ހަތަރު މީހުންނާ އެކު މާލެއިން މުދާ ހިފައިގެން ވ. އަތޮޅަށް ފުރި މުދާ އުފުލާ ބޯޓެއް ގެއްލިގެން، ހޯދުމުގެ މަސައްކަތް ކޯސްޓްގާޑުން ފަށައިފި އެވެ.
ގެއްލިގެން ހޯދަނީ "މ. ސާވާރީ" ނަމަކަށް ކިޔާ ބޯޓެކެވެ. އެއީ މާލެ އާއި ވ. އަދި މ. އަތޮޅާ ދެމެދު ދަތުރުކުރާ މުދާ އުފުލާ ބޯޓެކެވެ.
އެމްއެންޑީއެފްގެ މީޑިއާ އޮފިޝަލަކު "މިހާރު" އަށް ވިދާޅުވީ އެ ބޯޓު ދަތުރު ކުރީ ހަތަރު މީހުންނާ އެކު ވ. އަތޮޅަށް ކަމަށެވެ.
އެ ބޯޓުގެ ހަބަރެއް އެންމެ ފަހުން ވެފައި ވަނީ ކ. ގުރައިދޫ އިރުމަތިން 10 ނޯޓިކަލް މޭލް ބޭރުން ކަމަށް ވެސް އޭނާ ވިދާޅުވި އެވެ.
މި ދުވަސްވަރަކީ ކަނޑުގަދަ ދުވަސްވަރަކަށް ދަތުރު ކުރުމުގައި ސަމާލު ވުމަށް މެޓުން ވަނީ އިލްތިމާސް ކޮށްފަ އެވެ.