އިރުފުށި ރިސޯޓް: އެރަށުގެ މައްސަލާގައި ހިލްޓަނަށް ދައްކަން ޖެހޭ ފައިސާ ދައްކަން ސަން ޓްރެވަލްސްގެ މައްޗަށް ވަނީ އަމުރު ކޮށްފައި
09 ފެބުރުއަރީ 2023 - 18:15
15 comments
ހިލްޓަން ކުންފުންޏަށް 24 މިލިއަން ޑޮލަރުގެ ދޭން ސަން ޓްރެވަލްސް ކުންފުނީގެ މައްޗަށް ސިންގަޕޫރު އާބިޓްރޭޝަނުން އަންގާފައިވާ އެންގުން ބަލައިނުގަނެވޭނެ ސަބަބެއް ނެތް ކަމަށާއި އެހެންވެ، މިހާތަނަށް ނުދައްކައި ހުރި ފައިސާ 14 ދުވަސް ތެރޭގައި ދައްކަން ސިވިލް ކޯޓުން އަމުރުކޮށްފި އެވެ.
އިރުފުށި ރިސޯޓް ހިންގަން ހިލްޓަނާ އެކު ހެދި އެއްބަސްވުން 2013 ވަނަ އަހަރު ސަން ކުންފުނިން އުވާލުމުން ބަދަލުގެ ގޮތުގައި 24 މިލިއަން ޑޮލަރު ދޭން އާބިޓްރޭޝަނުން އަމުރުކުރީ 2015 ވަނަ އަހަރު އެވެ. އޭގެ ތެރެއިން ބައެއް ފައިސާ ކޯޓުން ކުރިން ވަނީ ތަންފީޒު މަރުހަލާގައި އަތުލައިފަ އެވެ.
އާބިޓްރޭޝަންގެ ނިންމުން ތަންފީޒުކުރަން ހިލްޓަންގެ ފަރާތުން ހުށަހެޅުމުން ސިވިލް ކޯޓުން މިދިޔަ އާދިއްތަ ދުވަހު ކުރި ހުކުމުގައި ވަނީ އާބިޓްރޭޝަންގެ ނިންމުން ބަލައިގަތުން މަނާކުރާ ގާނޫނީ ސަބަބެއް ނެތުމުން، މިހާތަނަށް ނުދައްކައި ހުރި ފައިސާ އާއި އަރަމުންދާ ޖޫރިމަނާ ދައްކަން އަންގާ ކަމަށެވެ.
ހައި ކޯޓުން ކުރިން ނިންމާފައި ވަނީ ބޭރުގެ އާބިޓްރޭޝަނަކުން ނިންމާ ނިންމުމެއް ރާއްޖޭގައި ތަންފީޒު ކުރުމުގެ ކުރިން އެ އެ ނިންމުމެއް ބަލައިގަތުމާ މެދު ގޮތެއް ނިންމަން ޖެހޭނެ ކަމަށެވެ. އެހެންވެ، އާބިޓްރޭޝަންގެ ނިންމުން ބަލައިނުގަނެވޭނެ ކަމަށް ކަނޑައަޅަން ސަން ޓްރެވަލްސްއިން އެދުނެވެ.
އެގޮތުން ހިލްޓަނުން އެއްބަސްވުން ހެދީ މަކަރާއި ހީލަތުން އޮޅުވާލައިގެން ކަމަށާއި އާބިޓްރޭޝަންގެ ނިންމުމަކީ ދައުލަތުގެ އާންމު ސިޔާސަތާ ހިލާފު ނިންމުމެއް ކަމަށް ވާތީ އެ ނިންމުން ބަލައިނުގަންނަން އާބިޓްރޭޝަންގެ ގާނޫނުގެ ދަށުން ސަން ޓްރެވަލްސް އިން ކޯޓުގައި އެދުނެވެ.
