ސަހަރާ ނިންމުމުގެ އެއްބަސްވުމުގައި، ހައިމަން ކުންފުނި އަދި ސިޓީ ކައުންސިލުން ރޭ ސޮއިކުރަނީ.-- ފޮޓޯ: މާލެ ސިޓީ ކައުންސިލް
19 މެއި 2024 - 10:02
14 comments
އާ ސަހަރާގެ މަސައްކަތްތައް ނިންމަން ހަވާލުކުރި ކުންފުންޏަށް އެކަން ނުވުމުން، އަނެއްކާ ވެސް އާ ކުންފުންޏަކާ ހަވާލުކޮށްފި އެވެ.
މާލެ ސިޓީ ކައުންސިލުން "އެކްސް"ގައި ރޭ ކުރި ޕޯސްޓުގައި ބުނީ އާ ސަހަރާގެ ފިނިޝިން މަސައްކަތްތައް އެއްކޮށް ނިންމަން ހައިމަން ކޮންސްޓްރަކްޝަން ކުންފުންޏަށް 2.7 މިލިއަން ރުފިޔާއަށް ދީފައިވާ ކަމަށެވެ.
ދެ މަސް ދުވަހުގެ ތެރޭގައި ނިންމަން ހަވާލުކުރި މަސައްކަތުގެ އެއްބަސްވުމުގައި، ސޮއިކުރެއްވީ ހައިމަން ކުންފުނީގެ ޑިރެކްޓަރު މުހައްމަދު އައިމަން އަދި ކައުންސިލްގެ ސެކްރެޓަރީ ޖެނެރަލް ވަޖީހު ނަސީރެވެ.
އާ ސަހަރާގެ މަސައްކަތް ކުރަނީ.-- ފޮޓޯ: މިހާރު
އާ ސަހަރާއަށް ދާ މީހުން މަޑުކުރާނެ ޖާގަ އިތުރުކުރުމަށް، ދެ ބުރީގެ އިމާރާތެއް ހެދުމުގެ މަސައްކަތް ސިޓީ ކައުންސިލުން ފެށީ މިދިޔަ ޖޫން މަހުގެ ތެރޭގަ އެވެ. އެކަން އޭރު ހަވާލުކުރީ ޕީއެންޕީ މޯލްޑިވްސް ނަމަކަށް ކިޔާ ކުންފުންޏަކަށް 4.9 މިލިއަން ރުފިޔާ އަށެވެ. އެކަމަކު އެއް މަސް ދުވަހަށް ހަވާލުކުރި އެ މަސަައްކަތް ނުނިމި، ދިގުލައިގެން ދިއުމުން ކައުންސިލުން އެއްބަސްވުން ބާތިލުކުރިޔަސް އޭރު އެ ކުންފުންޏަށް އޮތީ 3.6 މިލިއަން ރުފިޔާ ދީފަ އެވެ.
އަނެއްކާ މިދިޔަ ޑިސެމްބަރު މަހު އެ މަސައްކަތް ބީސިކްސް އިވެންސްޓްމަންޓަށް 4.6 މިލިއަން ރުފިޔާއަށް ހަވާލުކުރި އެވެ. ސިޓީ ކައުންސިލުން ބުނީ އެ ފަރާތާ ހަވާލުކުރީ އާ އިމާރާތުގެ ސްޓްރަކްޗާ ނިންމަން ކަމަށާއި އެކަން ނިންމާފައިވާ ކަމަށެވެ.
