މަރާމާތުކުރަމުން އަންނަ މާރުކޭޓްގެ ބާރުގައި ބަޔަކު މަޑުކޮށްލައިގެން -- ފޮޓޯ:ހުސައިން ވަހީދު/މިހާރު
15 އޮކްޓޯބަރ 2019 - 14:39
12 comments
ދަތުރުވެރިންގެ މާރުކޭޓް އަލުން މަރާމާތުކުރަން ބަންދު ކުރި ފަހުން ދެ މަސް ވީއިރު ވެސް މަސައްކަތް ނުނިމޭތީ، ގޮޅިތަކުގެ ބައެއް ވިޔަފާރިވެރިން ނުރުހުން ފާޅުކުރަން ފަށައިފި އެވެ.
ދަތުރުވެރިންގެ މާރުކޭޓް ހިންގި އިމާރާތުގެ ބޭރުގައި އެއްޗެހި ބަހައްޓައިގެން ވިޔަފާރިކުރަމުން އަންނަ ބައެއް މީހުން ބުނީ އެގޮތަށް ކަންތައް ކުރަން ޖެހުނީ މާލޭ ސިޓީ ކައުންސިލުން އެއްވެސް ތަނެއް ނުދެއްކުމުން ކަމަށެވެ. އެ މީހުން ބުނާ ގޮތުގައި މާރުކޭޓް ބަންދުކުރީ 45 ދުވަހުގެ ތެރޭގައި މަސައްކަތް ނިންމައި ހުޅުވާނެ ކަމަށް ކައުންސިލުން ބުނެފަ އެވެ.
"އަޅުގަނޑުމެން މިތަނުން ބޭރުކޮށްލީ ތަނެއް ދައްކާނެ ކަމަށް ބުނެފައި. އަދިވެސް އެތަނެއް ނުދެއްކޭ. އެހެންވެ މިހެން ވިޔަފާރި ކުރން މިޖެހެނީ،" ކުރިން މާރުކޭޓު ގޮޅިއެއްގައި ވިޔަފާރި ކުރި މީހަކު، ނަން ނުޖަހާ ގޮތަށް، ބުންޏެވެ.
"ކޮންމެ ގޮތެއް ހަދާފައި ވެސް އާއިލާގެ ކެއުން ބުއިމުގެ ހަރަދުތައް އެބަ ޖެހޭ ހޯދަން."
އޭނާ ބުނީ މަގުމަތީގައި ވިޔަފާރި ކުރި ނަމަވެސް މާރުކޭޓުން ލިބުނު ވަރުގެ އާމްދަނީއެއް ނުލިބޭ ކަމަށެވެ. އެހެންވެ ދިރިއުޅުމުގެ ކަންކަން ހަމަޖައްސަން ދަތިވާ ކަމަށް އޭނާ ބުންޏެވެ.
އޭނާ އެދުނީ އަދި ވީހާވެސް އަވަހަށް މާރުކޭޓް ނިންމައި ގޮޅިތައް ހަވާލުކުރުމަށެވެ.
ބައެއް ވިޔަފާރިވެރިން ބުނާ ގޮތުގައި އަލުން މާރުކޭޓު ހުޅުވާއިރު އެމީހުންނަށް ގޮޅިއެއް ނުލިބުން އެކަށީގެންވެ އެވެ.
ދަތުރުވެރިންގެ މާރުކޭޓުގެ ބޭރުގައި ވިޔަފާރި ކުރާ ބަޔަކު މިރުސްތަކެއް ވިއްކަނީ -- ފޮޓޯ: ހުސައިން ވަހީދު/މިހާރު
މާލޭ ސިޓީ ކައުންސިލްގެ މެމްބަރު މުހައްމަދު ފަޒީން ވިދާޅުވީ މާރުކޭޓުގެ މަސައްކަތް ލަސްވަނީި ކުރިން ހަދާފައި އޮތް ޕްލޭނަށް ބަދަލު ގެނައުމުގެ ސަބަބުން ކަމަށެވެ. ނަމަވެސް ކުރިއަށް އޮތް މަހެއްހާ ދުވަހުގެ ތެރޭގައި ނިމޭނެ ކަމަށް އޭނާ ވިދާޅުވި އެވެ.
"ފުރަތަމަ ހެދި ޕްލޭނުގައި އިންނާނެ ޕާކް ކުރާނެ ތަނެއް ހަދަން. އެކަމަކު މިތަނަކީ ވަގުތީ ތަނަކަށް ވުމުން ވީހާވެސް ގިނަ ގޮޅިތައް ދޭން ޕާކިން އޭރިއާ ނަގާފައި އަނެއްކާ ވެސް ޕްލޭނެއް ހެދީ،" ފަޒީން ވިދާޅުވި އެވެ.
މާރުކޭޓްގައި މިހާރު ކުރަމުން އަންނަނީ ސިމެންތި ޖެހުމުގެ މަސައްކަތެވެ.
