ރާއްޖޭގައި އުޅޭ ބަންގްލާދޭޝް މީހަކު، އާމްދަނީ ހޯދުމަށް ކުރާ މަސައްކަތުގައި ކާރެއް ސާފުކޮށްދެނީ: ސަރުކާރުން ބުނަނީ ބަންގްލާދޭޝް މީހުން ގެނެވޭނެ ކަމަށް ގާނޫނުގައި ބުނާ އަދަދަށް މިވަގުތު ރާއްޖޭގައި އެ ގައުމުގެ މީހުން ނެތް ކަމަށް. -- ފޮޓޯ: ފަޔާޒް މޫސާ/މިހާރު
18 ޑިސެމްބަރ 2023 - 11:11
48 comments
ރާއްޖޭގައި މަސައްކަތްކުރާ ބަންގްލަދޭޝް މަސައްކަތްތެރިންގެ އަދަދު ގާނޫނުގައި ބުނާ އަދަދަށް ވުރެ އިތުރު ކަމަށް ބުންޏަސް އެއީ ރަނގަޅު ވާހަކައެއް ނޫން ކަމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން މިއަދު ވިދާޅުވެއްޖެ އެވެ.
ބަންގްލަދޭޝް އިން ލޭބަރުން ރާއްޖެ ގެނައުން މަނާކޮށްފައި އޮންނަތާ ހަތަރު އަހަރު ފަހުން މިއަދުން ފެށިގެން އަލުން ހުއްދަ ދޭން ސަރުކާރުން ނިންމުމާ ގުޅިގެން ގިނަ ބައެއްގެ ފާޑުކިޔުން ސަރުކާރަށް ދަނީ އަމާޒުވަމުންނެވެ.
މިދިޔަ ސަރުކާރުގައި ބިދޭސީންގެ ކަންކަން ބެލެހެއްޓި އިކޮނޮމިކް މިނިސްޓަރު ފައްޔާޒު އިސްމާއިލް ވަނީ ކޮންމެ ގައުމަކުން ލޭބަރުން ގެނެވޭނެ އަދަދު ގާނޫނުގައި ކަނޑައަޅައި ބަންގްލަދޭޝްގެ ކޯޓާ ހަމަވެފައި ވަނިކޮށް އެ ގައުމުން މީހުން ގެންނަން ނިންމުން ގާނޫނާ ކަނޑައެޅިގެން ހިލާފް ކަމަށް ވިދާޅުވެފަ އެވެ.
އެ ބޭފުޅުން އުޅުއްވަނީ އެކްސްޕެޓް ސިސްޓަމްގައި އިން އެކްޓިވް ވޯކް ޕާމިޓްގެ އަދަދު ނަގައިގެން އެއީ ބޯޑާ ކޮންޓްރޯލްގައި ހުރި މީހުންގެ އަދަދު ކަމަށް އޮޅިގެން، އެކަމަށް ހީކޮށްގެން. އެ ދެ އަދަދު ދިމާނުވާނެ. އެއީ މުޅިން ދެ އެއްޗެއް: މިނިސްޓަ އިހްސާން
ވަޒީފާއާ ބެހޭ ގާނޫނުގެ 65 ވަނަ މާއްދާގެ (ހ) ގައި ބުނާ ގޮތުން ރާއްޖޭގައި ބިދޭސީން ވަޒީފާ އަދާކުރުމަށްޓަކައި އެއްގައުމަކުން އެންމެ ގިނައިން ރާއްޖެއަށް ގެނެވޭނެ އަދަދަކީ 100،000 މީހުންނެވެ. މިގޮތަށް ކަނޑައެޅި އިރު ރާއްޖޭގައި ތިބި ބަންގްލާދޭޝް މީހުންގެ އަދަދު މިއަށްވުރެ އިތުރުވާތީ، ބަންގްލާދޭޝް މީހުން ގެނައުން އޮތީ މަނާވެފަ އެވެ.
އެކަމަކު މި ސަރުކާރުގައި ބިދޭސީ މަސައްކަތްތެރިންގެ ކަންކަން ހަވާލުވެފައިވާ ހޯމްލޭންޑް ސެކިއުރިޓީގެ މިނިސްޓަރު އިހްސާން ވިދާޅުވީ ރާއްޖޭގައި މިވަގުތު ތިބީ ބަންގްލަދޭޝްގެ 90،620 މީހުން ކަމަށެވެ.
އިހުސާން ވިދާޅުވީ ފައްޔާޒް ވިދާޅުވާ އަދަދަކީ ރާއްޖޭގައި މިވަގުތު އެކްޓިވްކޮށް ހުރި ބަންގްލަދޭޝްގެ ވޯކް ޕާމިޓްގެ އަދަދު ކަމަށާއި އެ އަދަދު ގާނޫނުގައި ބުނާ އަދަދަށް ވުރެ އިތުރު ނުވާ ކަމަށެވެ.
