ހައްޖަށް ގޮސް ގެއްލުނު މީހާ ނިއާވެފައި އޮއްވައި ފެނިއްޖެ

ހައްޖަށް ގޮސް އުޅެނިކޮށް ގެއްލިގެން އުޅޭ ނަސީމް.

30 ޖޫން 2023 - 08:49

ހައްޖަށް ގޮސް އުޅެނިކޮށް ގެއްލުނު މުހައްމަދު ނަސީމް އަލީ ނިޔާވެފައި އޮއްވައި ފެނިއްޖެ އެވެ.

އިސްލާމިކް މިނިސްޓްރީން ބުނީ ހަރަމައިން ކުންފުނީގެ ހަވާލުގައި ދިޔަ، އުމުރުން 72 އަހަރުގެ މި މީހާ ނިޔާވެފައި އޮއްވައި ފެނުނީ ނޫރު ފަރުބަދަ ކައިރިން ކަމަށެވެ.

"މުހައްމަދު ނަސީމް މަރުވެފައި އޮއްވާ ފެނުނީ ނޫރު (ހިރާ) ފަރުބަދައާ ދިމާލުން ރޭގެ ދަންވަރުގެ ވަގުތެއްގައި. އަދި އޭނާ ފެނިގެން ހޮސްޕިޓަލަކަށް ގެންދިޔައިރުވެސް ވަނީ މަރުވެފައިކަން ހޮސްޕިޓަލުން ކަށަވަރުކޮށްދޭ،" އިސްލާމިކް މިނިސްޓްރީގެ ސީނިއާ އެގްޒެކަޓިވް ޑިރެކްޓަރު މުރްޝިދް އަބްދުލްހަކީމް ވިދާޅުވި އެވެ.

ނޫރު ފަރުބަދަ އަކީ ނަސީމް ހުރި ޓެންޓާ ވަރަށް ދުރެވެ.

މިނިސްޓްރީން ބުނީ ނަސީމް ނިޔާވެފައިވާ ކަމުގެ މައުލޫމާތު މިނިސްޓްރީން އަށް ލިބުނީ ރޭ މެންދަމު 2 ޖަހަން އުޅެނިކޮށް ކަމަށެވެ.

ރ. މާކުރަތު މީހެއް ކަމަށްވާ ނަސީމް ގެއްލުނީ އަރަފާތަށް ދިއުމުގެ ކުރިން، ހައްޖު މަހުގެ 8 ވަނަ ދުވަހުގެ ރޭ މިނާގައި ތިބި އިރު، ޓެންޓުން ނުކުތް ފަހުންނެވެ. އޭގެ ފަހުން އޭނާގެ ހަބަރެއް ނުވެގެން ދިވެހި ހައްޖު މިޝަނާއި ސައޫދީ އަރަބިއްޔާގައި ހުންނަ ދިވެހިރާއްޖޭގެ އެމްބަސީ އާއި ހަރަމައިން ކުންފުނިން ދިޔައީ ސައުދީ އަރަބިއްޔާގެ ކަމާބެހޭ ފަރާތްތަކާ ގުޅިގެން އޭނާ ހޯދުމުގެ މަސައްކަތްކުރަމުންނެވެ.

ނަސީމްގެ އާއިލާއިން "މިހާރު" އަށް ކިޔައިދިން ގޮތުގައި ނަސީމް ގެއްލިގެން އުޅޭކަން އެނގުނީ، މިދިޔަ ހޯމަ ދުވަހުގެ ރޭ މިނާގައި ތިބުމަށް ފަހު އަރަފާތަށް ދާން ބަހަށް އަރަން ހާޒިރީ ކީއިރު ނެތުމުންނެވެ. ނަސީމަކީ ނަފްސާނީ މައްސަލަތަކެއް ހުންނާތީ ބޭސް ކާ މީހެއް ކަމަށާއި އޭނާގެ އަތުގައި ފޯނެއް ވެސް ނޯންނާނެ ކަމަށް އާއިލާއިން ބުންޏެވެ.

