އެކަކު މަދުކޮށް ކުޅެ ގްރީންސްޓްރީޓްސް އަށް މުހިއްމު މޮޅެއް

މެޗުގެ ބޮޑުބައިގައި އެކަކު މަދުކޮށް ކުޅެ ދ. ކުޑަހުވަދޫ އަތުން 1-0 އިން މޮޅުވެ އުރީދޫ ދިވެހި ޕްރިމިއާ ލީގުގެ ހަތަރު ވަނައިގައި ކްލަބް ގްރީންސްޓްރީޓްސް އިން ހަތަރު ޕޮއިންޓުގެ ލީޑެއް ނަގައިފި އެވެ.

އެ ޓީމު 16 ޕޮއިންޓާ އެކު ހަތަރު ވަނައިގައި އޮތްއިރު އެންމެ ކައިރީގައި އޮތީ 12 ޕޮއިންޓާ އެކު ގދ. ތިނަދޫ އެވެ. އެކަމަކު މިރޭ ނިއު ރޭޑިއަންޓް އަތުން މޮޅުވެގެން، ގްރީންސްޓްރީޓްސްއާ އެއް ޕޮއިންޓަށް ގާތްކުރުމުގެ ފުރުސަތު ތިނަދޫ އަށް އޮންނާނެ އެވެ.

މިއީ އެސްޓީއޯ މާލޭ ލީގުގެ ދެ ވަނަ ހޯދި ގްރީންސްޓްރީޓްސް އިން ލީގުގެ ދެ ވަނަ ބުރުގައި ހޯދި ފުރަތަމަ މޮޅެވެ. އަނެއްކޮޅުން މިއީ ލީގުގެ ގަދަ ހަތަރެއްގައި ތެރޭ ހިމެނުމަށް އެ ޓީމަށް ލިބުނު މުހިއްމު މޮޅެއް ވެސް މެ އެވެ.

މިއަދުގެ މެޗުގެ ފުރަތަމަ މިނެޓުގައި ކުޑަހުވަދޫ އަށް ވަނީ ގޯލް ޖަހާނެ ރަނުގެ ފުރުސަތެއް ލިބިފަ އެވެ. އެކަމަކު އެ ޓީމުގެ އަފޮންޔާ ޖިބޯލާ ޖެހި ބޯޅަ އަމާޒުވީ ގޯލުގެ ދަނޑި އަށެވެ. އޭގެ ފަހުން ގްރީންސްޓްރީޓްސްގެ އަހުމަދު ހަސަނަށް އޭރިއާ ތެރެއިން މުޅިން ހުހަށް ލިބުނު ފުރުސަތުގައި ޖެހި ބޯޅަ ދިޔައީ ގޯލް މަތިންނެވެ.

ފުރަތަމަ ހާފުގައި ގްރީންސްޓްރީޓްސް އިން ޑޮމިނޭޓްކޮށްގެން ކުޅެމުން އަންނަނިކޮށް އެ ޓީމަށް މައްސަލަތަކެއް ދިމާވީ އަހުމަދު ހަސަން އަށް ސީދާ ރަތްކާޑެއް ދައްކައި އެކަކު މަދުވުމުންނެވެ. އޭނާ އަށް ރަތްކާޑު ދެއްކީ ކުޑަހުވަދޫގެ އިރުފާން އާދަމް ނަސީރަށް ބޯޅަ ނެތީސް ހަމަލާ ދިނުމުންނެވެ. އިރުފާން ކުރި ޓެކުލެއް އަހުމަދު ހަސަންގެ ފަޔަށް އެރުމުން އޭނާ ވަނީ އިރުފާން އަށް ހަމަލާދީފަ އެވެ.

ގްރީންސްޓްރީޓްސް އިން އެއް ކުޅުންތެރިއަކު މަދުވުމުގެ ފައިދާ ނަގައި ކުޑަހުވަދޫން ވަނީ ފުރަތަމަ ހާފުގެ ބާކީބައިގައި މެޗު ކޮންޓްރޯލްކޮށްފަ އެވެ. ފުރަތަމަ ހާފުގެ ފަހުކޮޅު ކުޑަހުވަދޫގެ އާދަމް ޝަހީމް އޭރިއާ ތެރެއިން ފޮނުވާލި ހަމަލައެއް ވަނީ ހުރަސް ދަނޑިއަށް އަމާޒުވެފަ އެވެ.

ދެ ވަނަ ހާފުގެ ކުރީކޮޅު ވެސް ކުޑަހުވަދޫ އަށް ފުރުސަތެއް ލިބުނެވެ. މި ފަހަރު އޭރިއާ ތެރެއިން ޝަހީމް ފޮނުވާލި ބޯޅައިގެ ހުރަހަކަށްވީ ގްރީންސްޓްރީޓްސްގެ ގޯލްކީޕަރު އަހުމަދު ފައިރޫޒެވެ.

ދެ ވަނަ ހާފު ކުރިއަށް ދިޔަ ވަރަކަށް ގްރީންސްޓްރީޓްސް އިން ދިޔައީ އަލުން މެޗުގެ ކޮންޓްރޯލް ހޯދަމުންނެވެ. އަދި 71 ވަނަ މިނެޓުގައި ލީޑު ނެގި އެވެ. މި ގޯލް ޖަހައިދިނީ ހިލޭ ޖެހުމަކުން ވިލިއަމް މަކޯ އެވެ. ޑީ އޭރިއާ ބޭރުން މަކޯ ފޮނުވާލި ހިލޭ ޖެހުން ވަނީ ގޯލުގެ މަތީ ކަނަށެވެ.

މެޗުގެ 79 ވަނަ މިނެޓުގައި ނަތީޖާ ހަމަހަމަކުރަން ކުޑަހުވަދޫ އަށް ޕެނަލްޓީއެއް ލިބުނެވެ. އެ ޓީމުގެ ޖިބޯލާ އަށް ގްރީންސްޓްރީޓްސްގެ މުހައްމަދު ސާއިފް ކުރި ފައުލަކަށް ރެފްރީ ދިން ޕެނަލްޓީ ޝަހީމް ޖެހުމުން އަމާޒުވީ ދަނޑިމެޗުގެ ފަހު ވަގުތު ގްރީންސްޓްރީޓްސްގެ އިބްރާހިމް ރިޒްހާން (ރިޒްކޯ) އޭރިއާ ތެރެއިން ފޮނުވާލި ބޯޅައެއް ވެސް ވަނީ ދަނޑިއަށް އަމާޒުވެފަ އެވެ. އަދި 86 ވަނަ މިނެޓުގައި ޝަހީމް ފޮނުވާލި ބާރު ޝޮޓެއް ގްރީންސްޓްރީޓްސްގެ ކީޕަރު ފައިރޫޒް މަތަކުރި އެވެ.

މެޗުގެ ފަހު ވަގުތު ގްރީންސްޓްރީޓްސްގެ އިބްރާހިމް ރިޒްހާން (ރިޒްކޯ) އޭރިއާ ތެރެއިން ފޮނުވާލި ބޯޅައެއް ވެސް ވަނީ ދަނޑިއަށް އަމާޒުވެފަ އެވެ. އަދި 86 ވަނަ މިނެޓުގައި ޝަހީމް ފޮނުވާލި ބާރު ޝޮޓެއް ގްރީންސްޓްރީޓްސްގެ ކީޕަރު ފައިރޫޒް މަތަކުރި އެވެ.