ޓްވިޓާ އިން ސްކޮޑް ގަނެފި

14 ޑިސެމްބަރ 2020 - 07:32

ޓްވިޓާގެ ފީޗާތައް އިތުރަށް ވަރުގަދަކޮށް އޭގެ ޝައުގުވެރިކަން މިހާރަށް ވުރެ އިތުރުކުރުމުގެ ގޮތުން، ސްކްރީން-ޝެއަރިން އެޕެއްގެ ގޮތުގައި މަޝްހޫރު ސްކޮޑް، ޓްވިޓާ އިން ގަނެފި އެވެ.

މި މުއާމަލާތް ދެ ކުންފުނިން ހުކުރު ދުވަހު ކަށަވަރުކޮށްދިން ނަމަވެސް ޓްވިޓާ އަށް ސްކޮޑް ވިއްކައިލި އަގެއް ހާމައެއްނުކުރެ އެވެ. ސްކޮޑް ވިއްކައިލުމާ އެކު ހޮނިހިރު ދުވަހު ވަނީ އެ އެޕް އޮފްލައިނަށް ގެނެސް، އެ ބޭނުންކުރާ މީހުންނަށް ނޮޓފިކޭޝަން ވެސް ފޮނުވައިފަ އެވެ.

ޓްވިޓާ އިން ބުނި ގޮތުގައި ސްކޮޑް ގަތުމުގެ މައިގަނޑު މަގުސަދަކީ ޓްވިޓާގައި ފޮލޯކުރާ މީހުންނާ އޮންނަ ގުޅުމާއި މުއާމަލާތް އިތުރަށް ހަރުދަނާކޮށް، ޝައުގުވެރިކަން އިތުރުކޮށްދޭ އެއްޗަކަށް ހެދުމެވެ.

Excited to share that the @squad team is joining @Twitter to help us bring new ways for people to interact, express themselves, and join in the public conversation.
— Ilya Brown (@ilyabr0wn) December 11, 2020

"ސްކޮޑް ޓްވިޓާގެ ދަށަށް އައުމުގެ ނަތީޖާ އަކީ އޭގެ ޓީމު ދެން އަހަރެމެންނާ އެކީ މަސައްކަތްކޮށް އުފެއްދުންތެރި ޝައުގުވެރި ޓޫލްތަކެއް ޓްވިޓާ އަށް ތައާރަފުވެގެން ދިއުން،" ޓްވިޓާގެ ޕްރޮޑަކްޓްގެ ވައިސް ޕްރެޒިޑެންޓް އިލިއާ ބްރައުން ވިދާޅުވި އެވެ.

Effective immediately, the Squad app is offline. Our team is so grateful to all our customers -- you've made this journey fun & rewarding. We are thrilled to be joining Twitter & look forward to the new adventure that is about to start! ✨ pic.twitter.com/Kc0Q5jNou6
— Squad (@squad) December 13, 2020

ޓްވިޓާ އަކީ މިހާރު އެންމެ ގިނަ ބަޔަކު ބޭނުންކުރާ ސޯޝަލް ޕްލެޓްފޯމްތަކުގެ ލިސްޓްގެ އެންމެ ކުރީގައި އުޅޭ އެކައްޗެވެ. ޖެކް ޑޯޒީގެ ޓްވިޓާ ބޭނުންކުރާ މީހުންގެ އަދަދު 330 މިލިއަނަށް އަރަ އެވެ. މި ވުޖޫދަށް އައީ މީގެ 14 އަހަރު ކުރިންނެވެ.