ކްރޮއޭޝިއާގެ ރައީސާ: ޓީމަށް ހިތްވަރު ދިނުމުގައި އާދަޔާޚިލާފު ފޯރިއެއްގައި

ކްރޮއޭޝިއާގެ ރައީސާ ކިޓަރޮވިޗް ސަޕޯޓަރުންނާ އެކު މެޗު ބައްލަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

08 ޖުލައި 2018 - 13:13

ސޯޗީ (ޖުލައި 8) - މެޗުގެ ފުރިހަމަ ވަގުތާއި އިތުރު ވަގުތުގައި ވެސް ނަތީޖާ ހަމަހަމަވުމުން ޕެނަލްޓީ ޖަހައިގެން ރަޝިޔާ ބަލިކޮށް ވޯލްޑް ކަޕް ސެމީ ފައިނަލުން ރޭ ޖާގަ ހޯދި ކްރޮއޭޝިއާގެ ޓީމަށް ހިތްވަރު ދިނުމުގައި އެ ގައުމުގެ ރައީސާ ކޮލިންޑާ ބްރަބާ-ކިޓަރޮވިޗުގެ ފަރާތުން ފެނިގެން ދަނީ އާދަޔާޚިލާފު ފޯރިއެކެވެ.

ކްރޮއޭޝިއާގެ ރައީސާ ސަޕޯޓަރުންނާ އެކު ޝެޑިއުލް ފްލައިޓެއްގައި މެޗު ބައްލަވަން ވަޑައިގަންނަވަނީ.

ދެ ވަނަ ބުރުގައި ޑެންމާކާ ދެކޮޅަށް ކްރޮއޭޝިއާ ކުޅުނު މެޗު ބައްލަވާލެއްވުމަށް މި މަހު 1 ވަނަ ދުވަހު އެކަމަނާ ރަޝިޔާ އަށް ވަޑައިގެންނެވީ ސަޕޯޓަރުންނާ އެކު ޝެޑިއުލް ފްލައިޓެއްގައި އިކޮނޮމީ ކްލާހުގަ އެވެ. ނިޒްނީ ނޮވްގޮރޮޑްގައި ކުޅުނު މެޗު ފެށުމުގެ ކުރިން ގަޑިއަށް އެކަމަނާ އަށް ވަޑައިގެންނެވި އެވެ. ފޭން އައިޑީ ނަންގަވައިގެން ދަނޑަށް ވަޑައިގެން ކިޓަރޮވިޗު ބޭނުންފުޅުވީ ސްޓޭޑިއަމްގެ ވީއައިޕީ ބޮކްސްގައި އިންނަވައިގެން ކުޅިބެއްލުމުގެ ބަދަލުގައި ސަޕޯޓަރުންނާ އެކު މެޗު ބެއްލެވުމަށެވެ.

ކްރޮއޭޝިއާގެ ރައީސާ ސަޕޯޓަރުންނާ އެކު މެޗު ބައްލަވަނީ.

"އަޅުގަނޑަކީ ފުޓުބޯޅައިގެ ވަރަށް ބޮޑު ސަޕޯޓަރެއް. ކްރޮއޭޝިއާ ޓީމަށް ތަރުހީބު ދޭން އަޅުގަނޑު ބޭނުންވީ ސަޕޯޓަރުންނާ އެކު،" ރަޝިޔާގެ ވެބްސައިޓަކަށް ކިޓަރޮވިޗު ވިދާޅުވި އެވެ.

ޑެންމާކް މެޗަށް ފަހު ކިޓަރޮވިޗު ވަނީ ޗޭންޖިން ރޫމަށް ވަޑައިގެން ހުރިހާ ކުޅުންތެރިންނާ ބައްދަލު ކުރައްވާ މަރުހަބާ ވިދާޅުވެފަ އެވެ.

ކްރޮއޭޝިއާގެ ރައީސާ ކިޓަރޮވިޗް (ވ) ފީފާގެ ރައީސް އިންފަންޓިނޯއާ އެކު ރޭ މެޗު ބައްލަވަނީ. --ފޮޓޯ:އޭއެފްޕީ

