ފުވައްމުލަކުގައި ރޭ ބޭއްވި ޖަލްސާގައި ރައީސް ޑރ. މުއިއްޒާއި އެޑްވައިޒަރު އަބްދުއްރަހީމް ބައިވެރިވެވަޑައިގަންނަވަނީ. -- ފޮޓޯ | ރައީސް އޮފީސް
22 ފެބުރުއަރީ 2024 - 10:02
67 comments
ރައްޔިތުންގެ މަޖިލީހުގެ އިންތިހާބު ފަސްކުރަން އިންތިހާބާ ބެހޭ ގާނޫނަށް އިސްލާހު ގެނެސްފައި އޮތަސް އެ އިންތިހާބު އޮންނާނީ އިލެކްޝަންސް ކޮމިޝަނުން މިހާރު ކަނޑައަޅާފައިވާ ތާރީހާ އެއްގޮތަށް، އަންނަ މަހުގެ 17 ގައި ކަން ރައީސް ޑރ. މުހައްމަދު މުއިއްޒުގެ ވާހަކަފުޅުތަކުގައި ވިދާޅުވެއްޖެ އެވެ.
ރައްޔިތުންގެ މަޖިލީހުގެ މެޖޯރިޓީ އޮންނަ އިދިކޮޅު އެމްޑީޕީން އިންތިހާބާ ބެހޭ ގާނޫނަށް ގެނައި އިސްލާހު އޮތީ ރޯދައިގެ ފަހުން އިންތިހާބު ބާއްވާ ގޮތަށެވެ. ރޯދަ މަހު އިންތިހާބުތައް ނުބާއްވާ ގޮތަށް ގާނޫނަށް އެ އިސްލާހު ގެނައީ ވެސް މަޖިލިސް އިންތިހާބު ފަސްކުރުމަށެވެ.
ގާނޫނަށް މި އިސްލާހު ގެނައީ، ގައުމީ ލަފާ ދޭ ކޮމިޓީގެ މަޝްވަރާއާ އެކު އިންތިހާބުގެ ތާރީހްތައް ކަނޑައަޅައި ރޯދަ މަހުގެ ފުރަތަމަ ހަފުތާގައި އިންތިހާބު ބާއްވަން އީސީން ތައްޔާރުވެފައި ވަނިކޮށެވެ.
ގާނޫނަށް ގެނައި އިސްލާހުގައިވާ ގޮތުން އިންތިހާބު ބާއްވަން ޖެހޭނީ އޭޕްރީލް 20 ގަ އެވެ. ނަމަވެސް މިއަދާ ހަމައަށް އައިއިރު ރައީސް އެ ބިލު ތަސްދީގު ނުކުރައްވަ އެވެ.
ރައީސް އަތޮޅުތަކަށް މިހާރު ކުރައްވަމުން ގެންދަވާ ދަތުރުފުޅުގައި، އިންތިހާބާ ގުޅޭ ގޮތުން ދެއްކެވި ވާހަކަތަކުގައި އިންތިހާބު ލަސްނުކުރައްވާނެ ކަމުގެ އިޝާރާތެއް ވަނީ ދެއްވައިފަ އެވެ.
މި މަހުގެ 11ގައި ފާސްކުރި އެ ބިލު ތަސްދީގު ނުކުރައްވާ އިރު ރައީސް ވިދާޅުވަމުން ގެންދަވަނީ މަޖިލިސް އިންތިހާބު އޮންނާނީ އަންނަ މަހު 17 ގައި ކަމަށެވެ.
މިދިޔަ ހޯމަ ދުވަހު އައްޑޫ ހުޅުދޫގައި ބޭއްވި ޖަލްސާގައި މަޖިލިސް އިންތިހާބުގެ ވާހަކަ ދައްކަވަމުން ރައީސް ވިދާޅުވީ "ކުރިޔަށް އޮތް މަހުގެ 17 ވަނަ ދުވަހު" ރައްޔިތުންނަށް ވޯޓުލުމަށް ފުރުސަތު ލިބޭނެ ކަމަށެވެ.
އަދި އިއްޔެ ގއ. ގެމަނަފުށީ ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުން ވެސް ރައީސް ވިދާޅުވީ "އަންނަ މަހުގެ 17 ގައި" އޮންނަ މަޖިލިސް އިންތިހާބުގައި ސަރުކާރާ ދެކޮޅު މެމްބަރުން އިންތިހާބުކޮށްފި ނަމަ، ސަރުކާރަށް އެއްބާރުލުން ނުލިބޭނެ ކަމަށެވެ.
