ބަނަހަކަށް އެލާޖިކުވެ ވޭނުގެ ދެ އަހަރަށް ފަހު މަރީ ނިޔާވެއްޖެ

ކްރީމް ޖެހި ބަނަހެއް ކެއި ފަހުން އެލާޖިކުވެގެން އައިޖީއެމްއެޗަށް ގެންދިޔުމުން ނުބައިކޮށް އިންޖެކްޝަނެއް ޖެހުމުގެ ސަބަބުން ހާލު ދެރަވި މަރިޔަމް ޒައީމާ މޫސާ (މަރީ) މިއަދު ނިޔާވެއްޖެ އެވެ.

އުމުރުން 31 އަހަރުގެ މަރީއަށް އެހީ ހޯދުމުގެ ގޮތުން އޭނާގެ ކޮއްކޮ ފޭސްބުކްގައި ހިންގާ ޕޭޖުގައި ބުނީ މަރީ ނިޔާވީ މިއަދު ހެނދުނު އިންޑިއާގެ ކޮޗިންގައި ކަމަށެވެ.

އައިޖީއެމްއެޗުގެ ކެންޓީނުން ގަތް ބަނަހެއް ކެއި ފަހުން މަރީ އެލާޖިކުވެ، އައިޖީއެމްއެޗަށް ގެންދިޔައީ މިދިޔަ އަހަރުގެ މެއި މަހުގެ 28 ވަނަ ދުވަހު އެވެ. އޭނާގެ ހާލު މާ ބޮޑަށް ދެރަވީ އިމަޖެންސީގައި ފަރުވާދިންއިރު، ނުބައިކޮށް އިންޖެކްޝަނެއް ޖެހި ފަހުންނެވެ.

Allergic ve haalu goas vee injection dhin gothun: IGMH

The most trusted news source in the Maldives

Mihaaru

މަރީގެ ހާލު ގޯސްވީ އިންޖެކްޝަނެއް ނުބައިކޮށް ދެވިފައި ވާތީ ކަމަށާއި އެކަން އެހެން ދިމާވުމުގައި އިހުމާލުވެފައިވާ ކަމަށް އެއްބަސްވެ، އައިޖީއެމްއެޗުން މާފަށް ވެސް އެދުނެވެ. އަދި އެ މައްސަލަ ތަހުގީގުކުރާނެ ކަމަށް ވެސް ބުންޏެވެ.

އެކަމަކު އެކަމުގައި އެއްވެސް މީހަކަށް ފިޔަވަޅެއް އެޅިކަމަށް ހޮސްޕިޓަލުން ނުބުނެ އެވެ.

އާއިލާގެ އެދުމަކަށް އައިޖީއެމްއެޗުން ކުރި ތަހުގީގަށް ފަހު، މިދިޔަ އަހަރު ޖުލައި މަހު އާއިލާ އަށް ފޮނުވި ސިޓީއެއްގައި ބުނެފައި ވަނީ އިމަޖެންސީގައި މަރީއަށް ފަރުވާ ދިން އިރު، އެލާޖިކުވުމުން އާންމުކޮށް ދީ އުޅޭ އިންޖެކްޝަނެއް ކަމަށްވާ ހައިޑްރޯކޯޓިސޯން ދިނުމުން ވެސް އޭނާގެ ހާލު ރަނގަޅު ނުވި ކަމަށެވެ. އެހެންވެ ފަހުން ދިނީ އެލާޖިކުވުމުން ދޭ އެހެން އިންޖެކްޝަނެއް ކަމަށްވާ އެޑްރެނަލިން ކަމަށް ސިޓީގައިވެ އެވެ.

އެލާޖިކުވެ ފުރާނާއަށް ނުރައްކާވާ ހާލަތްތަކުގައި އެޑްރެނަލިން ދޭން އޮންނަ އުސޫލަކީ މަސްގަނޑުގެ އެތެރެ އަށް އިންޖެކްޝަން ޖަހައި، ކަނޑައެޅިފައިވާ މިންވަރަކަށް ޑައިލިއުޓްކޮށްގެން، ސްލޯ އިންފިއުޝަނެއް ގޮތަށް އައިވީ ގުޅައިގެންނެވެ. ނަމަވެސް ސިޓީގައި ވަނީ މަރީ އަށް އެ އިންޖެކްޝަން ދީފައި ވަނީ މި އުސޫލާ ހިލާފަށް ކަމަށް ލިޔެކިޔުންތަކުން އެނގެން އެބަހުރި ކަމަށެވެ.

Cream jehi banahakah allergic ve, maraa hanguraama kuranee!

The most trusted news source in the Maldives

Mihaaru

އެ އިންޖެކްޝަން ދިން ފަހުން މިދިޔަ ދެ އަހަރެއްހާ ދުވަހު މަރީ އޮތީ ރަނގަޅަށް ހޭ ނާރަ އެވެ. އާއިލާއިން އޭނާ އިންޑިއާއަށް ގެންގޮސް ގިނަ ދުވަސްތަކެއް ވަންދެން ފަރުވާ ވެސް ދިނެވެ. ދެވެނޭ އިތުރު ފަރުވާއެއް ނެތިގެން މަރީ ރާއްޖެ ގެނައީ މިދިޔަ މެއި މަހު އެވެ.

ނުވަ އަހަރުގެ ކުޑަކުއްޖެއް ވެސް ހުންނަ އެކަނިވެރި މައެއް ކަމަށްވާ މަރީ އަކީ ވަރަށް ގިނަ ކާ އެއްޗިއްސަށާއި ބޭސްތަކަށް ވެސް އެލާޖިކްވާ މީހެކެވެ. އެލާޖިކް ވެގެން މީގެ ކުރިން ވެސް އެކި ފަހަރު މަތިން އޭނާ ވަނީ ފަރުވާ ހޯދައިފަ އެވެ.