ސޯޗީގައި ރަޝިޔާއާ ދެކޮޅަށް ކްރޮއޭޝިއާ ރޭ ކުޅުނު މެޗު ބައްލަވާލެއްވުމަށް ކިޓަރޮވިޗު ރަޝިޔާ އަށް ވަޑައިގެންނެވީ ޗާޓަރު ފްލައިޓެއްގަ އެވެ. އެކަމަނާ ވަޑައިގެންނެވީ ކްރޮއޭޝިއާ ޓީމުގެ ސަޕޯޓަރުންގެ ގްރޫޕަކާ އެކު އެވެ. ސްޓޭޑިއަމަށް ވަޑައިގެންނެވި އިރު ވެސް ސަޕޯޓަރުންނާ އެކު ސެލްފީ ނަންގަވައި ހެއްދެވި އެވެ. ފީފާގެ ރައީސްއާ އެކު މެޗު ބައްލަވަން އިންނެވި އިރު ކިޓަރޮވިޗު ވަނީ ޓީމަށް ވަރަށް ސަޕޯޓް ދެއްވައިފަ އެވެ. ނަތީޖާ ނެރެން ޖެހި ޕެނަލްޓީން ކްރޮއޭޝިއާ މޮޅުވެ ރޭ ސެމީ ފައިނަލަށް ދިއުމާ އެކު ޗޭންޖިން ރޫމަށް ވަޑައިގެން ޓީމުގެ ކުޅުންތެރިންނާއި އޮފިޝަލުންނާ ބައްދަލު ކުރެއްވި އެވެ.

ކްރޮއޭޝިއާގެ ރައީސާ ކިޓަރޮވިޗް ސަޕޯޓަރުންނާ އެކު މެޗު ބައްލަވަނީ. --ފޮޓޯ:އޭއެފްޕީ

ސެމީ ފައިނަލްގައި އިންގްލެންޑާ ދެކޮޅަށް ކްރޮއޭޝިއާ ކުޅޭ މެޗު އޮންނާނީ ހޮނިހިރު ދުވަހު އެވެ.

އުމުރުން 50 އަހަރުގެ ކިޓަރޮވިޗް ކްރޮއޭޝިއާގެ ވެރިކަމަށް ވަޑައިގެންނެވީ 2015 ވަނަ އަހަރު އެވެ. އެކަމަނާ އަކީ އެ ގައުމުގެ ފުރަތަމަ އަންހެން ރައީސާ އެވެ.

15 ކޮމެންޓް, 167 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްލުހާލަތު

10 July 2018

" ފޭން އައިޑީ ނަންގަވައިގެން ދަނޑަށް ވަޑައިގެން ކިޓަރޮވިޗު ބޭނުންފުޅުވީ ސްޓޭޑިއަމްގެ ވީއައިޕީ ބޮކްސްގައި އިންނަވައިގެން ކުޅިބެއްލުމުގެ ބަދަލުގައި ސަޕޯޓަރުންނާ އެކު މެޗު ބެއްލެވުމަށެވެ." އެކަމު ފީފާގެ ރައީސާއެކު ވީއަޕީ ބޮކްސްގަ އިންނެވިތަން ފެނުނީ.. މި ކިހިނެއްވާކަމެއް؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީކޭބާ

10 July 2018

ޝެޑިއުލް ފލައިޓޭ ބުނެފަ ދެންއޮތީ ޗާޓަރ ފްލައިޓޭ. ސަޕޯޓަރުން ތެރޭގަ....... ވީއައި÷ޕީ ބޮކްސްގަ.... ވާއެއް ނުވާއެއް ނޭގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި

10 July 2018

ހަބަރު ރަނގަޅަށް ކިޔާބަލަ ބުރޯ. ވާނުވާ އެނގޭނެ. މިއީ 2 މެޗެއްގެ ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު

09 July 2018

ކަމެއްގެ ޚަބަރު ލިބުނީމަ އެއާއިމެދު ނެގަޓިވް (ނުވަތަ ނޭދެވޭ ޒާތުގެ ވިސްނުން) ކޮމެންޓު ކުރުމަކީ ގިނަ ބައެއްގެ އާދައެއް. މުޖުތަމައެއްގަ ނެގަޓިވް ވިސްނުން ގިނަވެއްޖެނަމަ އެތަނެއްގެ ކުރިއެރުންވެސް ލަސްވެގެންދާނެ. ކްރޮއޭޝިއާގެ ރައީސާ ދަނޑަށް ވަޑައިގެންނެވުމުގަ ކަން ކުރެއްވި ގިނަ ގޮތްތަކަކީ އެކަމަނާ ފުޓްބޯޅައަށް އޮންނަ ލޯތްބެއްގެ ބޮޑުކަމުން ކަމުގައި ނުވާންވީ ސަބަބެއް އެބައޮތްތޯ. އެކަމަނާއަކީ ވެސް ރައީސާއެއްގެ ހައިސިއްޔަތައްވުރެ ކުރިން އިންސާނެއްގެ ހައިސިއްޔަތު އޮތް ބޭފުޅެއް. ފުޓްބޯޅައަށް އޮންނަ ޝައުގުވެރިކަން އޭރަށްވުރެ ވެސް އިތުރުވާނެ އެކަމަނާގެ ގައުމީ ޓީމު މިހާރު ހޯދަމުންދާ ކާމިޔާބީ ގެ ސަބަބުން. ސްޓަންޓު ހެދުމަކީ ހަމަ ކޮންމެ މީހެއްގެ އެންމެ މުހިންމު ރުކުން ކަމުގަ ދުށުމަކީ ދެރަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާ

09 July 2018

މިގައުމުގެ ރައީސް ވަޑައިގަންނަވާއިރު ތަން ބަންދު ކުރަންޖެހުން އެއީ އިދިކޮޅު މީހުންގެ ހުރި ނުރައްކާތެރިކަން ހާމަވާ ކަމެއް! އިދިކޮޅު މީހުންގެ ތެރޭގައި ތިތިބީ ޔަހޫދީ ވިސްނުމުގެ މީހުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިލީ

09 July 2018

ނަޝީދު ވެރިކަމުގައި މިކަމުގައިވެސް ހައްދު ފަހަނަ އެޅީ. ބަށި ކުޅޭ ބަޔަކު ފެނިއްޖިއްޔާ ބަށި ކުޅެނި ގޭގެ ބަދިގެއަށް ވަދެ ތެލުލި ކެޔޮވެސް ތެލުލަނީ. މީ ތަންކޮޅޭ ބަޮޑުވަރު އެވަރުން ނުވެގެން ރަސޫލާއަށް މަލާމަތް ވެސް ކުރީ، އެކަމަކު ޔެލޯ އަށް އެވަރެއް ނެތް. އިބޫ ވެސް އަންނިގެ ޕަޕަޓަކަށް ވެއްޖިއްޔާ ވަރަށް ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2018

08 July 2018

ރައީސާއައް ވުރެއް މޮޅީ އެކަމަނާގެ މާކެޓިން ޓީމް.... ހުސް ޕަބްލިސިޓީ ސްޓަންޓްވީޔަ މީ.... އޮބާމާ އުސާމާ މަރާލި ކަމަށްވެސް ބުނެއުޅޭ... ހެއްކެތް ނެތް... އެއީ ހަމަ އިންތިހާބާ ދިމާކޮއް ޖެހި ސްޓަންޓެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެނެޑީ

08 July 2018

އަބަދުވެސް ބަލާތި ނެގެޓިވިޓީ ފަތުރޭތޯ. ތިހެންވެޔޭ ދިވެހިން ކުރިނާރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުމޯލް

08 July 2018

މިގައުމުގެ ރައީސް ދަނޑަށް ވަޑައިގަންނަވަން ޖެހިއްޖެއްޔާ އެސަރަހައްދު ބަންދުކޮށް މީހުން ހުސްކުރަންޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިންތި

08 July 2018

ދެންވެސް ބުނޭ އަންހެނުން ވެރިކަން ކުރާ ތަންތަން ކާމިޔާބެއް ނުވާނޭ.... ކުރޮއޭޝިޔާ އެއޮތީ ސެމީ ފައިނަލުގަ، ކިހާ ބޮޑު ފަހުރެއް އެގައުމުގެ ހުރިހާ ރައްޔިތުންނަށް! ނިކަން މެޑަމްއަށް ވެރިކަންކުރަނއ ދީބަލަ ރާއްޖެ ވޯލްޑްކަޕަށް ދާތޯ ބަލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

08 July 2018

އަންހެނުން ވެރިކަން ކުރިއަސް އަސްލު ކާމިޔާބު ވާނެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗެލްސީ

08 July 2018

އަހަރެމެންގެ ރައީސްވެސް އުޅުނީ މިގޮތަށް.. ވަރަށްސ ސާދާކޮއް ފައިމަގުގައި ހިންގަވާފަ އާމުންގެ ތެރެއަށް ނުކުންނަވާއިރު ބޮޑީގާޑެއް ކަރަންޓު މުގުރެއް ކަރުނަގޭހެއް ބޭނުމެއްނުވެއެވެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާއީ

08 July 2018

މިއީ ރީތި ކަމުގެ ވެސް އަރާ ހުރި ރައީސެއް. ރައްޔިތުންގެ ރައީސުންނަކީ މިއީ ނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

view more jobs

Administrative Assistant, Assistant Engineer - Water System, RO Technician

Island Engineering Services and Supplies Pte Ltd

Senior Legal Officer

Maldives Pension Administration Office

Pizza Hut - public

Hut Predictions

Pizza Hut - public

Guess the winning score of each World Cup match and stand a chance to be a lucky winner with the most number of correct predictions at the end and win Pizza Hut vouchers worth,

• 1st Prize : MVR. 1000

• 2nd Prize: MVR. 750

• 3rd Prize: MVR 500

Join

3709 Members

Veligaa - public

Veligaa World Cup Foari

Veligaa - public

Guess the score & WIN exciting gifts!

Participant with the most accumulated points at the end of World Cup will be selected as the grand winner and the other top 5 users with the highest accumulated points will be selected as the top 5 winners.

Grand Winner: iPhone 14 Pro Max
Addtional 5 Winners: Gift Voucher worth of MVR 5,000
Gift voucher for selected fixtures

Predict Deadline for each game is before beginning of the game.

Join

4734 Members