ގާނޫނުއަސާސީގައި ބުނާ ގޮތުން މަޖިލީހުން ބިލު ފާސް ކުރާތާ ހަތް ދުވަސް ތެރޭގައި އެ ބިލު ތަސްދީގު ކުރުމަށް ރައީސް އަށް ފޮނުވަން ޖެހެ އެވެ. އަދި އެ ބިލު ލިބޭތާ 15 ދުވަސް ތެރޭގައި ތަސްދީގު ކުރަން ވާނެ އެވެ. އެ މުއްދަތު އަންނަ ހަފުތާގައި ހަމަވާނެ އެވެ.
ރައީސް އެ ބިލު ތަސްދީގު ނުކުރައްވައި އަނބުރާ ފޮނުވާލަން ބޭނުންވާ ނަމަ ވެސް އެ 15 ދުވަސް ތެރޭގައި މަޖިލީހަށް ބިލު އަނބުރާ ފޮނުވާލަން ޖެހެ އެވެ.
ރައީސް ބިލު އަނބުރާ ފޮނުވާލުމުން އެއްވެސް ބަދަލެއް ނުގެނެސް އަލުން ފާސް ކުރުމުގެ ފުރުސަތު ވެސް މަޖިލީހަށް ލިބެ އެވެ. އެގޮތަށް ދެވަނަ ފަހަރަށް މަޖިލީހުގެ އަގުލަބިއްޔަތުން ބިލު ފާސް ކޮށްފި ނަމަ ރައީސް އެ ބިލު ތަސްދީގު ކުރައްވަން ޖެހިވަޑައިގަންނަވަ އެވެ.
ރޯދަ މަސް ތެރޭގައި އިންތިހާބު ބޭއްވުމަކީ އީސީގެ ވެސް ކަންބޮޑުވާ މައްސަލައެކެވެ. އެއީ، އެ ކޮމިޝަންގެ މެންބަރުން މަޖިލީހުގައި ވިދާޅުވި ގޮތުގައި ރޯދަ މަސް ތެރޭގައި އިންތިހާބު ބާއްވައިފި ނަމަ ވޯޓު ލާން ނުކުންނަ މީހުންގެ އަދަދު ވަރަށް ބޮޑަށް މަދު ވާނެ ކަމަށް ލަފާ ކުރެވޭތީ އެވެ. އަދި އޮފިޝަލުން ހޯދުމާއި ތަމްރީން ކުރުމާއި އެހެނިހެން މަސައްކަތްތަކަށް ވެސް ވަރަށް އުނދަގޫ ވާނެ ކަމަށް އެ ކޮމިޝަނުން ގަބޫލު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް
24 February 2024
ރޯދަމަހުވޯޓުލާކައް ނުފެނޭ ސަބަބަކީ މިހާތަނައްކަންހިނގާފަވާގޮތައްބަލާއިރު ވޯޓުލާދުވަހަކީރުޅިގަދަވެ އަވުގުރާނަގޮވާ މާރާ މާރީ ހިންގާ ވޯޓުފޮށިތައްއުކާލާ ވޯޓުކަރުދާސްތައްވީދާލާ ހެދުމަކީކޮންމެވޯޓުލުމެއްގަވެސް ޢާއްމުކޮއްހިނގާކަންތަކެވެ.މިކަމަކީ ސިފައިންނާ, ޕޮލިހަށާ,އޮފިސަލުންނައްވެސްރަނގަޅައްއެގޭކަމެކެވެ.އަދިރޯދަމަހުތިބޭނީއިތުރައް ރުޅިގަދަވެފައެވެ.އަނެއްކޮޅުން މެންދުރުނަމާދާ އަސުރުނަމާދުވަގުތުދާނީ ވޯޓުލާސަރަހައްދާފޮށިތައްދޮށުގަ އަވުގުރާނަގޮވާ ހަޅޭއްލަވަންތިއްބައެވެ.މިޙަގީގަތް ހުރިހާފަރާތަކައް ރަގަޅައްއެގިތިބެ ފައިވިއްދާފަ ރޯދަމަހުވޯޓުލާންމިއުޅެނީކޮންކަމެއް ޙާސިލްކުރަންތޯއެވެ.
