ތާރާ މި ކިޔައިދެނީ އޭނާގެ މޫނު ރީތިކޮށް ބަހައްޓާ ގޮތް

ސުޓޫޑަންޓް އޮފް ދަ އިޔާ 2 އިން ބޮލީވުޑަށް ނުކުތް ތާރާ ސުތާރިއާގެ ރީތިކަމުގެ ވާޙަކަ ގިނަ ބަޔަކު ދައްކަ އެވެ. އުމުރުން 26 އަހަރުގެ ތާރާ ވަނީ އޭނާގެ މޫނު ރީތިކޮށް ހުންނަ ސަބަބުތައް ކިޔައިދީފަ އެވެ.

ތާރާ ބުނީ ސްކިންކެއާ އަށް ބަލާއިރު އޭނާއަކީ އަބަދުވެސް ވަރަށް ސިމްޕަލް ކަންކަމަށް ލޯބިކުރާ މީހެއް ކަމަށެވެ. ފެން އަދި ހަށިގަނޑަށް ފައިދާހުރި ދިޔާ އެއްޗެހި ބޮއެގެން މީީހާ ހައިޑްރޭޓްކޮށް ހުރުމަށް ވަރަށް ބޮޑު ސަމާލުކަމެއްދޭ ކަމަށް ތާރާ ބުންޏެވެ.

އޭގެ އިތުރުން ވެސް އާންމުކޮށް ވެސް ގޭގައި ފޭސް މާސްކް ހަދައިގެން އުނގުޅާ ކަމަށް ތާރާ ބުންޏެވެ. އޭނާގެ މާމަގެ ފަރާތުން ދަސްވި އެ ފޭސް މާސްކަކީ މޫނުގެ އުޖާލާކަން ދަމަހައްޓަން އާންމުކޮށް ބޭނުންކުރާ ފޭސް މާސްކެއް ކަމަށް ބުންޏެވެ.

ބޭނުންވާ ތަކެތި:

- ޔޯގަޓް

- ރީނދޫ

- މާމުއި

- ސަނާމުގު (ހިމުންކޮށްފައި)

ތާރާ ބުނީ މި ހުރިހާ އެއްޗެއް އެއްކޮށްލުމަށް ފަހު މޫނުގައި އުނގުޅުމަށް ފަހު 15-20 މިނެޓް ވަންދެން ބެހެއްޓުމަށް ފަހު މޫނު ދޮންނަނީ ކަމަށެވެ. ތާރާ ބުނީ މިއީ އޭނާގެ ހަމާ ވަރަށް ގުޅޭ، ނަތީޖާ ރަނގަޅު އެއްޗެއް ކަމަށެވެ.