ރާއްޖެ އިން ޖަރުމަނަށް ކަނޑައަޅާ އާ ސަފީރަކަށް، ޗީފް އޮފް ޕްރޮޓޮކޯލްގެ މަގާމުގައި ހުންނެވި އާއިޝަތު ޝާން ޝާކިރު ހަމަޖެއްސުމަށް ރައްޔިތުންގެ މަޖިލީހުން މިއަދު ރުހުން ދީފި އެވެ.
ރާއްޖޭގެ ފުރަތަމަ އަންހެން ޕްރޮޓޮކޯލް ޝާން ޝާކިރު, ޖަރުމަނުގެ ސަފީރު ކަމަށް ހަމަޖައްސަން ފާސްވީ ވޯޓުގައި ބައިވެރިވި 29 މެމްބަރުންގެ އިއްތިފާގުންނެވެ.
ޝާން ޝާކިރަށް ރުހުން ހާރިޖީ ގުޅުންތަކާ ބެހޭ ކޮމިޓީން ފާސްކޮށްފައި ވަނީ މިދިޔަ ހަފުތާގެ ހޯމަ ދުވަހު އެވެ.
ޝާން ޝާކިރު, ޗީފް އޮފް ޕްރޮޓޮކޯލްގެ މަގާމަށް އައްޔަންކުރީ ނޮވެމްބަރު 15, 2020 ގަ އެވެ.
އޭނާ ވަނީ ފޮރިން މިނިސްޓްރީގެ އެހެނިހެން އިސް މަގާމުތައް ވެސް ފުރުއްވައިފަ އެވެ. އޭގެ ތެރޭގައި އެ މިނިސްޓްރީގެ ޖޮއިންޓް ސެކްރެޓަރީކަން ވެސް ހިމެނެ އެވެ. އަދި ބަންގްލަދޭޝްގައި ހުންނަވާ ދިވެހި ސަފީރުކަން ކުރެއްވި އެވެ.