ. އެ ކޮލެޖުގައި، ތުއްތު އިރުން ފެށިގެން ސެކަންޑަރީ ނިމެންދެން ކިޔަވައިދޭ ގްރޭޑުތައް ހުރެ އެވެ. އެތަނުގައި ތިން އަހަރުން ފެށިގެން 19 އަހަރާ ދެމެދުގެ ދަރިވަރުންނަށް ކިޔަވައިދޭ އިރު، އެ ތަނުގައި މިވަގުތު 30 ގައުމުގެ 830 ދަރިވަރުން ދަނީ ކިޔަވަމުންނެވެ.
އެ ކޮލެޖުން ގްރެޖުއޭޓުވި ދަރިވަރުން 2025 ވަނަ އަހަރުން 2026 ވަނަ އަހަރުގެ ޔުނިވަސިޓީ ކާމިޔާބީތަކަށް ބަލާއިރު، ރަސެލް ގްރޫޕްގެ ޔުނިވަސިޓީތަކަށް ކުރިމަތިލި އެ ކޮލެޖުގެ ހުރިހާ ދަރިވަރުންނަށް މަދުވެގެން އެއް އޮފާ ލިބިފައިވާއިރު، 60 ޕަސެންޓު ދަރިވަރުންނަށް އިނގިރޭސިވިލާތުގެ އެންމެ މަތީ 10 ޔުނިވަސިޓީން ވަނީ ޖާގަ ލިބިފަ އެވެ. އަދި އޮކްސްފޯޑް، ކޭމްބްރިޖް، އިމްޕީރިއަލް ކޮލެޖް ލަންޑަން، ޔޫސީއެލް، އެލްއެސްއީ، ސްޓެންފޯޑް، ޔޫސީ ބާކްލީ އަދި ނޭޝަނަލް ޔުނިވަސިޓީ އޮފް ސިންގަޕޫރު ފަދަ ދުނިޔޭގެ ނަން މަޝްހޫރު ޔުނިވާސިޓީތަކުން ވަނީ ފުރުސަތު ލިބިފަ އެވެ.
އެޕްސަމް އަކީ ދުނިޔޭގެ އެކި ކަންކޮޅުތަކުގައި މަޝްހޫރުވެފައިވާ ޕެސްޓަރަލް ކެއާގެ ފެންވަރު ރަނގަޅު، ކައުންސިލް އޮފް ބްރިޓިޝް އިންޓަނޭޝަނަލް ސްކޫލްސް ފޯ ސްޓޫޑެންޓް ވެލްފެއާ އެންޑް ލީޑާޝިޕް އިން ޑަބަލް ބީކަން ސްޓޭޓަސް ހޯދާފައިވާ ކުންފުންޏެކެވެ.
އެ ތަނުގައި ދަރިވަރުންގެ ހުނަރުތައް ތަރައްގީކުރުމުގެ ގޮތުން ހައިޕާފޯމަންސް އެކަޑަމީތައް ހުރެ އެވެ. އޭގެ ތެރޭގައި ދެކުނު އިރުމަތީ އޭޝިއާގެ ހަމައެކަނި އިންޑޯ ރެޑް ކްލޭ ޓެނިސް ކޯޓު ހިމެނޭ މުރާޓޯގްލޫ ޓެނިސް އެކަޑަމީ އާއި ލަލީގާ ފުޓުބޯޅަ އެކަޑަމީގެ އިތުރުން ގޮލްފްޒޯން ލީޑް ބެޓާ ގޮލްފް އެކަޑަމީ ވެސް ހުރެ އެވެ.
އެ ކޮލެޖުގައި ކޮންމެ ޓާމެއްގައި ވެސް 150 އަށް ވުރެ ގިނަ އިތުރު ހަރަކާތްތައް ހިންގަ އެވެ. އޭގެ ތެރޭގައި އާޓްސް، މިޔުޒިކް، ސްޕޯޓްސް އަދި ކުޅިވަރު ހުނަރުތައް ތަރައްގީކުރުމުގެ ފުރުސަތުތަކުގެ އިތުރުން ޕްރެކްޓިކަލް ހުނަރުތައް ދަސްކޮށް، އަމަލީ ތަޖުރިބާތައް ހޯދައިދޭ އިންޓާންޝިޕް ފުރުސަތުތައް ވެސް ހިމެނެ އެވެ.
އެ ކޮލެޖުގައި ބަދަލުވަމުންދާ ޓެކްނޮލޮޖީގެ ވަސީލަތްތަކަށް އަހުލުވެރިކޮށް، ޓެކްނޮލޮޖީގެ ރޮނގުން އެތިކަލް ކަންތައްތައްތަކާއި މެދު ހޭލުންތެރިކުރުމުގެ ގޮތުން އޭއައި އަދި ޑިޖިޓަލް ލިޓްރަސީގެ ޕްރިގުރާމެއް ސެކަންޑަރީ ދަރިވަރުންނަށް ހާއްސަކޮށް ކިޔަވައި ދެ އެވެ.
ހުރިހާ ސަގާފަތަކާއި ދީނެއްގެ ދަރިވަރުންނަށް ވެސް އެ ކޮލެޖުން އިންކްލޫސިވިޓީ ފޯރުކޮށްދެ އެވެ. އެގޮތުން އެތަނުގައި މުސްލިމު ދަރިވަރުންނަށް ހާއްސަކޮށް ނަމާދު ކުރާނެ ޕްރެޔާ ރޫމްތަކާއި ވުޟޫ ކުރެވޭނެ ފެސިލިޓީތަކުގެ އިތުރުން ކޮންމެ ހަފުތާއަކު ހިންގާ އިސްލާމިކް ސްޓަޑީޒް ޕްރޮގްރާމާއި ހުކުރަށް ދިއުމުގެ އިންތިޒާމު ވެސް ހަމަޖައްސައި ދެ އެވެ.
މި ކޮލެޖުގައި ހުރި އިތުރު ފެސިލިޓީތަކާއި ފުރުސަތުތަކުގެ މައުލޫމާތުތައް ދިވެހިންނާ ހަމައަށް ފޯރުކޮށް ދިނުމުގެ ގޮތުން އަންނަ މަހުގެ ތިން ވަނަ ދުވަހު ހޮޓެލް ޖެންގައި ހާއްސަ ހަރަކާތެއް ހަވީރު 4 އިން 6އަށް ކުރިއަށް ދާނެ އެވެ.
މި އިވެންޓަށް ރަޖިސްޓަރީ ކުރުމަަށް ttps://bit.ly/4gKUoHz ބޭނުން ކުރެވޭނެ އެވެ.