"އެ ބޭފުޅުން އުޅުއްވަނީ އެކްސްޕެޓް ސިސްޓަމްގައި އިން އެކްޓިވް ވޯކް ޕާމިޓްގެ އަދަދު ނަގައިގެން އެއީ ބޯޑާ ކޮންޓްރޯލްގައި ހުރި މީހުންގެ އަދަދު ކަމަށް އޮޅިގެން، އެކަމަށް ހީކޮށްގެން. އެ ދެ އަދަދު ދިމާނުވާނެ. އެއީ މުޅިން ދެ އެއްޗެއް،" އިހުސާން ވިދާޅުވި އެވެ.
އިހުސާން ވިދާޅުވީ، ބިދޭސީއަކު ރާއްޖެއިން ވަގަށް ފިލައިގެން ދިޔަ ނަމަވެސް ނުވަތަ ގެއްލުނަސް ވޯކް ޕާމިޓް ކެންސަލް ނުކުރާހާ ހިނދަކު ސިސްޓަމުން ފެންނާނީ އެކްޓިވްކޮށް ކަމަށެވެ. ނަމަވެސް މިހާރު އެ އަދަދުތައް ބަލާފައިވަނީ ބޯޑާ ކޮންޓްރޯލް ސިސްޓަމުން، ރާއްޖެއިން ބޭރުވެފައިވާ މީހުން ބަލައިގެން ކަމުގައި އޭނާ ވިދާޅުވި އެވެ.
ކުރީ ސަރުކާރުން އާންމުކޮށްފައިވާ ބިދޭސީ މަސައްކަތްތެރިންގެ އަދަދުތައް އެނގެން ހުރި އިކޮނޮމިކް މިނިސްޓްރީގެ އެންމެފަހުގެ ރިޕޯޓުތަކުގައި ވެސް އެކަން ފާހަގަކޮށްފައިވާ ކަމަށް އިހުސާން ވިދާޅުވި އެވެ.
"[ރިޕޯޓުގައި ވެސް] ސާފުކޮށް ބުނެފައި އިން އެއީ އެކްޓިވްކޮށް ދޫކޮށްފައިވާ ވޯކް ޕާމިޓްގެ އަދަދޭ. އޭގައި ނުބުނާނެ އެއީ ތިބި މީހުންގެ އަދަދެކޭ،" އޭނާ ވިދާޅުވި އެވެ.
އިކޮނޮމިކް މިނިސްޓްރީން އާންމުކޮށްފައިވާ އެ ރިޕޯޓުތަކުގެ ލިންކުތައް އިއްޔެ ވަނީ ސޯޝަލް މީޑިއާ އިން ޑިލީޓް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްރާސިޔާބު
19 December 2023
ކަނޑައެޅިގެން ބޮޑު ދޮގެއް ހަދާލީކަން ދިވެހި ރައްޔިތުންނަށް އެގޭނެ. tI އިޙުސާނަކީ ތިޔަވަރުގެ ދޮގެއް ނުހެދިގެން އުޅެންޖެހޭ މީހެއްބާ؟ ދެން އިމިގްރޭޝަނުގެ މައުލޫމާތު ގަޑުބަޑު ކުރުމަކީވެސް ވަރަށް ބޮޑު ގޯހެއް.
ހަސޯ
19 December 2023
އިންޑިޔާސިފައިން ތިބިއަދަދު ނޭގިގެންއުޅޭ ބަޔަކަށް ބަނގްލާދޭޝްމީހުން ތިބިއަދަދު އެހާފަސޭހައިން އެގުމަކީ މޮޔައަކުވެސް ގަބޫލުކުރާނެ ވާހަކައެއްނުން. މޮޅެކެބިނެޓުގަ ތިބިމީހުން މިދައްކަނީ މޮޅެތިވާހަކަ. އެއްވެސްބަޔަކު މިދައްކާވާހަކައެއް ގަބޫލެއްނުކުރޭ.
ޙަިގަ
18 December 2023
ހައިދަރާ ކަލޭ ތިއުޅެނީ އަތައްގޮވަންތަ، ބަންގާޅީންއެތެރެނުވެގެން ތިތެޅެނީ ދިވެހިންނައް ދުއްޕާންކުރާނެ ގޮތެއްނެތިގެންތަ،
ޖާބެ.
