ރޭ ފޭދޫގައި ބޭއްވި ހަރުގެ ޖަލްސާއެއްގައި ނަޝީދު ވާހަކަ ދައްކަވަނީ. --ފޮޓޯ: ޑިމޮކްރެޓްސް
30 ޖުލައި 2023 - 11:46
111 comments
އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ސޯލިހަށް ކުރިއަށް އޮތް ރިޔާސީ އިންތިހާބުގައި ލިބިވަޑައިގަންނަވާނީ ލަދުގަންނަންޖެހޭ އަދަދެއްގެ ވޯޓު ކަމަށް އެ ޕާޓީގެ ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.
ނަޝީދު ފަހަތުގައި ހުންނަވައިގެން އުފެއްދެވި ދަ ދިމޮކްރެޓްސްގެ ރިޔާސީ ކެންޑިޑޭޓު އިލްޔާސް ލަބީބުގެ ކެމްޕޭނަށް އައްޑުއަށް ވަޑައިގެން ރޭ ފޭދޫގައި ބޭއްވި ހަރުގެ ޖަލްސާއެއްގައި ވާހަކަ ދައްކަވަމުން އެމަނިކުފާނު ވިދާޅުވީ އެމްޑީޕީގެ ބައިބައިވެ، ނިކަމެތިވީ ފާއިތުވި ފަސް އަހަރު ރައީސް އިބްރާހިމް މުހައްމަދު ސޯލިހު އަމަލު ކުރެއްވި ގޮތުން ކަމަށެވެ.
އެމްޑީޕީގައި އޭރު އޮތް ރޫހާއި ޖޯޝު މިހާރު ޑިމޮކްރެޓްސްގެ ތެރެއިން ފެންނަމުންދިޔަ ނަމަވެސް، ނަޝީދު ވިދާޅުވީ އެއްވެސް ޕާޓީއަކަށް ރިޔާސީ އިންތިޚާބު އެއްބުރުން ކާމިޔާބު ނުކުރެވޭނެ ކަމަށެވެ.
"އަޅުގަނޑަށް ފެންނަ ތަނުގައި މި އިންތިޚާބު ދެވަނަ ބުރަކަށް ފުރޮޅިގެންދާނެ. އަދި ދެވަނަ ބުރުގައި އިލްޔާސް ލަބީބް ހިމެނޭނެކަމީ އަޅުގަނޑުގެ ހިތުގައި އެއްވެސް ޝައްކެއް ހިނގާ ކަމެއް ނޫން،" އެމަނިކުފާނު ވިދާޅުވި އެވެ.
ނަޝީދު ވިދާޅުވި ގޮތުގައި، މި އިންތިޚާބުގައި އެމްޑީޕީއަށް ލިބޭނީ ކުރިން އަންދާޒާ ކުރެއްވި ވަރަށް ވުރެން ވެސް މަދު ވޯޓު ކޮޅެކެވެ.
"އަޅުގަނޑަށް ކުރިން ހީކުރެވިފައިއޮތީ، ލަދުނުގަންނަ އަދަދެއްގެ ވޯޓު އެ ބޭފުޅުން [އެމްޑީޕީ] ހޯއްދަވާނެ ކަމަށް. އެހެން ނަމަވެސް މިހާރު އެތަނެއް ނުފެނޭ،" ނަޝީދު ވިދާޅުވި އެވެ.
ނަޝީދު މިހާރު ކުރައްވާ އަންދާޒާ އެމަނިކުފާނު ނެންގެވީ 2013 ވަނަ އަހަރުގެ ރިޔާސީ އިންތިޚާބުގައި އޭރު ވެރިކަމުގައި ހުންނެވި ޑރ. މުހައްމަދު ވަހީދަށް ލިބިވަޑައިގެންނެވި ފަސް ޕަސަންޓުގެ ނަތީޖާއިންނެވެ.
