މައިކްރޮސޮޓްގެ ވިންޑޯސް އަށް ގެންނަން ނިންމާފައިވާ ބަދަލުތައް ދައްކައިލަން ބާއްވާ އިވެންޓް މި މަހުގެ 24 ގައި ބާއްވަން ނިންމައިފި އެވެ.
އެކަން ޓްވިޓާގައި އިއުލާންކޮށް އެ ކުންފުނިން ވަނީ ވާޗުއަލް އިވެންޓްގެ ދައުވަތު ފޮނުވައިފަ އެވެ.
އަލަށް ގެންނަން އުޅޭ ބަދަލުތަކާ ގުޅޭ ގޮތުން މިހާތަނަށް މާ ބޮޑު ތަފުސީލުތަކެއް ދީފައި ނެތަސް އެންމެ ބޮޑު އެއް ބަދަލަކަށް ވާނީ ވިންޑޯސް 95 މާޒީގެ ތެރެއަށް ދޫކޮށްލައި، މި ޒަމާނުގެ ފާޑުވެރިކަން ވިންޑޯސް އަށް ގެނައުމެވެ. އޭގެ ތެރޭގައި ވިންޑޯސްގެ ލޯގޯ އާއި ކުލަތަކަށް މި ޒަމާނުގެ ޖީލާ ގުޅޭ ކުލަވަރު ގެންނާނެ އެވެ.
ބައެއް މީޑިއާތަކުން ބުނި ގޮތުގައި 24 ގައި ބާއްވާ އިވެންޓްގައި ވިންޑޯސް 11 ވެސް ދައްކައިލާނެ އެވެ.
މައިކްރޮސޮފްޓްގެ ސީއީއޯ ސަޓިއާ ނަޑެލާ ދާދި ފަހުން ވިދާޅުވެފައިވާ ގޮތުގައި ވިންޑޯޒް އަށް ޒަމާނީ ބޮޑެތި ބަދަލުތަކެއް ގެންނަ އިރު ދެއްވަން ބޭނުންވާ ޔަގީން ކަމަކީ ގަޔާވާނެ ކަހަލަ ފުރިހަމަ އަދި ޗާލު ބަދަލުތަކެއް ގެނެސްދޭނެކަމެވެ.