ރާއްޖޭގެ މަޝްހޫރު ޕިއްޒާ ބްރޭންޑް، ޕިއްޒާ ބޯނާގެ ދެވަނަ ރެސްޓޯރަންޓް ރޭ ހުޅުވައިފި އެވެ.
ސަބުދެލި މަގުގައި ހުންނަ މ. ކަޅުމުރަކަ ގޭގައި ހަދާފައިވާ މި ރެސްޓޯރަންޓް ހުޅުވައި ދިނީ މަޝްހޫރު ގޯލްކީޕަރު އިމްރާން މުހައްމަދެވެ.
އޯޑަރު ކުރުމުން ގޭގެ އަށް ގެންގޮސްދޭ ގޮތަށް 2010 ގައި ފެށި ޕިއްޒާ ބޯނާގެ ވިޔަފާރި ފުޅާކޮށް، ފުރަތަމަ އައުޓްލެޓް ވަނީ މި އަހަރުގެ ކުރީކޮޅު ހުޅުވައިފަ އެވެ. އެ ތަން ހުންނަނީ މަޖީދީ މަގުން، ތެލެސީމިއާ ސެންޓަރު ކުރިމައްޗަށް ވާ ކަހަލަ ގޮތަކަށެވެ.
އަލަށް ހުޅުވި ރެސްޓޯރަންޓުން ވެސް، ދިވެހިންގެ މަގުބޫލުކަން ހޯދާފައިވާ ޕިއްޒާ ބޯނާގެ ތަފާތު ވައްތަރުތަކުގެ ޕިއްޒާ އާއި އެކި ކަހަލަ ބުއިންތައް ލިބޭނެ އެވެ. އަދި މި ތަނުން ވެސް ޑެލިވަރީގެ ހިދުމަތް ދެ އެވެ.
ދިވެހިންގެ ތެރޭގައި އެންމެ މަޝްހޫރު އެއް ޕިއްޒާ ބްރޭންޑް ކަމަށްވާ ޕިއްޒާ ބޯނާ އިން އަންނަނީ ތަފާތު ޕްރޮމޯޝަންތައް ވެސް ހިންގަމުންނެވެ. އެ ގޮތުން، ކޮންމެ މަހަކު ކަހަލަ ގޮތަކަށް، ހިލޭ ޕިއްޒާ އާއި އެ ނޫން ވެސް ތަފާތު ހަދިޔާތައް ލިބޭ ޕްރޮމޯޝަންތައް ކުރިއަށް ގެންދެ އެވެ.