ޚަބަރު / ސިވިލް ކޯޓް

30 މިލިއަން ރުފިޔާ ނުދެއްކި، މޫނިމާގެ ވިއްކާލަން ހުއްދަ ދީފި!

މޫނިމާގެ: 34 މިލިއަން ރުފިޔާގެ ލޯނެއް ނަގައި، އެ ފައިސާ ނުދެއްކުމުން މިގެ ވިއްކާލަން ބީއެމްއެލް އަށް ސިވިލް ކޯޓުން ހޯމަ ދުވަހު ވަނީ ހުއްދަ ދީފައި.-- ފޮޓޯ: ނިޝާން އަލީ /މިހާރު

ބޭންކް އޮފް މޯލްޑިވްސްގައި ރަހުނުކޮށްގެން 34 މިލިއަން ރުފިޔާގެ ލޯނެއް ނަގައި، އެ ފައިސާ ނުދެއްކުމުން ގ. މޫނިމާގެ ވިއްކާލަން ބީއެމްއެލް އަށް ސިވިލް ކޯޓުން ހޯމަ ދުވަހު ހުއްދަ ދީފި އެވެ.

މަޝްހޫރު ޕީއާރު ކުންފުނި، ބިގް ކުންފުންޏަށް 2016 ގައި ބީއެމްއެލް އިން ދޫކޮށްފައި ވަނީ 34،350،000ރ. އެވެ. މި މަހުގެ 26 ވަނަ ދުވަހުގެ ނިޔަލަށް ބިގުން 30،191،475ރ. ދައްކަން ޖެހެ އެވެ.

ބިގަކީ، ރައީސް އޮފީހުގެ ކުރީގެ ކޮމިއުނިިކޭޝަން ހެޑް، މ. ބޯގަންވިލާ ހަސަން އިސްމާއިލާއި ރައީސް އިބްރާހިމް މުހަންމަދު ސޯލިހުގެ ފޮޓޯގްރާފަރު މއ. ފަށުއި، މުހައްމަދު މުންޝިދުގެ ކުންފުންޏެކެވެ.

ބީއެމްއެލް އިން އެ ކުންފުންޏަށް ލޯނު ދީފައި ވަނީ ހަސަން އިސްމާއިލް އާއި މުހަންމަދު މުންޝިދާއި ބިގް ކުންފުނީގެ އިތުރުން މޫނިމާގޭ އަހުމަދު ޒަރީރު ޔަގީންކަން ދީގެންނެވެ.

އެހެންނަމަވެސް، އެ ލޯނު އެއްބަސްވުމާ އެއްގޮތަށް ބިގުން ފައިސާ ދައްކަމުން ނުދާތީ ބީއެމްއެލްއިން އެ މައްސަލަ ސިވިލް ކޯޓަށް ހުށަހެޅި އެވެ. އެ ކޯޓުން 2020 ގައި ވަނީ، މޫނިމާގެ ރަހުނު ކުރުމުގެ އެއްބަސްވުމުގެ ދަށުންނާއި ލޯނު އެއްބަސްވުމުގެ ދަށުން ބީއެމްއެލް އަށް ލިބިގެންވާ ހައްގުތައް ދެމިގެންދާނެ ކަމަށް ކަނޑައަޅައިފަ އެވެ.

އެހެންނަމަވެސް، އެ ފަހުން ވެސް ހުކުމާ އެއްގޮތަށް ބިގުން ފައިސާ ދައްކަމުން ގޮސްފައެއް ނުވެ އެވެ.

އެއްބަސްވުމާ އެއްގޮތަށް ފައިސާ ދައްކަމުން ނުދާތީ ރަހުނު ވިއްކާލުމަށް އެދި ބީއެމްއިލް ވަނީ ކޯޓަށް ހުށަހަޅައިފަ އެވެ.