އެމަނިކުފާނު ވިދާޅުވީ ވެރިކަމުގައި ބޭފުޅުން ތިއްބަވާއިރު، ރައްޔިތުން ބޭރަށް ދައްކާ ދެއްކުމާއި، އަމަލުތައް ބަހައްޓައި ގޮތްތައް ތަފާތުވާ ކަަމަށެވެ. މިގޮތުން، ވެރިމީހާއާ މެދު ހިތް ނުރުހޭ ކަންތައްތަކުގެ ވާހަކަ ރައްޔިތުން އާންމުކޮށް ފާޅުގައި ނުދައްކާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޫޅާލާނަން
31 July 2023
އިބޫ ލަދުގަތަސް އެއްވެސް މައްސަލައެއްނެތް، އަޅުގަޑު ދެރަވަނީ މަނިކުފާނުގެ ލަދުގެ ކަންފުޅެއްވެސް ނެތީމަ. ބޯހަލާކު
ހެނދުނު މުށެއްފުރާބޭސް
30 July 2023
އިލްޔާސް ލަބީބު ކެންޑިޑޭޓަކަށް ނެރެފަ، މުހައްމަދު ޝިހާބް ރަނިންމޭޓަކަށް ނެރުނަސް، އައްޑޫ ވޯޓަކާ މާލޭގެ ވޯޓެއް ނުލިބޭނެ. ބޭޅާ މިފަހަރު ފައިހިއްޕާލާނެ. ގަސިމް ނުކުންނާނީ ވަރަށް ގަދަކޮށް.
ކިރު ސައި
30 July 2023
މަނިކުފާނު ގެ ތަރި އޮއްސިއްޖެކަން ގަބޫލުކުރާށެވެ. ގަބީލާ ވެރިކަމާއި ރައްޔިތުން ދެކޮޅެވެ. ބޭފުޅިޒަމް މިރާއްޖެއިން ފޮހެލަން ޖެހެއެވެ. މި ރާއްޖެއާއި، ވެރިކަމަކީ ތިޔަ ގަބީލާތަކުގެ މިލްކެއް ނޫނެވެ. މިރާއްޖޭގެ ރައްޔިތުންނަކީ ތިމީހުންގެ އަޅުންނެއްވެސް ނޫނެވެ. ތިޔަ ތުރާލުން މިގައުމު މިނިވަންވޭތޯ ގަދައަޅާ މަސައްކަތް ކުރަން ޖެހެނީ މިހެންވެގެންނެވެ.
އަހުމަދުބޭ
30 July 2023
ނަސީދު އެހެން ބުނެފިތަ ނަތީޖައި އަކީ އެބަސް ތިމާއާއި އަރާހަމަކުރުން، ފެންނަމުން ދާނަތީޖައިއަކީ 3200 އަށްވުރެ ތިމާޕާޓީއަށް ވޯޓްއިތުރުނުވާކަން، ޕާޓީ ހަދަންވެސް 3200 ފޯމް، ޕުރައިމަރީގަވެސް 3200 ވޯޓް މިއަދަދު އަދި ބަދަލް ނުކުރެވޭއިރު އެހެންމީހުންގެ ވޯޓަށް ހަޖޫޖަހައި އިރު ވިސްނާލަން އެބަޖެހޭދޯ
ކުރުސީ ލައިޓް
30 July 2023
ނަޝިދު މިހާރު ތިޔަ ހުރީ މިޑްލައިފް ކުރައިސިސްގަ
ހިހިހި
30 July 2023
މީ ކާކުތަ؟ ވައިއަނގަ އެއް . އިލިޔާސް ލަބީބު ގެ ސިޔާސީ ހަޔާއި ނިމެނީތި. އަންނި އަށް ބޮޑުވަޒީރުކަން ހޯދަދޭން ތިޔަ ހޭވެނީ ހަޑިޔެއް، ތި އަންނި އަކީ މިހާރު ނިމިފަހުރި ވައިއަނގައެއް. އިންނާނެ ވީޑިޔޯ އެއް ތި އަންނި ، އަޅުގަނޑު އެއްވެސް ޝަރުތަކާނުލާ އިސްތިއުފާދީފީމޭ ބުނާ ، އެ ވީޑިޔާ ފުންކޮށް ވިސްނާލައިގެން ހައެއްކަފަހަރު ރިޕީޓުކޮށް ބަލާލާފަ ވިސްނާލާ އިލިޔާސް ލަބީބު ، އޭރުން ވިސްނެންފަށާނެ.