ނަމަވެސް ކޯޓުގެ ހުކުމުގައި ވަނީ އާބިޓްރޭޝަނުން ގޮތް ނިންމާފައިވާ ކަންކަމާ މެދު އަލުން ގޮތެއް ކަނޑައެޅުމަކީ ސިވިލް ކޯޓަށް ކުރެވޭނެ ކަމެއް ނޫން ކަމަށް ސުޕްރީމް ކޯޓުން ކުރިން ނިންމާފައިވާތީ އެ ކަންކަމާ މެދު އެ ކޯޓަށް އިތުރަށް ގޮތެއް ނުނިންމޭނެ ކަމަށެވެ.
އެ މައްސަލާގައި ހިމެނޭ އެއްބަސްވުމަކީ ދައުލަތުގެ އާންމު ސިޔާސަތާ ހިލާފު އެއްބަސްވުމަކަށް ނުވާތީ އާބިޓްރޭޝަންގެ އެވޯޑް ބަލައިގަތުން މަނާވާ ސަބަބެއް ނެތް ކަމަށް ވެސް ހުކުމުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާމަސީލު
10 February 2023
މަޖިލިސް މުސާރަ 82000×60 = 4920000 (ހަތަރު މިލިއަން ނުވަލައްކަ ވިހިހާސް) ރުފިޔާ. މަޖިލިހަށް ނުގޮސް އޭނާ 5 އަހަރުގެ މުސާރަ 4.9 މިލިއަން ރުފިޔާ. އައްނި މަޖިލިހުގެ ރައީސް ކަމުގަ އިންނަހާދުވަހަކު މިމީހުންގެ މުސާރައިން އެންމެ ރުފިޔާ އެއްވެސް ނުކަނޑާނެ.
ދގދސެފ×
09 February 2023
ޖާބެއެކޭ ޝިޔާމެކޭ މަށަކަށް ނުފެނޭ މާބޮޑު ތަފާތެއް. އެހެނެއްނޫން ޝިޔާމު ތަންކޮޅެއް މަދުވާނެ ޖާބެއާބަލާފާ ގަޅިވާހަކަދައްލެއް.
ސަދޫމް ޖަސްޓިސް
09 February 2023
ސިޔާމު ސޯލިހުއާ އެއްބައިވުމުގެ ބަދަލު މީ. އަދުލުއިންސާފު އުތުރި އަރަނީ ކަލޭނޭ
ސަފީރު
09 February 2023
ބަލަގެ ސިޔާމަށް ސަފީރުކަން ދީފި. ވާދަކުރާނެހެން ހީވާ އެންމެނަށް ސަފީރުކަމާ މުސްތަސާރުކަން. ބޯގަޅި ދިވެހިން ކެކެކެ
މިސްޓަރ ޓިނޭ
10 February 2023
ރައީސް އޮފީހު ގަ ބޭއްވި މީޓިންގް ގެ ނަތީޖާ ކަމަށް ފެންނަނީ
އޮނަރަބްލް އަފީފު ދީދީ
09 February 2023
ސިޔާމުގެ ހަރުމުދާވިއްކައިގެން ނުވަތަ ސަންސިޔާމް ކުންފުނިން ފަތުރުވެރިކަމުގެދާއިރާގެ އެހެންކުންފުންޏަކާއި ނޫންނަމަ އިންވެސްޓްމަންޓް ބޭންކަކާއިއެކު މިކަމަށްހައްލުހޯދަންނޫޅެ، ކުރިއަށްއޮތްއިންތިޙާބުގައި ސިޔާމްގެ މަދަދުވެރިކަންހޯދަންވެގެން ދައުލަތަށްބުރައަކަށްވާގޮތަށް ސޯލިޙްގެސަރުކާރުން މިކަމުގެތެރެއަށްވަދެ ސިޔާމްގެ ދަރަނިއަދާކުރުމުގައި ސަރުކާރުން ދައުރެއްއަދާކުރަންއުޅެފިނަމަ މިމައްސަލާގައި ސޯލިޙްގޮވައިގެން އަހަރުމެން ކޯޓަށްނުދާނެގޮތެއް ނޯންނާނެ.
