ރައީސް އިބްރާހިމް މުހައްމަދު ސޯލިހް ރިޔާސީ އިންތިހާބުގެ ކެމްޕޭނުގައި މިއަދު މ. ރަތްމަންދޫގައި ވާހަކަ ދައްކަވަނީ. -- ފޮޓޯ: އެމްޑީޕީ
16 ޖުލައި 2023 - 12:43
22 comments
މި ސަރުކާރު އޮތީ މިނިވަންކަމާ އެކު ހިޔާލު ފާޅުކުރުމަށް ޖާގަދީގެން ކަމަށާއި ކުރިއަށްދާނީ ރައްޔިތުންގެ އަޑުއަހައިގެން ކަމަށް ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ރިޔާސީ އިންތިހާބުގެ ކެމްޕެއިނަށް، މ. ރަތްމަންދުއަށް ވަޑައިގެން ރައީސް ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައި، 2013-2018 އާ ދޭތެރޭ ހިނގައިދިޔަ ކަންތައްތަކާއި 2018 އިން ފެށިގެން މި ފަސް އަހަރުގެ ތެރޭގައި ކަން ހިނގަމުން ދާ ގޮތް ރަނގަޅަށް ވަޒަންކުރަން ޖެހޭނެ ކަމަށެވެ.
"އަޅުގަނޑުމެން މި ތިބީ މިނިވަންކަމާއި ހިޔާލު ފާޅުކުރުމާއި އެއްވެއުޅުމާއި މި ހުރިހާ ކަމަކަށް ތަންދީގެން ކުރިއަށްދާން. ރައްޔިތުންގެ އަޑުއަހައިގެން ކުރިއަށްދާން. އެހެންވެ، މިފަދަ ކުދި ކުދި ރަށްރަށަށް އައިސް ރައްޔިތުން ބޭނުންވާ ކަންކަން އަޅުގަނޑުމެން މި އޮޅުންފިލުވަނީ. އިރާދަކުރެއްވިއްޔާ ކޮންމެ ރަށެއްގައި ވެސް، އެ ރަށެއްގެ ތަރައްގީއަށްޓަކައި ކުރަންޖެހޭ ކަންކަން އަޅުގަނޑުމެން ކުރަމުންދާނީ އެ ރަށެއްގެ ކައުންސިލާއި ރައްޔިތުންނާ ވާހަކަ ދައްކައިގެން، އެ މީހުން ބޭނުންވާ ގޮތަށް،" ރައީސް ވިދާޅުވި އެވެ.
އެ މަނިކުފާނު ވިދާޅުވި ގޮތުގައި މި ރަށަކީ ވެސް އާބާދީ ކުޑަވުމުން އިހުމާލުވެފައި އޮތް ރަށެކެވެ. އެންމެ ފަހުގެ ބޯހިމެނުމުން ދައްކަނީ މި ރަށުގައި 118 މީހުން ދިރިއުޅޭ ކަމަށެވެ. ކިޔަވައިދެނީ ގްރޭޑް 6 އާ ހަމައަށެވެ. މިހެން ހުރި ރައްޔިތުން ކަންބޮޑުވާ ކަންކަން ހައްލުކޮށްދެއްވާނެ ކަމުގެ ޔަގީންކަން ރައީސް ދެއްވި އެވެ.
ރައީސް އިބްރާހިމް މުހައްމަދު ސޯލިހް ރިޔާސީ އިންތިހާބުގެ ކެމްޕޭނުގައި މިއަދު މ. ރަތްމަންދޫގައި ވާހަކަ ދައްކަވަނީ. -- ފޮޓޯ: އެމްޑީޕީ
"ޖީޑީޕީއަށް ބަލާއިރު 12،000އަށް ވުރެ ގިނަ ޑޮލަރު ބޮލަކަށް ޖެހޭއިރު، އެއްވެސް ރައްޔިތަކު އަސާސީ ހިދުމަތްތަކުން މަހުރޫމްވެގެން ނުވާނެ. ޖަޒީރާ ރާއްޖޭގެ ނަމުގައި މެނިފެސްޓޯ ހިފައިގެން ނުކުތީ ދައުލަތަށް ލިބޭ އާމްދަނީ ހަމަހަމަ ގޮތުގައި ފޯރުކޮށްދިނުމަށް،" ރައީސް ވިދާޅުވި އެވެ.