ބީއެމްއެލްއިން ހުށަހެޅި އެ މައްސަލައާ ގުޅިގެން ސިވިލް ކޯޓުގެ ގާޒީ ރިޒްމީނާ އިދުރީސް ނިންމަވާފައި ވަނީ، ރަހުނު ކުރި މޫނިމާގޭގެ ގޯއްޗާއި އެ ގޯތީގައިވާ އިމާރާތްތައް ވިއްކާލުމަށް ބީއެމްއެލް އަށް ހަ މަސް ދުވަހުގެ ހުއްދައެއް ދިނުމަށެވެ. އެ މުދާ ވިއްކައިގެން ލޯނަށް ވާ ފައިސާ ހޯދުމަށް ފަހު ބާކީވާ ވަރެއް ކޯޓަށް އެންގުމަށް ވެސް ސިވިލް ކޯޓުން އަންގާފައިވެ އެވެ.

އެނގިފައިވާ ގޮތުގައި ކުރީގެ ބިޔަ ގޯތި، މޫނިމާގެ ބަހައިގެން ޒަރީރަށް ވީ ބައި ބިގުން މިހާރު އަންނަނީ ހަދަމުންނެވެ. ވިއްކާލަން އިއުލާން ވެސް ކޮށްފައިވަނީ އެ ބައެވެ.

30 ކޮމެންޓް, 31 ރިއެކްޝަންސް

icon happy icon happy 39%
icon sad icon sad 19%
icon angry icon angry 16%
icon wow icon wow 23%
icon inlove icon inlove 3%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އާދަމު ހޭ

30 September 2022

ރޭވުމެއް. ވަކި ބަޔަކަށް 42 މިލިޔަނަށް ވިއްކައިލުމަށް ރާވައި ލޯނު ނުދައްކައި މަޑުކޮށްގެންތިބެ ހީލަތް ހެދީ

The name is already taken The name is available. Register?

އިސްތަފާ އަހްމަދު ނަސީރު

29 September 2022

އެއީ ބިގައް ލިބޭ ބޮޑު ގެއްލުމެއް. އެކަން ކޮއްގެން ނުވާނެ. ބިގް ކުންފުނި އަކީ މިސަރުކާރު ހޮވުމުގައި ބޮޑުބައެއް އަދާކުރި ބައެއް. މޫނިމާގެ ވައްކާލެވިގެން ނުވާނެ. ބިގުން ތިލާރި ދައްކަވާނެ ވީހާ އަވަހަކައް. ބޭންކުންވެސް ކަންކަން އެކުރަނީ ރަގަޅަކައް ނޫން. މމޕރސ ގަވެސް އެމީހުން ކުޅުނީ ވަރައް ހަޑި ގޭމެއް!

The name is already taken The name is available. Register?

ރަނުގެ އަގު

28 September 2022

ބިގް ކުންފުނި އުފެދުނު ގޮތާއި ތާރީހާއި އެކުންފުންޏަށް ސަރުކާރުން މިހާތަނަށް ލިބުނު މަޝްރޫއުތަކާއި ބަދަލުގެ ގޮތުގައި ލިބުނު ފައިސާތަކާއި ހިއްސާދާރުން ބަދަލުވަމުން އައި ގޮތުގެ ތަފުސީލީ ރިޕޯޓެއް ލިޔެލާނެ ހިތްވަރު ހުރި ނޫސްވެރިޔަކު އެބަހުރިބާ؟ ހުރިހާ ގެއްލުމެއް މިއޮތީ އެއްއިރެއްގައި ނާސިރުގެ ދައުރުގައި ދިދަ ޖަހާފައި ހުރި މާލޭގެ ރޯޔަލް ފެމިލީގެ ބޭފުޅަކަށް. އޭނާ އަތުން އެގެއްލިގެން ދަނީ މާލޭގެ ރަނުގެ އަގުގެ ގޯއްޗެއް.

The name is already taken The name is available. Register?

ކުއްހީ

29 September 2022

މާލޭގެ ބިމުގެ އަގު ރަންވި ދުވަސް މާޒީވެއްޖެ. ތިތަން ތި އަގުގަ ނަންނާނީ ކޮންމެވެއް ޑްރަގް ލޯޑެއް.

The name is already taken The name is available. Register?

އެމެރިކާ

28 September 2022

ސަރުކާރު ތެރޭ ވައްކަން ކުރާ ނާޖައިޒު ފައިދާ ނަގާ ކުންގުނިތަ ވަރައް ގިނަ

The name is already taken The name is available. Register?

