ޔާމީންގެ ހަރަކާތްތައް ކައިރިން މޮނީޓާކުރާނަން: ކަރެކްޝަންސް

ޕީޕީއެމްގެ އޮފީހުގައި ރޭ ބޭއްވި ބައްދަލުވުމުގައި އެ ޕާޓީގެ ރައީސް ޔާމީން އަދި އެ މަނިކުފާނުގެ ވަކީލް ޖަމީލް ބައިވެރިވެވަޑައިގަންނަވަނީ.

އާސިމާ ނިޒާރު، މިހާރު

30 އޮކްޓޯބަރ 2023 - 12:51

13 comments

މަނީ ލޯންޑަރިންގެ ކުށުގައި ޖަލު ހުކުމް ތަންފީޒުކުރައްވަމުން ގެންދަވާ، ކުރީގެ ރައީސް އަބްދުﷲ ޔާމީން ގެއިން ބޭރަށް ނުކުތުމުގެ ހުއްދަ ދިނީ މެޑިކަލް ކަންކަމަށް ކަމަށާއި ޕީޕީއެމްގެ ބައްދަލުވުމަށް ވަޑައިގަތުމުން އެ މަނިކުފާނުގެ ހަރަކާތްތައް ކައިރިން މޮނީޓާކުރަމުން ގެންދާނެ ކަމަށް މޯލްޑިވްސް ކަރެކްޝަންސް އިން މިއަދު ބުނެފި އެވެ.

މަނީ ލޯންޑަރިންގެ ކުށް ސާބިތުވެ 11 އަހަރުގެ ޖަލު ހުކުމެއް ސާބިތުވެ، މާފުށީ ޖަލުގައި ހުކުމް ތަންފީޒުކުރައްވަމުން ގެންދަވަނިކޮށް، މިދިޔަ މަހުގެ 30 ވަނަ ދުވަހު ބޭއްވި ރިޔާސީ އިންތިހާބުގެ ދެ ވަނަ ބުރު، އިދިކޮޅު ކޯލިޝަންގެ ކެންޑިޑޭޓް ޑރ. މުހައްމަދު މުއިއްޒު ކާމިޔާބުކުރެއްވިތާ ދެ ތިން ދުވަސް ފަހުން ޔާމީން ވަނީ ގެއަށް ބަދަލުކޮށްފަ އެވެ.

އޭގެ ފަހުން، ކަރެކްޝަންސް އިން މިދިޔަ ހޮނިހިރު ދުވަހު ވަނީ އެ މަނިކުފާނުގެ ބަންދަށް އަނެއްކާ ވެސް ލުއެއް ދީފަ އެވެ. އެއީ، އެ އިދާރާއަށް އެންގުމަށްފަހު މެޑިކަލް ކަންކަމުގައި ގެއިން ބޭރަށް ވަޑައިގަތުމުގެ ހުއްދަ އެވެ.

ނަމަވެސް، އެ ލުއި ދިނުމާއެކު ޔާމީން ވަނީ ޕީޕީއެމްގެ އޮފީހަށް ރޭ ވަޑައިގެން ޕާޓީގެ މެމްބަރުންނާ ބައްދަލުކުރައްވައިފަ އެވެ.

އެކަންކަމާ ގުޅިގެން، ކަރެކްޝަންސްގެ މީޑިއާ އޮފިޝަލަކު ވިދާޅުވީ މެޑިކަލް ކަންކަމުގައި ޔާމީނަށް ގެއިން ބޭރަށް ނުކުމެވަޑައިގަނެވޭނީ ވެސް އެ އިދާރާއަށް އެންގުމަށްފަހު ކަމަށެވެ. އެކަމަކު، ޕީޕީއެމްގެ އޮފީހަށް ވަޑައިގަތުމުގެ ކުރިން އެކަން ކަރެކްޝަންސްއަށް އެންގި ކަމެއް ނޫނީ ނާންގާ ކަމެއް ވެސް ނުބުނެ އެވެ.

އެ އޮފީހުން ބުނީ ޕީޕީއެމް އޮފީހަށް ވަޑައިގަތުމުން، އެ މަނިކުފާނުގެ ހަރަކާތްތައް ގާތުން މޮނީޓާކުރަމުން ގެންދާނެ ކަމަށެވެ.

ވެރިކަން ބަދަލުވުމުގެ މަރުހަލާގައި ޕީޕީއެމްގެ އޮފީހުގައި ބޭއްވި ބައްދަލުވުމުގައި ޔާމީން ވަނީ އެ ޕާޓީގެ މެމްބަރުން އިސްކޮށް ތިބެ ޕީއެންސީއަށް މެމްބަރުން އިތުރުކުރަން މަސައްކަތްކުރާ ކަމަށް ވިދާޅުވެ ނުރުހުން ފާޅުކުރައްވައިފަ އެވެ.