ތަރައްގީގެ ވާހަކަތައް ފައްޓަން ޖެހޭނީ ގައިން ތާހިރުވެގެން ކަމަށް ވިދާޅުވާ ވިދާޅުވުން މިއަދު ވެސް ތަކުރާރު ކުރެއްވި އެވެ. ސާފު ބޯފެނާއި ނަރުދަމާ ނިޒާމް ގާއިމްކޮށްދީ، ލަފާ ފުރޭނެ ގޮތްތައް ހަމަނުޖެހި ދައްކަން ޖެހޭނީ ކޮން ތަރައްގީގެ ވާހަކައެއްތޯ ރައީސް ސުވާލުކުރެއްވި އެވެ. ކުދި އާބާދީތަކަށް މިވީހާ ތަނަށް މިއިން އެއްވެސް ކަމެއް ކޮށްދީފައިނުވާ ކަމަށް ވެސް ރައީސް ވިދާޅުވި އެވެ.
ރައީސް ވިދާޅުވި ގޮތުގައި މި ފަސް އަހަރުގެ ތެރޭގައި އެ ބޭފުޅުން ވިސްނީ އާބާދީ ކިތައްމެ ކުޑަވިޔަސް ރައްޔިތުންނަށް ހިދުމަތް ކޮށްދިނުމަށެވެ. މި ރަށުގައި ފެނާއި ނަރުދަމާ ނިޒާމް ގާއިމްކުރަމުން އަންނައިރު، ފެނަކަ އާ އިންޖީނުގެ މިއަދު ވަނީ ހުޅުވައިފަ އެވެ. އެ ހުރިހާ ކަމާއެކު ވެސް، ކުދި ރަށްރަށަށް ދިރުން އަންނާނެ ކަމަކީ، ރައީސް ވިދާޅުވި ގޮތުގައި އަތޮޅާއި ރާއްޖެ ގުޅާލުމެވެ.
އާރުޓީއެލް ފެރީއާ އެކު އަންނަ އަހަރުގެ ތެރޭގައި އެކަން ހާސިލްވުމުން، ކުދި ރަށްތަކަށް ވަރަށް ބޮޑު ފަސޭހަތަކެއް ވާނެ ކަމަށް ރައީސް ވިދާޅުވި އެވެ.
"...ލިބެން ނެތް ހިދުމަތް ހޯދަން ރަށްރަށަށް ޔަގީންކަމާ އެކު ދެވޭނެ،" ރައީސް ވިދާޅުވި އެވެ.
ސެޕްޓެމްބަރު 9ގައި ބާއްވާ ރިޔާސީ އިންތިހާބުގެ ވޯޓުގައި އަމާން ރާއްޖެއަކަށް ރަތްމަންދު އާއި މ. އަތޮޅުން ބޮޑު އަޣުލަބިއްޔަތެއް ލިބޭނެ ކަމަށް ޔަގީންކުރައްވާ ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންވާރު އިބްރާހީމް
16 July 2023
ތިޔަހެން ޖާގަ ދިނުމުގެ ބޭނުމަކީ ކޮބާތޯއެވެ؟ މަނިކުފާނަކީ ބަޔަކު ޚިޔާލު ފާޅުކުރުޔަސް އެވާހަކަ އަޑުއަހާ މީހެއްނޫނެވެ. އަަޑު އެހި ފަހަރުވެސް އަހަރުމެން މިއީ ގަމާރުންނޭ ހިއްތަވައި ޓޫރިޒަމް މިނިސްޓްރީގެ އަންހެން ބޭފުޅުން ދެއްކެވި ވާހަކަ އަޑު އިވި ކީރިތި ކުރެވެނީއޭ ވިދާޅުވުމަށް ފަހު މިނިސްޓަރު ބޭރަށް ފޮނުވާލުމަށް ރޭވިގެން ކުޅުނު ޑްރާމާ ބައްލަވާށެވެ. އަދި އެކަން ހަނދާން ނުނެތެނީސް އެއްކަލަ މިނިސްޓަރު ފިއްލަވައިގެން އުޅުއްވުމަށް ފަހު އެހެރީ ރާއްޖޭގައެވެ.
