ކުރީގެ ޓޫރިޒަމް މިނިސްޓަރު އަލީ ވަހީދު
14 ޖޫން 2023 - 13:22
58 comments
ކުރީގެ ޓޫރިޒަމް މިނިސްޓަރު އަލީ ވަހީދުގެ މައްޗަށް ކުރި ޖިންސީ ކުށުގެ ދައުވާތައް ސާބިތުކުރަން ބޭނުންވާ ހެކި ލިބޭނެ ގޮތެއް ނެތް ކަމަށް ބަލައި އެ ދައުވާތައް ޕީޖީ އޮފީހުން އަނބުރާ ގެންގޮސްފި އެވެ.
ޓޫރިޒަމް މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާކުރުމާއި ޖިންސީ އަނިޔާ ދިނުމާއި ރޭޕްކުރަން އުޅުމާއި ބޭއަދަބީ ގޮތުގައި ޖިންސީ ގުނަވަން ހާމަކުރުމާއި ހުއްދަ ނޫން ޖިންސީ މުއާމަލާތެއް ހިންގުމުގެ ދައުވާ ވެސް އުފުލި އެވެ. އެކަމަކު ދައުވާތައް ކުރިއަށް ދަނިކޮށް އޭނާ ރާއްޖޭން ބޭރަށް ދާން ހުއްދަ ދިނުމުން ފުރައިގެން ދިޔަ ގޮތަށް އޭނާ އެނބުރިއެއް ނާދެ އެވެ. އެހެންވެ މައްސަލަތައް ކޯޓުގައި ކުރިއަށް ނުގެންދެވި ހުއްޓުނީ އެވެ.
ޕީޖީ އޮފީހުން ނެރުނު ބަޔާނެއްގައި ބުނީ އަލީ ވަހީދު ކޯޓަށް ހާޒިރުކުރެވޭނެ ގޮތެއް ނެތިގެން ކޯޓުން ސެޕްޓެމްބަރު 22، 2022 ގައި ދައުވާތައް އަނބުރާ އެ އޮފީހަށް ފޮނުވާލާފައިވާ ކަމަށެވެ. އެހެންވެ އަލީ ވަހީދު ރާއްޖެއަށް އައުމުން އަލުން ހުށަހަޅަން ބުނެ އެ މައްސަލަ އޮކްޓޫބަރު 6. 2022 ގައި ޕީޖީ އޮފީހުން އަލުން ފުލުސް އޮފީހަށް ފޮނުވީ އެވެ.
ޕީޖީ އޮފީހުން ބުނީ ދައުވާތައް އަނބުރާ ގެންދަން ނިންމީ، އަލީ ވަހީދުގެ ފަރާތުން އަނިޔާ ލިބުނު ކަމަށް ބުނެ ކުރިން ބަޔާންދިން މީހުންނާއި އަލީ ވަހީދާ ދެކޮޅަށް ހެކިބަސް ދޭން ބަޔާން ދިން މީހުން މި މައްސަލަ އިތުރަށް ކުރިއަށް ގެންދަން ބޭނުން ނުވާ ކަމަށާއި ބަޔާންތައް އަނބުރާ ގެންދަން އެދި ފުލުހުންނަށް ތަކުރާރުކޮށް އަންނަނީ ސިޓީ ފޮނުވަމުންނެވެ. އެހެންވެ މައްސަލަ އަލުން މުރާޖައާކޮށްދޭން ފުލުހުން އެދުނު ކަމަށް ޕީޖީ އޮފީހުން ބުންޏެވެ.
"މައްސަލާގައި އަނިޔާ ލިބުނު މީހުންނާއި ހެކިން މި އޮފީހަށާއި ދިވެހި ފުލުހުންގެ ހިދުމަތަށް ފޮނުވަމުން ދިޔަ ސިޓީތަކާ ގުޅިގެން މި އޮފީހުން ވާނީ އެ މީހުންނާ ބައްދަލުކޮށް، މައްސަލަ ކުރިއަށްގެންދިއުމާ ގުޅޭ ގޮތުން ދެކޭ ގޮތް ސާފުކޮށްފަ އެވެ." ޕީޖީގެ ބަޔާނުގައިވެ އެވެ.
