ރާއްޖޭގެ ފުރަތަމަ ސްޕޭސް މިޝަންގެ ޓީމް
02 ޖުލައި 2022 - 13:55
45 comments
ދިވެހި އަމިއްލަ ޖަމިއްޔާއަކުން ކުރިއަށް ގެންދާ ރާއްޖޭގެ ފުރަތަމަ "ސްޕޭސް މިޝަން" ގެ ޓީމު އެކުލަވާލައިފި އެވެ.
އިންސްޓިޓިއުޓް ފޯ ގްލޯބަލް ސަކްސެސް (އައިޖީއެސް) އިން އެކުލަވައިލި ހަތް މެމްބަރުންގެ އެ ޓީމުގައި ހިމެނެނީ އުމުރުން 30 އަހަރުން ދަށުގެ ހަތް ޒުވާނެކެވެ. އެއީ ދެ އަންހެނަކާއި ފަސް ފިރިހެނެކެވެ.
އައިޖީއެސް އިން މިއަދު ބުނީ އެ ޓީމުގައި ހިމެނެނީ އެރޯސްޕޭސް އިންޖިނިއަރުންނާއި އިލެކްޓްރޯނިކްސް އަދި މެކޭނިކަލް އިންޖިނިއަރުންގެ އިތުރުން ކޮމްޕިއުޓާ ސައިންސް ދާއިރާގެ ގްރެޖުއޭޓުން ކަމަށެވެ.
ޖައްވީ މިޝަންގެ ޓީމު:
ހުސައިން އައްސަދު، ރ. އަލިފުށި
ހުސެއިން ރިޒާމް، މާލެ
އަހުމަދު އީޖާޒް އަބްދުﷲ، އއ. ބޮޑުފުޅަދޫ
މަރިޔަމް މަހްރޫސާ އަބްދުއްރަހްމާން، މާލެ
މަރިޔަމް ޝިމާނަތު، ގދ. ރަތަފަންދޫ
މުހައްމަދު އަޝްހަމް މުޖުތަބާ، މާލެ
މުހައްމަދު ޖުނައިދު، ހއ. އިހަވަންދޫ
އެ ޓީމުން މިހާރު ވަނީ ނެނޯ ސެޓަލައިޓް އިންޖިނިއަރިން ޕްރޮފެޝަނަލް ކޯސް ފުރިހަމަ ކޮށްފައި ކަމަށް އައިޖީއެސް އިން ބުންޏެވެ. އެއީ ސެޓަލައިޓް ހަދައި ލޯންޗުކޮށް، ސައިންޓިފިކް ރިސާޗް ހަދަން ހަދަން ދަސްކޮށްދޭ ކޯހެކެވެ.
އައިޖީއެސްގެ ޗެއާމަން އަދި ސީއީއޯ ރިއްފަތު މުހައްމަދު ވިދާޅުވީ ރާއްޖޭގެ ފުރަތަމަ ޖައްވީ މިޝަން ތާވަލާ އެއްގޮތަށް ކުރިޔަށް ދާ ކަމަށެވެ.
އައިޖީއެސްގެ ޗެއާމަން އަދި ސީއީއޯ ރިފްއަތު ނޫސްވެރިންނާ ވާހަކަ ދައްކަވަނީ: ރާއްޖޭގައި ސެޓެލައިޓް ހަދައި ޓެސްޓު ކުރާނެ ޒުވާނުން ބިނާކުރަން ހާއްސަ އިސްކަމެއް ދެއްވާ.--- ފޮޓޯ:އައިޖީއެސް
"ޓީމު ތަމްރީނުކޮށް ނިންމައި، ސެޓަލައިޓް ޑިޒައިން ފައިނަލްކޮށް ހާޑުވެއާ އޯޑަރު ކުރެވިއްޖެ. ކޮވިޑުގެ ބަލިމަޑުކަމާއި އިގްތިސާދީ ދަތިތަކާއި ލޮކްޑައުންގެ ގޮންޖެހުމާއެކު ވެސް އަޅުގަނޑުމެންނަށް ކާމިޔާބު މަސައްކަތްތައް ކުރެވިއްޖެ،" އޭނާ ވިދާޅުވި އެވެ.