ހަން ފައިބައްޖެ
22 February 2024
މަޖިލިސް އިންތިޚާބު ފަސް ކުރަން ނޫނީ ލަސްކުރަން ޖެހެނީ ކީއްވެ. މިހާރު އޮތް މަޖިލިސް އިތުރަށް ދަންމާލަން. ފައިސާގެ ދަހިވެތިކަން ބޮޑީ. 5 ޢަހަރުގެ ދައުރު ހަމަވީމާ އިތުރު އެއް ދުވަސްވެސް ތިމީހުންނަށް ދޭކަށް މަށެއް ޤަބޫލެއްނޫން. 17 މާރޗް 2024 އަކީ އސ އަށް ނޭންގިގެން ޖެހި ތާރީޚެއް ނޫން.
މުހައްމާ
22 February 2024
އިންތިހާބު ލަސްކުރަން އުޅެނީ މިހާރު މަޖިލީހުގައި ތިބި ގިނަ މެންބަރުންނަކީ ރައްޔިތުންގެ ތާއީދު ގެއްލިފައިވާ މެމްބަރުންކަން އެގޭތީވެ. ޢާ މަޖިލީހެއް އިންތިހާބު ކުރުމުގެ ކުރިން އިންޑިއާ ރުއްސަން އިންޑިއާގެ އެދުމަށް ބައިއަތު ހިފައިގެން އުޅޭ ބަޔަކު ރައީސް މަގާމުން ދުރުކުރުމުގެ ހީލަރްތެރި ބޭނުމުގައި. ބޭރުބަޔަކުގެ އެދުމަށް ބައާވަތެއް ކުރަން ރައްޔިތުން ފުރުސަތު ނުދޭނެ. އިންޑިއާއިންވެސް އެކަން ހުއްޓާލަން އެބަޖެހޭ. ވާނުވާ ރައްޔިތުންނަކަށް ނޯޅޭ!
ރައްޔިތުކަލޯ
22 February 2024
ރާއްޖޭގައި މިއޮތް ރިޔާސީ ނިޒާމްގައި ވެރިކަމުގެ ބާރު ފިޔަވާ އަނެއް ދެބާރަކީ "ރަމްޒީ ދެބާރު". މިކަން އެންމެ ރަނގަޅަށް ރައްޔިތުންނަށް ހާމަކޮށް ދެއްވީ ރައީސް ޔާމީން. ވެރިކަން ކުރެވޭނީ ހިތްވަރު ވެސް ހުރެގެން ރައްޔިތުން އިންތިޚާބުކުރާ ރައީސުލްޖުމްހޫރިއްޔާ އަކީ ބަޔަކު ބޭނުންހާ ގޮތެއް ހެދޭހާ "ބަލިކަށި" ބޭފުޅަކަށް ވެގެންނުވާނެ.
ބޯހަރު
22 February 2024
މި އީ ހާދަ ބޯހަރުވެސް މީހެކޭ، ގިނަމީހުން ބޭނުންވާގޮތާ މީނަ ދެކޮޅު އެބަހަދާ، މީނަ އެކަނި ކިހިނެތް ގޮތްނިންމަނީ
ރ. މުޢިއްޒު ބޭނުންފުޅުހައި ކަމެއް ނުވެއެއްނު!
22 February 2024
ޢާޒިމާ ޝުކޫރު ވެސް މާލޭގެ މޭޔަރަކަށް ނުވިއެއްނު!
ދީނީ ސަރުކާރު
22 February 2024
ދީނީ ސަރުކާރެކޭ ބުނެ ވެރިކަމަށް އައިސް މުސްލިމުންގެ އެއްމެ މާތް މައްސަރުގައި ވޯޓު ސަކަރާތާއި ކުރިމަތިލާން ދިވެހިންނަށް މަޖުބޫރު ކުރުމަކީ ރައީސް މުއިއްޒުގެ މަގުސަދާއި މެދު އިތުރު ވިސްނުމަކަށް ދާނޖެހޭ ކަމެއް. ފަހު ދިހާ ބަންދުކޮށް މުޅި މީޑިއާގައި ދީނީ ކާޑްކުޅެފައި ދިވެހިންގެ ތެރޭގައި ބޮޑު ފިތުނަވެރިކަމަކަށް ފުރުސަތު ހުޅުވާލަން މަސައްކަތް ނުކުރެއްވުމަށް ގޮވާލަން.