ޙިނި
30 July 2023
މާލޭ ރައްޔިތުންގެ އުންމީދުތައް ގުޅިފައިވަނީ ބިންވެރިކަމާ ބޯހިޔާވަހިކަމައް، އިބޫ މިކަން ރަންގަޅައް ކޮއްދީފިއްޔާ ވޯޓުލައިގެން ހޮވާނީ އިބޫ.
ފައިސަލު.
30 July 2023
މާލޭ މީހުންގެ ތެރެއިން ބޮޑުބައި ބާކީކޮށް އެއްފަރާޓް ކޮށްލާފައި 10 ވަހަކަށް ހާސް ޤަބީލާ މީހުންނަށް ގޯތިދީގެން އިނތިޙާބަކުން ކުރި ނުލިބޭނެ. ތިޔަބުނާ މީހުންނަކީ މަދު އަދަދެއް. ދަފުތަރު މީހުންގެ ވޯޓު ނުލިބި މާލޭގެ މެޖޯރިޓީ ނުހޯދޭނެ. ޖެހޭނީ ހަމަ ފައިބަން. އޭނާއަށް ގޯއްޗެއްވެސް ނުދެވޭނެ.
މަރިޔަބު.
30 July 2023
ކޮން މާލޭ މީހުންނެކޭ ކިޔާކަށް. އަހަރުމެންނަކީވެސް މާލޭ މީހުން. އަހަރުމެން ބޭނުމެއްނޫން މާއްދިއްޔަތަށްޓަކާ ނަފުސު ވިއްކާކަށް. ގޯތިި ދެންނާ ދޭޏްވީ އޭނާއަކަށް ދޭނެ ވޯޓެއްނެތް. ލަލަލަ.
ޙަމީދު .
30 July 2023
މާލޭ މީހުންނަކީ އަބަދުވެސް ތިހެން އުޅޭ އަމިއްލަ އެދުންބޮޑު ދައުލަތުގެ ފައިސާއިން ދިރިއުޅެން ދަސްކޮށްފައި ތިބި ކަންނެތް ނައެއް. މާޅެއަށް ކުލީ އަޅުން ގިނަކުރަނީވެސް މިމީހުން މިމީހުންގެ ގެދޮރު ކުއްޔަށް ދޭންވެގެން. ތިޔަ ބިންތައް ހޯދަނީވެސް ވަންނާނެ ތަނެއް ނެތި ހާސްކަން ބޮޑުވެގެނެއްނޫން. ކުއްޔަށް ދޭންވެގެން ހޯދާ ބިން ތިއީ.
ކުލީގެ އަޅެއް
30 July 2023
މާލޭ ބައެއް ރައްޔިތުން ބޭނުމީ ބޯހިޔާވަހިކަމެއްނޫން، އާމްދަނީ ހޯދޭނެ ގޮތެއް. ޢެހެންވެ އެވެރިން ފްލެޓަށް ވުރެ ބިން ހޯދަން ޑިމާންޑްކުރަނީ، ރީތި ރީތި ހުޅުމާލެ ހަޑިކޮށްލަން
އޮނަރަބްލް އަފީފު ދީދީ
30 July 2023
ޑިމޮކްރެޓުން ހޮވި "ޒުވާން ކެންޑިޑޭޓް ލަބީބް އާއިމެދު ރައްޔިތުން ރުހި ޤަބޫލު ވެއްޖެކަން" ކަށަވަރު ވެގެން ހިގައްޖެ. ކުރިއަށް އޮތީ ރައީސުލް ޖުމްހޫރިއްޔާގެ ނައިބް ނުވަތަ ލަބީބްގެ ރަނިންގ މޭޓް ކަޑައެޅުމުގެ ވަގުތު. # އަޅުގަނޑު ދެކެނީ ޑރ ހަސަން ޙަމީދު ( ޗާންސެލަރ MNU)، މުޙައްމަދު މުސްތޮފާ ހުސެއިން (ބޮޑު ފެންވަޅުގެ) އަދި ޑރ އަބުދުއް ސައްތާރު ޔޫސުފް ނުވަތަ އަބުދުﷲ ސައީދު (ސީޕްރިއާ) ފަދަ އިތުބާރު ކުރެވޭ ފަރާތެއް ނެންގެވުން ރަނގަޅުކަމަށް.