ހިނި އިބްރާހިމްބޭބޭ
16 July 2023
ތިޔަކަހަލަ ޖާގަދިނުމަށް ވުރެން ނުދިނިއްޔާ މާތާހިރެވެ. މަނިކުފާނުގެ ވަކިތަކުގެ ދަށުގައި ނުވާ މުއައްސަސާއެއް ނެތެވެ. މިހެން އޮތް ޤައުމެއްގައި ޚިޔާލު ފާޅުކުރުމަކީ ފޫނެތް ފަޔަށް ފެންފުރުން ކަހަލަކަމަކަށް ނޫނީ ވާނެގޮތެއް އޮންނެނެތޯއެވެ؟
އޯކިޑު
16 July 2023
ކެތްތެރިކަމަކީ ހާދަ މަތިވެރި ކަމެކެވެ. ދިވެހިރާއްޖެ ޖުމުހޫރިއްޔަތަކަށް ބަދަލު ވުމަށް ފަހު މިހާ ވަރަށް ރައްޔަތުންނަށް ޚިޔާލު ފާޅުކުރުމުގެ މިނިވަން ކަން ދިން ދައުރެއްނެތެވެ. ކޯލިޝަނުގައި ތިބެމެ ސަރުކާރަށް ޖެއްސުންކުރުން ފިޔަވާ ދެވަނަ ކަމެއްނުކުރެއެވެ. ރާއްޖެތެރޭމީހާ އަށް މިގައުމުގެ ވެރިންކަން މިންވަރު ކުރެއްވުމުން ބަޔަކަށް މި އުޅެވެނީ ހަޖަމްނުކުރެވިގެންނެވެ. މިއީވާ އަކީ ވަކިކޮންމާލެ މީހެއްބާ؟ ޚޮދު މިއީވާ އިބޫގެ ދެބެއިގެ ދެދަރިމީހެއް
އާރީ
16 July 2023
ނަފުރަތާ ރުޅިވެރިކަމާ ހަސަދައިގެ އަލިފާން އެންދި ނަމަވެސް ވެރިކަމަށް އާދެވޭނީ ﷲސ.ވ އެކަމަށް މިންވަރު ކުރެއްވި ފަރާތަކަށް. މިކަހަލަ ކޮންމެ ފުރައްސާރައެއްގެ ހިތްދަތި ވަގުތުވެސް ރައީސް ސޯލިޙްގެ ފަރާތުން ފެންނަނީ ކެތްތެރިކަމާއި އޯގާތެރިކަން. އެމަނިކުފާނަށް ކާމިޔާބީއަށް އެދެން
މާހިރު
16 July 2023
އެއްވެސް އިމެއްނެތި ޚިޔާލުފާޅުކުރުމުގެ މިނިވަންކަންވެސް ދެވިގެންނުވާނެއެވެ. އެންމެބޮޑެތި ޑިމޮކްރެޓިކް ޤައުމުތަކުގައިވެސް އެމީހަކު ބޭނުންހާގޮތަކަށް ނޫޅެވެއެއްނޫންތޯއެވެ. ޚިޔާލުފާޅުކުރުމުގެނަމުގައި ދީނަށް ފުރައްސާރަކޮށް ދޮގު ޚަބަރުތައްފަތުރާ، ޤައުމުގައި ފިތުނަފަސާދަ އުފައްދަން ޖާގަދެވިގެންނުވާނެއެވެ. މަނިކުފާނުގެ ކިބައިން ފެންނަ މައިގަނޑު މައްސަލައަކީ އެއީއެވެ. އެހެންނޫނީ މަނިކުފާނުވަރުގެ ލީޑަރަކު ނެތެވެ.
ފަތިސް
16 July 2023
ޙޭޙޭޙޭ ނޯ ޗޮއިސް ދޯ. އަންނިގެ އަތްމަތިން އުފެދުނު ޕާޓީ އަކުން އެނޫން ގޮތަކަށް އުޅުނީމަ ލައްކަ ހަޑިވާނޭ އެންޑިޕީއޭ ކިޔާފައި ކަލޯ
އިސްރާފު
16 July 2023
އެއްވެސް ރައްޔިތަކު އަސާސީ ޚިދުމަތުން މަހުރޫމް ނުކުރުމަށޭ ކިޔާފަ އިސްރާފު ބޮޑުކޮށްގެން ނުވާނެ. 118 މީހުންގެ އާބާދީއަކަށް ބަނދަރު ހަދައިދީ، ސްކޫލްއަޅައިދީ، ހޮސްޕިޓަލް އަޅައިދީ، މަގުތަކުގަ ތާރުއަޅައިދީ، ނަރުދަމާ އަޅައިދީ މިހުރިހާ ކަމެއް ކުރުމަށްވުރެ ބިންބޮޑު ރަށަކަށް އެމީހުން ބަދަލުކޮށްދިނުމުން އަސާސީ ޚިދުމަތް ލިބޭލެއް އަވަސްވެފައި މާ ފުރިހަމަވާނެ. ބަނދަރެއް ހެދުމަށް ހޭދަވާ ފައިސާއިން އެކަނިވެސް ތިމީހުން އެހެން ރަށެއްގަ އާބާދު ކުރެވޭނެ.