ބުލްޑޯޒް
22 February 2024
ގާނޫނު ފާސްކުރުމުގެ ކުރިން އޭރަކު އޮންނަ ގާނޫނާއި ގަވައިދުގެ މަތިން ނިންމާފައި ހުންނަ ކަންކަން އަލަށް ފާސްކުރާ ގާނޫނަކުން ބަދަލެއް ނުކުރެވޭނެ. އިންތިޚާބުގެ ޑޭޓްކަޑައަޅައި ހުރިހާ ކަމެއް އޮތީ ނިމިފައި.އަލަށް ފާސްކުރާ ގާނޫނުން ތަންފީޒުވާނީ އޭގެ ފަހުގެ ކަންކަން. މަޖުލީހު މެންބަރުންނަށްވެސް މިކަންކަން އެނގޭނެ. އެކަމަކު ބޭނުންވަނީ ސަރުކާރުން ގާނޫނާއި ޚިލާފުވެއްޖެ ކަމަށް ރަޖިސްޓަރީ ނުކޮށް އޮންލައިންކޮށް ހިންގާ އެއްޗެހީގައި ޖަހައި މީހުން މަގުފުރެއްދުން.
ރައީސް ކަމުގެ ހުވާކުރައްވާ ތާރީޚް ވެސް ވަނީ ބަދަލުވެފަ
22 February 2024
ސަބަބު މެދުވެރިވެ، ދިވެހި ރާއްޖޭގެ އެންމެ މަތީ މަޤާމު ކަމުގައިވާ ރައީސުލްޖުމްހޫރިއްޔާ ހުވާ ކުރައްވަމުން ގެންދެވި ތާރީޚް ވެސް މިހާރު އެވަނީ ބަދަލުވެފަ އެވެ. ކުރިން ރައީސް ހުވާ ކުރައްވަނީ ނޮވެމްބަރ 11 ވަނަ ދުވަހުގަ އެވެ. އެ މުހިންނު ތާރީޚް މިހާރު އެވަނީ ނޮވެމްބަރ 17 ވަނަ ދުވަހަައް ބަދަލުވެފަ އެވެ. އެހެންކަމުން މަޖްލިސް ވޯޓް ބާއްވާ ދުވަސް ބަދަލުވިޔަ ނުދެއްވާ ހިފެހެއްޓެވުމަކީ ޖޯކެކެވެ!
ގައިންދާ
22 February 2024
ގާނޫނު އޮންނަނީ ކަމަކު ދެންކޮންމެ ފަހަރަކު ބަޔަކު ބޭނުންވާ ގޮތައް ސަބަބެއް މެދުވެރިކޮއް ހުރިހާ ކަމެއް އެގޮތައް ބަދަލު ކުރީމަ ގާނޫނުގެ ބާރު ކެނޑުނީނު. ކީއްކުރާ ގާނޫނެއް
ފޫޓުފަތިގަނޑު
22 February 2024
ޤާނޫނުގައި 11 ނޮވެމްބަރ ޢަކީ ޖުމްހޫރީ ދުވަސް ކަމުގައި ކަނޑައަޅާފައި ވަނިކޮށް ތިމާމެންގެ އަމިއްލަ އެދުމަށް ޙުވާ ކުރީނ 5 ޢަހަރަށޭ ބުނެ ދުވަސް އޮޅުވާލުމަކީ މާބޮޑު ޖޯކެއް. ކީއްވެތަ 5 ވަނަ އަހަރުގެ ނޮވެމަބަރ 11 ދުވަހާ ހަމައަށް ކަމަށް ބުނެ ޙުވާ ނުކުރެވިނީ.
ނޮޓް
22 February 2024
ފާދިރީ ބުނީ 17 ގަބައްވާށޭ އެހެންވެ އެހެންގޮތެއް ނެތް
އެވައްތަރު
22 February 2024
އެމްޑީޕީން ރިޔާސީ އިންތިހާބުގަ ފާދިރީއެއް ގެނެސްގެން އުޅުނު އެމްޑީޕީ މަޖިލިސް މެމްބަރެއްގެ ހޮޓަލައް ލައިގެން އިންތިހާބުގެ ކަންތައް ހަމައަކައް އަޅުވަން އޭގެ ކުރިން ރައްޔިތުންނައް އިގިގެން ފޮނުވާލި އެބޭފުޅާ ބުނެފާނެ ވަރައް ވައްތަރު