އެ ބައްދަލުވުމަކީ ޕީޕީއެމްގެ ލީޑަޝިޕްގެ ބޭފުޅުންނަށް އެނގިވަޑައިގެން ބޭއްވި ބައްދަލުވުމަކަށް ނުވާތީ އިސް ބޭފުޅަކު ބައިވެރިވެވަޑައެއް ނުގަންނަވަ އެވެ. ޔާމީނާ އެކު އަރިހުންނެވީ އިންނެވީ އެ މަނިކުފާނުގެ ގާނޫނީ ވަކީލް، ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދެވެ.

ގައިދީން ރައީސް އަބްދުﷲ ޔާމީން ކަރެކްޝަނަލް ސާވިސް

13 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުޑަކަތީބު

31 October 2023

ޜައްޔިތުން އޮޅުންވަން ވެގެން ސައިޒައްވުރެ ބޮޑެތި ވާހަކަ ނުދައްކާ ތިލިބޭ އެތިކޮޅުން އަބިދަރިންނަށް ކާންދީގެން ބަސް އަހައިގެން ތިބިއްޔާ މާ ތާހިރުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެނެޑީ

30 October 2023

ބައްލަވާ ޔާމީނު އެހުންނެވީ ވަރަށް ބޮޑު މެޑިކަލް ކަމެއްގަޔޭ ޕޕމ އޮފީހުގަ. މެޑިކަލްވާނެދޯ ނަފްސާނީ ބަލިބަލި ޖެހުނީމަވެސް. މިގޮތުން ދިވެހިރާއްޖޭގެ އެންމެ ބޮޑު އެއްނަފްސާނީ ބައްޔަކީ ވެރިކަމަށް މޮޔަވާ ނަފްސާނީ ބަލި. މިބަލީގެ މީހުންގެ ސިމްޕްޓޮމްތައް ކޮންޓްރޭލްވޭ ސިޔާސީ ޕޯޑިއަމްތަކާމައިކްތައް ކައިރިއަށް ދެވުނީމަ…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

30 October 2023

ވީއައިޕީ ކުއްވެރިން މޮނިޓާރކުރަން މާބޮޑު ކަމަކަށް ވެގެން ތިއުޅެނީ ކިހިނެތް ވެގެން. އެމަނިކުފާނު މާބޯހަރީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއިއްޒު މިޔާ

30 October 2023

މޮނިޓަރ ކުރަން އެންމެ ފަސޭހަވާނީ ޓެގު އަޅުވައިގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކަރާތް

30 October 2023

5 އަހަރުވެރިކަން ކޮށްފައި ހުރި ބޭފުޅެއްގައި ޓެގް އެޅުވުމަކީ ލަދުވެތިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކުންޖު

30 October 2023

އެމަނިކުފާނަށް ހަފުތާއަކު އެއްދުވަސް ދޭންވީނުން. އެދުވަހަކީ އެމަނިކުފާނުގެ ޗީޓްޑޭ. ދުވެ، ފުމެ، ސްކޭޓްކުރަން، މަގުމަތީ އިންޑޯގަ ބުރުއަޅާލަން، މެންބަރުންނާއެކު ކޮފީއަކަށް. އަނގަތަޅަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީނު

30 October 2023

ޖަލުތަކާއި ޕެރޯލްގެ ޤާނޫނުގެ 63 ވަނަ މާއްދާ ސަސްޕެންޑްވީތަ؟ "ސިޔާސީ ޕާޓީއާއި ޖަމްޢިއްޔާތަކަށް ޢާންމު މެންބަރެއްގެ ހައިސިއްޔަތުން ނިސްބަތްވުން ފިޔަވައ،ި އެއިން ތަނެއްގެ މަސްއޫލު ފަރާތެއްގެ ގޮތުގައި ހުރުމާއި އެ ތަންތަނުން ހިންގާ އެހެން ޙަރަކާތްތަކުގައި ބައިވެރިވުމުގެ ޙައްޤ،ު ޙުކުމެއް ތަންފީޒުކުރުމަށްޓަކައި ޖަލުގައި ބަންދުކުރެވިފައި ހުންނަ މުއްދަތުގަ ިއ ލިބިގެނެއްނުވެއެވެ." ޤައިދީ ޔާމީނު ޕީޕީއެމް އޮފީހުގައި ކޮންކަމެއްތަ މިކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

30 October 2023

ކަރެކްޝަންސް އިން މިހާރު ''ފެން ނެތް ބޮޑެތިކާށި'' ނުފަޅާށެވެ. އޭރުން އޮންނާނީ ކުރޮޅިއަށް ވެފައެވެ. މިހާރު ތިޔަދައްކާ ވާހަކާގައި އެއްވެސް ބާރެއް ނުހުންނާނެއެވެ.