ހައްޖު މަރު ސައޫދީ އަރަބިއްޔާ

17 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑީއައިކޭ

02 July 2023

ގުރޫޕުތަކަށް 150 ހާސް ދީފަފޮނުވަނީ މަރުގެ ދަތުރަކު އެއްނޫނޭ! ރަނގަޅު ޚިދުމަތާއެކު ހައްޖުވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލާމާ

01 July 2023

ކަފުނުގައި ހުރެ މަބްރޫރު ހައްޖަކާއި އެކު ހާދަ ރީތި ނިމުމެކޭ. މާޝާ ﷲ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

01 July 2023

މީނަ ދާނީ ހަމަ ސީދާ ސުވަރު ގެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބެ

30 June 2023

ފޯނެއް ދީފައިދޯ ފުނުވަންވާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިކާވަގު

30 June 2023

އާއިލާތަކުން އިތުރަށް ސަމާލުވާންޖެހޭ. ފޯނާ އެއްޗެހި ދޭންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޭ

30 June 2023

މިގުރޫޕުން ދިޔަ އެހެން ފަރާތެއްވެސް މައްސަލަދިމާވެގެން އުޅޭތީ އަޑުއިވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޔަމި

30 June 2023

މީ އިހުމާލެއްނޫންތޯ. އެއްތަނުން އަނެއްތަނަށްދާއިރު މީހުން ހަމަތޯނޫންތޯ ބަލައިލަނީ ނަމަކަށް. އުމްރާއަށްދާއިރު އާއްމުކޮށް ކަންކޮށްފައިހުރީ އެގޮތަށް. ބޮޑު އަގުދީފައިދާއިރު ޓުރެކިން ޑިވައިސްއެއް ދިނުން އެއީ ބިޑުކަމެއްނޫން. މިނިސްޓުރީން ގުރޫޕުތައް ޒިންމާކުރުވާބަލަ. މަރުގެ ދިޔަ ދޭންޖެހޭ ކަހަަލަ ހާލަތެއްތީ. މަރުހޫމުގެ ފާފަފުއްސަވައި ހެޔޮރަހުމަތް ލައްވާށިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކްސް

30 June 2023

އެއްބަޔަކު އަނެއްބަޔަކު ކުށްވެރިކުރުމުގެ ބަަލުގަ ހެޔޮދުޢާ ކުރާށެވެ. އަހަރެމެން އަންމެންވެސް މަރުމަތިން ހަނދާންކުރާށެވެ. ތައުބާގެ ދޮރު އޮތީ ހުޅުވިފައެވެ. ކޮންމެ ނަފްސެއްވެސް މަރުގެ ރަހަ ދެކޭނެއެވެ. މާތްﷲ މައްޔިތާގެ ފާފަފުއްސަވާ އާއިލާއަށްކެތްތެރިަން ދެއްވާނދޭވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަނަމަ

30 June 2023

މަރުހޫމަށް ފާަފަ ފުއްސަވާ ސުަވަރުގެ މިންވަރުކުރައްވާންްދެ.. ހަދާން ނެތޭ މީހަކު އެކަނި ހައްޖައް ދިއުން މީ ކުރިޔަދީގެން ވާނެ ކަމެއެް ނޫން ކަންނޭގެ. ގްރޫޕުތަކުން އެބަޖެހޭ މެޑިކަލް ކިލިރަންސެއް ހަދަން މީހުން ހައްޖައް ގެން ދިއުމުގެ ކުރިން. އިތުރަށް މިހުން އަށް ސަމާލު ވެވޭނީ އެއިރުން ކަމަށް ފެނޭ. މީ އިތުރަށް ކަންތައް ހަރުދަނާ ކުރަންލިބުނު ފިލާވަޅެއް ކަމުގައި ދެކޭން ކަމަށް ހީކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

817 ޙުސެންބެ

30 June 2023

މީހަކު ނިިޔާވީމަ. ކަމެއްވީމަ ވަރަށް ފަސޭހަ ބުނެލަން އެއީ އިރާދަ ހުރިގޮތޭ، އަދި އެއަށްވުރެ ފަސޭހަ ބުނެލަން އެއީ މިވެނިއެވެނި އިހުމާލަކުންނޭ... އިބުރަތް ހާސިލުކޮށް ރަނގަޅުކޮށްބަލަ! "އިތުުރަށް" ރަނގަޅުކޮށްލާ!