ޕީޖީ އޮފީހުން ބުނީ އެ މީހުންގެ ހެކިބަހާނުލައި މައްސަލަ ކުރިއަށް ގެންދިއުމުގެ ފުރުސަތު އޮތްތޯ ބަލައި ދިރާސާކުރި އިރު، މައްސަލައިގެ މައިގަނޑު ހެއްކަކީ އަނިޔާ ލިބުނު މީހުންނާއި ހެކިންގެ ހެކިބަސް ކަމަށް ވާތީ އެ ހެކިންގެ ހެކިބަހާ ނުލައި މައްސަލަ ސާބިތުކުރެވިދާނެ އެއްވެސް މަގެއް ނެތުމުން ދައުވާތައް ކުރިއަށް ނުގެންދިއުމަށް ނިންމައި، މައްސަލަ އަނބުރާ ގެންދިޔައީ އެވެ.
މިގޮތަށް ނިންމި އިރު ވެސް ސުޕްރީމް ކޯޓުގައި ޕީޖީން އިސްތިއުނާފުކުރި މައްސަލައަކާ ގުޅިގެން ކޯޓަށް ހާޒިރު ނުވުމުން އަލީ ވަހީދު ދެ މަހާއި 12 ދުވަހަށް ޖަލަށް ލުމުގެ ހުކުމެއް އެބަ އޮތެވެ.
އިނގިރޭސި ވިލާތުގައި މިހާރު ދިރިއުޅޭ އަލީ ވަހީދު ރާއްޖެއަށް ގެންނަން އެކި ގޮތްގޮތުން މަސައްކަތްކުރި ނަމަވެސް އޭނާ ގެނެވޭނެ ގޮތް ވަނީ ނުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހައްމަދޫ
16 June 2023
ހަމަ ރަނގަޅު ވަކިބަޔަކަށް ސާބިތު ވާވަރަށް ހެކިހުންނާނީވެސް. ސާބިތުވާނީވެސް
އެނިޔާވެރި
15 June 2023
ކަނބަލުންތަކެއް ފޭކްކަމަށް ބުނާ ރިޕޯޓެއް ކޮށްގެން މިނިސްޓަރަކު ގައުމުން ފިލައިގެން ދާންޖެހި އަދި ފިލުވުމުގައި ކޯޓާ ދައުލަތުގެ އެހީ ލިބި، އޭނާ މައްޗަށް ކުރެވުނު 13 ވަރަކަށް ދައުވާ 2 އަހަރެއްހާ ފަހުން އަނބުރާ ގެންދަންޖެހުން މިއީ ޔާމީނު ކަހަލަ 'ނުފޫޒުފޯރުވާ އަނިޔާވެރި' ވެރިކަމެއްގައި ހިނގާނެފަދަ ކަމެއް. އެކަމު މިވެރިކަމުގައި މިކަން މިހިނގީ. ހައްދެއްނެތި އެކި ޒާތުގެ ނުފޫޒު ފޯރުވާވަރު ރުހުމުގެ ލޯ ތަކަށް ނުފެނުމަކީ އަޖައިބުވާންޖެހޭ ވަރުގެ ކަމެއް ނޫން
މަތިންދާ ބޯޓު
15 June 2023
އަލީ ވަހީާދަކީ މިރާއްޖޭގެ ސިޔާސީ މައިދާނަށް ނުކުންނަ ޒުވާނުންނަށް ހުރި ފިލާވަޅެއް. ކިޔަވާގެން އަދި ޒުވާން ވިއަކަސް ކަމެއް ނުކުރެވޭކަން. މީހަގަ އަހްލާގަކާ ގޮތެއް ހުންނަނވާނެ. އިސްތިހާރުގަވެސް މީނަ މިއިންނަނީ އަޅި މީ މަޝްހޫރު ސެލެބްރިޓީއެއް ނަމަ ރަގަޅު. މިނިސްޓަރ ކަމަކީ ޒިންމާ ބޮޑު މަސްއޫލިޔަތެއް އެކަމަކަު މިރާއްޖޭގެ އަދި ޚާއްސަކޮށް ޓޫރިޒަމް މިނިސްޓަރީ ޔޫރަޕް ޓްރިޕް އަޅާލަފަ ދެފައި ދަމާގެން އޮންނަ މަޤާމެއް ގޮތަށް ވިސްނިފަ އޮންނަނީ.