18 December 2023
މިއީ ކަނޑައެޅިގެން ހަޤީގަތާ ޙިލާފުވާހަކަޔެއް މިއަދަދއް ވުރެއްގިނަވާވެ. އެއްވެސް ދަފްތަރެއްގަ ނުޖެހިތިބި ބިދޭންސީންގެ އަދަދު 60 ހާހައްވުރެއް ގިނަވާނެ. މިއީ ފައިސާ ހޯދަން އިހުސާނުމެން ހަދާދޮގު
ދޮންމަނިކުބެ
18 December 2023
ބިދޭސީން މިގައުމުގަ ގިނަވުމަކީ ގައުމާއި ރައްޔިތުންނަށް އޮތް ވަރަށް ބޮޑު ނުރައްކަލެއް. ބިދޭސީން މަދުކުރުން އޮތީ ދިވެހިންގެ އަތްމަތީގަ. ދިވެހިންނަށް ކުރެވެންހުރި މަސައްކަތްތަކަށް ބިދޭސީން ނުގެނެސް ދިވެހިން މަސައްކަތަށް ނިކުންނަންވީ
އަފްރާސިޔާބު
19 December 2023
ބިދޭސީން މަދުކުރާނީ ކިހިނަކުން. އެކަމެއްނުވާނެ. މިގައުމުގައި ޣައްދާރުން ގިނަވީމާ. އެމެން ކައިގެން ބޮއިގެން އުޅެނީ ގަވާއިދާ ޚިލާފަށް މީހުން އެތެރެ ކޮށްގެން ވިއްޔާ.
އިބްރާ1
18 December 2023
މާލޭގަ އުޅޭނެ ބަންގާޅު މަހުޖަނެއް. ރާނާ ކިޔާމީހެއް. މިސަރިުކާރު ގެންނަން އޭނާކިހާވަރެއް ޚަރަދުކުރިކަން އެއްވެސް މީހަކަށް އެގޭތަ؟ މިއަދު މިއޮތީ ބަންގާޅުމީހަކު އަތްދަށު ވެފަ. މިސަރުކާރަށް ފައިސާ ޖަހައިގެން ނުކުރެވޭނެ އެއްވެސް ކަމެއް ނޯންނާނެ. ފުށިދިއްގަރ ފަޅު ހިއްކަން ވިއްކީ ކިތައްފަޅުކަން އެގޭތަ؟
އަފްރާސިޔާބު
19 December 2023
ބަންގާޅު ޓްރެވަލް އެޖެންސީ ހިންގާމީހާ އަށް ކިޔަނީ ތިޔަ ނަންނޫންބާ؟ ވައިޑް ބޮޑީ ބޯޓު ގެންނަނީ ބަންގާޅަށް ދަތުރު އަޅަންބާ؟
ފެންނަގޮތް
18 December 2023
ލިޔެކިޔުމުން ފެންނަ އެއްޗަކާއި ހަގީގަތާއި އެއީ ތަފާތު ވެދާނެ އެއްޗެއް.. ހަގީގަތުގަވެސް އުޅެނީ ކިހާ ވަރެއްވާ؟ ގަވާއިދާއި ހިލާފަށް އުޅެނީ ކިތައް މީހުންބާ؟ މިކަމުން ނިކުންނާނެ ނޭދޭވޭ އަސަރުތައް ބަލައި އެކަންކަން އިސްލާހު ކުރަން ކަމާއި ބެހޭ މުއައްސަސާތަކަށް އުޅެވެނީ ކިހާވަރަކަށް ބާ؟
މަނާރަތު މުނީރު
18 December 2023
މި ވަގުތު އެއްވެސް ބަނގުލަދޭސް މީހަކު ނެތޭ ބުނަންވީނު! މި ބިދޭންސީން މަގުމަތީ އުޅޭއިރު މިގައުމަށް ޒިޔާރަތް ކުރާ މީހުންނަށް ހީވެފައިވަނީ، މި ފެންނަ ބަގުލަދޭސް މީހުންނަކީ ދިވެހިންކަމަށް، ހަޑި މުޑުދާރު މީހުންގެ ސިފައިގައި ބަގުލަދޭސް މީހުންނާއި ހެދި ބޭރު މީހުންނަށް ދިވެހިން ސިފަވަނީ! ގައުމުގެ އިޖުތިމާއީ ފޭރާން ހަލާކުވެއްޖެ! ޤާނޫނު ތަންފީޒުކުރާނެ ބަޔަކުނެތް! ފުލުހުންނަކީ، އަރާމް ކުރުމަށާއި ނިކަމެތިންގެ ފަހަތުން ދުވާބަޔަކަށް ވެއްޖެ!
ސީޒަން ޖެކްޝަން
18 December 2023
ރަސްމީކޮށް 90000. ނުރަސްމީކޮށް 2 ލައްކަ. އިންޑިޔާ ސިފައިން ރަސްމީކޮށް 77. ނުރަސްމީކޮށް 700.
ހެޕީ މާރކެޓް ބޯއީ
18 December 2023
ކޮބާ ބޯހިމެނުމުން ލިބުނު ބޮންދު އަދަދުތައް؟
އަފްރާސިޔާބު
19 December 2023
އެވެސް ތިބި އަދަދަށްވުރެ މަދު އަދަދެއް. އެމީހުން ހެދި ގޮތަކީ އެގެއަށް ދާންވާއިރަށް ފިލަނީި. އަނެއްބަޔަކު މަގުމައްޗަށް ނުކުންނަނީ. އަނެއްބަޔަކު ޖަންގައްޔަށް ވަންނަނީ. ބޯ ހިމަނާ ނިމުނީމާ. އަންނަނީ.