އެހެންވެ، ހައިމަން ކުންފުންޏަށް އެ ދިނީ ބާކީ ހުރި މަސައްކަތްތައް ނިންމާށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާތަ ބާތަ؟
19 May 2024
އިރެއްގަ އެއީ އާ ސަހަރާއަކަށްވިއަސް ތިޔަ އާސަހަރާ މިހާރު ބާވެއްޖެ. އެތަނަށް އާ ނަމެއްވެސް ކިޔަންވެއްޖެ. ހަދާ ހަދާ ނުނިމުނު ސަހަރާއެއް ތިއީ. ހައިމަން ކުންފުނީގެ ނަން އިނގިރޭސިން އޮންނަނީ ކިހިނެތްބާ؟ ހައިމަންއަކީ އޭގެ އަސްލު ސްޕެލިންގަ ކިޔަން މާ ރީތި ނަމެއް ނޫންހެން ހީވަނީ. 'އައިމަންގެ ހައިމަން ކުންފުނި؟' 'އާސަހަރާ ނިންމަން އާ ސަރުކާރުން އާ ކުންފުންޏަކާ ހަވާލުކޮށްފި'. ހަމަ ހުސް ފާހަގަވާ ގޮތްގޮތް.
ގެދާނޯމޮސް
19 May 2024
އާމޭޔަރުގެ އިތުބާރާ މެދު ކުރެވުނު ތަޖުރިމާއެކެވެ.! މިއިތުބާރާއެކު ދެން ، މުއިއްޒް ގޮތަށް ވެރިކަމާ ނޫޅެއްޗެވެ!
ޒާހިދު.
19 May 2024
ދެމަސްދުވަހަށް ޙަވާލުކޮށްގެން ކުރިއަށް އޮތް 2 އަހަރުތެރޭވެސް ނިމޭނެބާ ތިޔަތަން. ތިފަދަ މެގަ ޕްރޮޖެކްޓެއް ތިހާ ކުރުމުއްދަތެއްގެ ތެރޭގައި ނިންމާލެވޭނީ ނިކަން ކުޅަދާނަކަމެއް ހުރި ކުންފުންޏަކަށް. އަނެއްކާ ވޭރިއޭޝަނަށް ކިތައްމިލިޔަން ޚަރަދުކުރަން ޖެހިދާނެބާ؟؟ ހަމަޔަޤީނުންވެސް ވޭރިއޭޝަނޭކިޔައިގެންވެސް ބޮޑުއެއްޗެއްނަގާނެ
ރަދީފު ބިން ރަފައިދާ
19 May 2024
އާސަހަރާއަށް މިހާރު ހާދަ ކަރޮޕްޝަނެއް ވަދެފައޭ ހުންނާނީ. އަނެއްކާ މައްޔިތުންނަށް މީގެ އަސަރެއް ނުކުރާނެބާ؟
އަލިފުޅު3
19 May 2024
ކޮންޓްރެކްޓަށް މިސްކިތް އެޅުމަކީ މި ރާއްޖޭގަ ހާދަހާ ވާ ފައިޑާ ބޮޑު ކަމެކޭ!
ހަސަންރަހާ
19 May 2024
4.9މ ރ އަށް އެވޯޑް ކުރި މަސައްކަތެކެވެ. 1 ވަނަ ކޮންޓްރެކްޓަރަށް 3.6މ ދެވިފައެވެ. ދެން ދެވަނަ ކޮންޓްރެކްޓަރ އަށް 4.6މ ދިނީ ހަމައެކަނި ކޮންކްރީޓް މަސައްކަތެވެ. މިހާރު ތިން ވަނަ ކޮންޓްރެކްޓަރ މި ހަވާލުވީ 2.7މ އަށް ފިނިޝިންގް މަސައްކަތާއެވެ. މި މީހުން މި އަގަށް މިކަން ނިންމައިފި ނަމަ 3.6މ ގެ މި ޕްރޮޖެކްޓަށް ޖުމްލަ 10.9މ ޚަރަދު ވީ އެވެ. 3 ގުނަ އަށް ވުރެ ބޮޑު ވީއެވެ. އިތުރަށް 7.3މ ޚަރަދު ވީއެވެ. ކޮންސްޓްރަކްޝަނަށް އސ.ޖ މިއޮށް ގެނައި އިންގިލާބެކެވެ.
