ޓްވިޓާގައި މިހާރު ތިބީ 2،300 މުވައްޒަފުން

ޓްވިޓާގެ އާ ސީއީއޯ އީލޮން މަސްކް: ޓްވިޓާގައި މިހާރު ތިބީ 2300 މުވައްޒަފުން

އަހުމަދު އަރުޝަމް، މިހާރު

24 ޖެނުއަރީ 2023 - 07:00

ޓްވިޓާގެ އާ ޗީފް އެގްޒެކެޓިވް އޮފިސާ (ސީއީއޯ) ގެ މަގާމާ ހަވާލުވުމަށް ފަހު ބިލިއަނަރު އީލޮން މަސްކު ވަނީ ހަރަދުކުޑަކުރުމުގެ ނަމުގައި ގިނަ މުވައްޒަފުންތަކެއް ވަޒީފާއިން ވަކިކޮށްފަ އެވެ. އަދި މިހާރު އެކްޓިވްކޮށް ތިބީ 2،300 މުވައްޒަފުންކަމަށް އީލޮން ކުރި ޓްވީޓެއްގައި ބުނެފައިވެ އެވެ.

އޭނާ އެ ޓްވީޓު ކޮށްފައިވަނީ 1،300 އަށް ޓްވިޓާގެ އެކްޓިވް މުވައްޒަފުންގެ އަދަދު މަދުކޮށްފައިވާ ކަމަށް ސީއެންބީސީ އިން ކުރި ރިޕޯޓެއް ދޮގުކުރަމުންނެވެ.

ރޮއިޓާސްގެ ހަބަރެއްގައި ބުނެފައިވަނީ ޓްވިޓާގެ ފުލްޓައިމް އިންޖިނޭރުން ވެސް މިހާރު 550 އަށް ވުރެ މަދު ކަމަށެވެ.

The note is incorrect. There are ~2300 active, working employees at Twitter.

There are still hundreds of employees working on trust & safety, along with several thousand contractors.

Less than 10 people from my other companies are working at Twitter.
— Elon Musk (@elonmusk) January 21, 2023

މަސްކް ފުރަތަމަ މަގާމާ ހަވާލުވި އިރު، މަގްބޫލް ސޯޝަލް މީޑިއާ ޕްލެޓްފޯމުގައި މަސައްކަތް ކުރާ މުވައްޒަފުންގެ އަދަދު ހުރީ ގާތްގަނޑަކަށް 7،500 ގަ އެވެ. މަސްކް ވަނީ ކުންފުނީގެ ދެބައިކުޅަ އެއްބަޔަށް ވުރެ ގިނަ މުވައްޒަފުން ވަޒީފާއިން ވަކިކޮށްފަ އެވެ.

"ޓެސްލާ" އަދި "ސްޕޭސް އެކްސް"ގެ ވެސް ފަހަތުގައިވާ އީލޮން، 44 ބިލިއަން ޑޮލަރަށް ޓްވިޓާ ގަތުމަށް ފަހު ވަނީ ވަރަށް ގިނަ ބަދަލުތައް ގެނެސްފަ އެވެ. ފުރަތަމަ ކަމަކަށް، ކުންފުނީގެ ބޯޑުގެ އިސް ބަޔަކު މަގާމުން ވަކިކުރުމަށް ފަހު، މުވައްޒަފުންތަކެއް ވެސް ވަކިކުރި އެވެ. އެއަށް ފަހު ޓްވިޓާ ވެރިފައި ކުރަން ފައިސާ ނަގާ ގޮތް ހަދައި، އެ ޕްލެޓްފޯމުގެ ގިނަ ސިޔާސަތުތައް ވެސް ވަނީ ބަދަލުކޮށްފަ އެވެ.