މިހާރު ހަދަމުން އަންނަ މާރުކޭޓުގެ އެތެރެ: ކުރިއަށް އޮތް މަހެއްހާ ދުވަހުގެ ތެރޭގައި ނިމޭނެ ކަމަށް ބެލެވޭ -- ފޮޓޯ: ހުސައިން ވަހީދު/މިހާރު
އަލުން މާރުކޭޓު ހުޅުވާލާއިރު ގޮޅިތައް ހޯދަން ވެސް އަލުން އެދެން ޖެހެ އެވެ. އެއީ ސިޓީ ކައުންސިލުން ހެދި ސާވޭއިން ފާހަގަކުރެވުނު މައްސަލަތައް ހައްލުކުރަން އަޅާ ފިޔަވަޅެއް ކަމަށް ފަޒީން ވިދާޅުވި އެވެ.
އޭނާ ވިދާޅުވީ ސަރުކާރުގެ މަގާމުތަކުގައި އުޅޭ މީހުން ވެސް ގޮޅިތައް ނަގައި އެ ގޮޅިތައް ބޮޑު އަގުގައި އެހެން ބަޔަކަށް ކުއްޔަށް ދީފައިވާކަން ސާވޭއިން ދެއްކި ކަމަށެވެ. ނަމަވެސް އަލުން ހުޅުވާލާ އިރު އެފަދަ މީހުންނަށް މިފުރުސަތު ނޯންނާނެ ކަމަަށް އޭނާ ބުންޏެވެ.
ފަޒީން ވިދާޅުވި ގޮތުގައި ތަން ބަންދުކުރި އިރު މާރުކޭޓްގައި ވިޔަފާރި ހިންގި މީހުންނަށް އިސްކަން ދޭނެ އެވެ.
މާރުކޭޓުގެ ބޭރުގައި ބަޔަަކު ކުރުނބާ ވިއްކަނީ -- ފޮޓޯ: ހުސައިން ވަހީދު/މިހާރު
ދަތުރުވެރިންގެ މާރުކޭޓު ސަރަހައްދުގައި ވިޔަފާރި ކުރަމުން އަންނަ މީހަކު ބުނީ މާރުކޭޓުގައި ކުއްލިއަކަށް ތަޅު އެޅުވުމުގެ ސަބަބުން ބައެއް ވިޔަފާރިވެރިންނަށް ގެއްލުންވި ކަމަށެވެ.
"މިތަނުގައި ތަޅު އަޅުވައި ބަންދުކުރިއިރު އެތެރޭގައި ހުރި ބައިވަރު ތަކެތި. އޭގެ ބައެއް އެއްޗެހި ހަލާކުވީ އަނެއް އެއްޗެހި އުކާލީ. މީގެ ސަބަބުން އެ މަހު ވަރަށް ބޮޑު ގެއްލުމެއް އަޅުގަނޑުމެންނަށް ދެއްކި،" ވިޔަފާރިވެރިއަކު ބުންޏެވެ.
ނަމަވެސް ކައުންސިލުން އެކަން ދޮގުކުރެ އެވެ.
ފަޒީން ވިދާޅުވީ މުދާ ހުސްކުރަން އަންގާ އެއް މަސްދުވަހު ނޯޓިސްއެއް ދިން ކަމަށެވެ. އެކަމަކު އެ މުއްދަތުގައި ބައެއް ވިޔަފާރިވެރިން މުދާ ހުސްނުކުރި ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިސެން
16 October 2019
ވަގުތީ ގޮތުން ހަދާތަނެއްގަ ކީކުރަންތަ ވަކިން ގޮޅި ތިރާރަނީ؟ ލާރި ގިނަވީތަ ނޫނީ ކުޑައެއްޗެއް ކާލެވޭނެގޮތް ހަދާލާފަ ޕާޓީ ސަޕޯޓަރުންނައް ގޮޅިތައް ބަހާލެވޭނެ ގޮތެއް ހަދާލީ.
ހަސަންބެ.
16 October 2019
މަޖާ ގައުމެއްމީ. ކޮންމެ ބަޔަކު ވެރިކަމަށް އައިސްފަ މާރުކޭޓުގަޑުވެސް ބަދަލުގެންނަ ނަމުގައި ފުރާޅުގައި އެލްމެނިއަމް ދަވާދު ކޮޅެއްލާފައި ޕާޓީކުދިންނަށް ތިދެނީ. އަހަރެން 80ގެ އަހަރު ތަކުގައި ކެރަލާގެ ފުރުޓު ބާޒާރަށް ދިޔައިރު އެތަން އޮތްގޮތަށް މީހާރުވެސް އެއޮތީ. ހަމަ އެބެ އެތާއިދެގެން މިހާރު އެހެރީ މުސްކުޅިވެފައި.
