އިންތިގާލީ އިންސާފުގެ އޮފީސް. އެ ތަނުގެ މުވައްޒަފެއްގެ ފުރައްސާރައިގެ މައްސަލަތަކެއް ވަނީ ބޮޑުވެފައި.
12 ޖޫން 2023 - 19:57
39 comments
އިންތިގާލީ އިންސާފު އޮފީހުގެ މުވައްޒަފެއް މަސްތުގެ ހާލަތުގައި އޮފީހަށް ނުކުމެ، އެ ތަނުގެ މުވައްޒަފުންނަށް ފުރައްސާރަކޮށް ބިރުދައްކާ މައްސަލައެއް ބޮޑުވެއްޖެ އެވެ.
ނަން ނުޖެހުމަށް އެދި "މިހާރު" އަށް ވާހަކަދެއްކި މީހަކު ބުނީ އެ ފިރިހެން މުވައްޒަފުގެ އުނދަގޫ، އަންހެން ގިނަ މުވައްޒަފުންނަށް ފޯރާފައިވާ ކަމަށެވެ. އެކަމުގެ ސަބަބުން މަސައްކަތުގެ މާހައުލުގައި ބިރުވެރިކަން އުފެދިފައިވާ ކަމަށް އޭނާ ބުންޏެވެ.
އެ މައްސަލަ ޗީފް އޮމްބަޑްސްޕާސަން އަބްދުއްސަލާމް އާރިފް އާއި ކަމާބެހޭ ފަރާތްތަކުގެ ސަމާލުކަމަށް އެކި ފަހަރު މަތިން ގެނައި ނަމަވެސް، މިހާތަނަށް އައި އިރު ވެސް އެ މުވައްޒަފާ ދެކޮޅަށް އެއްވެސް ފިޔަވަޅެއް އަޅާފައިނުވާ ކަމަށް، ކަންބޮޑުވުން ފާޅުކޮށް ވާހަކަދެއްކި މުވައްޒަފު ބުންޏެވެ.
އެ މުވައްޒަފު ބުނީ އެ މީހާ އޮފީހުގައި މީހުންގެ ގަޔަށް އަތްލަން މަސައްކަތްކޮށް ހަޑި ހުތުރު މެސެޖު ކުރުން ފަދަ ކަންކަން ވެސް ކޮށްފައިވާ ކަމަށެވެ.
"މަސްތުވެގެން ހުރެ އޮފީހުގައި މީޓިންތަކުގައި ވެސް އަޑުގަދަކޮށް ބިރު ދެއްކުން ފަދަ ކަންކަން ކުރޭ. އަދި މަސްތުވެގެން ހުރެ އޭނާ އަމިއްލަ އަށް ވެސް ބުނި ތިމަންނަ އަކީ ޑްރަގް ބޭނުންކުރާ މީހެކޭ. މި ހުރިހާ ކަމެއް ވެސް އިނގޭނެ ކަމާގުޅޭ ފަރާތްތަކަށް. އެކަމަކު ފިޔަވަޅެއް ނާޅާ،" އޭނާ ބުންޏެވެ.
"އެ މީހާ މަސްތުގެ ހާލަތުގައި ހުރެ އޮފީސް ތެރެއަށް އެއްދުވަހު ވެއްޓިއްޖެ. އެކަމަކު ސީދާ [އޮމްބަޑްސްޕާސަން] ސަލާމް އެ މީހާ ނަގައިގެން ގެންގޮސް މި މައްސަލަ އެފަހަރު ވެސް ނުބެލި."
އެކަމަކު ސަލާމް ވިދާޅުވި ގޮތުގައި މުވައްޒަފަކު މަސްތުގެ ހާލަތުގައި އޮފީހަށް ނުކުމެ، މުވައްޒަފުންނަށް ފުރައްސާރަ ކުރާ ކަމުގެ މައްސަލައެއް ހުށަހަޅައިފައެއް ނެތެވެ. އިތުރު ތަފްސީލު ލިބުމުން ފުރިހަމައަށް ޖަވާބު ދެއްވާނެ ކަމަށް އޭނާ ވިދާޅުވި އެވެ.
