އައްޑޫގެ ބިން ހިއްކުމަށް ތައްޔާރުވުމުގެ މަސައްކަތް ކުރަނީ.-- ފޮޓޯ: މާލޭ ސިޓީ ކައުންސިލް
15 މެއި 2023 - 14:33
6 comments
އައްޑޫގެ ބިން ހިއްކުމުގެ އަމަލީ މަސައްކަތް އަންނަ މަހު ފަށާނެ ކަމަށް އައްޑޫ ސިޓީ ކައުންސިލުން މިއަދު ބުނެފި އެވެ.
ސިޓީ ކައުންސިލުގެ ފޭސްބުކް ޕޯސްޓެއްގައި ބުނީ އައްޑޫގެ ބިން ހިއްކާ ޒޯންތަކުގައި ބަންޑު ވޯލްތައް ޖެހުމުގެ މަސައްކަތުގެ ބޮޑުބައި މިހާރު ނިމިފައިވާ ކަމަށެވެ. އެ ޒޯނުތަކުގައި މިހާރު ކުރަމުން އަންނަ މަސައްކަތަކީ ބިން ހިއްކުމަށް ގެނައި ޑްރެޖާގެ ޕައިޕްލައިންތައް ހަރުކުރުން ކަމަށް ކައުންސިލުން ބުންޏެވެ.
"ޖޫން މަހު [އަންނަ މަހު]ގެ ތެރޭގައި ބިން ހިއްކުމުގެ މަޝްރޫއުގެ ތެރެއިން ބިން ހިއްކުމާއި ޑްރެޖްކުރުމުގެ އަމަލީ މަސައްކަތް ފެށިގެންދާނެ،" އެ ޕޯސްޓުގައިވެ އެވެ.
އައްޑޫގެ ބިން ހިއްކުމުގެ މަޝްރޫއު ހަވާލުކޮށްފައިވާ ނެދަލެންޑްސްގެ ވެން އޫޑް ކުންފުންޏާ އެވެ. އެ ކުންފުނިން ވަނީ މި މަޝްރޫއުގެ މަސައްކަތަށް ބޭނުންވާ މެޝިނަރީ އާއި އެހެނިހެން ސާމާނު، މިދިޔަ އަހަރު ޑިސެމްބަރުގައި އައްޑުއަށް ގެންގޮސްފަ އެވެ.
އިންޑިއާގެ އެގްޒިމް ބޭންކްގެ 800 މިލިއަން ޑޮލަރުގެ ކްރެޑިޓް ލައިންގެ އެހީގައި އައްޑޫގައި ހިންގާ މި މަޝްރޫއުގައި ދަށުން 194.3 ހެކްޓަރުގެ ބިން ހިއްކަން ނިންމާފައިވެ އެވެ.
އައްޑޫގެ ބިން ހިއްކުމަށް ތައްޔާރުވުމުގެ މަސައްކަތް ކުރަނީ.-- ފޮޓޯ: މާލޭ ސިޓީ ކައުންސިލް
މަޝްރޫއުގެ ތަފުސީލު
• 11 ކިލޯމީޓަރު ސަރަހައްދެއްގައި ގޮނޑުދޮށް ހިމާޔަތްކުރާނެ
• ހިތަދޫން 90 ހެކްޓަރުގެ ބިން ހިއްކާނެ
• ހުޅުމީދޫން 23.3 ހެކްޓަރުގެ ބިން ހިއްކާއި އެ ރަށުގެ ފަޅު ތެރެއިން ޓޫރިޒަމްގެ ބޭނުމަށް ފަސް ހެކްޓަރުގެ ދެ ރަށް ހިއްކާނެ
• މަރަދޫ/މަރަދޫފޭދޫން 76 ހެކްޓަރުގެ ބިން ހިއްކާއި އެ ރަށުގެ ފަޅު ތެރެއިން ޓޫރިޒަމްގެ ބޭނުމަށް 8.3 ހެކްޓަރުގެ ތިން ރަށާއި 3.3 ހެކްޓަރުގެ ދެ ރަށް ހިއްކާނެ
• މުޅި މަޝްރޫއަށް 1.3 ބިލިއަން ރުފިޔާ ހޭދަވާނެ
• މަސައްކަތް ހަވާލުކުރީ ދޮޅު އަހަރު ދުވަހުގެ ތެރޭގައި ނިންމާ ގޮތަށް
އައްޑުއަށް ދިމާވެފައިވާ ބިމުގެ ދަތިކަން ހައްލުކުރަން ފަށަން ނިންމާފައިވާ ބިން ހިއްކުމުގެ މި ބޮޑު މަޝްރޫއުގެ ސަބަބުން ތިމާވެއްޓާ ވަރަށް ބޮޑު ގެއްލުމެއް ލިބޭނެ ކަމަށް އީއައިއޭ ރިޕޯޓުގައި ބުނެފައި ވާތީ ތިމާވެށީގެ ހައްގުގައި އަޑުއުފުލާ ޖަމިއްޔާތަކުން މި މަސައްކަތް ހުއްޓާލަން ވެސް ގޮވައިލި އެވެ. އެކަމަކު ސަރުކާރުން ބުނެފައި ވަނީ މި މަސައްކަތް ހުއްޓާނުލާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
16 May 2023