ސީދީ.
30 July 2023
އަފީފު. މިހާރު ވަނީ ރަނިންމޭޓް ކަޑައަޅާ ނިމިފަ. އެއީ މަޖިލިސް ނައިބް ރައީސް އީވާ އަބުދުﷲ އިގޭތޯ.
ބަލިމީހާ
30 July 2023
އިވާ ޢަބްދުﷲ އެހެރީ ފައި ނަގާ ފިޔަ ރޫޅާލައިގެން ތިޔަ ކަމަށް. ދެން އެހެން މީހަކަށް ތިޔަ ޗާންސެއް ނެތް. ޒުވާނުން ޒުވާނުން ޒުވާނުން އެކިޔަނީ އެހެންވެ.
4 ސްޓަންޓް
30 July 2023
ސީދީބެ ތިބުނީ ރަގަޅަށް، ރަނިންމޭޓްކަން އީވާޔަށް ތަބަކަކަށްލާފަ ދެވިދާނެ. އެކަމަކު މިހާރު އީވާގެ ތަރިވެސް އެދަނީ އޮއްސެން. ގަލޮޅު އުތުރުވެސް މިހާރު ނުލިބޭނެ.
ޗާގޮސް
30 July 2023
ކަލޯ އަނގައިން ދެރަނުވާތި
ސަލީމު އިދުރީސް
30 July 2023
މަށައް ނަސީދު މިހާރު ބަލައިގަންނަން އެއްމެ ދަތިވާ ސަބަކީ ރަހުމަތް ތެރިއަކާ ގުޅުން ކަނޑާ ލިއަސް އެމިހާކަ ދޭތެރޭ ކަންކުރަން ނުޖެހޭ ދަށުދަރަޖާގަ ކަންކުރާތި! ދެމިހުން ދޭތެރޭ ޖެހުން މައްސަލަ އެނގޭނީ ދެމިހުނައް އެކަމަކު ނަސީދުގެ ހުންނަ ޒާތަކުން މީޑިއާގަ އީބޫއާ ދޭތެރޭ ދައްކަން ނުޖެހޭ ވާހަކަތައް ދައްކައިގެން ނަސީދުގެ ސިއާސީ ހަޔާތް ތިއޮއް ބަރުބާދުވީ! ނަސީދައް ރަނގަޅު ހިޔާލު ދޭނެ ރައްޓެއްސެއް ބޭނުން ވާކަމުގަ ދެކެން
އަފްރާސިޔާބު
30 July 2023
އަވަދުވެސް ވެރިކަމުގައި ހުންނަ މީހަކު މީނައަށް ގޯސްވާނީ. މައުމޫނު ހުންނެވި އިރުގާ ގޯސް. ދެން ވެރިކަމަށް އެރީ އޭނާ. އޭނާ ހުންނެވި އިރުގާވެސް ގޯސް. ދެން އެރީ ވަހީދު. ވަޙީދުވެސް ގޯސް. ދެން އެރީ ޔާމީނު. އަދި މާ ގޯސް. ދެން އެރީ އޭނާ ދެއްކި އެންމެ ގާތް އެކުވެރިޔާ. މީވަރަށް ގޯސް މީހެއް.
ރޫޅާލާނަން
31 July 2023
ނަސޭހަތް ކިތަންމެ ވަރަކަށްވެސް ދެވިއްޖެ. ކީއްކުރާނި މީހާގެ ހުންނަ ބޯހަރުކަމާ، ގޮތްދޫނުކުމާ، މަވަރު މީހަކު ނެތޭ ހިތައްއަރާފަ ހުންނަމީހެއް އެހެންމީހަކު ދޭ ނަސޭހަތެއް ގަބޫލްކުރާނެތަ؟