އެތަނުގެ ބައެއް މީހުން ބުނި ގޮތުގައި މިހާރު އަންހެން މުވައްޒަފުން އެކަނި އޮފީހުގައި ތިބޭ ނަމަ އެ މުވައްޒަފު ވަދެފާނެ ކަމުގެ ބިރަށް ތިބެނީ ދޮރު ވެސް ތަޅުލައިގެންނެވެ. އެ މީހުން ބުނީ ތަނުގެ އެންމެ އިސް ވެރިޔާއާ އެ މުވައްޒަފާ ގާތް ގުޅުމެއް އޮންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޯކަރު
13 June 2023
ކޮބާތަ އަލީ ވަހީދުގެ ޖިންސީ ފުރައްސާ ފެންމަތިވުމުނު ކީރިތިކުރެއްވި އަހަރެމެންގެ ހިތްތިރި ވަލީއުލްއަމްރު? މަސްތުވާތަކެތި ބޭނުންކުރާ މީހުންނާއި ޖިންސީ ފުރައްސާރަކުރާ މީހުންނާއި ލިވާތުކުރާ މީހުން ހިމާޔަތްކުރަން އޮންނަ ބައެއް އެމްޑީޕީއަކީ.
އަބްޑޫޅް
13 June 2023
"މަސްތުގެ ހާލަތުގައި" އޮފީހަށް ދިޔުމުންނޭ ބުނީމަ، "މަސްތުވެގެން ހުރެ" އޮފީހަށް ދިޔުމޭ ބުނުމަށްވުރެން، އިބާރާތް ފަށުވިވަނީތަ؟ އިބާރާތް ފަށުވި ވީމަ، އިންތިގާލީ އިންސާފު އޮފީސް ކަހަލަ ގަދަރުވެރި، ހައިބަވަތްތަ މުވައްސަސާއެއްގެ ހައިބަތު ހިފެހެއްޓިގެންދާނެ ކަމީ، ޝައްކަކަށް ވަސްވާހަކަށް ތަންދޭނެކަމެއް ނޫންކަން ކަށަވަރު.
އިޙްސާސް.
13 June 2023
ފުލުހުންނަށް ހުށައެޅިންތޯ މަސްތުވެގެން އުޅޭތީ؟ އޭނާގެ ވީޑިއޯއެއް ނިކަން ނަގާލާފަ އަހަރެމެންގެ ރައީސް، ނައިބު، ޖެންޑަ، ސީޕީ ޓެގްކޮށްލާފަ ސޯސަލްމީޑިއާއަށް ލާބަލަ.
ސައިޚް
13 June 2023
ތިއަ އޮފީހަކީ ފައިސާ ބައަކަށް ދޭން އުފައްދާފަ ސަރުކާރުން ހިސޯރުކޮއްފަ އޮތް އޮފީހެއް، ކޭލަކުނަށް ބޮޑު ވިއްސާރައެރި މައްސަލަ، ތިނަދުއަށް ސިފައިން އެރި މައްސަލަ، ހަސަން ފަރީދު ހޯދަން އެމީހުނާ ހަވާލުކޮއްފައޮތީ، 2012 ގަ ޓީވީ. މޯލްޑިވްސް ދޮރަށް ބަޑިޖަހާ އެތަން ހިސޯރުކުރި މައްސަލަ، އެތަށް ބައަކަށް 2012 ފެބްރުއަރީ 8 ގަ އަނިޔާކުރި މައްސަލަ އެއޮތީ ނުބަލާން ބާއްވާފަ ތިބެގެން ބޮއެ ފައިސާ ޚަރަދުކުރޭދެން، އޭ.ސީ.ސީ. އެކޭ ތިތަނެކޭ ކޮބާ ތަފާތެއް.؟
ދަމޭ
13 June 2023
ތިތަނުގަ ރަގަޅު އެއް ކަމެއްވެސް ނުހިނގާ. ކުރިން ތިބި އަންހެން 2 ވެރިއަކު އިސްތިއުފާދިނީ ދެން ތިބި ވެރިން ބޮޑެތި ކޮރަޕްޝަން ހިންގާތީ، އެކަން ނުހުއްޓުވިގެން. އޭގެ ތެރޭގައި ކުރިން ސަރުކާރު ކުންފުންޏެއްގެ މެނޭޖިންގ ޑިރެކްޓަރކަން ކުރި މީހަކުވެސް ހިމެނޭ. އެކުންފުނީގެ ބޮޑު ކޮރަޕްޝަން މައްސަލައެއް އޭސީސީގައި ހިނގަމުންދާތީ ރެކޯޑު ސާފު ނުކުރެވުނަސް، އޮމްބަޑްސްޕާސަން ވަޒީފާދީފަ އެހުރީ. ހަމަ އެއް ސަކަރާތެއް އެ ހިންގަނީ މިހާރުވެސް!