ހުޅުމާލެ ގޮތަށް، ގަންމަރަފޭދޫ ހިއްކާލަން ވީނުން؟
ބޮޑުމީހާ
15 May 2023
ވެރިކަން ނިމެން 3 މަސް. އައްޑޫ ބިން ހިއްކަނީ، 7 ހޮސްޕިޓަލް އަޅަނީ، 4 އަހަރު ނިމިގެން ދިޔައިރު ރައްޔިތުންނަށް ދެއްކުނު އެކައްޗެއްވެސް ނެތް. މިހާ ނާގާބިލު ޚަރަދުބޮޑު، ކޮރަޕްޓް ސަރުކާރެއް މިގައުމަށް ނާދޭ! ރައްޔިތަކަށް ކަމެއް ނުވިޔަސް ދައުލަތް މިއޮތޯ 100 ބިލައަނުން ދަރައި. މި ފައިސާތަކަށް ވީގޮތް ތަހުގީގުކުރަންޖެހޭ
އޮނަރަބްލް އަފީފު ދީދީ
15 May 2023
ރާއްޖޭގައި މީހުންދިރިއުޅޭ ކޮންމެރަށަކީ ކ.އަތޮޅުމާލެފަދަ ސްލަމްއަކަށް ހެދުމުގެބަދަލުގައި ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ.ގުރައިދޫ، ތިމަރަފުށި، ވިލުފުށި، ލ.ގުޅިފައިވާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫ ބިން ހިއްކެންއޮތް އެންމެބޮޑަށްހިއްކުމަށްފަހު މިރަށްތަކަކީ މުސްތަޤުބަލުގައި ދިވެހިންދިރިއުޅޭނެ އާބަން ސިޓީތަކެއްގެގޮތުގައި ތަރައްޤީކުރާން ރަނގަޅު ޤައުމީ މަޝްރޫއެއް އެކުލަވާލުން މުހިންމު.
ކަސިރި
15 May 2023
މިއީ ސިޔާސީ ބޭނުމަށް ސަރުކާރުންކުރާ ބޭކާރު ޚަރަދެވެ. ވިސްނުމެއް ފިކުރެއްނެތި ވޯޓް ހޯދުމުގެ ބޭނުމުގައި ކޮންމެފަދަ ކަމެއްކުރަން އެއިރެއްގެ އޮންނަ ސަރުކާރަކުން ފަސްނުޖެހޭނެތީވެ ކުރާ ކަމެކެވެ. ވިޔަފާރި އުސޫލުން ނޫންގޮތަކަށް ލޯނުނަގައި މިލިއަނުން ފައިސާތަޅާލީމައި އެފައިސާ އަނބުރާ ދައްކާނީ ކިހިނެތްތޯއެވެ. މާލޭގައި އަޅާ އަދި އަޅަން ނިންމާފައިވާ ބްރިޖްތަކުގައިވެސް އިޤްތިސާދީ ވިސްނުމެއްނެތެވެ. ލަންކާގައި ކަންހިނގި ގޮތަށް ކަންނުވަނީސް ހޭލަން ނުވޭތޯ؟؟
ސުލޯލިޙް.
15 May 2023
އަންނަނީ އަންނަނީ ... !! އައްޑޫ ތަރައްޤީ ކުރާނަން...!! އައްޑުއާއި ނުލާ ރާއްޖެ ތަރައްޤީ ނުވާނެ..!! އައްޑޫ އެއަރޕޮޓް ހަދަނީ..!!! އައްޑޫ މީހުންގެ ޖީބަށް ޕައުންޑް ވަންނަނީ..!! އައްޑޫ ހުޅުމީދޫ ހިތަދޫ ބުރިޖް އަޅަނީ ހަންކެޑެ ބުރިޖް އަޅަނީ ..!! ހަންކޮޅު ރިސޯޓް ހަދަނީ..!! މިހުރިހާ ކަމެއްވެސް އަންނަނީ ސުލޯ ކޮށް އަންނަނީ.. ވޮތް ނުދެނީ ސުލޯ ވީނަ ނުދެނީ.
އޮނަރަބްލް އަފީފު ދީދީ
15 May 2023
ރާއްޖޭގެ ރަށްރަށުގެތެރެއިން މީހުންދިރިއުޅެން ސިޓީއެއްގެގޮތުގައި ތަރައްޤީކުރުމުގެފުރުސަތު އެންމެބޮޑު އައްޑޫ ހަލާކުކޮށްކުމަށްތޯ ތިކަންކުރަނީ. # އައްޑުއަކީ ކ.އަތޮޅު މާލެސަރަޙައްދުގައިއޮތް ވަންއައިލެންޑް ވަންރިސޯޓް ކޮންސެޕްޓްގެބަދަލުގައި ޓްއަރިޒަމް ތަރައްޤީކުރާނަމަ "މެކްސިކޯގެ ކަންކުން" ނުވަތަ ތައިލެންޑްގެ ޕުކެޓްފަދަ ސިޓީހޮޓާ ކޮންސެޕްޓަށް ފަތުރުވެރިކަން ހިންގާންޖެހޭތަނެއް. އައްޑުއަށް ބިން އިތުރުވާގޮތަށް ހިއްކެންއޮތް އެންމެބޮޑަށް ތިތަން ހިއްކާ.