ަޢަލީ 222
15 October 2019
ތިގޮތަށް ކޮށްގެން 2 އަހަރު ތެރޭގައި އަނެއްކާ ހަދަންވީ. ނިކަން ތިސަރަހައްދު އެއްކޮށް ހުޅު މާލެއަށް ބަދަލުކޮށް ތިތަން ތިނޫންގޮތަަށް ޕްލޭން ކޮސްބަލަ. އޮޑިދޯނިފަހަރު، ހޯލްސޭލް ފިހާރަތައްވެސް ބަދަލުކުރޭ. ކުރިއަށް ޕްލޭންކޮށްގެން ސަރުކާރު އޮފީސްތައްވެސް ބަދަލުކުރަންވީނު ހުޅު މާލެއަށް. އެއިރުން މީހުން މާލެދޫކޮށް ހުޅު މާލެއަށް ހިގައިދާނެ.
ވެލާ ބިސްއަޅާ ރަށް
16 October 2019
އޭރުން ހުޅު މާލެ ދެއްތޯ ތޮއްޖެހޭނީ.
ގުޅަ
15 October 2019
ސިޓީ ކައުސިލަށް ނުވާނެ އެއްކަމެއްވެސް. ކާނުތައް ސާފެއް ނުކުރެވޭ. ޕާކުތަކެއް ނުބެލެހެއްޓޭ. މަގުތަކުގައި ރަގަޅަށް ކުންޏެއް ނުކެހޭ. މަގުތަކުގައި އިންދާފައި ހުރި ގަސްތަކެއް ނުބެލެހެއްޓޭ. މިހެން ގޮސް ލިޔާނެ ކަމެއްނެތެވެ. ހަމަ އެއްކަމެއްވެސް ރަގަޅު މަގުގައި ނުކުރެވެއެވެ. މި ފިނިހަކަ ދުވެލީގެ ސަރުކާރާ އެއްހަމެއްގައެވެ. ނިކަން މަޖިލިސް އެ ގެންދާ ބާރު މިނުގައި ކަންކަން ގެންދާށެވެ. މެމްބަރުންނަށް މުސާރަ ހަލާލުވާ ވަރަށް މަސައްކަތް ދީފައެވެ.
އިިހްސާސް
15 October 2019
ވެސްޓުޕާކުގަ އެއީ ކޮން މާރުކޭޓެއް.
ރަނިކަމަނާ
15 October 2019
މާލޭގެ މޭޔަރު އުޅެނީ ބާރުތައް ނުލިބިގެން މިހާރު ހުރިހާ ބާރެއް ލިބި މޭޔަރު ގެއްލިއްޖެ ކާނުގަނޑުވެސް ސާފު ނުކޮށްލެވޭ ޚިދުމަތް ދިނުމުގެ ފޯރިއެއް ނެތް
ބަބުރަންޖީ ހާޖީ
15 October 2019
މާރުކޭޓަކީ އެންމެ ވަރުގަދަ ސިޔާސީ އިލްމުވެރިން އުޅޭތަން. އަޅެ އެއިލްމު ބޭނުންކޮށްގެން ސަރުކާރު ކުޑަކަކޫމައްޗަށް ތިރިކޮށްލާބަލަ.
ރަދީފް
15 October 2019
ބަދަލުގެ ގޮތުގަ 2 މިލިއަން ހޯދަން ދައުވާކޮށްފިނަމަ ފައިސާ ލިބިދާނެ.އަބަދުވެސް ބަދަލުދިނުން އެއީ މި ވަގުތު އޮތް ރެޖީމުން ނިކަން ކުރާހިތްވާކަމެއް.
ސިނާ
15 October 2019
ގޮޅިދޭންވާނީ ގުރުއަތުލުމަށްފަހު ހޮވޭމީހުނަށް އެންމެ އިންސާފުވެރި ގޮތް އެހެންނޫނީ އޭސީސީ އަށް ދާނަން
ސަހަރޯ
15 October 2019
ދިވެހީންނަކީ ގޮތްދޫނުކުރާ ބައެއް. ތިޔަ މާރުކޭޓް ބަންދުކުރާކަން އެނގޭއިރުވެސް އެތަނުގައި ގެންގުޅުނު ތަކެތީގެ އަގު ދަށެއްނުކުރޭ. އަނެއްކާ ތަކެތި ހަލާކުވެ ކުނިވެގެން އުކާލިއަސް މީހަކަށް ނުދޭނެ އަދި އަގުވެސް ތިރި ނުކުރާނެ. ކާބޯތަކެއްޗަށް އެހެންހަދަން ހެޔޮވާނީ ކިހިނެއް؟ އެއީ ﷲ ތަޢާލާ ދެއްވާ ރިޒްޤް. ބަރަކާތް ކެނޑޭފަދަ ޢަމަލުތަކުން ދުރުވުމުން ދެ ދުނިޔޭގެ ބާއްޖަވެރިކަންވެސް ލިބޭނެ