ސްޓާ ޕްލަސް އިން ދެއްކި މަޝްހޫރު ޑްރާމާ، "ސާތު ނިބާނާ ސާތިޔާ" ގައި ގޯޕީގެ ރޯލުން މަޝްހޫރުކަން ހޯދި ދެވޮލީނާ ބަޓަޗާޖީ އާއި ހަމަ އެ ޝޯގައި ޖިގަރުގެ ރޯލުން ފެންނަ ވިޝާލް ސިންގް އެންގޭޖުވެއްޖެ އެވެ.

"ސާތު ނިބާނާ ސާތިޔާ" ޝޯގައި ފެންނަނީ ގޯޕީ، ޖިގަރުގެ ބޭބެއާ ކައިވެނިކޮށްގެން އުޅޭ ދިރިއުޅުމެވެ. ރިޕޯޓްތައް ބުނާ ގޮތުގައި ވިޝާލްއާއި ދެވޮލީނާ ރައްޓެހިވެގެން އުޅޭތާ މިހާރު އަހަރުތަކެއް ވެއްޖެ އެވެ. އެކަމަކު މި ޝޯ ކުރިއަށް ދިޔައިރު އުޅުނީ ރައްޓެހިވެގެން ކަމެއް ނޭނގެ އެވެ.

ބިގްބޮސް 15 އިން ވެސް ފެނިގެންދިޔަ ދެވޮލީނާ އާއި ވިޝާލް އެމީހުންގެ ގުޅުން ރަސްމީކޮށް އިއުލާންކުރީ ވެސް އިއްޔެ އިންސްޓަގްރާމު މެދުވެރިކޮށެވެ. އެންގޭޖުވުމަށް ފަހު ދެ މީހުން އެކުގައި ނަގާފައިވާ ތިން ފޮޓޯ ވެސް އެ ޕޯސްޓާ އެކު ހިއްސާކޮށްފައިވެ އެވެ. އޭގެ ތެރޭގައި ވިޝާލް އެއް އަތުން މާބޮޑިއެއް ހިފައިގެން އަނެއް އަތުން އަނގޮއްޓި ހިފައިގެން ހުރެ ޕްރޮޕޯސްކުރާ ފޮޓޯއެއް ވެސް ހިމެނެ އެވެ.

https://www.instagram.com/p/CZeQIyFJnxJ/?utm_source=ig_embed&utm_campaign=loading

ދެ ތަރިން އެންގޭޖުވިއިރު ދެވޮލީނާ އުޅެނީ ސާޖަރީއެއް ހަދައިގެން ކުޑަކޮށް ބަލިކޮށެވެ. އޭނާއަސް ސާޖަރީއެއް ހަދަން ޖެހުނީ ބިގްބޮސްގައި އޮތް ޕޯލް ޓާސްކުގައި 15 ގަޑިއިރު ވަންދެން ކޮޅަށް ހުންނަން ޖެހުމުންނެވެ.