ފުރުމީ

28 September 2022

ތިޔަ ބިގަކަށް ޕީއެސްއެމުން މިލިޔަނެއްހާ ރުފިޔާ ދީފި ތޯއްޗެ. ތީ ދުވަހަކު ހިތް ނުފުރޭ ބިގެއް

The name is already taken The name is available. Register?

މުޙައްމަދު ޢަލީ ބަޑު

23 October 2022

ރުފިޔާއެއް ނޫން ޑޮލަރު ... 3 މިލިއަން ޑޮލަރު

The name is already taken The name is available. Register?

ވަހީދު

28 September 2022

ބޭންކު އޮފް މޯލްޑިވްސް އިން ނަގާ ލޯނަކީ ކަނޑައެޅިގެން ރިބާ ކަމަށްވާއިރު އެ ބޭންކުން ލޯނު ނަގަނީ ކީއްވެތޯއެވެ. ރިބާ ނުލައި ލޯނު ގަނޑެއް ލިބޭނެ ގޮތެއް ދިވެހިންނަށް ހަމަ ނެީ ތޯއެވެ.،

The name is already taken The name is available. Register?

ކުޗީ

28 September 2022

އެއީ ހުކުރު ހުތުބާގައި އެކިޔާ ރިބާ އެއް ނޫން އެއީ އިންޓްރަސްޓް. އިން މޯޑިވްސް އިންޓްރަސްޓް ހަލާލް ، ރިބާ ހަރާމް.

The name is already taken The name is available. Register?

ހަ ވަލީދު

28 September 2022

އެއީ ވިޔަފާއރި ރިބާ އެއް ނޫން.

The name is already taken The name is available. Register?

ރިބާ

30 September 2022

ކަނޑައެޅިގެން ރިބާކަމަށް ތިބުނަނީ ކީއްވެ؟ ޤުރުއާނުގަ އޮތީ އިންޓެރެސްޓޭތަ ރިބާއޭތަ؟ ކޮންމެ ރިބާއަކީ އިންޓެރެސްޓެއްނޫން އަދި ކޮންމެ އިންޓެރެސްޓްއަކީ ރިބާއެއްނޫން. މިތަފާތުކިޔައިދޭން އެނގޭވަރުގެ “ދަންނަބޭކަަލަކު” މިރާއްޖެއަކުނެތް.

The name is already taken The name is available. Register?

އެހެން

28 September 2022

މިހެން ލޯނު ނަގައިގެން ކޮންމެވެސް ބަޔަކަށް އުފާ ލިބޭނެ ވާހަކަ އިހަކަށް ދުވަހު އެބުނީ. ގެ ގެއްލުނު މީހާއަށް ލިބުނު ދެރަ ނުބެލީމަ ލޯނު ނެގި ކުންފުނި އެއޮތީ ހަމަ އުފަލުން.

The name is already taken The name is available. Register?

ޖުޖު

28 September 2022

ގޭގެ ވެރި ފަރާތައް ކިހާބޮޑު ގެއްލުމެއް މިލިބުނީ. ވިސްނާލުން ރަނގަޅު ކަމެއް މީ އެހެން ފަރާތްތަކުން ވެސް މިކަހަލަ ޑިލްތައް ހަދާއިރު

The name is already taken The name is available. Register?

ގައުމީއަލީ

28 September 2022

ގައުމުވެސް ވިއްކާލަނީ - ހަމަ އެފަދަ ?

The name is already taken The name is available. Register?

ޖީމު

28 September 2022

ރައީސް ސޯލިހުގެ އިޤްތިސާދީ ވަޒީރު ބިގްގައބައިވެރިވުން ބޮޑުކޮށް އޮތް. އޭނާ ކުރި ހުރިހާ ވިޔަފާރިއެއް ވީ ބަނގުރޫޓް. އޭނާ ސަރުކާރަށް ވަނީ އެކަމުގެ ބަދަލު ނަގަން. މަޖިލީސް މެންބަރުންނަށް ކުލަދައްކައިގެން އޭނާ އެދަނީ އެކަން ކާމިޔާބު ކުރަމުން. އަސްލު ވަރަށް ނުސާފްކޮށް ސަރުކާރު ހިނގަމުން މިދަނީ. މިކަން އެބަޖެހޭ ސާފް ކުރަން.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454