އައިޖީއެސް އިން ބުނާގޮތުގައި މި ސްޕޭސް މިޝަންގެ އަމާޒަކީ ރާއްޖޭގެ ފުރަތަމަ "ޕްރޮޓައިޕް ސެޓެލައިޓް" ހަދައި ޓެސްޓު ކުރުމެވެ.
"މިއީ ދުނިޔެ ހޫނުވުމާއި މޫސުމަށް އަންނަ ބަދަލުތައް ދެނެގަތުމަށް ބޭނުންވާ މައުލޫމާތު އެއްކުރަން އަޖުމަ ބެލުމުގެ ގޮތުން ހަދާ ސެޓެލައިޓެކެވެ،" އެ ޖަމިއްޔާގެ ބަޔާނުގަިއ ވެ އެވެ.
ރާއްޖޭގެ ފުރަތަމަ ސްޕޭސް މިޝަންގެ ޑައިރެކްޓަރަށް އައްޔަން ކޮށްފައި ވަނީ އިންޑިއާގެ ތަޖުރިބާކާރެއް ކަމަށްވާ ޑރ. ސްރިމަތީ ކޭސަން އެވެ. އޭނާއަކީ 2017 ވަނަ އަހަރު ނާސާއިން ލޯންޗު ކުރި ދުނިޔޭގެ އެންމެ ކުޑަ ސެޓެލައިޓްގެ މިޝަންގެ ވެސް ޑައިރެކްޓަރެވެ.
ރާއްޖޭގެ ފުރަތަމަ ސްޕޭސް މިޝަންގެ މެއިން ޕާޓްނަރަކީ އެޗްޑީސީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަރީފު
04 July 2022
ތިޔައީ ބޮޑު ކުރިއެރުމެތް
އަހަމަދުފުތާފޭދޫ
03 July 2022
ޖައްވީ ކަންކަމުގަ ދެން އެމެރިކާ ޗައިނާ އަންނާނީ ދޫނި ރާއްޖޭގެ އެހީތެރިކަން ހޯދަން. ވަރައް ވެދުން. ހިއްހިއް...
ރަދީފްއޮފިޝަލް
03 July 2022
މިކަމަށް (ރާއްޖޭގެ ސްޕޭސް މިޝަން ޓީމް) ޖޯކް ޖަހައި ކުދިންގެ ހިތް މަރާލަން އުޅޭ ހުރިހާ ބޭފުޅުން އިންޓަނެޓުން ނިކަން Kalpana Chawla (ކަލްޕަނާ ޗައުލާ)ގެ ބައޮގްރަފީ ކިޔާލަބަލަ.މީހުން މީހުންނަށްވެ ކާމިޔާބް ހޯދަނީ 1 ދުވަހުން ނޫން.މީގަ ދެރައީ 2003 ވަނަ އަހަރު ހިނގި Space Shuttle Columbia disaster ގަ ކަލްޕަނާ އަހަރުމެންނާ ވަކިވެގެން ގޮސްފައިވާކަން. ވ.ވެދުން
ލަދުގަނޭ
03 July 2022
އަނެއްކާ މިއުޅޭ ބުރާންތި ޖައްވުގަ ފުލެޓް އަޅަން މިކުދިން ކައިރީ ނުކިޔާފިއްޔާ ރަންގަޅު މިހާރުވެސް މޫދުގަ އެޅި ގަތަކުގަ އެތައް ހާސް ދިވެހިންނަށް ބޯހިޔާ ވަހިކަން ދީފި
އެއްކަލއިއްބެ
03 July 2022
ދިވެހިންނަށް ފަޒާގައި ފުރުސަތު އެބައޮތް ، ދިވެހި ފަސްގަނޑުން ޖައްވަށް ފޯރާފަދަ ދަރިންތަކެއް އުފައްދާފަވޭ ،މީ ކުރަންވެއްޖެކަމެއް ، ފަޒާޢިލްމު އު އުނގެނުމާ ، ތަޙްލީލްކުރުމާ ތަޖުރިބާކުރުމަކީ ދިވެހީންނަށްވެސް އޮތްޙައްޤެއް ، ފަޒާދަތުރުތައް މިއަދު ހުވަފެނީ ވިޔަސް އިރާދުފުޅާއެކު މާދަމާ ޙަޤީޤަތަކަށް ވެދާނެ ، ތިޔަ ޓީމަށް ޓަކާ ފަޚުރުވެރިވަން ، ތަހުނިޔާއާ މުބާރަކްބާދު .