1828
16 July 2023
ޤއ އިން ލިބިދޭ އެއްވެސް އަސާސީ ހައްޤެއް ހިފެހެއްޓުން އަދި ހަނިކުރުމުގެ ބާރު އެއްވެސް މީހަކަށް ލިބިގެންނެއް ނުވޭ. އެއީ ނަޝީދު، ވަހީދު، ޔާމީން ނުވަތަ އިބްރާހީމް މުހައްމަދު ސޯލިހް ރަނގަޅުކަމުން ލިބިދޭ ހައްޤެއްނޫން. މިހާރު ރޯމަހެއް މަރަށްތެޅޭހެން ތެޅޭތަން މިފެންނަނީ.
މާހިރު
16 July 2023
ޔާމީނުގެ ވެރިކަމުގައި ސިޔާސީ ހުރިހާ ލީޑަރުން ޖަލަށްލީވެސް ތިވިދާޅުވި ޤާނޫން އަސާސީ އޮއްވައެއްނޫންތޯއެވެ. ދެން މިހާރުގެ މަޖިލިސް ރައީސް އަށް ބައްލަވާށެވެ. މަޖިލީހުގެ މެމްބަރުންގެ އިތުބާރު ނެތްނަމަ މަޖިލީހުގެ ރައީސް ބޭރުކުރެވޭގޮތަށް އޮންނައިރު މެޖޯރިޓީ މެމްބަރުން ރައީސް ބަދަލުކުރަން ހުށަހެޅުމުން އެކަން އެބަކުރެވޭތޯއެވެ.
ކައދައްތަ.
16 July 2023
މާހިރު ބުނަންތަ. މަޖިލިސް ރައީސާއި ނައިބު ރައީސް ބޭރުނުވީ އެމްޑީޕީ ޕީޖީ ޤުރޫޕްގައި ތިބި މީހުންނަށް ތަނެއް ދޮރެއް ދޮރާއްޓެއް ނެގުނީމަ. އެއީ ރައީސް ނަޝީދުގެ މައްސަލައެއްނޫން.
ރަދީފު ބިން ރަފައިދާ
16 July 2023
ޚިޔާލުފާޅުކުރުމުގެ މިނިވަންކަންދިނީމާ މާ ގޯހޭ. މަގުމައްޗާ މާރުކޭޓުގަޔާ އެތަންމިތާންގާ އަވަގުރާނަ ގޮވާނަ.
1828
16 July 2023
އެއީ ހިޔާލުފާޅުކުރަނީކީނޫން. އެއަށް ކިޔަނީ އައުގުރާނަ ގޮވުން.
ބައްޕު
16 July 2023
ދިވެހިންނަކީ ހައްގެއް ދީފިއްޔާ އެނަހަމަގޮތުގާ ބޭނުންކުރަން ނިކަން ހުށިޔާރުބައެއް.
ައީދާ
16 July 2023
މާލެމީހުންނަށް ހިލޭ ހުޅުމާލެއިން ގޯތި ދެވިގެންނުވާނެ. ސަރުކާރުން ބޮޑުއަގުގަ އުފައްދާފައޮތް ވަކި ސިޓީއެއް ހުލުމާލެއަކީ. ސަރުކާރުން ފްލެޓްއަޅާ ވަކި މުއްދަތެއްތެރޭ ފައިސާދީގެން އަމިއްލަވާގޮތަށް ފްލެޓް ދޭންޖެހޭ. އެއީ ދެމެހެއްޓެނިވި ގޮތަކަށް ދައުލަތަށް ފައިސާވަންނަން އޮތް މަގެއް. ޥެރިކަމަށް އައުމުގެ އަމިއްލަ އެދުމުގަ ވަކި ބަޔަކު ރުއްސަން ގައުމުގެ މުސްތަގުބަލު ހަލާކު ކޮށްނުލާ.
ސަނާސަ
16 July 2023
ޤާނޫނުއަސާސީގައި ވަނީ ހުޅުމާލެ އަކީ މާލޭގެ ބަޔެއްކަމަށް. ވިލިގިލި އަދި ތިލަފުއްޓަކީވެސް. މިހެންމިކަން އޮވެ، މާލޭމީހުންނަށް މިތަންތަނުންގޯތިދޭތީ އަހަރުމެން ކުރަންޖެހޭ ޝަކުވާއެއްނެތް.
ޛވގޖގ
16 July 2023
ސަނާސަ ހ ހެހެހެ ގާނޫނުއަސާސީގެ ކޮންތަނަކުއޮތީ ހުޅުމާލެއަކީ މާލެއޭ. ކަލޭމެން މާލެމީހުން މުޅި އުމުރު ތިހުސްކުރަނީ ދޮގުހެދުމާ ފޭރުމުގަ މާމަތީ ގަބީލާއެއްކަމަށްހެދިގެން.