ޖާގައިގެ ދަތިކަމާ ހެދި، އަންނައުނު ދޮވުމަށް ފަހު ހިއްކަން އަޅަން ޖެހެނީ ގޭތެރޭގަ އެވެ. ނުވަތަ ކޮޓަރި ތެރޭގަ އެވެ. އަވީގައި ޖައްސައިލެވޭނެ ގޮތެއް ނޯވެ އެވެ. ރާއްޖެއާ ޚިލާފަށް ހުޅަނގުގެ ގައުމުތަކުގައި ދިމާވަނީ ތަފާތު ކަމެކެވެ. އިރުގެ އަލިކަން އޮންނަ ވަގުތު ކުރީ އެވެ.
ކޮންމެ ސަބަބާ ހެދި ކުރި ނަމަވެސް، ދޮންނަ އެއްޗެހި ގޭތެރޭގައި ހިއްކަން ބެހެއްޓުމަކީ ނުރައްކާތެރި ކަމެކެވެ. ޚާއްސަކޮށް ރަނގަޅަށް ވައި ދައުރުނުވާ ތަންތަނުގައި ދިރިއުޅޭ ނަމަ ނުރައްކާ ވަކިން ބޮޑެވެ.
އިނގިރޭސި ވިލާތުގެ ޔުނިވަސިޓީ އޮފް އޮފް ނިއު ސައުތު ވޭލްސްގެ ސީނިއާ ލެކްޗަރާ އިން އެންވަޔަރަންމަންޓަލް ހެލްތު ޑރ. ނިކް އޮސްބޯން ވިދާޅުވި ގޮތުގައި ގޭތެރޭގައި އެއްޗެހި ހިއްކަން އެޅުމުން އޭގައި ޑަސްޓްމައިޓްސް އާއި މޯލްޑް އުފެދޭގޮތް ވުން ވަރަށް ގާތެވެ. މި ދޭއްޗަކީ ވެސް އިންސާނާގެ ސިއްހަތަށް ގެއްލުންތައް ކުރިމަތިކުރުވާ އަދި ނޭވާހިއްލުމުގެ މައްސަލަތައް ކުރިމަތި ކުރުވާ އެއްޗިއްސެވެ.
ޔުނިވަސިޓީ އޮފް ނިއު ސައުުތު ވޭލްސްގެ ސީނިއާ ރިސާޗް ޑރ. ކްރިސްޓީން ކޯވީ ވިދާޅުވީ ސިއްހީ ނަޒަރަކުން ބަލާއިރު ގޭތެރޭގައި ހުންނަ ބައޮލޮޖިކަލް އެޖެންޓްސްގެ ސަބަބުން ތެތް އެއްޗެހި ގޭތެރޭގައި އެޅުމުން އޭގައި ވަރަށް ފަސޭހައިން ޑަސްޓްމައިޓް ފަދަ ތަކެތި އަށަގަންނަގޮތްވެ އެވެ. ޚާއްސަކޮށް، އެތަނަކީ ރަނގަޅަށް ވައި ދަރުވާ ގޮތް ނެތް ތަނެއް ނަމަ އެވެ. އަދި މިއީ ނޭވާހިއްލުމާއި ނޭވާލުމުގެ ނިޒާމަށް ޖެހޭ ތަފާތު އިންފެކްޝަންތައް ޖެހެން މެދުވެރިވާ ކަމެކެވެ.
ޑރ. އޮސްބޯން ވިދާޅުވީ ގޭތެރޭގައި ކައްކާ އިރު ވެސް އާވި ބޭރުވާ ގޮތަށް އެކްޒޯސްޓް ފޭން ފަދަ ތަކެތި ހަރުކޮށްފައި ބެހެއްޓުން މުހިއްމު ކަމަށެވެ. އެހެންނޫން ނަމަ އެތަކެތިން ވެސް ކޮޓަރީގައި ފަންގަސް އާއި ޑަސްޓްމައިޓް ފަދަ ތަކެތި އާލާވާނެ އެވެ.