ސެލީނާ ގޮމޭޒް ކިޑްނީ ޓްރާންސްޕްލާންޓް ކުރުމުގެ އޮޕަރޭޝަނެއްކޮށްފި

ސެލީނާ: އޭނާ ވަނީ ކިޑްނީ ބަދަލު ކުރުމުގެ އޮޕަރޭޝަނެއްކޮށްފައި.

އަހުމަދު އަދްޝަން، މިހާރު

15 ސެޕްޓެމްބަރ 2017 - 07:29

އެމެރިކާގެ މަޝްހޫރު އަންހެން ލަވަ ކިޔުންތެރިޔާ ސެލީނާ ގޮމެޒަށް ދިމާވެފައިވާ ސިއްހީ މައްސަލަތަކާ ގުޅިގެން ކިޑްނީގެ ޓްރާންސްޕްލާންޓް ކުރުމުގެ އޮފަރޭޝަނެއް ބުރާސްފަތި ދުވަހު ހަދައިފި އެވެ.

އޭނާ އަށް ލުޕަސްގެ މައްސަލަތައް ކުރިމަތިވެފައިވެ އެވެ. މީގެ ސަބަބުން ނަފުސާނީ މައްސަލަތައް ވެސް ކުރިމަތިވެ، ޑިޕްރެޝަން އާއި އެ ނޫން ވެސް ސިއްހީ ގިނަ މައްސަލަތަކާ ހަނގުރާމަ ކުރަން ޖެހިފައިވެ އެވެ.

ފަންސަވީސް އަހަރުގެ ލަވަ ކިޔުންތެރިޔާ ވަނީ އޮޕަރޭޝަން ކުރިކަން އިސްޓަގްރާމްގައި ވެސް ފޭނުންނާ ހިއްސާކޮށްފަ އެވެ. އޭނާ އަށް ކިޑްނީ ހަދިޔާ ކުރީ ބިޔޯންޑް ޕެރެޑައިސް (2016) އާއި ކްރިސްމަސް ބައުންޓީ (2013) ފަދަ ފިލްމްތައް ކުޅެފައިވާ ބަތަލާ ފްރޭންޝިއާ ރެއިޒާ އެވެ. އޭނާއަކީ ސެލީނާގެ ވަރަށް ގާތް ރައްޓެއްސެކެވެ.

ކިޑްނި ޓްރާންސްޕްލާންޓް ހަދަން ހޮސްޕިޓަލްގައި އެޑްމިޓްވެ ތިބެގެން ދެ މީހުން ނަގާފައިވާ ފޮޓޯއެއް ވެސް ސެލީނާ ވަނީ އިންސްޓަގްރާމްގައި ހިއްސާކޮށްފަ އެވެ. އޭނާ ވަނީ ފްރޭންޝިއާ ކިޑްނީ ހަދިޔާކޮށް ދިން ކަމަށްޓަކައި ހިތުގެ އަޑިން ޝުކުރު ވެސް އަދާކޮށްފަ އެވެ.

I’m very aware some of my fans had noticed I was laying low for part of the summer and questioning why I wasn’t promoting my new music, which I was extremely proud of. So I found out I needed to get a kidney transplant due to my Lupus and was recovering. It was what I needed to do for my overall health. I honestly look forward to sharing with you, soon my journey through these past several months as I have always wanted to do with you. Until then I want to publicly thank my family and incredible team of doctors for everything they have done for me prior to and post-surgery. And finally, there aren’t words to describe how I can possibly thank my beautiful friend Francia Raisa. She gave me the ultimate gift and sacrifice by donating her kidney to me. I am incredibly blessed. I love you so much sis. Lupus continues to be very misunderstood but progress is being made. For more information regarding Lupus please go to the Lupus Research Alliance website: www.lupusresearch.org/ -by grace through faith

A post shared by Selena Gomez (@selenagomez) on Sep 14, 2017 at 3:07am PDT

ސެލީނާގެ އިސްޓަގްރާމް ޕޯސްޓް.

ސެލީނާ އަށް ދިމާވެފައިވާ ސިއްހީ މައްސަލަތަކާ ހެދި މިދިޔަ އަހަރުގެ ތެރޭގައި މަސައްކަތުން ބްރޭކެއް ވެސް ނެގި އެވެ. އަދި މި ފަހުން އޭނާ ނެރުނު ސިންގަލްތައް ޕްރޮމޯޓް ކުރަން އެހާ ފޯރީގައި މަސައްކަތް ނުކުރާތީ އެ ސުވާލު ވެސް ކުރިމަތިވެފައިވެ އެވެ. އެ ހުރިހާ ކަމެއް ގުޅިފައި އޮތީ ސިއްހީ މައްސަލަތަކާ އެވެ.

ލަވަ ކިޔުންތެރިޔާ ދަ ވީކެންޑްއާ މިހާރު ރައްޓެހިވެގެން އުޅޭ ސެލީނާ ބުނީ މީގެ ކުރިން ސިއްހަތާ ދޭތެރޭ އެހާ ބޮޑަށް އަޅާލެވިފައި ނެތް ކަމަށެވެ. އެހެން ނަމަވެސް ފޭނުން ހިތްހަމަޖައްސައި ދޭން، މަސައްކަތް ކުރެވޭނީ ފުރިހަމަ ސިއްހަތެއްގައި ހުރެގެން ކަމަށް ބުންޏެވެ.

"އަހަރެން ބޭނުން ސިއްހީ މައްސަލަތަކާ ދޭތެރޭ ކުރިއަށް ވުރެ ސީރިއަސްކޮށް މިހާރު ވިސްނަން،" ބޭޑް ލަޔާގެ އަޑުގެވެރިޔާ ބުންޏެވެ.