ވަކަފޫޅު
09 February 2023
މޮޅުކޮމެންޓެއް ލިޔެލީދެއްތޯ؟ ތިވިދާޅުވާ "އަހަރުމެން" އެއީ ކޮންބައެއްބާ؟
ޭގެލެކްސީ
10 February 2023
މީ ހަަމަ ތެދު. ޝިޔާމު ދައްކަންޖެހޭ ލާރިދޭނީ ހަމަސީދާ ރައްޔިތުންފައިސާއިން
ޑޯހަޅިބެ
09 February 2023
ސިޔާމު އޮތީ ދަރާ ވިކިފަ. ބޭސް ކަ އިގެން އެސޮރަށް ނިދޭކަމަށް ވަނީ.
މޮޖޮނި
09 February 2023
މިދުވަސް އަންނާނެކަމަށް ނުބަލާ ހިލްޓަން މީހުން އޭތި މީތިކިޔައިގެން ކުއްލިޔަކަށް އިރުފުށިން ފައްސާލުމުގެ ނަތީޖާ
ބަގަޓު
09 February 2023
މައްސަލައެއްނެތެއްނު؟ އަދިވެސް މެމްބަރުކަމާ ކުރިމަތިލާނެ. އެތަނަކަށް ނުދާނެ. މުސާރައިން ނުކެޑޭނެ. ދާއިރާގެ މީހުން އަނެއްކާވެސް ހޮވާނެ. އެހެންވީމާ ތިވާހަކަ ނުދައްކަމާ؟ އަހުގާ މިސްކިތަށް ވަޑައިގަތީމާ ނިމުނީނު؟
ސޮޑޮންމޯ
09 February 2023
މާބޮޑަށް ރައްޔިތު ވެގެން މީނަ މިއުޅެނީ މިލާރި އާ ބާކީ ހުރިލާރި ވެސް ކައްވާލަންދޯ؟ ދެން ހުރި ނާޒިމް އުޅެނީ އާރުސީސީން ގެސްޓް އަޅައިގެން ސަރުކާރުގެ ހުރިހާ ލާރި އޭނާގެ ކުންފުންޏަށްދޭން. ކޮވިޑް އައުމާ އެކު މުވައްޒަފުން އުކާލާފަ ގައުމަށް ފިލި ސޭޓް ވެސް މިހާރު ހުރީ ރައްޔިތުން ދެކެވާ ލޯބިން އަނެއްކާ ވެސް ވެރިކަމަށް ނުކުންނަން ދަތްބާރުވެފަ. ދަރުމަ ވާނެ ރައްޔިތުންނޭ މީގެ މަޅިއެއްގަ ނުބެދޭތި. މުއިއްޒު ޕްލީޒް
އަހުމަދުބޭ
09 February 2023
މިއީ ރާއްޖޭގެ ރިސޯޓު އޯނަރުންގެ ހާލަތު ކީއްތޯ ކުރާނީ އެހެންވެގެންކަންނޭގެ ރައީސް އޮފީހަށް މާގިނައިން މިހނގަނީ
ސަން މިކަމުން ސަލާމަތް ކޮއްދިނުމައް އެދެން!
09 February 2023
ސަންސިޔާމް މިހާރު އަތުގުޅާލާނެ ހުރިހާ ސިޔާސީ ވެރިންނާ! ދައުލަތުން އެ 24 މިލިއަން ޑޮލަރު ދައްކާފަ ސަން ސިޔާމް ސަލާމަތް ކޮއްދޭން އެދޭނެ. އެކަން ވާނެ!
އިބްރާހިމް ޒަމީރު
10 February 2023
ސިޔާމް އަތުގަ ތިފައިސާ ދައްކާނެ ފައިސާ ހުއްނާނެ ސިޔާމް އަކީ މީހަކަށް ދަރާގެންއުޅޭ މީހެއްނޫން . މަށް ސިޔާމް ވަރަށް ރަގަޅައް އިގޭތީ މިބުނީ ސިޔާމް އަކީ މިޔަދު މިރާއްޖޭގެ އެންމެ ގިނަ ބެޑު އޯނަރު . ސިޔާމް ތަނަކައް ދައްކަން ޖެހޭ އެއްޗެއް ނުދައްކާ ނޯއް ނާނެ .