ޖިންސީ
15 June 2023
އެއްބަޔަ ޖިއްސީ ފުރައްސާރަކުރީމާ ޖަލަށް. އަނެއް ބަޔަކަށް މާފު. މީ ކޮންވައްތަރު އިންސާފެއް! ސަދޫމަށްވުރެ ހާލު ބޮޑުވެފައި މިއޮތީ.
ކަވާބު
15 June 2023
ކޮބާ އީވާ؟ ކޮބާ ރޮޒޭ؟
މުޖާހު ބިން މުނީޒް
15 June 2023
މިކަމުގައި ކަނބަލަކު ހެކިބަސް ދީފައެއް ނެތް. ޙެކި ބަސް ދިނީ ސުމިތު ކަހަލަ ބޮޑެތި ފިރިހެނުން. ޢަލި ވަހީދު ފުރޭމް ކުރީ ރިސޯޓު ޑޅަކުން ލިބުނު 4 މިލިއަން ޑޮލަރުގެ ސަބަބަުން.
ސުމާ ގީ
14 June 2023
ރަނގަޅު ޑީލެއް ކަމަށް ވާނީ.
ވިކިލީކްސް
14 June 2023
މިކަން މިހެންވީ ރައީސްގެ ބާރަކުން ނޫނެވެ. ނަމަވެސް އަދީބުގެ ފޯނުތަކެއްގަވާ ސިއްރު މައުލޫމާތު އަލީ ވަހީދުގެ އަތުގަ ހުރުމުން، އިތުރު ހުކުމް ތަކަކުން އަދީބު ސަލާމަތްކުރުމަށް އަދީބު ބުނެގެން ޕީޖީ ޝަމީމު ކުރި ކަމެކެވެ.
ވޯލް
14 June 2023
ކުށްވެރިޔާ މިނިވަންކަންމަތީ ފިލާގެން ގޮސް އެހުންނަނީ ކޯޗްކޮށްދޭން. އެހެންވީމަ، މައްސަލަ ވަރަށް ސާފު ނޫންތޯ؟ ހެކިވެރިންނަ ނާކައިޒު ނުފޫޒު ފޯރުވައިގެން މައްސލަަ ކޮރަޕްޓް ކޮށްލާފަ ތޮއތީ. ދެން ބުނަނެ އަންހެނުން ބާރުވެރި ކުރުވަނީއޭ. ދެން ކެރޭނެތޯ ސިޔާސީ ނުފޫޒު ގަފަ މީހުން ފާލުގައި އަންހެނަކަށް ޖުންސީ އަނިޔާ ދިނަސް ރިޕޯޓްކޮށް އިންސާފު ހީދަން. ކުރިއަސް ނުކުރިއަސް މައްސަލަ ކުރިއަށްގޮސް ނިމުންނަމަ އަލީގެ ކުށެއް ނެތްކަން ޤަބޫލު ކުރެވުނީސް.
ޥަތަން
14 June 2023
ޖޭ.ޕީ ފަހަތަށް ނޭރީމަ ކަންއިނގޭ...ނަހުލާ މައިތިރި ކޮށްލީދޯ...