ކާތިކް އާރިޔަން ފިލްމު ކުޅޭ އަގު ވެސް މައްޗަށް

ކާތިކް.

އަހުމަދު އަދްޝަން، މިހާރު

16 ނޮވެމްބަރ 2019 - 07:10

ފިލްމުތައް ހޯދާ ކާމިޔާބީތަކާ ގުޅިގެން ފިލްމު ކުޅޭ ތަރިންގެ އަގު މައްޗަށް ދިއުމަކީ ބޮލީވުޑްގައި މިހާރު ވަރަށް އާންމު ކަމެކެވެ. ހާއްސަކޮށް މި ރޭހުގައި ޒުވާން ތަރިންގެ ދައުރު ބޮޑެވެ.

ރަންވީރު ސިންގާއި ވަރުން ދަވަން އާއި އަޔޫޝްމަން ކުރާނާ ފަދަ އެކްޓަރުން ފިލްމުތަކާއި އިޝްތިހާރުތައް ކުޅެދޭ އަގު މި ފަހުން ބޮޑުކޮށްފައިވާ އިރު، މި ލިސްޓަށް މިހާރު މި ވަނީ އަނެއްކާ ވެސް ޒުވާން ތަރިއަކު އިތުރުވެފަ އެވެ.

މިދިޔަ އަހަރު ރިލީޒްކޮށް، ބޮޑު ކާމިޔާބީއެއް ހޯދި "ސޯނޫ ކޭ ޓިޓޫ ކީ ސްވީޓީ" އަށް ފަހު، ކާތިކްގެ މަގުބޫލުކަމާއި މަޝްހޫރުކަން ވަރަށް ބޮޑުތަނުން ވަނީ އުފުލިފަ އެވެ. މިއާ އެކު އޭނާގެ ޑިމާންޑް ބޮޑުވެ، ޑައިރެކްޓަރުންނާއި ޕްރޮޑިއުސަރުން ކިއު ހަދާފައި ސޮއި ހޯދަން އުޅޭ އެކްޓަރުންގެ ތެރޭގައި މިހާރު ކާތިކަކީ ފާހަގަކޮށްލެވޭ ބްރޭންޑް ނަމެކެވެ.

Ya toh Araam hi Araam hamari kismat mein nahi likha ya apne hi Pita ke haathon chu*** bane hain hum😬
Miliye #ChintuTyagi se #PatiPatniAurWoh https://t.co/x7BOPOhA8B @bhumipednekar @ananyapandayy @mudassar_as_is @junochopra @Aparshakti @manurishichadha @itsBhushanKumar @TSeries
— Kartik Aaryan (@TheAaryanKartik) November 4, 2019

ފިލްމީ ޚަބަރުތައް ގެނެސްދޭ ނޫސްތަކުން ބުނާގޮތުގައި އޭނާ މިހާރު ވަނީ ފިލްމެއް ކުޅޭ އަގު 7 ކްރޯޑް (973,067.20ޑ ޑޮލަރު) އަށް ބޮޑުކޮށްފަ އެވެ. އެންމެ ފުރަތަމަ އޭނާ ފިލްމެއް ކުޅެދިނީ 35 ލައްކަ ރުޕީސް އަށް ކަމަށް ވިޔަސް ފަހުން ވަނީ އަގު 3 ކްރޯޑަށް ބޮޑުކޮށްފަ އެވެ. އަދި މިހާރު ގިނަ ބްރޭންޑްތަކެއް އެންޑޯޒްކޮށްދޭ އުންމީދީ ތަރި އިޝްތިހާރުތައް ކުޅޭ އަގު ވެސް ކުރިއަށް ވުރެ ބޮޑުކޮށްފައިވާ ކަމަށްވެ އެވެ.

#Dostana2 Begins !!! 👫🚶🏻‍♂🌈@karanjohar @collinDcunha #Janhvikapoor @itsLakshya1 pic.twitter.com/1HFHHyxAzb
— Kartik Aaryan (@TheAaryanKartik) November 9, 2019

އުމުރުން 28 އަހަރުގެ އެކްޓަރު މި އަހަރު ފެނިގެން ދިޔަ ފުރަތަމަ ފިލްމު "ލުކާ ޗުއްޕީ" އަކީ ވެސް މި އަހަރުގެ އެންމެ ކާމިޔާބު އެއް ފިލްމެވެ. ކާތިކް ދެން އެންމެ އަވަހަށް ސްކްރީނުން ފެންނާނީ އަންނަ މަހުގެ 6 ގައި ރިލީޒްކުރާ "ޕަތީ ޕަތުނީ އޯރް ވޯ" އިންނެވެ.

Ab Girls aap bhi bataiyein
Body Hair or Body Bare
Using #FindYourSexy ♥ pic.twitter.com/1PYwNElPnG
— Kartik Aaryan (@TheAaryanKartik) November 3, 2019

އަންނަ އަހަރު އޭނާ ފެންނާނެ ފިލްމުތަކުގެ ތެރޭގައި އިމްތިއާޒް އަލީގެ "އާޖް ކަލް"، އަނީސް ބަޒްމީގެ "ބޫލް ބުލައްޔާ" އަދި ކަރަން ޖޯހަރުގެ "ދޯސްތާނާ 2" ހިމެނެ އެވެ.

"ސޯނޫ ކޭ ޓިޓޫ ކީ ސްވީޓީ" ގެ ބޮޑު ކާމީޔާބީއާ ހަމައަށް ކާތިކަކީ އެހާ މަޝްހޫރު ތަރިއެއް ނޫނެވެ. އޭނާ ފިލްމު ކުޅެން ފެށީ 2011 ގެ "ޕިޔާރު ކާ ޕަންޗްނާމާ" އިންނެވެ. އޭގެ ފަހުން ކުޅުނު ފިލްމުތަކުގެ ތެރޭގައި އެ ފިލްމުގެ ދެވަނަ ބައިގެ އިތުރުން އާކާޝް ވާނީ (2013)، ކާންޗީ: އަންބްރޭކަބަލް (2014) އަދި ގެސްޓް އިން ލަންޑަން (2017) ހިމެނެ އެވެ.

ކާތިކް ބުނިގޮތުގައި އޭނާ އަށް މިހާރު ބޮލީވުޑްގައި އާދެވިފައި ހުރި ހިސާބަށް ދެވުނީ ލައްކަ މަސައްކަތުންނެވެ. އެހެންވެ އެކަމަށް ކުރި ހިތްވަރާއި އެހީވި މީހުންގެ މަތިން ދުވަހަކު ވެސް ހަނދާން ނައްތައިނުލާނެ ކަމަށް ބުންޏެވެ.