އާޝޯހު
13 June 2023
ދަމޭގެ މައްސަލައެއް ވެސް އޭސީސީއަށް ވެއްދީމަ ވެއްދިދާނެ! ތިޔަ ވަރުގެ ބޮޑު ކޮރޮޕްޝަނެއް އޮތް ނަމަ ކީއްވެގެންބާ މައްސަލަ ނުބަލަން އުޅެނީ! ހަސަދަވެރި ވިޔަސް ބޮޑުވަރު! ތިޔަ ބުނާ އެމްޑީއަކީ ތެދުވެރި ރަނގަޅު އިޙްލާސްތެރި މަސައްކަތެއް ކުރި ކުއްޖެއް! އެހެންވީމާ އޭތި ބަޔަކަށް ހަޖަމު ނުވީ!
އެނީ
13 June 2023
ތިޔައީ ކޮންމެހެން ނޫހަށް ދޭންޖެހޭ ކަމެއްނޫން. ތިޔަ މުވައްޒަފަށް ތިޔަ މައްސަލަ ޕޮލިހަށް ހުށަހެޅޭނެ. އޮފީހަށް މަސްތުވެގެން އަންނަންޏާ ކޮންމެހެ އޮމްބޮޑްސް ޕާސަންއަކަށް ބަލާކަށް ނުޖެހޭ . އޭނާގެ ޝިކާރައަކަށް ވިޔަސް ނުވިޔަސް މައްސަލަ ހުށަހެޅޭނެ.
މިސްރާ
13 June 2023
ރިޕޯޓް ހަދަނީވެސް މަސްތުގެ ހާލަތުގައި ތިބެގެން
ސަޅި
13 June 2023
ތި އޮތީ ކުދިންނަށް ތަސައްލީ ހޯދައިދެވޭނެ ވަރުގެ ކުއްޖަކު ވަޒީފާއަށް ހަމަޖައްސައިދީފައި. ތަސައްލީ ހޯދައިދޭން ހެދި އޮފީހަކަށް ތަސައްލީ ހޯދައިދެވޭނެ ވަރުގެ ކުދިން ވައްދައިގެން ނޫނީ އެކަމެއް ނުވާނެތާ!
އިިބުރާހިމް
13 June 2023
ތިއީވެސް ވަރެއް މިހާރުނޫހުންތިކޮއްދިނީ ރައްޔަތުންނައް ދެންކޮންއިންސާފެލިބޭނީ
ޢަކާސް
13 June 2023
ތިޔަ ސޮރު ޕޮލިސް ވަޒީފާއިންވެސް ކަނޑާލީ ތިޔަ ފާޑަށް މަސްތުވެގެން އުޅޭތީ. މިސަރުކާރުން ވަޒީފާދޭނީ ތިކަހަލަ މީހުންނަށް
ސަރުބަތު އޮންބަޑްސް މޭން
13 June 2023
ތިޔާ ސޮރަކީ ކޮންމެތަނެއްގައި އުޅުނަަސް ދާއިމީ ކޮށް ސަރުބަތު ބޮއެގެން އުޅުއްވާ ސޮރެއް!. ޢެސޮރަށް މިހާރު ސަރުބަތު ތައްޓެއް ބޮއެގެން ނޫނީ މަސައްކަތެއްވެސް ނުކުރެވޭތީވެ މައްސަލަދިމާވަނީ.. އޮންބަޑުސް ބޮސް އަށްވެސް އެއީ މައްސަލައެއްނޫން..