ހިތާމަވެރި ހާދިސާތަކުން ރައްކާތެރިވުމަށްޓަކައި، އެންމެންގެ އެއްބާރުލުން ބޭނުންވާ ކަމަށް ޓޫރިޒަމް މިނިސްޓަ އަލީ ވަހީދު މިއަދު ވިދާޅުވެއްޖެ އެވެ.
މި ހަފުތާގައި ތިން ޓޫރިސްޓަކު ގެނބިގެން މަރުވެފައި ވަނިކޮށް އަލީ ވަހީދު ކުރެއްވި ޓްވީޓެއްގައި ވިދާޅުވީ ސަލާމަތާއި ރައްކާތެރިކަމަށްޓަކާ ކުރަން ޖެހޭ ކަންކަން މި ސަރުކާރުން ކުރާނެ ކަމަށެވެ. އެގޮތުން ގަވައިދުތަކަށް ގެންނަންޖެހޭ ބަދަލުތައް ވެސް ގެންނާނެ ކަމަށް ވިދާޅުވި އެވެ.
Hithaamaveri haadhisaathakun rakkaatherivumahtakaa hurihaa faraaiythakehge ehbaarulun beynun. Qaanoonaa qavaaidhuthah islaah kureveyne. Salaamathaa rakkaatherikamahtakaa kuran jehey kankan mi sarukaarun kuraane InSha Allah. Thafseel miadhu 1230 press conferencega hissaa kuraanan.
— Ali Waheed (@ali20waheed) January 17, 2019
މިދިޔަ އާދިއްތަ ދުވަހު ވަނީ ކ.ދިއްފުށީގެ ގެސްޓްހައުސް އަކަށް އައިސް އުޅުނު ފިލިޕިންސްގެ ދެމަފިރިއަކު ގެނބިގެން މަރުވެފަ އެވެ. އަދި ޕެރަޑައިސް ރިސޯޓުގައި ސްނޯކްލިން އަށް ގޮސް އުޅުނު ކޮރެއާ އަންހެނަކު އިއްޔެ ވަނީ ގެނބިގެން މަރުވެފަ އެވެ.