އަލަމްގިރް
03 July 2022
ރާއްޖޭގެ އިންފްލޭޝަން ކޮންޓްރޯލް ނުކުރެވެނީސް ތިޔަކަމަށް ސަނާކިޔޭކަށް ނެތް
ރަދީފްއޮފިޝަލް
03 July 2022
އަތިރި މައްޗަށް ގަޞާ ހާޖަތްކޮށްގެން އަބަދު ތިބެންވީ!!؟؟؟ ލަދު ކޮބާ؟؟
ރަދީފްއޮފިޝަލް
03 July 2022
މަރުހަބާ ސްޕޭސް މިޝަން ޓީމް.ރިއްފަތު މުހައްމަދުގެ މޭސްތިރިކަމުގަ މިކަން ކާމިޔާބް ކުރެވޭނެކަމާއިމެދު އެއްވެސް ޝައްކެއް ނުކުރަން.ގުޑް ލަކް ބްރަދާ.ވ.ވެދުން
ބޮޑުމީހާ
03 July 2022
އިބޫ ސޯލިހު ކަންނެލި ޖަގަހަ ހަދަންޖެހޭ ދިރާސާތައް ކުރަންނޭގެ ކަންނޭގެ. އޭނަ ވީ ވައުދުތަކުގެ ތެރެއިން ނުފުއްދި ބާކީ އޮތީ ކަންނެލި ޖަގަހަ އެކަނި. ފްލެޓްތައް ވެސް އަޅައިިފި، ބްރިޖްވެސް އަޅައިފި، ހުރިހާ ސްކޫލެއް އެއްދަންފަޅިއަށްވެސް ހަދައިފި، ސިއްޚީ ފަރުވާއަށް ސަލާންޖަހާކަށްވެސް ނުޖެހޭ
ވީވާ
03 July 2022
މަރުހަބާ ދިވެހިން ނަކީ ކަނޑުމަހުގެ ބާވަތްތައް ގިނައިން ބޭނުން ކުރުމުގެ ސަބަބުން ވިސްނުން ތޫނުބައެއް.. އެހެންވީމާ ތިކުދިންނައްވެސް އެތައް އަލި ދުރުމިނަކަށް ދަތުރު ކުރެވިދާނެ. މިހާރުވެސް ކަރަޕުސަން އަދި އިނިކުއަލިޓީ، ރައްޔިތުންނަށް ލާބަޔަށް ހެދޭ ގާނޫނައްވުރެ ވެރިކަން ހިންގަން ހެދޭ ގާނޫނޫ ގިނަވުމުގެ ދާއިރާއިންވެސް މިވަނީ ދުނިޔޭގެ އެހެން ގައުމުތަކަށް ކާރިވެސް ނުކުރެވޭހާ އަލި ދުރުމިނައް ގޮސް ތަޖުރިބާ ލިބިފާ..
އަބޯ
03 July 2022
މަރުހަބާ, ﷲ ތިކުދީންގެ މިޝަންކާމިޔާބު ކުރަށްވާށިއެވެ.