ރަދުން999
19 May 2024
ތިޔަ ސަހަރާގެ މަސްކަތް ނިންމުމުގެ ކުރިން އެ ސަހަރާގެ ފާރު ތަޅާލައި އަލުން ރޭނުން އެދެން. މިހާރު އެފާރު މީހުންގެ ބޯމައްޗަށް ވެއްޓެނީ. މީގެ ކުރިންވެސް މިކަހަލަ ފާރުތައް ވެއްޓި އަނިޔާ ލިބިފައި އެބަހުރި. މިކަމަށް ރަނގަޅުކުރާނެ ކަމަށް އުންމީދުކުރަން.
ގޮމާ
19 May 2024
ހާދަ އަގުބޮޑު ފާރެކޭ އެއީ. މިލިޔަނެއްހާ ރުފިޔާ ހަމައެކަނި އެ ފާރަށް ޚަރަދުކޮށްފައިވާއިރު އެފާރު އެހާ ފަސޭހައިން ނުވެއްޓޭނެ. ފާރުގެ ޑިޒައިން މޮޅުކަމުން ވެއްޓިދާނެހެން ހީވަނީ. އެއްވެސް މީހަކު އެކަމާ ބިރުގަންނާނެކަމެއްނެތް.
މަވެސް ބޭނުމޭ
19 May 2024
މަށަށްވެސް ދޭންވީނުން ތިޔަ ޕްރޮޖެކްޓުން އެއްބައި ނިންމަން. ތިޔަހާ ބިޔަ މަޝްރޫޢެއް އެތައް ފިޔަވައްސަކަށް ބަހާލައިގެން ކުރާއިރު މަށަށްވެސް ކުޑަ މަސައްކަތެއް ޙަވާލުކޮށްލިއަސް ސަރުކާރަކަށް ގެއްލުމެއްނުވާނެ. މަ ވަރަށް ފުރިހަމައަށް ކޮށްލަދޭނަން. މަށަށް ހެޔޮ ފުރާޅުމަތި ފޮޅާ ސާފުކުރަންދިނަސް. ދެތިން މިލލިޔަނަށް މަ އެކަން ކޮށްލަދީފާނަން.
މޯޑް.
19 May 2024
މިވަރުގެ ސަހަރާއެއް ހީނުވޭ އަދި މިއުޑުދަށުގައިވާހެން. މަށަށް ހީވަނީ ތިޔަތަން ނިމޭއިރު ޑުބާއީގެ އިންޓަރނޭޝަން އެއަރޕޯޓަށްވުރެ 100 ގުނަ ބޮޑުވެފައި ސަޅިވާނެހެން.
ފެންސު
19 May 2024
ދެން މަސައްކަތް ނުނިންމީމަ ދައުލަތަށް ލިބުނު ގެއްލުމަށް ކިހިނެތް ހަދަނީ؟؟؟
ރަދީފްއޮފިޝަލް
19 May 2024
އެވާހަކަ ބާއްވާ. މިރާއްޖެ އުފެދުނު ދުވަހުން ފަށައިގެން ދައުލަތަށް ކިތަންމެ ގެއްލުމެއް ލިބިއްޖެ. އޭގަ ބަދަލުގަ އެއްޗެއް ލިބުނުތަ؟؟ ނުލިބޭ. އެއީ ސިސްޓަމްގެ މައްސަލައެއް. ނިކަން ހަރުކަށިކޮށް ރައްޔަތުންނާމެދު އަމަލުކުރާނެ މީހަކު ނަގާބަލަ. އޭރުން ގެއްލުން ދީފަ އޭނަ އޮންނަން ޖެހޭނީ ޖަލުގަ.
އަހަންމަދާ
19 May 2024
ދައުލަތުން ހަވާލުވާނީ. އެއީ ރައްޔިތުންނެއްނު ހަމަ ދެރައެއް ލިބޭ ވަގުތު ޖެހޭނީ އެހީވާން. ދައުލަތުން އުމުރާ ހައްޖު ވެރީންވެސް ގެނެއެންނު ނާދެވިފަ ތިއްބާ