ޕޮލެންޑް ކަޓުވާލުމަށް ފަހު ސްވިޑަން އަށް ގްރޫޕްގެ އެއްވަނަ

ޕީޓާސްބާގް (ޖޫން 23) - ޕޮލެންޑްގެ މައްޗަށް 3-2 ގެ ނަތީޖާ އަކުން ކާމިޔާބު ހޯދައި، ގްރޫޕް އީގެ އެއް ވަނަ ސްވިޑަން އިން ކަށަވަރު ކޮށްފި އެވެ.

މެޗުގެ ކުރިންވެސް ސްވިޑަން އޮތީ އެއް ވަނައިގަ އެވެ. އަދި މެޗަށް ނުކުތްއިރު ވެސް އެ ޓީމު އޮތީ ދެ ވަނަ ކަށަވަރު ކޮށްފަ އެވެ. މެޗު 2-2 އިން އެއްވަރު ވެގެން ނިމެން ދަނިކޮށް، ޕޮލެންޑް މޮޅު ކޮށްދިން ލަނޑު ކާމިޔާބު ކުރީ ވިކްޓަ ކްލައެސަން އެވެ.

މެޗުގައި ސްވިޑެންއިން ދެ ލަނޑުގެ ލީޑެއްގައި ވަނިކޮށް ރޮބަޓް ލެވެންޑޮސްކީ ވަނީ ދެ ލަނޑު ޖަހައި މެޗުގެ ނަތީޖާ ހަމަހަމަ ކޮށްފަ އެވެ. އެ ދެ ޓީމު އެއްވަރު ވެގެން ނިމުނު ނަމަ، ގްރޫޕްގެ އެއް ވަނަ ލިބޭނީ މިރޭ 5-0 ގެ ބޮޑު ތަފާތަކުން ސްލޮވޭކިއާ އަތުން މޮޅުވި ސްޕެއިން އަށެވެ.

މެޗުގައި ސްވިޑެންގެ ފުރަތަމަ ދެ ލަނޑު ކާާމިޔާބު ކުރި އެމީލް ފޯސްބާގް އެވެ. އޭނާ ފުރަތަމަ ލަނޑު ޖެހީ މެޗު ފެށިގެން ދެ ވަނަ މިނެޓްގަ އެވެ. އަނެއް ލަނޑު ކާމިޔާބު ކުރީ 59 ވަނަ މިނެޓްގަ އެވެ.

ގުރޫޕްގެ އެއް ވަނަ ސްވިޑެން އިން ހޯދީ ހަތް ޕޮއިންޓާއެކު އެވެ. ސްޕެއިންއަށް ލިބިފައި ވަނީ ފަސް ޕޮއިންޓެވެ. ދެ ވަނަ ބުރުގައި ސްވޑެން ކުޅެން ޖެހޭނީ ތިން ވަނަ ހޯދި ޓީމުތަކުގެ ތެރެއިން ފިންލެންޑް ނުވަތަ ޔޫކްރޭންގެ ތެރެއިން ކޮންމެވެސް ޓީމަކާ ދެކޮޅަށެވެ. ސްޕެއިން ވާދަކުރާނީ ކްރޮއޭޝިއާ އާ ދެކޮޅަށެވެ.